翠林辣蟹舫

想食蟹又就腳，比我食到久違了的蟹味無令我失望！早黎人唔多，訂位食蟹送污糟雞半隻有d酒家feel但座位舒服好多，先黎一壺香茶同花生，花生係唔可以唔食，唔知點解花生味道比平時食嘅濃郁2倍，停唔到口。 主角係香辣醬油蟹，濕潤嘅醬汁惹味非常，蟹肉新鮮易剥。蟹肉兩種味道，就咁食夠鮮，沾醬汁濃味惹味，兩個人食一隻都勁滿足！豉椒炒蜆隻隻蜆殼都有肉喺入面，絕無欺場。豉椒均勻，香辣惹味，而且蜆肉好大粒下！正！送嘅污糟雞黎到我仲以為佢送錯，份量多不特止，仲好好味！加上紅棗同薑絲荷葉放底升到啲雞滑一滑又入味，搞到我叫多咗碗飯。蒜茸番薯苗都好嫩口呀！薯苗用蒜茸炒香，送飯無得頂！

之前一直都想黎翠林辣蟹舫，因為有時經過門口，都見到好多餐廳老闆同明星嘅合照相，相信餐廳應該又番咁上下水準，已經喺餐廳餐廳做緊半價優惠，所以冒着肺炎嘅危險都要出黎食餐飽我同朋友就叫咗個麻辣雞煲，而家都只係八十幾蚊，呢度係半隻雞既份量，但係其實都相當多，材料就有芹菜、蒜頭、冬菇、木耳、豆卜、花椒、八角，之前食過咁多餐廳嘅雞煲，呢度嘅雞肉就係最滑啦，而辣味其實唔算太濃，所以唔食得辣嘅朋友都可以一試登登登登我期待而舊嘅香辣醬油蟹終於到啦，連裝蟹個器皿都架勢過人一大隻蟹依家都仲係做緊半價，二百幾蚊，呢個價錢仲可以係邊度搵到啊蟹鉗其實都開好咗，我好輕易就可以搣到咁完整嘅蟹鉗食落真係啖啖肉，仲要吸晒啲辣味，正呀呢部通菜都唔可以睇小，一埋枱就渣渣聲翠綠色嘅通菜配上鮮嫩嘅蝦仁，真係冇得頂呀

成日食西餐既我地，今次難得去食中菜。黎到尖沙咀既翠林辣蟹舫，好似好出名呢，一出𨋢門見到既簽名牆，唔少紅星都黎過！脆脆米浸花膠一碗有很多花膠呢，我地3個都夠分，個湯味道好濃，感覺上好補呢。鮑汁鳳爪平時少食鳳爪既我，覺得都唔錯，幾入味又易咬。黑松露意大利菇龍躉球這個菜式我很推薦，龍躉很surprise，肉質很鮮嫩，外脆內軟，滿分。連伴碟既菜都鮮甜，可以食哂！白雪紅梅骨有啲似咕嚕肉既小炒，好有鑊氣，但伴碟的生果令整道菜沒有熱氣既感覺，多吃幾口都唔怕。香辣醬油蟹今晚既主角，每台都必點的。店員會提供蟹鉗同手套，加上本身已斬件，食得幾輕鬆的。蟹炒得很香口，肉質結實，微辣幾惹味，感覺有酒就完美了。海苔脆脆必食推薦，朋友話係蛋散，我第一次食，睇落係炸但完全唔油，加埋海苔同蜜糖少少甜，幾好味呢，食到停唔到口。

友人說想食蟹，以前食過橋底那間，感覺一般聽聞這間不錯，便三人行來試個究竟一出LIFT已看見門口的簽名牆，原來不少名人也到訪過包括廚藝出眾的鼎爺，和在內地紅得發紫的CHEF NIC鮑汁鳳爪 鮑汁味濃郁，熱辣辣時食口感軟腍冷掉肉質會變得煙韌，建議熱食較好食黑松露意大利菇龍躉球黑松露味香得來柔和，沒有遮蓋龍躉的鮮味龍躉肉新鮮，肉質彈牙配上啖啖肉的燒烤蘑菇，滿足香辣醬油蟹蟹已斬件，蟹味鮮甜三人每人都能夠食到三大件，和平分享香辣醬油只是微辣，醬油很惹味，單食的話味道會偏鹹，但用來送飯是無得輸白雪紅梅骨 是很夠鑊氣的一道小炒酸酸甜甜的醬汁食完濃味的醬油蟹食是令味覺有重新的感覺脆脆米浸花膠想不到脆米浸在湯裡還有點微脆的口感上湯清甜，花膠厚身，食時感受到有豐富骨膠原這無疑是女性養顏恩物海苔脆脆勾起了童年回憶食時超級鬆脆，很久沒有食過如此高質素的蛋散甜度又剛好，味道令本人感動總括而言，味道的確不俗，感覺比橋底的好服務態度慇懃，值得一試

