美中·鴨子 (將軍澳中心)

營業中

休息中

之前都有食過美中鴨子🦆覺得唔錯 但係價錢偏貴🥺今次見佢哋有做半價 所以就黎食🥳不過優惠好似剩係做到6月4號😫我哋等左一陣就有啦🤩一上枱已經聞到好香鴨皮唔會好油 肉夠嫩滑好好味😋

因為長輩生日指明想試被迫食，明明一早6點去拎飛，大枱第3張，平日夜晚，等成個半鐘都無位！！！火都黎！佢話成間鋪得2張大枱，一張早過我地入，一張就食完十世死都唔埋單，原來係內地人，食到成張枱勁污糟，啲細路玩紙巾玩到周地都係，如果唔係為左長輩，我真係想拉隊走！老人家企左勁耐又餓，早左咁多拎位都安排咁差！態度仲好衰！未食已一肚氣！講返食物，就係一貫美心質素，無乜特別，一心食過個片皮鴨，哇！嚇親！同普通酒樓嗰啲有乜分別？頹到！完全唔好食！厚到呢！咩事？勁有中伏feel! 我一定唔會再幫襯！每次行過見到啲人死等爛等，就想反眼，長輩試完都話無下次！

片皮鴨如果以用正價一啲都唔抵食，， 鴨肉又砌得又厚， 上海粗炒炒完一啲味道都冇， 小籠包同生煎包啲皮又厚， 糖醋小排骨啲肉又韌又難食， 65蚊一個炸蟹鉗啲炸粉有厚， 龍蝦湯稍為好飲d, 碟碟餸菜都要過百元， 每碟啲油多到不得了，茶水又唔熱， 期望餸菜質素好高 ， 年預期普通都趕不上 但仍然每日都有好多人排隊 但環境及坐椅都坐得好舒服， 不過服務員態度都好好， 不過以後都不會再來， 又貴又唔好食，大失所望，好似飲咗好多油落肚！😢😫

將軍澳站PopCorn這一間美中鴨子，夜市多人排隊的確有其原因。片皮鴨是令人回味之選，也是為此再來。想吃得痛快，就要點全隻片皮鴨，鴨皮燒得很香脆，加上配料和皮餅一同吃，越吃越滋味，不知不覺就已經吃了好幾件。我對片皮鴨的歷史認識不深，不能肯定有多正宗。不過，鴨肉切得適中，配上青瓜和醬料，包在簿簿的皮餅內，也不太過油膩。餐碟也很有詩意，不過都是吃完才欣賞吧。一山還有一山高，我所指的就是餐碟，吃完後總是滿有詩意的。來到這裏，小籠包也是必吃，很薄皮，千萬別樣包內的湯汁流出來。雲吞就相對平淡了一點。邊吃邊喝杯茶，方便解油。還有一點事情未做...就是留肚吃甜品，想不到這裏也有心太軟，所以要先喝啖茶解解油。@ CalvinCanEat.com

經過將軍澳 搵達地方食晚飯呀 就入咗去將軍澳中心 車場雖然唔係好大 車位都算充足跟住行過美中鴨子 見佢唔係太多人客人 就入去坐低食個晚餐啦叫咗片皮鴨 蟹鉗 鍋貼 津白 海洋食物味道質素都不錯 個茶都幾好飲環境方面都算非常整潔 枱櫈地板 都算非常整潔 有餐紙巾 亦都有消毒濕紙巾公園👍👍👍👍至於職員方面 服務都算一流 不斷有職員自動自覺幫你沖茶加水 當食物用完 好快亦都會收碟收餐具 買單速度也非常快👍👍👍👍 唯一一個缺點 就係因為我哋坐喺行人路旁邊 都幾多行緊喺旁邊經過眼望望😂😂

話說第一次幫襯依間餐廳，見到lunch Set幾吸引，食完味道都不差，但是最不忿就是，其他收費沒有說明，職員又話不飲茶，就不計茶位！最後埋單前菜、一杯水都要另外收費😒

第一次來吃，由於朋友租住了餐廳附近的酒店，所以特別來到將軍澳吃晚餐，近地鐵站嘛，走路容易哈哈！三個人點四人餐先上雲吞鴨湯非常好味。仲叫咗個齋滷味，外國朋友喜歡！主角出場北京填鴨，超級脆皮！非常滿意！

