老街 (已搬遷) 新店位置

我好鍾意食蕃茄既野食。市面要食番茄既野食，一般只有茶餐廳先有。今次見到老街門口既二拉架顯示有一小系列既番茄麵，所以走入去食下。進入餐廳，裝修都幾有風味，座位密密麻麻。我叫左一碗番茄排骨麵同蘋果西打。蘋果西打：幾好飲，唔太甜。蕃茄排骨麵：麵既份量非常十足，比平常既麵底較多同大碗。蕃茄湯底濃郁，番茄味足夠。麵質方面，麵條較正常粗，我略嫌有點腍，我估係煮耐左。排骨非常大件，脆漿比例屬正常，排骨脆口，肉質唔太韌，屬抵食之選。