維港灣餃子坊 (已結業)

最近發現了這家新店，覺得可以吃，唯一問題是服務有待改善🔸招牌三拼餃 配 刀削麵 (白菜/韮菜/香芹)湯底是豬肉湯，覺得沒有很甜，但餃子皮很薄，三種饀料都尚算不錯，麵底要吃得比較快，不然沒泡一下就軟掉...🔸雙拼煎餃 (流心芝士粟米/莞茜)喜歡🧀的會覺得爽，餡料起司比肉還多😂，不過有留意到旁邊桌的煎餃都不夠焦.. 所以可能品質還不夠穩定。🔸椒鹽花枝丸🔸老火靚湯💲 約Hkd 50 @人🏡 香港元朗水車館街74號🕐 星期一至日 11：00 - 22：30 #poyeefoodie

（蟲草花煲雞,另上）四拼湯餃 38hkd餃子冇一直被湯浸住，所以餃子皮唔會過淋， 似係即叫即包， 四種餃子味道相約， 芫茜芹菜餃比較突出，加配枱上 辣椒醬及S and B 日本辣油食味道夾，難度一點食物後店員就馬上比隻醬油碟黎。。。（豬骨湯底）農家豬手配刀削麵38hkd +6hkd豆漿南乳醬豬手， 豬手份量ok多， 煮得軟軟地 ，刀削麵唔係平時食開粗身，厚度不一嗰隻， 以係一條條皺皮，薄薄的果隻。（豬骨湯底）5隻芫茜鮮肉餃配菠菜麵36hkd餃子中等size，麵上面大量蔥絲配搭唔錯，加強左麵及湯底既味道

行過見到餃子麵，寫到明手工餃。對於有餃子狂熱病既我，立即有興趣。行入去，店舖小小，有10張枱到。冷氣夠涼。咁望下餐牌見到有淨水餃，煎餃，餃加麵。咁餓餓地就叫左個大白菜鮮肉餃加刀削麵，湯底係香濃豬骨湯。等左陣上菜，飲左啖湯，隻味係出前一丁豬骨湯味。有五隻水餃，試食左隻水餃感覺有啲散。一試個麵，嘩，無牙都食到。淋到呢⋯⋯明明刀削麵係彈牙，有趙口，點解可以煮到咁既款。唉，真係失望。睇黎要去發掘第二間餃子店。

三號風球的下午，看過電影後與朋友到訪店舖，為的是一嚐被雜誌大肆宣傳的芫荽餃x老火湯底。因為有點餓，所以其中一碗餃子打算配粉麫，便問問店員餃子粉麫的湯底是否也是老火湯。店員說：不是，粉麫湯底是豬骨湯。正猶豫要不要粉麫的時候（因想喝老火湯），同一位店員告知「靚湯」暫時未準備好，淨餃子配的也是豬骨湯。畫公仔不用畫出牆也知道店員說的豬骨湯是甚麼龍鳳啦🤡其實當時已經約下午一點四十五分，我實在想不到為何一家以老火湯餃子作招徠的店舖竟然會在下午時分仍未能提供老火湯。說真的挺失望。說回另一主角餃子，不如其他食評說沒有芫荽味。四拼餃子各款味道也不錯，屬於菜多肉少的那種。總的來說其實是合格的，但沒有提供老火湯卻是一大敗筆。題外話，旁邊的太太叫了一碟煎餃，她結帳時我看到她桌上那碗另附的豬骨湯差不多動都沒動。

由於屋企人業芫茜食品好有興趣，之前見到廣告有芫茜餃夠特別，仲要係手工制作就去左試。平日放工時間入到餐廳，客人唔多，有十零張枱，整體環境乾淨企理，油煙都唔大，裝飾特別，牆身既畫都好搞笑貼地見到餃子都多款，叫左2 set 雙拼煎餃: 芫茜拼芝士粟米流心餃 同埋 黑松露拼韮菜餃 各3隻另外再加左個豬扒上海麵 湯底係豬骨濃湯總數食左120蚊 價錢方面相宜 講左麵方面，湯底比較淡 完全配唔上濃湯個稱號麵質偏淋 咬都唔使咬咁滯上麵唔記得比匙更 可以改善餃子方面 等得比較耐 食哂個麵啲餃子都未整好而4款都係皮唔夠脆 偏油芝士粟米唔係流心 味道偏甜 鐘意食粟米嘅朋友仔應該啱食黑松露餃個底已經見到一 pat 黑色，一咬落去係有好夠味韮菜餃既菜肉比例唔太啱 韮菜太多 但係明顯啲韮菜唔靚，所以無味同有渣而最期待既芫茜餃係最令人失望完！全！無！芫！茜！味！呢間野最大賣點反而係佢最大敗筆所有食物都係偏油 與其話食得飽 不如話係食得太漏總括而言 呢間野應該無下次

