老街 (已搬遷) 新店位置

路經旺角此地，見到依間台灣店好多人食緊，咁我都唔客氣咁好八卦咁入去食試下食。我叫咗一碗台灣滷肉飯(大碗)試下。台灣滷肉飯(大碗)：完全冇諗過呢碗滷肉飯真係好大碗，其實兩個人食都會飽。剎那，我好後悔我叫咗呢碗飯，因為咁樣我就叫唔到其他野食。滷肉飯既飯面有滷肉、紅蘿蔔、粟米、同椰菜粒。蔬菜類係冇味道可言嘅。而佢既滷肉除左有肉燥外，應該仲有D肥豬肉，我估係五花腩之類既食物。我食左少少之後就覺得有點膩，但係滷肉汁送飯的確係一流。