老街 (已搬遷) 新店位置

一個人食lunch, 經過開呢間老街，突然好想食返碗台灣牛肉麵，唔使去到台灣老遠至食得到，近近地位於旺角就有得食啦第一次來老街食店，店舖裝潢有點古式懷舊，很別緻，這裡地方唔算大，但坐位都很舒適，我一個人無需等位，兩位或以上的要在門口等了，我坐下後當然點了個好想食既牛肉麵啦紅燒牛肉麵~牛肉好腍好入味，湯味夠濃郁但又唔肥膩，加上酸菜伴上面，好醒胃，唯麵質較硬身了點，可惜既係牛肉份量好少，多啲啲既份量就perfect啦

端午節路經旺角, 突然又想食台灣野, 即時搵一搵, 一於試下呢間有眾多好評既 "老街"。一入門口, 鋪面唔算太大, 但店內裝修的確充滿台灣老街既味道, 令我回想返去左深坑老街既感覺事不宜遲, 落單等食。我叫左呢款紅燒牛腩牛筋麵睇一眼既感覺係都OK足料, 味道聞落都幾正第一樣試啖湯先味道夠香濃, 微微辣, 真係接近台灣食到既味道, 但油左啲啲, 對食開清淡少油既人士可能唔太習慣第二樣梗係試牛腩好正, 牛腩大舊夠腍夠牛味, 配埋個紅燒湯底真係冇得頂, 我有一舊仲咁岩痴住唔知咩部位, 咬落爽脆, 好正第三樣試牛筋牛筋夠腍滑有膠質, 唔錯最後試埋個麵麵質偏爽偏硬, 掛到湯, 我個人就好鍾意, 因為我鍾意偏硬身既麵, 但冇咩偏好既人食落可能真係會覺得硬過頭成碗麵入面有4大舊牛腩, 3舊仔牛筋, 1人份量既麵, 仲有一條菜餐飲我冇叫特飲, 只係跟餐+10蚊叫左杯台灣冰咖啡, 但估唔到個味道都係係台灣飲咖啡既果隻味都算係一個小驚喜最後$70出門口, 乘返台幣個價錢, 同去食永康街牛肉麵差唔多, 以香港地黎講算係咁, 有咁既質素真係幾唔錯

路過旺角這間老街，好像滿吸引，便決定入去試試。店面不大，座位可能有點迫，但裝潢設計滿有特色。香芋奶茶 $24 (珍珠加$3)難道吃台灣菜，讓男人點了他喜歡喝的香芋奶茶加珍珠，因為平常我都認為這是色素加糖漿，不能多喝。這裡的香芋奶茶芋香算重，口感濃淡剛好，味道不會太甜。珍珠亦煙韌有彈性，甜度剛好。蘋果西打 跟餐加$12而我加錢要了蘋果西打，每次去台灣都會喝這個，明明香港也有🤣。炸豆腐拼鹽酥雞 $44豆腐皮層薄脆，內裡嫩滑，醬汁甜甜的，不錯。鹽酥雞外層炸得夠酥脆，雞肉鮮嫩，味道亦不會過鹹，一口一粒很好咬。夜市小香腸滷肉便當 $52雖是碟頭飯，但小香腸肥瘦比例剛好，不會太油膩，鹹香中帶微甜，肉質紮實中帶鬆軟，好咬感。滷肉半肥半瘦，有油香夠juicy 夠嫩，送飯一流。配上菜甫和滷蛋，真的不錯。滿漢大塊牛肉乾拌麵 $70配料有花枝丸、貢丸、金錢𦟌、牛腩及牛筋，花枝丸紮實彈牙有咬感，貢丸啖啖肉香菇香口感爽彈，金錢𦟌夠軟稔入味，牛腩肉質鬆軟好咬又夠味，牛筋軟稔度剛好啖啖膠原。乾拌麵麵汁夠香濃美味，麵條軟硬恰到好處又夠彈性，整體味道不錯。這裡的食物份量不少，質素亦算不錯，而服務亦很好很貼心，值得再去。

