老街 (已搬遷) 新店位置

放學同朋友經過旺角辦完事，友人提意食台灣嘢就試過呢間老街。午餐時間都要等一陣先入得，大概等咗十分鐘左右。我哋两個都點咗碗牛肉麵，可以免費加多一杯熱飲都幾抵。碗麵外觀唔錯牛根腩都有三至四舊，第一淡當然係試下個湯先啦！好鬼淡嘅牛肉味，然後再試下個牛根腩明顯就炆得唔夠時間導致非常硬，好辛苦先咬得開。。。成碗麵最精髓嘅湯同牛根腩我覺得都唔合格，真係有點兒失望。。。不過店員服務態度係幾好，上菜速度都算快，價錢合理都算係咁啦。