老街 (已搬遷) 新店位置

一店兩個裝修, 我們安排走進了最內部的紅磚牆小房間,牆上貼了懷舊的飲品POSTER, 像走進了一間老店一樣.“老街”是台式小店, 滷肉飯,肉燥飯, 鹽酥雞, 各式滷水小食等,當然不少得台式飲品 – 珍珠奶茶.鹽酥雞滷肉飯 - 鹽酥雞切成雞球,內裡的雞肉好嫩, 仲好多肉汁, 好JUICY, 外皮不是太脆,咸味岩岩好, 唔會太重口味. 滷肉份量少左DD,味道好好, 食到一粒粒更大的肉碎, 滷蛋好入味, 白飯的份量好多,岩曬男人食.老街牛肉拼盤 – 拼盤有牛筋,牛肉, 金錢展3 樣.  牛筋超淋超入味, 牛肉及金錢展一樣炆得好淋,絕對無渣, 好入味, 100%推薦!滷味切大腸 – 大腸好肥美,斜切的放滿了小碟, 好甘香, 滿口油甘味, 愛大腸的要試試!夜市小香腸 – 把小香腸切薄片,再灑了少量芝麻, 再配了青瓜絲, 可以把油膩感去除一點.小香腸好香, 小食一流!滷味切豬耳 – 豬耳幾厚身,切成一條條, 脆卜卜的, 一樣滷得好入味!珍珠奶茶 及 胚芽奶茶 – 茶味更淡,唔夠滑亦唔夠奶香.

已經食第三次了，好少去同一間餐廳幾次，試過招牌 台式牛肉麵啲牛肉真係好軟, 最鐘意食牛筋。今晚太肚餓了，要食飯，叫左個排骨肉燥飯， 排骨炸到好鬆脆，好香口丫!估唔到飯又ok wor朋友就叫左個蕃茄辣牛肉麵，仲話可以再辣啲會keep住再去

從契妹的口中得知在 旺角 - 豉油街 有間不錯吃 , 而且經常爆場的台式料理店 .... 就是這家 "老街" , 當天 , 我就和太座去一嚐究竟 ~Menu & 點單紙 ~ 酥炸花枝丸 $ 28 : 一客花枝丸共有四件 , 花枝丸炸得夠酥香 , 咬下去質感煙韌彈牙 , 略略吃得到有花枝粒在內 , 味道當然比不上 澎湖 的花枝丸的鮮味 , 但就跟 台北 的一般夜市的質素差不多 ~ 蕃茄牛肉麵 $ 66 : 一般情況來說 , 我會點紅燒牛肉麵 , 但不知怎樣的 , 當天的口味突然有所變化 , 就點了這個蕃茄牛肉麵 ; 蕃茄湯底味道清甜又帶點微酸 , 牛肉共有四大塊 , 牛肉軟綿入味且容易咀嚼 , 麵條是曲曲的 , 掛湯能力一般 ; 這碗麵非常適合夏天享用 ~ 冬瓜茶 (跟餐加 $ 10) : 冬瓜茶調得不會太甜 , 味道正正常常 , 感覺很消暑 ~本篇完 ~

台灣麵店在香港愈趨普及，大多數的台灣餐廳會打做文青風或高雅路線，但「老街」卻截然不同，故名思義是把餐廳設計成舊式的台灣風格。從黑色趟門以入，可看到餐廳以啡色和木為主，還有石屎和磚牆的設計，兩面石屎牆分別貼上不少舊式的海報和掛著一系列舊式台灣的照片，彷如置身如古老的台灣食肆中用膳，這種濃烈的舊台灣風格在其他台灣餐廳難以找到。當晚與友人一起到來感受一下舊式台灣風味，二人點了3款台灣餐廳必點菜式：最出名的台灣食品之一必然是牛肉麵，牛肉麵一上枱，最有心意莫過於選用了鐵匙羹，非常有台灣風味，麵的粗幼度如米線，麵質軟身，而牛肉大小如叉燒，但肉質非常腍身，幾乎不需用力便能咬開，至於湯底雖然有點油膩，但除了牛肉汁味外還有淡淡的蘿蔔味，少許的蘿蔔清新亦可覆蓋少許油膩感。隨牛肉麵附送一棵白菜和少許酸菜。滷肉飯比想像中來得大碗，相信連男士也會吃得飽，肉燥並不是港式煮法的免治豬肉加蠔油茨，而是用豬肉粒所煮出肉汁撈飯，並有可見的豬肉粒與不可缺少的肥豬肉， 滷肉飯還配上紅蘿蔔和粟米粒和滷水蛋半隻，兩者溫度皆屬冷，而滷肉與滷肉飯溫度屬暖。雞扒外皮除了經滷水腌製外還頗脆身，而且雞肉也很厚身。上圖左邊為炸豆腐，右邊為鹽

