神燈海鮮酒家 (亞太中心)

今日跟🐧🐧 財主食餐豪嘅😋 去咗尖沙咀嘅神燈食餐勁高質嘅中菜😚 環境明亮寬闊，坐得好舒服👍 職員殷勤有禮✅ 服務態度一級棒😎 同屋企人黎食絕對舒心又享受❤️ 叫咗幾道餐廳推薦嘅高質小菜😋 首先係令人驚豔嘅黑松露玻璃燒鵝😍 依度¼ 隻已經排得滿滿，好足秤份量十足👍 燒鵝肉質軟嫩鮮美，醮上香濃嘅黑松露醬，馥郁嘅滋味令人回味無窮✅ 蜜汁脆燒鱔外層焦香薄脆，內裡魚肉嫩滑鮮香，蜜汁調味令脆鱔甜甜地好惹味😋 伴飯一流🥰 想清新d 可以加d 檸檬汁，幾正🌟 伊比利亞叉燒皇當然又一必叫力作✅ 原條以木托盤送上，離遠都聞到叉燒嘅肉香🤤 半肥瘦恰到好處❤️ 油香滿溢，肉嫩多汁，甜美又可口，食多幾碗飯都仲得😍 特登叫咗個港式特濃雞湯翅❤️ 內裡真係有原隻雞同埋八両翅架😍😍😍 好足料勁有誠意😚 雞湯濃郁但不會肥膩🤩 湯翅彈牙有嚼感，盡吸雞湯精華，令人回味無窮🤭 🐧❣️8月內午市點心系列一律8折，切勿錯過喲🤭 …查看更多

新開嘅尖沙咀「神燈海鮮酒家」果然名不虛傳，裝修靚過舊店，樓底高又闊落，坐得舒服仲有外國客捧場！今次試咗幾道招牌菜，每款都足料夠鑊氣，驚喜滿分～ 前菜琥珀合桃一上枱就聞到焦糖香，咬落脆卜卜又唔黏牙，微甜帶焦香，即刻開胃！ 黑松露玻璃燒鵝（$238/¼隻）絕對係鎮店之寶！鵝皮燒到烏卒卒但透住油光，薄脆如玻璃，秘製黑松露醬滲透鵝肉，入口松露香撞鵝油香，肉質嫩滑無膻味，配黑松露梅子醬更昇華～ 星洲麥皮蝦($268/6隻)驚喜之作！大蝦裹滿金黃麥皮，炸到脆口兼保留蝦肉彈牙，麥皮鹹香惹味，忍唔住連殼吞！ 糯米炒膏蟹（$598/隻）原隻膏蟹爆膏登場，蟹膏甘香滲透糯米飯，飯底帶飯焦脆口，蟹鉗啖啖肉鮮甜到震！ 即燒伊比利亞叉燒皇（$258）用西班牙黑毛豬，肥瘦勻稱有燶邊，蜜汁香甜唔膩，肉質鬆化到咬落爆肉汁，果然係「叉燒界王者」！ 蜜汁脆燒鱔（$278)外層炸到琉璃咁脆，蜜糖甜味平衡鱔油香，肉厚爽彈無骨，灑滿芝麻更香口！ 新店仲有七折點心優惠卡派，下次必encore阿拉斯加蟹三食同懷舊金錢雞！ 𓈒…查看更多

在19/9/2925晚上到尖沙咀亞太中心神燈食晚飯，全張單$2490，但收錢時酒樓方面收了$4249，當時酒樓收錢個位伙記把張銀行收據就甘放喺枱到，沒有親手交給我們，當時我見到就交番俾用卡俾錢既朋友用來存檔，點知睇到張銀行收據係$4249，於是我地叫當時收錢個伙記問，佢只係話襟錯錢，下，二千幾襟錯四千幾，我問如果我地唔發現你哋咪收左四千幾甘點追番呀，當時個伙記只係好簡單甘答（唔好意思，襟錯數，數唔啱我地都埋唔到數啦，啲錢又唔係我袋），然後取番我哋張咭做取消再俾另一張啱既就算數；當時我話要寫字樓電話投訴，有個女經理行來話沒有寫字樓電話可以提供，只係不停話佢同事唔小心襟錯制，我話襟錯都唔會錯得甘離譜呀，唔係睇清楚先俾番張收據個客的嗎？要個客發現先知錯，個女經理於是打俾個店長，個店長話請番我哋食一餐當算數，我們不是要免費餐，覺得係要解釋下點解會有呢個甘大既錯誤，如果其他客人都唔留意，間酒樓就可以賺多成兩千蚊，講真好多客人食完飯都唔睇張銀行單就甘就拋入垃圾桶，到時點追究，我哋想要知寫字樓電話係要問清楚當張銀行月結單番到先發現酒樓收錯錢而又冇左張酒樓收據甘會點處理同追究，個店長本應承我們在22/9/2025回覆我們、直到今日26/9仍未有任何回覆，因他們不肯提供神燈寫字樓電話，唯有在這裡同大家講一聲要小心這間酒樓，下次食完飯記得留意單據銀碼是否正確才離開。…查看更多

同媽媽撐枱腳，兩個人叫咗五個點心。樣樣點心都好有份量，質素亦都幾好。除咗個魚肚唔夠腍，其他都好好。蝦餃皮薄餡靚，腸粉都好好，牛肚又夠份量。可以OpenRice訂位，坐得又舒服，又唔唔會趕人走，埋咗單都可以繼續坐。…查看更多

星期六晚同朋友一共7人，去尖沙咀神燈海鮮酒家，同佐敦分店對比，尖沙咀分店裝修明顯新淨雅緻，當晚Book 8點，全場爆滿，今時今日叫苦連天飲食業算難得，而且聽講係佐敦full咗所以Book尖沙咀分店，真好！多人一齊食好處係可以叫多幾個餸每樣都食到～～叉燒王: 冇特別柚子醋海哲: 非常唔錯， 酸甜開胃，薄薄嘅海哲頭口感爽脆。上返openrice睇熱門菜式得一個: 黑松露燒鵝，現場幾乎附近每枱都有點，非常香嘅黑松露味，唔油膩，同燒鵝好爽！蝦多士: 比我想像中大件，但亦比想像中清爽唔油膩，係成隻蝦同半塊方包一齊炸，香脆新鮮~麥皮蝦: 唔知係咪麥皮本身味道偏清淡清香，蝦肉彈牙，但成個味道唔算惹味香口！蟹肉豆腐盒子: 都係偏清淡嘅口味，唔錯的蟹肉高湯豆腐，鮮甜嫩滑~總括而言，裝修新淨，枱同枱之間算密但仍可接受，其他客人都唔係嘈吵粗魯，食完大概9:30後已剩返唔多客人，侍應明顯人手不足但仍盡力提供最好服務，菜式高質好味，份量剛好（叫到同人數一樣份量），每人平衡只係$358，整體而言相當滿意！…查看更多