阿女阿仔由細到大都喜愛食蟹，但我就是不敢劏惟有要幫襯外面食肆啦！雖則價錢會貴些，但能滿足他們食慾之餘，又能安安樂樂地享受美食亦是人生樂事。翠林辣蟹舫出名食海鮮，已有大半年沒幫襯過；難得今天大家有空齊齊吃飯就一於舊地從遊去食過飽飽。鮑汁鳳爪 首先來個小食先，鳳爪大大隻，鮑汁味濃和炆得很腍；膠質豐富。香辣醬油蟹這間食肆本來避風塘炒蟹係最出名的，但覺得冇乜新意一於接受服務員意見試吃香辣醬油蟹。這是廚師新創的菜式，自家製醬料和辣椒炒得份外惹味；最重要是無減蟹肉鮮甜。而隻蟹份量都頗大，所以食落啖啖肉；幾乎十隻手指都出齊。紅莓班球班球炸得皮薄鬆脆，肉質結實鮮甜；混上紅莓汁酸酸甜甜，味道唔錯幾開胃。蜜桃格格骨與一般咕嚕肉差不多，沒太驚喜；只是太耐冇食偶爾食下感覺唔錯。脆脆米煮花膠花膠滋陰養顏，爽脆清甜的青瓜做配搭是我第一次食。以奶白濃郁的魚湯一齊炮製，再夾埋炸過D米脆卜卜令口感豐富不少。

跟朋友到尖沙咀行街，見到一間門囗好多明星相既樓上舖，主打食蟹，打算一試，反而點驚喜。入座後，老板娘向我們介紹了幾款菜式，在此跟大家分享分享。紅梅斑球其實不是斑球，有四大斑塊連皮炸，炸得金黃色，不帶油，斑塊上的甜酸醬帶出魚的鮮味，爽脆可口。蜜桃格格骨還以為普通咕嚕排骨，同樣是甜酸味道，但排骨是先炸後炒，肉質好脆囗，而且肉跟骨吃時不會黏著一起，像吃肉腩一樣，跟平時的咕嚕排骨不一樣，不是三色招，是炸了的蕃薯粒，同樣爽脆，像吃薯條，加上蜜桃更給排骨帶上一點果香味。脆脆米煮花膠可以說是完全無油的清雞湯，喝來很淸但滿有雞味，很好喝，內面加了芹菜、雲耳、青瓜，當然少不了花膠及脆米，花膠份量也不少，很彈囗，難得雞湯沒有一點油，整鍋湯都喝光了。鮑汁鳯爪跟平日吃的不一樣，鳳爪烹調後保留原有的樣貌，不是像斷枝那樣，加上鮑汁很甜美，皮跟骨吃來還是很分明，如果能稍稍冧一點會更好。香辣醬油蟹整晚最期待的，沒有令我們失望，醬油很惹味，老板娘說這是新菜式，師傅花了很多心機調製香辣醬油，蟹使用肉蟹，連同醬油一起吃，吃得愛不釋手，而且辣醬油沒有蓋過蟹的鮮味，相反相得益彰，是一項成功的新菜式。

我好中意食蟹, 自己係屋企煮又欠缺穫氣, 出街食怕被呃秤又怕海鮮價超出預算~ 今日剛巧有位內地同事到港, 從旅遊書得知尖沙咀有間炒蟹專門店---翠林辣蟹舫, 又正又抵食, 連我呢個本地人都未試過, 於是今晚就相約一試!係樓下張貼左唔少名人幫襯,翠林辣蟹舫沒有豪華裝修, 但地方整潔, 設卡位, 更有VIP房。黎到當然必點【香辣醬油蟹】HK$588辣蟹被斬件, 再拼回完整賣相上碟; 辣醬油味慢慢散發, 聞到都流哂口水...蟹膏唔算多, 但味道甘香, 蟹身部位似乎被拖過油, 似有薄薄炸皮包住, 炸皮完全索左辣醬油, 令蟹身平均沾到醬油, 味道平均, 更保留到蟹肉原汁鮮甜味, 辣醬油沒有覆蓋蟹既鮮味, 反而愈食愈惹味。【黃金流沙蝦球】HK$56蝦球炸後表面不帶油膩, 入口很脆, 內裡既蝦鮮甜juicy又爽口, 配上沙律醬 (醬中混入了果粒同埋青瓜粒), 甜甜地帶點清新, 又不失口感, 配搭很match!【香辣福菜花】HK$88椰菜花炒得有穫氣, 口感keep到爽脆, 帶少少辣【黑松露斑球】HK$128松露味非常突出, 斑球質地嫩滑, 食落冇雪味, 打左個茨汁, 好似平時係酒樓既食到既質素差不多