成日經過呢間老街都同老公話想試，但係出面成日都排長龍，咁難得同老公假期午餐食得早，所以提早去搵晚餐食😁原來五點幾老街唔駛排隊，仲唔嗱嗱聲入去試😆環境來講好有台灣風味，播嘅全部係台灣歌星嘅歌，我同老公都好enjoy 可能因為早嘅關係，晤駛等又唔逼人正講番D食物，台灣鋪頭最緊要試佢嗰啲滷肉飯便知龍與鳳😏因爲去台灣嘅滷肉飯，隨便一間都好好食，呢間老街我同老公都覺得個滷肉味道有八成似台灣嘅正宗味道👍🏻佢另外加左D粟米同紅蘿蔔粒，令到齋肉嘅一碗飯變得健康D🤣另外因爲太多小食想食，所以就只叫咗個大滷肉飯冇併其他野，小食嘅每一樣都非常美味，尤其是我呢個豆腐怪，見到炸豆腐同皮蛋豆腐簡直同老公搶食吖😆😆最驚喜係個青瓜喎，酸酸甜甜好開胃呀又爽口，👍🏻👍🏻👍🏻👍🏻老公order個面底都好煙銀👍🏻👍🏻面底有九成同台灣一樣，牛肉又夠淋，又入味，牛筋又夠骨膠源嘅感覺麻辣湯底唔算太辣，對於我呢個濃味人來講，係好味道😋下次黎就要試吓佢啲小香腸😏

星期六想過一個懶洋洋的下午, 訓到自然醒後就同老公出去覓食. 今日我地無懼風雨咁去左旺角睇下有咩好食. 一出地鐵真係又熱又迫到想死所以好快咁就坐底左食台灣野. 店內既decoration 好有台灣眷村味道, 入到去同有feel 亦都舒適! 台灣的特式都有齊, 我地都好例牌咁叫左幾樣次次都必叫既食物. Menu design都好靚... 紅燒牛肉麵湯底香濃又唔會油, 麵質都爽滑彈牙. 上面有三片牛腩同牛根, 肥瘦各半唔會太乾,都算係入味. 另外再叫左個鐵路雞扒肉燥飯, 有別於平時一般的雞扒呢個係煎落燒汁而唔係用的酥炸. 個飯都好豐富,上面有菜甫,肉燥仲有粟米紅蘿蔔粒,配埋個燶味的雞扒口味真係十分夾. 正!! 跟餐叫左杯熱珍珠奶茶, 呢個係唯一港式左既地方店員會好似大x樂咁俾包白沙糖我地落甜味😂😂見到時都忍唔住笑左一下. 呢個鹽酥雞味道香口小小一粒粒,一粒一口夠脆又唔會油膩. 最後就係滷水拼盤,呢個就真係同台式唔同.反而係似港式,好焾好入味. 豬耳爽脆,牛根又夠林同滑. 好值得一讚既係豬大腸,洗得好亁淨食落又唔會臭,好味既!!

滷肉米驚見粟米粒😂～《老街》第一次食有粟米嘅滷肉飯$38（大），好新奇但係唔有趣🤢 有時d野，係唔夾就唔夾。牛筋腩麵$58幾好食，鹽酥雞$30（小）好普通～.👅：5/10💰：$126🎏：老街 (旺角)旺角豉油街65號地舖#滷肉飯悟出大道理.#老街 #粟米 #滷肉飯 #鹽酥雞 #牛肉麵 #taiwanfood

