美中·鴨子 (將軍澳中心)

營業中

休息中

之前聽過幾個朋友講將軍澳有間食片皮鴨嘅都幾高質下，咁啱踩完單車就嚟試下，可能因為6點幾太早，唔洗得等就入得🤓🤓首先梗係叫左個片皮鴨先🦆呢到係半隻嘅份量，兩個人食就啱啱好，首先個烤鴨都幾熱嘅，應該啱啱烤好，塊皮好脆👍🏻但包嘅皮唔太熱而且鴨肉食落去有少少鞋就扣左少少分，但整體嚟講算ok😌之後仲叫左個無錫小籠包🤤個皮都算薄，同埋入面都多湯，但上菜個陣有一粒穿左，就到可以改善下😭😭😭最後嚟叫左埋炒飯就啱啱好，加左金華火腿，食落有陣咸香味，而且加埋野菌，所以食落去唔會覺油膩🤤🤤🤤

一大班朋友適合吃什麼？我會推薦片皮鴨，因三五知己一起吃最為暢快平日晚上人流也不少，我們一行六人，等了差不多半小時，終於有位子我們共點了七道菜，想不到最先上桌的是小籠包，因一般蒸點需時，小籠包皮薄多汁，小心夾穿外皮漏汁！吃過晚飯，大家一致認為這道松露蘆筍炒雞丁最為美味，蔬菜新鮮，雞丁嫩滑，大家都讚口不絕反而這道重頭戲片皮鴨就還可以，雖然算是好吃的，不過未到驚為天人， 大家都吃上5 塊左右，飽肚感十足整體來說，美中鴨子上菜速度不快，適合一班朋友慢慢聚餐聊天，而且以晚餐價錢來說，每人$150內實在不貴，推薦大家去吃

將軍澳中心幾過幾年翻新後，其中一間最多人排隊既就係美中鴨子，不論平日假日都不缺支持者。 呢日晚餐唔知食咩好，同家人商量後便決定黎食烤鴨烤鴨(半隻)兩個人半隻份量已經非常多，因為烤鴨充滿油脂，雖然有夾皮同青瓜夾埋一齊食，但都非常油膩。不過烤鴨非常新鮮，鴨皮脹bobo，保持鬆化，非常好味👍🏻小籠包一籠六隻，大細適中，有湯汁👍🏻香芋海鮮焗飯非常好味，濃濃既香芋味包住每啖飯，加上少少芝士，好野味🥰 推介！美中鴨子雖然是集團的，集團的好處是品質穩定。推介:

美中鴨子,之前係尖沙咀試過,印象唔錯。今次去呢間將軍澳既,因為知道佢一到晚飯時間會勁多人,所以用左佢果個拎飛系統,係屋企拎定飛先,差唔多先行過去,所以唔洗點等前菜幾好食,青瓜爽脆，辣辣地幾開胃真係好淡好淡,冇味,唔岩胃口麵又好淋，後悔叫左普普通通,以為會爆汁,點知冇果然係招牌菜,個租麵醬甜甜地剛剛好,烤鴨皮烤得香脆有油香,上枱時仲有溫度。包住果塊皮又有甜甜地,包埋d配料一齊,真係好夾,天衣無縫，食完一件再一件除左鴨好食,其他野真係一般般,下次剩食鴨算

每年八月都有梗有一次「八月之星飯局」，今年亦不例外，早前偶然同亞女去將軍澳中心行商場（甚少出杛水將軍澳），發現有不少新鮮食肆，所以決定今年「八月之星飯局」在這裡搵食。老公話想食北京填鴨，最後決定在這食肆，本來想book位，但原來這食肆只有walk in無book位的，唯有5:30就出發去攞位，仲download 咗個Apps: The GULU 攞飛，竟然比我攞到D002🤩，大約6:00去到都要等，等咗大約40分鐘就有位，不過今日係星期六，食用時間有限：90分鐘。入坐後立即點菜，叫咗：一隻北京填鴨小龐包糖醋小排骨蒜泥白肉茶樹菇炒青菜苗酥炸日本生蠔金華火腿鮮菌炒飯可能有限時，所以上菜都算快，可惜食品不夠熱辣辣，似乎是預先煮好，不過味道不錯。最後大家都滿足而回，有機會應該都會再來，試埋其他菜式😊

美中鴨子我一直都好想試， 但一直都好多人， 條隊永遠都排好耐都仲未排到。 今次我就同屋企人嚟到美中鴨子食飯， 但係就提早咗一粒鐘做一落去攞籌，如果唔係就有排排！ 今次侍應比左張六人枱我哋地方算好闊落， 我哋坐低叫咗嘢食唔夠十分鐘啲嘢食就嚟到。 今次是我片皮鴨，鴨湯， 小籠包同埋菜， 整體嚟講味道非常之好，係個鴨湯太咸。 價錢方面六個人食大概1300蚊，性價比見人見智，但因為排隊時間太長，未必會再試。提提大家，真係再一早黎攞飛，如果5係，真係排一粒鐘以上！

