美中·鴨子 (將軍澳中心)

營業中

休息中

這是我第二次來吃，因為第一次覺得不錯，所以有第二次。但這次令我不寫不行，整體而言是ok的，味道和環境，但點了個高力豆沙，簡直不知所謂，裡面得幾粒豆沙和一小塊香蕉肉，味道啖，麵包鋪的沙翁仲好吃。為了這個高力豆沙，我真是不吐不快！

作為將軍澳之友就試下每次經過都好多人等位既美中.鴨子。可以用手機app 攞飛排隊，建議都係早少少去等，因為人齊或一半以上方能入座。今次叫左5樣嘢，份量還算ok，大食未必夠。1）醉雞，2）海鮮泡飯，3）片皮鴨，4）萵筍，5）小籠包。首先，個醉雞d 酒係幾香既同平時食嗰d 醉雞d 酒係有d 唔同。甜過平時食嗰d。個海鮮泡飯酒無咩味，建議唔好叫。小籠包的話，肉餡有少少老，但都爆汁既。萵筍清清地，純粹個人喜好。至於片皮鴨算係最ok嗰道菜，d皮同肉都唔會太肥，d 汁都ok 既。Overall，叫不過不失去啦但係價錢都偏貴。

今日放下午, 同屋企人食晏, 係將軍澳中心行左陣, 見到美中鴨子有 lunch set , 又唔洗等位 (假日晚市時段等都傻), 就決定試試喇lunch set 88蚊包一個粉麵, 一個小食, 但茶芥同前菜就唔包喇, 價錢方面唔算好抵, 一般喇我地兩人點了一個 lunch set (上海粗炒, 春卷), 另加一份牛肉餡餅先黎前菜同茶, 我選了烏龍茶, 清清地, 又甘香  春卷: 熱烘烘, 又夠脆, 應該是剛炸好的 上海粗炒: 有 D 過油, 無咩特別, 一般般 牛肉餡餅: 又熱又 juicy, 正

今日popcorn行完就黎食冇咩人等因爲已經2點叫左片皮鴨 份量都ok ~$148半隻唔太貴 過下口引但唔夠熱辣辣同脆冇咩鴨油香膽膽麵ok 幾濃味小籠包夠汁 夠熱唔錯 值得一試下次同媽媽黎食下都好既但唔好期望太多

口痕想食片皮鴨 但上深圳又太遠係香港食算2點半入座 2點9截單4點落場 前菜好食菜就有香片 烏龍 同普里半隻北京填鴨夠二至三個人食但隻鴨唔係熱辣辣水煮魚偏辣 魚肉好淋$278粉皮得兩三條小籠包多汁總體不過不失切餅費$100

今晚同朋友來美中鴨子食晚飯，開茶點了一壺香片前菜有青瓜豆腐花生，青瓜爽口帶點辣小籠包一籠有六件，皮薄餡靚，多汁上湯浸豆苗清清地，入面仲有芽菜同香菇，整體黎講都幾好味嚟到主角嘅扁皮鴨，我哋人少少所以點了半分，扁皮鴨皮夠薄夠脆，鴨肉烤完得仲keep到少少juicy,唔會變乾身青瓜爽口，大蔥無試過，唔太鍾意食蔥，醬汁鹹鹹甜甜，餅皮又薄又煙銀，包住扁皮鴨一齊食真係一流嘅享受唔怪得次次經過美中鴨子門口都見到咁多人排隊啦，果然有質素保證，下次絕對會返嚟再食～

📮 美中鴨子❤️❤️(記得早排隊）.父親節一試，嘩嘩嘩原來真係好好食架！.✅主角一定係隻片皮鴨，隻鴨勁有鴨味，皮脆肉質鮮嫩，一烤完出黎即片，好新鮮呀！白皮熱熱軟軟撈埋個唔會太濃味既醬汁，好食！ （$168半隻$318壹隻）.✅小籠包好多湯係入邊😍。（$50）✅ 金華火腿鮮菌炒飯， 佢啲菇好香口入味，配埋粒粒炒飯，好鬼野味.✅牛肉餡餅都好食，香酥外皮，入面牛肉碎 好香！.好食指數：😍😍😍😍😍😍😍😍😍8.9/10 （主要係比隻鴨）.地址：美中·鴨子 (將軍澳b2出口）.將軍澳唐德街9號將軍澳中心商場地下G105-106號舖人均消費：$150 （都算抵食） .

美中鴨子平日夜晚，適逢爸爸生日，去左每日都好多人等位既美中鴨子，一行三人去嘗一嘗好岀名既烤北京填鴨。三里橋酒醉雞$80 幾入味雪花松葉炸蟹拑$65 因為最近唔食得海鮮，所以忍痛一啖都無試：（ （據報好好味）京醬爆里脊絲（伴6件薄餅）$108爸爸媽媽第一次試呢個餸，佢哋都大讚，我就想要多點薄餅。無錫灌湯小籠湯（6隻） $68皮唔夠薄， 不過d湯汁好入味好濃。烤北京填鴨（$168） 半隻今日既主菜呀 ，如果可以再薄d 皮再脆d就再好味喇。