平時大家去粉麵鋪叫個牛腩麵，埋單只不過廿多蚊。我相信台灣牛肉麵和香港的牛腩麵普及程度也是差不多，係台灣平均價相信也是少於台幣一百塊，但係香港食個台灣牛肉麵就足足貴了一倍。今日冒名而來這一間餐廳食台灣牛肉麵，看看值不值貴一倍。我叫了招牌麵紅燒牛腩牛根麵。湯底：唔油，味道和過往食台灣牛肉麵湯底相若，飲完後唔口喝，相信無添加味精。牛腩：有三大件，它不像粵式牛腩麵這樣一粒粒骰仔的大小，它被切成長方形，比粵式牛腩大像炸魚片這麼大件，八成瘦兩成肥膏，炆得好淋但不糊，用筷子可以輕易夾走這些肥膏。味道也是不錯。牛根：也是三大件，比平時的牛根硬了一點。炆牛根炆到軟身就會開始糊，但這牛根不糊還可以輕易咬斷，有點咬口，炆的時間適中，其實是很不錯。酸菜：它不是被切成一粒粒而是一條條的，只得菜葉這部份，我大為不解。酸菜唔夠咸唔夠酸，單獨食還可以，但配麵食就太淡口了。麵：整碗麵最敗筆的地方，麵太硬身，好像還未被熟成全熟一樣，每一口像咬近粉團一樣。我曾想過投訴碗麵唔多熟，但費事佢加料畀我就放棄這主意。結論：單是牛腩牛根係值貴一點，但貴成一倍，我就覺得間唔中食一次也是可以。

還記得第一次去台灣是大概十年前，上一次去台灣也是四年前的事了。相約朋友吃晚飯，大家不約而同思念當時在台灣吃過的食物，我便提議嚐嚐這間我一直想試的老街。大約晚上七時四十五分，餐廳外也有一部分客人在等位。先進餐廳裡取飛，在到餐廳外等候。在叫飛的途中，有很多客人都放棄等候不在，所以我們不用等很久便有位了。店內地方不大，在人多的情況下更見擠擁，也不要要求坐得舒服。沒有考慮太久，便決定點紅燒牛肉麵作為當晚的晚餐，試試這道受歡迎的台灣菜。牛肉麵來到，看見配料有3件牛肉，蔥，菜，和雪菜絲。湯底顏色深，喝一口不算很濃但嚐到牛肉的味道。麵條是幼的，跟湯一起吃能把牛肉味滲進麵裡呢。麵裡還有蘿蔔，吸收了湯底的味道，相信有很多人都會喜歡。不得不說的是這牛肉。牛肉呈長型，用上的是牛。吃下去，有濃郁的牛肉味這不用說了，它的質地十分淋滑，完全不用擔心咬不開很硬很黏牙齒，好吃。如要加飲品需加大約$10。尋找台灣牛肉麵味道的你可以來試試啊。

今日我同中學同學聚會，有個friend提議去間台灣餐廳食，咁我地都okay，就去左等位。等左大約10分鐘，我地幾個就可以入去坐。餐牌上有不同款式嘅飯麵選擇，有滷肉飯之外，亦有番茄湯麵等等。我地睇完就叫拌麵同埋一d小食。紅燒牛肉拌麵，牛肉非常入味，麵拌埋d汁，好好味。值得推介。另外，豬軟骨肉燥拌麵都唔錯，d豬軟骨整得好腍，而肉燥不太肥，好食。小食方面就叫左小香腸拼鹽酥雞，雞好滑，腸嘅味道好正，好有台灣嘅風味。

我地叫左2個主食，有個滷肉飯，冇影到相就食左。滷肉係大粒有肥膏果種，唔係雜肉躁，鐘唔鐘意好視乎個人口味。味道偏淡，略嫌肉躁唔夠多，但飯量好夠。炸豆腐拼鹽酥雞豆腐好滑，薄皮都算脆，醬汁酸酸甜甜幾開胃。雞炸得香口，但略嫌有d老，但大大舊味道尚可。紅燒牛肉麵，湯有少少油，但唔會太肥膩。味道好清淡，如果期待好香濃既牛肉湯頭，可能會失望啦牛肉中等份量，尚算軟熟。不能不提我叫左杯桂花冰梅汁，真係好伏，佢冇桂花味，淨係好濃烈既藥水味，我唔知冰梅係咪真係咁既味，但我最後冇辦法飲哂佢。可能原本期待幾高，所以最後有d失望，不過成餐水準都唔係差，只能講不過不失。