今次同一大班朋友去美中鴨子食北京填鴨🦆提提大家一定要早啲去拎位!因為就算係平日去都好多人排隊🚶🏻‍♂️內部裝修有高檔茶樓嘅感覺 座位都非常舒適☺️第一道菜就係無錫灌湯小籠包($60) 小籠包嘅皮好薄 湯汁亦都好濃郁 好味啊🤤之後就係金華火腿鮮菌炒飯($88) 呢個炒飯好有鑊氣 炒得好香 飯粒粒粒分明 但係唔知點解 就食唔到金華火腿😂相對其他菜式就比較普通啦松露醬蘆筍百合炒雞丁($108) 松露味好突出 食落好香終於到咗重頭戲!我哋嗌咗全隻烤北京填鴨($318) 烤鴨皮好脆 忍唔住就想夾多幾塊😂肉都唔差 幾厚實 至於塊皮真係冇得彈 靈魂所在 塊皮好薄 仲有少少咬口 QQ地 加上烤鴨同醬汁 真係好想食多次 哈哈正🤤🤤🤤

之前見海港城店日日Full House已經心郁郁, 難得分店搬咗去將軍澳就一於試下! 由於餐廳不設訂位, 而且要過半數入座, 用餐當日同家人五點幾就排隊等候。餐廳裝潢行歐陸風情, 亦有半開放式廚房展示烤鴨片鴨, 但個人嚟講覺得座位有啲逼, 未必適合大伙人嘅聚會。烤鴨即點即烤, 所以一入座就即刻order, 先再慢慢睇餐牌。等咗45分鐘, 主角終於到! 第一印象係擺盤好精緻, 富中國風嘅碟令整體感覺昇華咗。鴨皮香脆, 鴨肉鬆化, 油脂分佈平均, 配上熱辣辣嘅餅皮食絕對一流。另外, 因為家人比較鍾意食青瓜條, 侍應都願意額外提供一碟

職員服務態度差，平時以為好多人排隊，以為好好食，但係原來食物質數認真麻麻，價錢又貴，唔值得一試。來自真心評價😅好失望！唔太推薦黎試。特登趁住屋企人生日黎試一試，真係空歡喜一場😞

有朋友向我推薦美中·鴨子嘅烤北京填鴨，而自己本身都幾中意食，咁岩係將軍澳嗰頭做野就去朝下聖啦～😆夜晚7點左右去攞位，等左10分鐘就有位👍🏻環境都幾舒適，微微調暗左燈光，幾柔和舒服～烤北京填鴨（半隻）鴨肉味濃，肉質算細嫩，而鴨皮香而不膩，相信佢有去除鴨皮和鴨肉之間嘅皮下脂肪，值得一讚！用餅皮包裹住鴨肉、鴨皮、京蔥、京醬，好味呀！不過食多幾件就會飽，建議同多幾個朋友分享～四川擔擔麵睇落似好辣，但實際辣度唔高，湯底有濃濃嘅麻香，味道唔錯～ 麵身唔會煮得太腍，可惜嘅係配料唔多，只有少量肉碎，但一開動啲肉碎就會沉落碗底食唔到😭無錫灌湯小籠包小籠包皮幾薄，夾起嘅時候要小心啲唔好整穿個皮，唔係就會流哂啲湯出來架啦🤭🤭 成隻小籠包放入口，湯汁係口中一擁而出，感覺好幸福！！🥰🥰大汗孜然炸豆腐呢個豆腐炸得夠乾身，表皮有香濃嘅孜然味，內裡豆腐又軟滑，好好食！整體而言，環境舒適，食物質素又高，會再光顧！😊

琴日同媽媽帶埋小朋友一齊去食好彩六點前入座 如果唔係好多人可能星期六嘅關係等候食物時間比較長去到必叫片皮鴨餅皮較薄 鴨都切得薄配料不足 餅皮同配料用晒 但係我嘅鴨都未食晒味道中上仲叫咗水煮澳洲肥牛麻度夠足 辣度不足 我個人唔食得太辣都覺得唔夠🤣加上對於我係牛魔王來講牛肉緊係不足啦最後仲叫咗個雞絲燴麵主要俾小朋友食但係味道唔錯雞湯濃厚 麵條軟身方便我呢啲懶媽媽 可以直接俾小朋友食又唔怕小朋友哽噎❤️總數買單$451價錢中上 建議一家大細人多去食比較抵有時做信用卡優惠都唔錯