第一次食依間翠林辣蟹舫, 當然要試試佢嘅蟹🦀💁🏻‍♀️香辣醬油蟹個醬唔會得個"辣"字, 係真係好香好惹味!!由於本身我唔算好食得辣, 餐廳應我地要求減左少少辣~因為係肉蟹, 所以個份量其實都好多~蟹肉夠鮮甜, 連埋個香辣醬一齊食, 正‼️💁🏻‍♀️紅梅脆斑球食脆斑球我最怕層粉好厚好硬, 依度嘅脆斑球完全無依個問題!!新鮮龍躉肉外面包一層好薄嘅粉, 外脆內嫩, 一食落去就知有幾新鮮~重點係要配埋個紅梅醬汁, 夠開胃!! 佢唔係好假溝出黎嘅普通紅梅汁, 店員叔叔話係用新鮮紅梅打汁, 唔怪得咁特別🤩另外值得一提嘅係, 店員叔叔姐姐們都好好服務, 笑容滿面😄

🦀🦀🦀🦀講左咁耐食蟹～今日終於坐言起行Book枱！香辣醬油蟹🦀 （推介👍🏻👍🏻👍🏻）好正啊～原來呢道菜系新出嘅！炒得超香既醬油蟹超級入味，有小小辣辣地蟹肉嫩滑吾會煮到太熟或好乾咁，味道好鮮甜😋坐我格離果個平時吾食辣，但今日食到冇停手😅蟹鉗好多肉啊😍 差吾多3分二手掌長度好大隻蟹～好大隻蟹～好大隻蟹～。可以話系必食菜式～黃金流沙蝦球-$28/隻咬落系超香脆既炸蝦球💕💕外皮厚度適中食得出系好濃厚嘅鹹蛋黃味，入口冇油膩感下次再食多幾隻😍黑松露斑球情人節前夕聽說系廚師特別炮製平時冇咖💗松露混入中式既煮法😳斑球入口好香滑，大菇滑得黎配埋斑球就更有口感，松露同斑球簡直就系my favour ，旁邊仲有菜苗，仲有好靚嘅蘋果天鵝🦢伴碟💕💕香辣福菜花晚餐點都要有碟小菜，所以就隨便order左道菜，小小辣🙈對於無辣不歡既我黎講～呢種程度送飯一流海苔脆脆酥 一食就食吾停口，系晚餐後既甜品平時對炸既甜品冇咩興趣今日反而食得好滿足😋😋

年三十晚同一大班親戚食飯，本來來費時影相寫食評不過呢間真係唔寫唔得因為啲嘢食真係好好食呢到嘅招牌菜係避風塘炒蟹，我地叫咗一碟要小辣嘅，另加香辣醬油蟹，黃金流沙蝦球，元貝蒜蓉粉絲，蒜蓉炒豆苗，黃金豆腐，蜜桃咕嚕肉，仲有碟避風塘海鮮炒飯先為介紹下今次嘅主角，避風塘炒蟹呢碟嘢唔講得笑，個避風塘落好多蒜蓉，食落唔會話太過乾而且口入面散發出好正嘅香辣感，好正 蟹肉同蒜蓉個種香辣嘅味道互相輝映，係我食過最好食嘅避風塘炒蟹靜係d蒜蓉碎已經可以撈幾碗飯食呢碟黃金流沙蝦球亦係非講不可，嚟個close up先呢味餸咬落香脆內軟，外層有好香嘅咸蛋香，但又唔會搶咗蝦肉本身嘅味道，蝦肉個味道亦好出，兩者加埋好夾好好食 但我完全唔覺得佢係流沙囉元貝蒜蓉粉絲真係好大隻元貝，佢用蔥同蒜蓉一齊蒸，再加小小鼓油調味，元貝幫你去埋內臟，好新鮮好好食呢個黃金豆腐真係冇得輸, 食落去香脆內軟，外脆嘅脆皮同豆腐嘅軟滑層次分明，而且豆腐嘅豆味特別香，真係超好食仲有呢個炒飯都好好食，好有獲氣，避風塘嘅香辣味同炒飯融為一體好鬼香，真心好好食蒜蓉炒豆苗都好食，不過有小小辣辣地扣咗小小分香辣醬油炒蟹 食到好香蟹油味，d辣油入晒味每一啖肉到