今天外出工作，路過旺角豉油街附近。到中午時份，又是時候去"覓食"。今次我選擇以台式食店為賣點的「老街」。因為以前去過台灣旅行，吃過道地食物如魯肉飯，牛肉麵及喝過珍珠奶茶等。對於台灣的風味有一定的認知。入進店內，我坐在四人座位。過了一陣子，侍應叫我坐另一張枱。他們待客服務態度是友善。我點鹽酥雞肉燥拉麵及凍珍珠奶茶。鹽酥雞肉燥拉麵有鹽酥雞肉球及肉燥拉麵。賣相可以，份量就少一些。鹽酥雞肉有六塊雞球用椰菜墊底。沾滿岩鹽的炸雞肉，咬起來脆卜卜的，炸粉層不太厚，雞肉粗糙得來又嚡口了少少。味道也十分之咸，把雞肉放進拉麵湯裏味道就剛剛好。肉燥拉麵有肉燥，小白菜及葱花及拉麵。份量不多，賣相一般。肉燥有痩豬肉粒和咸菜碎。肉質粗嚡，淡而無味。好明顯肉燥是改良過的。不像台灣風味般香濃豬油的惹。小白菜，鮮嫩翠綠。腍滑爽軟。拉麵是圓形幼條，米白色的麵條。彈牙爽口，麵粉味重，囗感一般。凍珍珠奶茶，珍珠不太大夥，味道不太甜，奶味不太重，是改良過港式珍珠奶茶。冰塊適中。總體來說，鹽酥雞的味道太咸；反而肉燥拉麵則味道太淡。兩者的口感都一般。以這個價錢享受以上質素的食物有點物非所值。

真係一碗牛肉走香江，溫暖人間台灣味。百味珍饌豪門宴，不如老街一碗麵。唯一令我連湯都飲埋的台灣牛肉麵店。真係食出台灣風味，其他店都不能有這種味道。環境可以亦不用等，可能我在晚上十點後才到。

和朋友去太子花園街行街，血拼完畢之後又感到肚餓了😂，已是晚上10點消夜時間，不想吃得太豐富，朋友提議不如食台灣菜，有很多小食，於是又上OpenRice搵食，近近地就這間老街啦😉一入去成間餐廳的裝修給你第一感覺就是，台灣風，牆上掛滿了台灣特色的海報，雖然已經晚上10點，但是還有客不斷入座，睇嚟應該唔會伏。睇吓有咩食先，雖然不太餓，但是很想食滷肉飯，又想食牛腩麵😂所以決定點紅燒牛腩牛筋麵同小碗滷肉飯試試味道，朋友忍不住想試試台灣的小食，所以叫了炸豆腐拼鹽酥雞。台灣滷肉飯（小碗）$30一上菜先來滷肉飯，滷肉飯的賣相很有台灣的古早味道，也帶有我最愛的五花肉，滷肉飯汁也很香噴噴，這碗滷肉飯是我喜歡的味道，完完全全是台灣風味👍🏻我和朋友爭著吃這碗滷肉飯, 真的很推介啊👍🏻👍🏻👍🏻紅燒牛腩牛筋面＄60再來上了紅燒牛腩牛筋面，麵質和牛腩牛筋 也是非常高質素 ，配料之一 酸菜✨ 竟然也出很出眾👍🏻 不會過酸 味道很平衡🤤炸豆腐拼鹽酥雞＄44 炸豆腐好好味，炸豆腐面層有甜酸醬，酸酸甜甜很開胃，但最主要是外脆內軟，豆腐超級滑。椒麻牛肚絲$28川菜口味的牛肚絲，這裏都有得食，朋友最愛👍五味小茄子＄30鋪滿木魚

#Mongkok#Taiwan is only 2 hrs away from #HongKong and a short trip favorite for many HKese. There are people who would go for a short weekend just to have a legit #beefnoodle. For me, the essence of #Taiwanesefood is none other than braised pork rice. The small portion, the sweet sauce, just the right amount of fat and meat ratio... and the pickle! You can eat it as snack, or as a light dinner. Cattlefish ball was very delicious as well, fresh and deep fried to perfection. And you have to order

請唔到假去旅行都唔使灰心，今日就帶呀媽黎一間位於旺角嘅台式餐廳止止癢，當去左台灣先！餐牌食物款式選擇多，有台灣著名的滷肉飯和牛肉麵。麵有湯麵和拌麵兩種，單是湯麵就已經有蕃茄、麻辣和肉燥幾種口味。鐵路雞扒滷肉飯飯粒很有口感，汁澇埋入啲飯度，好似意大利飯(risotto)。飯配菜是菜寶、粟米和紅蘿蔔粒，入口幾有口感。除左呢啲重有半隻鹵蛋。鹵肉幾大粒，有差唔多成隻手指尾嘅手指頭咁大，真係落足料呀！呢個飯特別嘅地方係飯同雞分開，雞扒另外用一隻碟盛載。開初一望「鐵路雞扒滷肉飯」呢個名以為係鐵板烤雞扒，仔細睇先知係「鐵路」雞扒，至於點解叫鐵路雞扒就不得而知了。雞扒烤得肉質實在，撈左啲甜甜地嘅醬汁，幾好味。蕃茄豬軟骨麵麵很有質感，唔會好腍，有啲煙煙韌韌。成個湯底都係將蕃茄弄成蓉而成的。蕃茄切成碎粒，食到蕃茄嘅鮮味。配菜有生菜，生菜好爽脆，食落去「索索」聲！滷水豬手肉燥乾拌麵麵質同蕃茄豬軟骨麵嘅麵一樣。豬手煮得剛好腍度，方便易咬，重啖啖肉添！呢個麵用左類似日式燒汁黎撈，食落甜甜地。撈埋d青瓜絲一齊食零舍fresh！因為鍾意食茄子就點了「五味小茄子」一試。恕我不是食神，沒有一條可以試得出「五隻味道」嘅舌

