老街 (已搬遷) 新店位置

琴日星期日去左食一間台灣野香港雖然都幾多主打台灣既餐廳，但真正好味同係出自台灣的並不多！琴日記去左一間向來都人來人往既「老街」先來一盤小食拼盤，就係鹽酥雞加台灣腸，呢個拼盤真心唔錯，兩樣都係台灣超熱門既小食，兩個既份量都幾多，鹽酥雞上台時，仍然是熱哄哄，還炸得成黃金，味道非常惹味！台灣腸切左片，一片片大家食食下就好快食光了。主食方面，我就點左個蕃茄牛肉麵，有睇開我既食評既話，都會知道我係蕃茄既愛好者，愈濃愈喜歡！呢到既蕃茄湯底都幾濃，重點係超級清甜！牛肉就有幾片，性價比都幾高！