最近好友因為韓文考試，連續幾個星期也在圖書館中渡過。但是忙裏也要偷閒，趁著星期日，特別讓他到尖沙咀吃一餐蟹宴，為他家加油。翠林辣蟹坊位於尖沙咀亞士厘道。尖沙咀地鐵站A出口出發不用十分鐘便到。地點十分方便就腳。我們一行二人共點了幾樣小菜一起分享。 香辣醬油蟹(⭐⭐⭐⭐⭐)一場嚟到當然叫了這裏的招牌蟹。由於之前試過了避風塘炒和黃金流沙這兩種烹調方法，於是這次便叫了小辣香辣醬油蟹。餐廳用的是越南大肉蟹，大隻而且新鮮。一份大約有六至七件，兩個人分享剛剛好。而且師傅十分細心，事先已經將蟹肉斬件和把關節敲碎。這一來令蟹更加入味，另外也方便了我們品嚐。一吃上口便知道上等貨，肉質結實，啖啖肉，絕無欺場。相比起避風塘和黃金流沙兩種烹調方法，香辣醬油炒沒有那麼乾身，但依然那麼惹味，有點兒像XO醬，又有點鹹香，層次感豐富。雖然這是肉蟹，但是蟹蓋的蟹膏也不少，吃起來較為結實。唯一美中不足是我們花了太多時間吃這個醬油蟹，吃完的時候其他菜也涼了。下次一定要記住先吃蟹，之後才點其他餸。潮式酸菜魚(⭐⭐⭐⭐⭐)相比起近來大行其道的深圳酸菜魚，這個本地菜明顯更勝一籌。首先，廚師是用龍躉片，吃起來肉厚而且彈牙。相比起常用

十二月是名符其實的蟹月，每個星期平均吃上兩三頓蟹，今天晚上朋友聚會，一行四人又再吃蟹。首先有蒜茸粉絲蒸刀貝，刀貝每隻很大之餘火喉控制剛好，貝身彈牙，而且粉絲的量把整隻刀貝蓋過，粉絲愛好之人如我實在很高興。然後是潮式酸菜魚，酸菜量多，跟辣椒的比例放得剛好，不會一味的酸，有層次。龍躉魚肉嫩滑，實在夠開胃。每人加點了一份黄金流沙蝦球，球裡面是真材實料的越南大蝦，沒有混合多餘的肉或菜碎，蝦球面鋪上滿滿的咸蛋黃碎，咸香十足。這一次我們試的大蟹是醬油蟹，蟹肉嫩滑，沾上秘制辣醬，辣度夠以外很香口，而且連蟹肉都已經非常入味，喜歡吃辣的我們實在不能抗拒這個醬汁，師傅的手藝真的厲害。美食加上一群好友，這個晚上大滿足。

位處尖沙咀的翠林辣蟹舫,應是區內少數以中式辣蟹為主打的食肆之一;以出品平靚正之高性價比,引致我與幾位好友約局了這次12月之星的晚餐!其實對上一次來過已留下極佳印象,至於路線如何走還有少少記憶,但是用Openrice大神的地圖功能,清晰的指引下很快就來到了今次的主場;店名的招牌較為搶眼,而且有強烈的空間感;店內的裝潢走簡潔舒適路綫,而且偏向西式風格;配合以灰白色為主調,燈光也夠明亮的;而抽風與冷氣也俱足,沒有種油膩的味道,帶來清爽感!菜單的選擇都是主打的菜式,尤其是店名所稱謂的辣蟹,除了避風塘式,還有似乎是新近推出的香辣醬油蟹,確是集中了精華菜式!大家看了菜單,交換意見後很快有了定案,就馬上落單了;第一道前菜--黃金豆腐,在友儕間的歡聲笑中突然出現,一陣油香味已飄散在空氣中;炸得酥脆的外皮一點都不膩口,而中間幼嫩細滑的豆腐,有股清清的豆香,外濃內淡形成美妙的平衡!黃金流沙蝦球,若是喜愛煎炸食物的,基本上也是非點不可!以中式炸物來說,此物那種脆口感差點比得上日式的天婦羅;外層的鹹蛋脆粒與粉漿,以極之脆嫩的質感在牙齒與舌尖上輕輕磨擦,傳來是'索索'的聲音!以輕度的油份,帶動著鹹蛋的鹹鮮,為爽