今日自己去到旺角食嘢見到有一間台灣餐廳 又突然好掛住台灣菜所以就決定入去食啦我兩點幾去到以為過咗午飯時間會小人啲點知原來鋪頭入邊都坐滿人成朝冇食早餐所以就決定嗌多啲嘢食🍜麻醬乾拌麵乾拌麵嘅麵質最有驚喜 似係有比廚師過咗冷河之後先撈麻醬所以麵質非常彈牙而且好香蛋味而且佢嘅粗又啱啱好有啲似沾面嘅闊度不過麻醬方面對我來講就多咗少少 但係味道就會更加濃😽😻🍤酥炸花枝丸呢度嘅花枝丸入邊有埋一粒粒嘅花枝令到成個感覺更加實在而且炸得啱啱好唔會話仲有好多油係粒花枝丸上面佢再落咗小小調味粉係花枝丸上面 簡直係畫龍點睛嘅效果🦑🥚魚穌皮蛋豆腐喺夏日炎炎既時候要食返個冷盤幫你降降溫依度嘅豆腐對我來講好抵食因為佢有成磚豆腐🤣其他鋪頭得4分1嘅話就會變得好少而且皮蛋都會係糖心嗰一種 好出色😻🍫香濃朱古力加珍珠加杯芽最後仲叫咗杯野飲珍珠本身冇乜甜味但係就夠晒彈牙就算珍珠冇乜甜味啲朱古力都搭夠晒😗

是日跟好友去旺角食好西，呢間小店的位置雖然唔算多人經過，但沒想到一入去至少有七、八座已經入座~~~到呢間小店就諗起十幾年前曾經在樓上的CAFE跟自己一起上莊的朋友食和玩的日子~~~餐牌在店外，方便大家考慮是否入座入到裡面有好多台灣的海報~~~還有好多台灣各地的照片，整體看起來有少少藝文青feel~~~炸豆腐拼鹽酥雞，炸豆腐個汁酸酸地可以引發食慾，鹽酥望落感覺好吸引，食起來感覺軟熟~~~滿漢大塊牛肉麵和台灣咖啡，個麵大大碗，足料又夠好食，我最喜歡牛筋夠軟熟，雖然70蚊碗，但感覺真係物超所值，好過我之前帶作去百樂朝洲，貴得來都唔係物超所值~~~夜市小香腸滷肉便當和檸檬紅茶，個飯感覺中規中舉，可能價錢係有影響，反而叫個貴D的麵係勁吸引，真係一分錢一分貨~~~埋單人均90蚊，感覺OK，最重要係個麵係物超所值，期待再戰另一間分店，看看裝潢有沒有驚喜

呢一間老街次次話食，次次都放棄左，今次確實諗唔到係旺角食乜野，就試試呢間啦，時間尚早，尚未滿坐，入到呢到，店內播著台灣既老歌，環境都好懷舊，甚有60，70年度代的味道，好有意思！之前已經知道要食D乜嘢，叫碟鹵水拼盤，細碗魯肉飯，同一杯香芋珍珠奶茶，鹵水拼盤有牛筋，鹵水蛋，豬大腸同豬耳仔，份量多，牛筋好淋，幾入味，可惜豬大腸唔太入味，好淡，豬耳仔夠爽又有骨膠原，蛋就普通，可以再入味D就更好，至於魯肉飯就好多肥肉 飯夠熱同粒粒分明，又軟熟，而杯香芋珍珠奶茶好正，好香的芋味，甜度適中，奶味香濃，珍珠夠彈牙食物上的味道可以入味D就更好

今日同朋友黎旺角shopping 行到又熱又餓就過左黎食台灣野自己平時已經超鐘意食台灣野食架啦！上網見到專登過來一試佢地入面都好靚有小小懷舊既feel 唷過到去仲有lunch set 揀。。好扺食首先我地叫左個滷肉飯🍚 好味道， 滷肉滷到岩岩好 加埋粟米同滷蛋係入邊， 一口一啖滷肉 好正唷，而且仲好大碗good盬酥雞台灣腸拼盆雞粒細細粒，炸到好脆啵啵超級新鮮即炸， 鐘意食炸嘢既我梗係一定要試啦 仲配埋台灣腸五味小茄子🍆 必食喔！ d茄子勁入味同d醬配埋一齊真係啱啱好， 再放埋d柴魚碎落去 真係想像唔到咁好味同咁夾台式豬手 一碟有六件食落去好似食咗啖啖既骨膠原 而且豬手整得超級入味之餘仲超級淋蔥香青菜 超級健康之選 青菜上面放咗好多炸蒜 超級香炸之餘又大失健康喔

