影片
開飯介紹
主打海鮮料理的中菜館，更以足料的阿拉斯加蟹菜式打響名堂；另外經典的特色小炒、創意料理也大受食客喜愛。
繼續閱讀
營業時間
今日營業
11:00 - 16:00
17:30 - 23:00
星期一至五
11:00 - 16:00
17:30 - 23:00
星期六至日
10:30 - 16:00
17:30 - 23:00
公眾假期
10:30 - 16:00
17:30 - 23:00
以上資料只供參考, 請與餐廳確認詳情
有關獎賞計劃
相關文章
之前喺舊店食，環境當然冇新店咁好，啲枱枱凳凳就夠一啲，同埋環境迫一啲個光線亦都冇咁光。但係講到食物，都已經覺得好好味。今次同老闆們一齊去新店，環境裝修當然靚好多。因為全部都仲係好新。坐喺附近都有一啲外國人嚟食。乳豬夠脆！蒸魚腸：老闆同事都話好好味。叉燒口感好好，好香，食落都唔多油！其他菜式都水準以上。地點咁好，趁而家新開張容易啲搵位食多幾次，如果唔係遲啲又可能好似舊舖或者瑪寶鮮咁樣要成一個月前訂位。下次再同朋友食飯，神燈一定係其中首選。
繼續閱讀
神燈海鮮酒家係尖沙咀又開設新分店啦！一年幾前去過佐敦分店，尖沙咀新店環境舒服好多呀，而且樓底較高，枱同枱之間嘅空間都闊落啲，而且食物質素好似都有進步，而且試業期間全店點心仲係7折～今次就同屋企人嚟試吓晚市伊比利亞叉燒皇 $258西班牙伊比利亞豬肉可以話係叉燒界嘅王者，肉質非常鬆軟，油脂豐腴，肉味香濃，仲有少少燶邊🤤黑松露玻璃燒鵝🖤 1/4隻 $238半隻 $468一隻 $888大廚係鵝身上搽滿秘製嘅黑松露醬油，然後風乾令鵝身收乾水分，一入口鵝香大爆發！而且肉嫩不帶膻味！阿拉斯加蟹二食| 雞油花雕蒸、活膏甲羅燒🦀$2388/4斤；$2988/5斤雞油花雕蒸蟹腳傳統蒸法係最保留到蟹肉嘅鮮甜味，大廚將雞油、蛋黃混合，再配搭花雕酒嘅香氣，屋企人個個啜蟹腳啜到勁滋味😙😙😙…啲蛋黃雞油汁好味到撈晒啲飯，唔係講笑🤤🤤🤤活膏甲羅燒食法師傅席前烤製，將蟹膏加入鵪鶉蛋黃、蟹籽、清酒仲喺分三次加入，每次份量越加越少，烤製過程中已經香氣撲鼻，味道濃郁甘香嘅蟹膏淋上金黃酥脆嘅蝦多士🥹星洲麥皮蟹腳 (另加$100追加一食)星洲麥皮烤到金黃脆口，緊黏係蟹腳上面，大廚已將殼先行剪開，可以好輕鬆就挑出一梳梳雪白蟹肉古法金錢雞 配 柚蜜汁 $68/件懷舊就嚟失傳嘅粵菜，將雞膶、瘦肉、肥豬肉串成再燒熟，配柚蜜汁消油解膩點止炸豆腐咁簡單 $88豆腐用鹵水醃過，再炸至外脆內嫩，配秘製酸汁
繼續閱讀
神燈海鮮酒家飲茶🫖環境：枱與枱之間寬敞舒適服務：有進步空間食物：款式多，味道也不錯。推介食品：香濃雞湯蟹肉灌湯餃千島醬釀蘿蔔糕椒鹽魷魚蜜汁叉燒腸粉📍神燈海鮮酒家🏢九龍尖沙咀漢口道28號亞太中心地庫B號鋪賣相：★★★★☆口感：★★★★☆環境 ：★★★★☆整體評分：★★★★☆
繼續閱讀
潮州粉果真真正正做到皮薄餡靚，啲沙角好食xo醬煎腸粉用個石鍋黎上，保持食物嘅溫度，食好耐都仲係熱嘅，xo醬油唔係好難喎香煎墨魚蝦餅就係將墨魚滑同埋蝦滑撈埋一齊嘅搞作，點埋個泰式甜酸醬好好食，個墨魚蝦餅本身都幾彈牙脆皮馬蹄條就有少少強差人意，炸粉太厚，搞到入面馬蹄糕嘅份量比例上少咗呢個叫市橋白賣，係比較特別嘅，我都係第一次食，其實白賣即係白色燒賣，而白色其實就係鯪魚肉，即係好似鯪魚球咁樣，不過造成燒賣嘅形狀，上面有一片薄薄嘅臘腸吊一吊味叉燒包係唔錯嘅帶子鳳眼餃味道唔錯，帶子新鮮，不過係啲餃皮黐住曬好難搞冇諗過蘿蔔絲酥餅係咁嘅樣，不過呢個嘅味道幾好，無論係個餅本身或者入面啲蘿蔔絲都做得好好食椒鹽魷魚輕巧得嚟做得乾身有香口，冇乜油嗰下犀利金錢肚都好靚，本身佢個材料質素係唔錯嘅，所以雖然撈咗柱侯醬，不過仍然食得出金錢肚嘅香味。依家新張期內仲要七折，我哋四個人lunch time飲茶先至係食咗$435，尖沙咀區超值之選。
繼續閱讀
尖沙咀神燈海鮮酒家，整體水準好過銅鑼灣分店。🐑乳豬，皮鬆化，肉嫩口，上枱仲係暖嘅，已經加晒分。係個乳豬醬，相對坊間嘅比較鹹味重，掩蓋咗個甜味，有啲怪怪地，唔點醬仲好食。🐑辣酒煮花螺，汁底個玫瑰露酒味好香、好特出，香葉、八角味足，係唔夠辣啫，不過遷就大衆客人口味嚟講，辣度都OK嘅。螺係喺汁底直接生煮嘅，海鮮味有入到個汁入面，鮮味有所提升，唔錯喎。🐑啫啫芥蘭煲，煲夠熱，汁水夠少，絕對啫得起，蝦乾、蝦醬肉碎亦夠香口，可惜個芥蘭淥得太淋，爽番啲會啱我口味多啲。
繼續閱讀