今日去左都幾出名的食鴨好地方— 美中鴨子去到排隊拎飛到最後入座都等左一個半鐘！入到去好肚餓即刻叫野食！入到去當然要嗌一個招牌片皮鴨啦！因為想試下其他野食，我地只係嗌左半隻鴨！不過已經夠二人份量鴨肉好新鮮，而且個包皮好薄好軟身，唔會好硬好好乾，d青瓜又好新鮮，配料都好好味，果然係食鴨之選。除左片皮鴨之外，我仲叫左個清雞雲吞湯，個湯好有雞味又清淡，好濃郁既雞湯，值得一試。另外亦叫左個咕嚕肉，佢d配菜都好好味，而且味道仲好入味，最岩送飯！

美心集團以鴨為主題的分店，主打片皮鴨。這兒的片皮鴨半隻HKD168有10件，鴨皮跟鴨肉中間的脂肪層會切走，所以擺盤上菜時鴨皮跟鴨肉雖然看上去是一起的，但其實是皮肉分離的。鴨皮上其實油脂還是有的，鴨油香還在，但整體感覺沒那麼油膩，適合不喜歡太油膩的客人。但是由於工序多了，鴨皮上桌時已不熱不脆，有點可惜。生煎包很不錯，煎得香脆，肉汁亦適中，值得一試。金華火腿津白不便宜，但津白質素還算不錯，沒有菜渣。火腿不太金華，但咸香十足。值得一提的是這邊的烏龍茶不錯，對得起每位HKD8的茶錢。整體來說，喜歡不太油膩的片皮鴨的朋友可以一試。同價位下5星：即使排隊亦要一試再試4星：甚佳，可以一試3星：同價位有不少更佳選擇

早排有同事想食中菜館，近近地去了這間中菜館試食。中菜館環境都很大，而且仲可以見到唔同的燒味在玻璃窗上面高掛住。而裝修很有古典的味道。在點餐前，先會上菜拍青瓜的冷盤開胃小食。之後我們點了兩個set lunch 。一個是牛腩擔擔麵 +三娘春卷$88，還有一個是金華火腿鮮菌炒飯+紫甘藍雞絲粉皮$88。因為愛食小籠包關係點了小籠包$38 4隻同片皮鴨半隻 $168。三娘春卷春卷得比較軟身，不太脆口。而且餡料比較油膩。牛腩擔擔麵擔擔麵不會乾身，麵條順滑而且不會捲成一團團。牛腩爽口多汁，十分滋味。金華火腿鮮菌炒飯飯炒得很乾身，不過餡料同飯份量足夠，味道一般，不是太突出。紫甘藍雞絲粉皮份量較少，但雞絲嫩滑，粉皮晶瑩通透，配上胡麻醬，清涼可口。　小籠包多汁鮮美，而且皮薄，一咬小籠包就已經爆汁。片皮鴨片皮鴨整得很香脆，外皮十分之脆口，而鴨肉嫩滑而帶點醬香。配上青瓜加蔥，很好食。味道還不錯。但價錢偏貴。

今晚同朋友食飯慶祝生日，可以帶美心蛋糕就吾洗收切餅費。我地大概6點9到，去到吾洗等，平日不限時，星期五六日就限時90分鐘。。一入去見到廚師不停整烤鴨，再行入去有開放式廚房。坐低上茶可以揀普洱，香片或者烏龍。之後就上左一碟小菜，青瓜好爽，豆干都好入味，幾好食。。最後我地點左👇🏻👇🏻烤鴨半隻：Wow賣相好靚，個皮係暖，一片片隔開蒸吾會癡住。放番皮係碟，之後放鴨，青瓜，蔥，仲有醬。一啖塞入口好正🤣但！個鴨係完全吾熱，係凍既。味道係吾差，但我吾明白點解係凍冰冰🤦🏻‍♀️因爲凍左之後食落有一陣油益味，咬入口係成口油，浪費哂隻鴨☹️小籠包：一籠6隻，入面有好汁，一咬就咇汁，皮都算薄，肉餡好食😬牛肉餡餅🥙煎到熱辣辣！原來咬落去去爆汁，咬落去先知，啲汁多到漏出泥，入面類似山竹牛肉球既餡。擔擔麵：麵好q吾會一pat pat 。。。仲有麵係連住吾斷咖，好長既一條！湯底好濃花生味，吾算好辣。。其實呢間主打北京烤鴨，如果個鴨係熱我諗好食好多囉！服務都吾差，不停加水，態度都好友善，坐得舒適。只係開放式廚房所以較嘈。。。