影片
港鐵尖沙咀/尖東站 A1 出口, 步行約3分鐘
繼續閱讀
電話號碼
26289888
營業時間
今日營業
11:00 - 23:30
星期一至日
11:00 - 23:30
以上資料只供參考, 請與餐廳確認詳情
有關獎賞計劃
相關文章
尖沙咀🚇亞士厘道呢間「翠林辣蟹舫」真係名不虛傳👍！一上到去，就見到牆上面貼滿曬啲明星同埋名人嘅簽名同合照🌟，真係星光熠熠✨，難怪係網紅蟹店啦！今次嚟到🤩當然要試吓佢哋嘅招牌菜「避風塘炒蟹」啦🦀！仲要撞正佢哋做緊五折優惠💰，真係抵到爛🤤！一上枱嗰陣蒜蓉嘅香味撲鼻而來😆，真係未食都已經流晒口水💦。隻蟹好大隻，蟹肉🦀結實飽滿，鮮甜彈牙😋，配埋嗰啲炸到金黃香脆嘅蒜蓉🧄同辣椒，真係勁香辣惹味🌶️，每一啖都充滿住避風塘嘅風味🌊，好食到停唔到口！沙薑焗白鱔外皮金黃香脆🐟，魚肉爽口嫩滑，而且完全冇腥味🥰。沙薑嘅香味完全滲透入魚肉裡面💫，食落好有層次感✨，鹹香得嚟又帶點沙薑嘅獨特風味🤤，真係令人回味無窮。生焗黑毛豬排焗得啱啱好🐖，豬肋骨邊嘅肉特別軟嫩多汁💦，因為用嘅係黑毛豬所以肉味特別濃郁🍖，加上獨特嘅調味醬汁🥄，食落味道好豐富👍。木魚花燜豆腐上面鋪滿晒🐟木魚花，食落帶有淡淡嘅木魚乾鮮味👏，豆腐燜得好入味，口感滑嫩✨，味道清甜，簡單得嚟又好食😋，係一個好舒服嘅收尾☺️。
繼續閱讀
早排同朋友去咗翠林辣蟹坊，招牌炒蟹做緊五折優惠，一隻都係$344‼️一坐低就有花生小食，等菜上枱期間慢慢嘆。主角一定係避風塘炒蟹，我哋叫咗小辣。蟹大隻，炒得乾身，蒜香味十足，啲辣椒同炸蒜超惹味。蟹肉新鮮彈牙，食落啖啖肉，每啖蟹肉都吸晒避風塘香料精華，真係食到唔停口，越食越惹味。黃金流沙蝦球都超推介咸蛋黃流沙外層好脆，入面啖啖蝦肉，鹹香濃郁但唔會膩，好有層次。沙薑焗白鱔鱔肉厚身滑溜，沙薑味香而不嗆，焗得啱啱好，魚味同薑味好夾。生焗黑毛豬排即叫即焗，所以要等多一會，豬排肉質鬆化，外層帶微微焦香，咬落去肉汁豐富，有青瓜椒絲可以去一去膩，正。
繼續閱讀
經過見翠林辣蟹舫餐廳，掛出8周年慶🔥，5款不同口味的蟹🦀，同埋花膠雞都做緊半價優惠💥， 就進入開餐囉。避風塘炒蟹，蟹經已處理妥當，輕鬆的就可以將佢剝殼，蟹肉鮮甜多汁，加上有炒過的蒜蓉及辣椒的香氣，多重風味的經典港式風味，香口惹味。韮王炒蛋蝦仁，蛋炒得嫩滑，蝦仁🍤爽口彈牙的，配韮菜炒更可口。木魚菜心豆腐，簡單又好吃。紫薑欖角肉骨，輕炸過的肉骨調味得恰到好處，味道甘香不會過咸。今晚食得好滿足😌，輕鬆愉快嘅晚餐。
繼續閱讀
海鮮控嘅我想食呢間翠林辣蟹舫好耐！而家指定菜式半價，抵食！🦀避風塘炒蟹勁大隻嘅避風塘炒蟹😍而家仲有半價優惠，勁正😍大隻嘅蟹真係易食好多又啖啖肉，肉質鮮甜大滿足，連埋炸蒜一齊食超正超惹味，辣度仲可以自己揀～🦐黃金流沙蝦球蝦球又係好大隻，炸完再包住黃金流沙，邪惡好食🤤🐮黑蒜牛仔粒牛仔粒好腍，好易滑，炒得夠鑊氣🦆砂窩薑味鴨估唔到呢個鴨又幾正，好夠味，薑味重，熱辣辣🚩翠林辣蟹舫 (尖沙咀) @greenland.spicycrab 📍尖沙咀亞士厘道24-38號天星大廈1樓A號舖
繼續閱讀
FD好中意玲子姐，睇到玲子姐來咗哩間網紅蟹店食螃蟹，一定要來試試。餐廳裝修得古香古色，晚市入座近8成，真係好旺下。餐廳宜家做緊promotion，指定菜式半價優惠，每月都會更新menu。韭王滑蛋蝦仁，滑蛋炒得夠曬鑊氣，蛋香濃郁滑嫩得嚟又唔會太生，蝦仁大大只好爽口，食落鮮味十足。韭王嘅清香同雞蛋嘅濃郁完美結合，每一啖都充滿層次感。水煮小龍蝦，用水煮做法烹飪小龍蝦，真係好特別。小龍蝦吸收湯底嘅精華，食落麻辣鮮香，蝦肉爽口彈牙。底下配料好豐富，有木耳，藕片同青瓜，配料吸滿辣汁，食落好惹味。 避風塘炒蟹，今晚D重頭菜，會拎一盒螃蟹出來比客人揀，隻隻螃蟹都好生鮮，價錢有平有貴。因為中意食辣，所以揀咗避風塘做法。螃蟹外層炸得金黃酥脆，內裡蟹肉鮮甜多汁。蒜茸同麵包糠炒得夠曬乾身，香口得嚟又唔會太油膩，同蟹肉一齊食，蒜香十足又可以保留海鮮嘅原汁原味，玲子姐推薦得好好。蠔仔肉碎煮葡瓜，蠔仔個頭唔算好大，不過粒粒飽滿，食落軟嫩好新鮮。葡瓜切細條，煮得軟腍入味，葡瓜吸曬蠔仔同肉碎嘅精華，清甜中帶啲鹹鮮，味道層次好豐富，係好家常嘅一道餸。
繼續閱讀