翠林辣蟹舫

之前一直都想黎翠林辣蟹舫，因為有時經過門口，都見到好多餐廳老闆同明星嘅合照相，相信餐廳應該又番咁上下水準，已經喺餐廳餐廳做緊半價優惠，所以冒着肺炎嘅危險都要出黎食餐飽我同朋友就叫咗個麻辣雞煲，而家都只係八十幾蚊，呢度係半隻雞既份量，但係其實都相當多，材料就有芹菜、蒜頭、冬菇、木耳、豆卜、花椒、八角，之前食過咁多餐廳嘅雞煲，呢度嘅雞肉就係最滑啦，而辣味其實唔算太濃，所以唔食得辣嘅朋友都可以一試登登登登我期待而舊嘅香辣醬油蟹終於到啦，連裝蟹個器皿都架勢過人一大隻蟹依家都仲係做緊半價，二百幾蚊，呢個價錢仲可以係邊度搵到啊蟹鉗其實都開好咗，我好輕易就可以搣到咁完整嘅蟹鉗食落真係啖啖肉，仲要吸晒啲辣味，正呀呢部通菜都唔可以睇小，一埋枱就渣渣聲翠綠色嘅通菜配上鮮嫩嘅蝦仁，真係冇得頂呀