推薦指數：9/10台灣牛肉麵好好味！肉夠“林”😋我知原始湯底係最好，但我真係好鍾意番茄湯底丫嘛😭🍅 依間平民價 食物質素又好👍裝修環境幾有懷舊風格！啲小食都唔會差得去邊☺️啲炸物熱辣辣，正！

位於旺角豉油街65號地舖的老街，主打台灣菜。餐廳頗有傳統台式風情，牆上掛滿了不少台灣景點的照片。用膳當天為星期日下午，入座率約八成。餐廳提供的台灣菜或小食味道頗不錯，性價比頗高。點了一客三寶肉燥湯麵，三寶包括花枝丸、貢丸、小香腸。除了肉燥湯麵外，還有拌麵或拌飯提供。貢丸和花枝丸在一端切了個十字，吃的時候更方便。小香腸的外皮脆卜卜的，味道鹹香。麵不會煮得太軟，能嚐到麵粉的麥香。來到台灣餐廳用膳，當然要試試珍珠奶茶。香芋珍珠奶茶的口感頗香滑的，而且珍珠的口感QQ的，不會又硬又實咬不開。小香腸拼鹽酥雞來到了，小香腸切成了一片片，口感又有少許不同，和面頭的青瓜絲吃，味道更清新。鹽酥雞一口一粒，炸得頗香脆，撒上少許椒鹽調味粉，更香口。

成日去台灣旅行，返到嚟香港都依然好掛住台灣嘅美食聽朋友講話有間台灣餐廳味道一流，鐘意食野既我，就梗係要去試下啦。呢間老街，旺中帶靜，食飯時間都依然要等位。但好快就安排到兩個位比我地啦裏面嘅裝修，簡潔，好有時代感，座位闊落舒適，唔會坐到好迫。呢碗牛肉麵，湯底好濃郁，仲有啲藥膳既香味，聞到都流曬口水啦「我吾客氣啦」。而且仲配上酸菜好開胃。牛肉好淋又滑，夠曬入味，一啲都吾干身又吾韌，而且有少少根位，好彈牙，完全吾會痴牙。仲有三大件，真係要慢慢嘆。啲面爽口又彈牙一啲都吾淋，呢面牛肉麵好似帶左我反台灣甘呀，真係必食推介呀男朋友就叫左個番茄湯排骨麵，個湯底酸酸甜甜好開胃，而且份量好大，排骨新鮮炸起，外脆內軟。肉燥飯細細碗，香噴噴熱辣辣，分量適中，似足台灣風格。肉燥吾會太咸，味道濃郁，而且吾會好多肥膏，所以吾會覺得好油膩。鹽酥雞酥炸豆腐，鹽酥雞新鮮炸起，金黃色，外面脆卜卜，入面係滑滑既雞，Size唔會好大，一啖一粒啱啱好，而且仲配上少少椒鹽粉嘅味，一好香口。豆腐係用木魚包住再炸起，新鮮炸起，外脆內滑，豆腐一入口「sir」一聲就已經去到喉嚨配上特有嘅醬汁，必食呀豬耳爽脆，鹵得好入味，爽口彈牙。飲品方面

同朋友約極都未約到去台北所以就近近地係旺角食返餐台灣野先啦6點幾去到,未係晚市最多人的時段裡面座位已經滿左8成左右.,- 紅燒牛腩牛筋麵 $58牛腩炆得好淋又入味, 每一片牛腩都帶一點脂肪, 食完一舊再一舊, 停唔到口牛筋夠爽, 又有豊富的骨膠原, 麵的質地夠彈牙,有口感!!而湯底又一點點辣, 又唔會蓋過湯底本身的牛味, 好惹味台灣滷肉飯(大) $38五花腩的油香帶起香味又不會太鹹份量超級多, 平時少食飯的我,, 呢個份量對我黎講可以食三餐!!- 涼拌小黃瓜 $26小黃瓜夠爽脆, 但麻油味有點重同略縑太甜, 少左蔬菜本身的味道同營養!!- 夜市小香腸 $28每次去夜市都必食之選台灣香腸特色之處, 係較甜而且裡面帶點脂肪, 咁先好食再配上一點蔬菜食, 無咁油膩~~