美中鴨子無論邊一間分店都必須要排隊，就知食物吾差。今晚早食飯，經過見到吾洗排隊就衝入去啦！本身系佢既忠實粉絲，不過經過今晚，應該短期內都吾會再去。。。雞絲粉皮，其實好難會吾好食，不過不失，冇乜特別。。糖醋排骨，平時必叫，今晚認真失水準，個汁超流，飲左勁多水，吾可以話難食，但吾知点形容😂話明美中鴨子，扁皮鴨一定係出色，但今晚個扁皮鴨，啲肉鞋，d鴨皮唔香脆，仲要硬到咬唔開，d皮凍。好差👎👎👎👎今晚餐飯真心覺得好失望，希望過一段時間會回復水準。

美中鴨子每一次經過餐廳門口既時候都見到有好多既人喺度排隊，所以今次決定一試究竟，睇下係咪真係咁好食！首先試既，係佢最出名既片皮鴨，佢既片皮鴨好多都係連肉既，如果淨皮既就唔多。味道方面，烤得唔錯既，幾脆口既！但對比起其他，例如有d餐廳片皮鴨仲有一陣酒糟既味道，呢度就無喇。另外喺皮方面，唔知點解佢全部皮都茶左一陣油喺上面，食完之後隻手好油！除左皮片鴨之外，佢其他既小菜都唔錯！特別係佢個咕嚕肉，除左夠熱，佢個表面仲炸得好脆，其實都幾正！

點解會有咁好味既片皮鴨架？真心，覺得好好味。上至包住隻鴨既白色皮，下至點填鴨既醬都好正。片皮鴨好香，有肉但唔怕肥。塊皮好薄，但唔會穿。小籠包超多湯汁，入面既肉都好有肉味，皮薄餡靚。生煎包啲汁都一樣多到標出嚟，超好食，意想不到既驚喜。上海粗炒就過油，偏甜，相對普普通通。萵筍絲好爽口，味道好淡，喜歡濃味既可以加豆瓣醬食。金華火腿鮮菌炒飯就炒到好乾身，d飯真係一粒粒，唔差既。依個前菜好正，我次次黎到都會清左佢。

將軍澳既餐廳係假日係非常爆滿，今次黎到美中鴨子食片皮鴨，比起我之前係明x酒家食既好食太多，份量亦多，價錢唔算貴呢個菜幾得意，用麵皮包住仲有兩棵野伸出黎，生煎包味道不錯但包黎講佢都算貴一般，不值一試咁多辣椒以為有十級辣，但辣度係比相睇起黎少一半，喜歡超辣的人要失望啦。 （同埋佢都幾油下）環境方面餐廳比較暗，同埋假日去所以非常嘈吵同無咩侍應得閒落單，不過喜歡食片皮鴨的人可以黎呢到食下，預早到呀要，唔係等位等到天荒地老

越來越多餐廳進駐將軍澳。當中不乏各大連鎖餐廳。突然想食烤鴨。於是就幫襯美心集團。貪佢烤鴨可以叫半隻。到達時間尚早。被安排帶到窗邊位。廚房係半開放式。睇到啲師傅喺入面燒鴨片鴨。烤鴨上枱整齊。配上基本配料青瓜京蔥甜面醬。可惜鴨肉太乾有啲鞋。鴨皮一咬成口油。蔥油餅。餅皮夠酥脆。餡料夠咸香。不過聞落同食落都太重油味。桂花糕凍伴鴨件。相信係想做啲特色菜式。喺薯片上面放上桂花糕青瓜烤鴨。加埋的確可以豐富口感。不過味道唔太match。味道最出色係個桂花糕。餐廳環境夠大。枱與枱之間有足夠空間。食物外貌唔錯。不過味道一般。

一直好想試美中鴨子，但因為冇得預約，每次去到都已經好多人排緊walk in所以無緣食到！今次就突燈早小小去排隊為求食到！等左大約30分鐘。同老公系揀左好耐餸 因為樣樣都好吸引好想試，最後叫左9樣餸 小籠包叫左兩籠。真心覺得樣樣都好食 味道好夠但吾會過咸 小籠包系勁Juicy所以之後忍吾住要再追加 連同行既老爺奶都讚好！好期待下次可以再食。

收工去將軍澳行街，心血來潮好想食片皮鴨，但無訂到枱。結果等咗30-40分鐘先有位，人比較多。餐廳有一邊係較OPEN, 對住商場，之前嚟過一次。今次坐左入大廳…樓底唔高嘅關係，餐廳超級嘈..好似酒樓咁...台與台之間都比較密，我地2大1細去食，坐4人台，張台都大嘅。我地2大1細點咗3樣野，小朋友主力食片皮鴨。點咗半隻烤北京填鴨 $168包填鴨嘅白色皮好薄，但唔易穿填鴨皮好香好好食，唔肥，醬汁唔會過份濃味。另外，再點咗個響米海鮮泡飯 (紅米+白米) ($80)海鮮湯唔會好咸，好清。湯飯唔算好多紅米炒過之後，啲味有少少燶。但加埋入湯到食，味道又OK。第三樣點咗大人先啱食嘅四川麻辣大盆雞$158，辣味勁過譚仔5小辣。雞肉好夠麻香同辣，但雞比較多骨，肉較少。仲有寬粉喺底，不過就粉還粉，麻辣味還麻辣味，寬粉完全唔入味。整體都OK嘅。