Really hated the crowd and chaos at the entrance of the place so it’s the first time I visit after it’s opening (possibly over a year or two). To our surprise, the food Is excellent. Oolong tea is also decent.The duck is not oily and every piece is crispy. Xiao Long Bao and Sheng Zian Bao also fab and I think it has a lot to do with the proper vinegar they use. We like the bean curd wrap veggie dish a lot and the veg in broth is also as good as noodles if you want to avoid carb. It’s definitely

專登黎食扁皮鴨 我覺得好食同埋好脆 而且價錢合理水平 個汁都好好味 不過鴨比較快涷哂 如果有熱爐烘住會更好 其他海鮮飯都幾好味 份量勁多 用料豐富 都好味既 加左garlic去炒 好香好入味又多汁 另外 環境坐得都舒服 有機會會再黎 try try 其他小點

因為朋友生日所以去左呢間餐廳，本身見到門面都覺得吸引，今日終於比我試到啦我地叫左個四人套餐，有沙律🥗、湯，蝦球、北京填鴨、同埋一個豆苗菜，本身會覺得唔夠，所以仲叫多左個胡椒餅，但佢地啲野食都幾大份，所以食完個個都好飽以呢個價錢黎講真係幾低食佢既胡椒餅有好勁既胡椒味，唔係個個接受到，個人黎講覺得好食，但友人就麻麻啦～呢個北京填鴨有皮仲有瘦肉，包埋一齊食真係好正，唔會好似有啲鋪頭得瘦肉，所以都推薦呢款最黎我地仲叫多左個炸雪糕，一黎到真係嘩左一聲，雪糕出面有好多脆脆，仲有個脆皮包住，所以個咬感十分豐富而佢出面係熱熱地，入面就係凍，食落去好正

喺上次去呢一間鋪頭食完北京填鴨之後，今次食過返尋味，決定咗，再嚟一次試吓其他嘢。叫咗個雲吞鴨湯，幾好飲喎，同個friend兩個人飲咗四人份嘅湯，湯底好濃，感覺得出嚟係用足料黎煲嘅，不過如果係食得好清淡嘅人嘅話，可能味道有啲太濃

心血來潮突然間好想食北京填鴨，但係有得食北京填鴨嘅店舖唔多，有啲價格非常貴，揀嚟揀去最後揀咗呢一間。北京填鴨半隻百幾蚊，一隻三百幾，都算係咁，有少少油，但整體上來講都幾好食，個皮都幾好咬，醬唔錯，夾埋隻鴨係OK

知道尖沙咀和將軍澳店都係人氣店，可惜一直未試過。曾經過將軍澳店，假日大約六點半後開始滿座。今日剛好黃昏時間經過不用等，一於試下!第一次來，有好多菜想試。 心大心細 ，結果選了:釀香樓牛肉餡餅熱辣辣 ，一咬開肉汁滾滾流出 ，皮香餡靚 ，一流。田園蟲草花炒翡翠苗一餐飯怎能少得菜？這個剛好濃淡得宜，平衡了整餐飯。蒙古大汗 孜然小羊腿想點這個，可惜要兩隻起。 同伴不吃羊，要放棄。上海砂鍋 雲吞鴨湯 三至四位用，有八隻雲吞。清甜而入味，多喝而不會渴，很驚喜。

美中鴨子每次一到食飯時間都好多人排隊，所以要食就要早啲，避開人潮....今次六點就到左，直入完全唔使等👍鍾意食片皮鴨既我，每次黎到都必叫半份，如果兩個人食既話，份量絕對足夠！片皮鴨夠肥，個醬又好味，加埋附上既青瓜同蔥，真係一流！😋但略嫌拎黎包住個皮就唔太夠，要一塊夾兩、三舊肉先夠食到尾..........另外，今次再叫左水煮魚，味道不錯，都幾辣下......全碗都係辣椒，但魚既份量不多，而且係用雪藏魚柳....底下有菜同寬粉，但吸晒啲湯真係好辣.......

好久沒吃美中鴨子， 看見不用排隊就決定在這裡吃晚餐。環境非常好，這裡的菜品擺盤比較精緻，適合和朋友坐下慢慢吃。北京片皮鴨來這裡肯定要吃他們的招牌北京片皮鴨啦， 我們叫了半隻，很多人都說這裡的片皮鴨不夠熱，但我覺得味道很好，肉吃起來不會太柴，皮也夠薄。熱拌刀削麵好香的麻醬，但是只有麵跟幾根青菜，而且放了一會涼了就沒那麼好吃乾煸四季豆味道不錯，不會太鹹。灌湯小籠包配上姜醋，剛剛蒸好的小籠包好好味道。 另外還叫了水煮肥牛，很大碟，裡面有粉條和萵筍，配白飯好正！