-紅燒牛肉麵🍜（$60）紅燒牛肉麵嘅賣相十分吸引，湯底十分香濃， 麵食落比較彈牙，煙韌，而且麵上面仲有好多酸菜😀香蔥，一條菜 再配上 三大件牛肉🥩牛肉食落超級淋，肉質好滑😍一咬就鬆開，真係煮到入曬味，真係好鍾意依個牛肉麵🤗-紅燒牛腩牛筋麵🍜（$60）依個牛腩牛筋麵 都係有酸菜，香蔥，一條菜再配上 三大件牛腩和牛根🥩，煮都好淋😋，好好食，牛腩肉質嫩滑，同樣，麵食落都好彈牙，十分Like 👍🏻-胚芽奶茶🍹（加珍珠）（$15）奶茶味不算太重，而且不太甜（我比較喜歡飲不太甜的奶茶），而且珍珠比較細小，沒有口感，不太煙韌😀-百香果QQ綠茶🍹（$12）依杯飲落真係好甜，下次飲一定要少甜，有好多珍珠和椰果係杯低，都算足料，不過飲落真係超甜😢-滷味切豬耳☺️（$28）豬耳嘅份量都好多，食落十分爽口彈牙😋，仲有好多芝麻係豬耳上面，食落好香😊，而豬耳切成細細條, 方便進食，而且豬耳鹵得都幾入味，味道不錯😃-涼拌小黃瓜🥒($28)依個小黃瓜食落比較甜，不太爽脆，但我就幾鍾意食依碟小黃瓜，充滿驚喜的涼拌小黃瓜-酥炸花枝丸 🍢（$ 28 ） 每份有點粒花枝丸 , 花枝丸炸到香😆 , 食落煙韌而且十分彈牙 , 仲食

朋友食過介紹呢間臺灣小店，試咗3樣野：酥脆鹽酥雞（小）$32麻辣牛筋牛腩麵 $64紅燒牛筋牛腩麵 $60熱珍珠奶茶 $11小份酥脆鹽酥雞有約7粒，好夠脆又夠濃味，可以一試！牛肉麵比較推介紅燒，湯底濃郁！相反麻辣太油，完全係辣油浸麵，吃了一半就覺得太heavy！牛筋份量好多，又淋又彈牙，滿滿膠質好滿足🤤 反而牛腩失望，太鞋食到痴晒牙🙈熱的珍珠奶茶要自己加白砂糖，沒加糖完全係奶水，茶味不夠濃，可能冷飲比較好

要同一個老人家搵野食都幾難架，皆因老人家好多野都唔食，炸、煎、炒、焗，樣樣野都唔食，所以搵野食都咪話唔難！今日小妹帶啊婆黎食呢間餐廳，全部都係賣台灣野食，基本上除咗麻辣系列之外，大部分餐點都好岩老人家食紅燒牛腩牛筋麵 ＄60牛腩同牛筋炆到好淋，而且有一陣陣滷水既味，食落好香。麵質方面，煮得岩岩好，唔會太淋，連啊婆都讚好，仲話好味過係台灣食！湯底方面，睇唔到好油膩或者好多油既感覺，飲落都好清，水準不錯麻辣鹽酥雞麵 ＄55首先個湯底好入味，麻辣方面，小妹覺得好似愈食愈辣咁，不過辣既程度又唔係話真係好高。不過呢款菜式最特別既係鹽酥雞！台灣鹽酥雞多數係一大片雞扒，但呢到反傳統，將鹽酥雞變成雞球，炸粉漿好薄而且每粒雞入面都仲好Juicy，真係估唔到咁好食，小妹至Like！台南滷水豬手 ＄48豬手有5隻，大約＄10／隻，價錢都唔平。部分豬手炆到入味同淋，但部分就唔太淋，如果可以炆耐少少，相信會更好。不過D豬手實在太多毛～如果店家可以稍作處理，會更加吸引魚酥皮蛋豆腐 ＄32魚酥即係肉鬆，基本上肉鬆配咩都好食～呢款小菜有皮蛋、豆腐、肉鬆、木魚及秘製醬汁。醬汁類似蠔油但相對無咁咸同埋唔辣，啊婆都食得。不