開張時有傳媒做下勢，門口擺個人手包餃子吸下睛，初時都唔少人幫襯，但係元朗人心水清，好唔好食過一排就一目了然有啲野呃唔到人，早排停活豬，佢地竟然仲有得賣，咁就係人都知你用咩貨今日咁啱路過就入去試下，唔超過十個客，叫左個三拼餃菠菜麵，菠菜麵ok嘅，但係啲餃唔得，肉餡又梅又嚡，唔彈牙，冇肉香，比較好嘅係西洋菜餃，韮菜最差，唔嫩又有陣怪味成班老細還是高級staff喺尾枱試食，我心諗你咁都食唔出有問題真係失敗仲有牆上面嘅手繪裝飾，其中一張不敢恭維，要出位唔需要語帶冒犯性，死鬼佬都寫得出我真係幾好食都唔會再幫襯你

三點三時間落住大雨揾食，行過見無咩人咪入去試下啦，點知一試中伏。服務：自己搵位，無咩生意都無人理你，落單要叫幾次先有人彩你食物：我叫咗個大白菜鮮肉湯餃加自家製凍銀菊露，大概五分鐘就有餃食，食第一隻餃子發現有骨碎，食第二隻餃子有酸味，問個女侍應佢話係咁喎，我當然唔再食啦，但杯銀菊露就等咗十五分鐘都未有，追個侍應先去斟，杯銀菊露夠凍，味道有點淡。環境：都算亁淨企理，眼見多數為自由行客，可能餐廳鄰近17號上水小巴站啦。

紫薯甘栗餅 💲18✅ 薯餅外皮炸得夠脆身〰️ 入面仲食到栗子粒🌰 口感幾好流心芝士煎餃(6隻) 💲42❌ 流心芝士煎餃有少少燶🌋 芝士都唔係特別多❌ 店內網路不穩😩😩 只有一格訊號👅Taste：3.25/5💰CP值：3/5

近年香港開了多間餃子專門店，窩夫與蝦子餅日前試了元朗開業不久的維港灣餃子坊。維港灣餃子坊牆上的書法和畫都很有心思，值得留意。除了餃子，還有不少其他小食選擇。飲品方面，窩夫點了自家製銀菊露($8)，蝦子餅則點了酸梅湯($6)，味道都不錯。招牌四拼餃($38)的四款餃子分別是大白菜、韭菜、香芹和芫茜，每款兩隻，窩夫與蝦子餅可以一人試一隻。餃子看來很飽滿，皮夠薄，調味不太重手，可以吃得出饀料的鮮味。流心芝士煎餃($42)一客六隻脹卜卜，流心芝士饀加了粟米，減少油膩感，如果煎得再香脆一點會更好吃。

終於等到，晚飯時間，一入店已見到好多職員手包餃子冇停過！黎到依度，必要食餃子🥟首先叫左一碗招牌三拼餃菠菜麵，有大白菜，香芹同韭菜餃韭菜餃都足料，皮夠薄大白菜餃手工餃子整得都嘗算好味，皮夠薄，肉同菜都平均既！但菠菜麵同個湯底就.....湯底偏淡味，菠菜麵皂水味太重，完全蓋晒湯底既味道菠菜麵其實真係唔應該有皂水味！煎流心芝士餃一口咬落去流心芝士出黎，皮好脆流出來係芝士同玉米由於菠菜麵皂水味太重，食左兩啖就成碗棄左了內部裝修插圖都幾得意

今晚見到有雜誌介紹，加上我係個芫荽控。 甘就 試下佢嘅芫茜餃一坐低就諗住食 然後再買啲生餃子俾老公試下。我叫到個 蜆蚧鯪魚球， 大概等咗五分鐘就上才有四粒都畀好脹卜卜但係食落無果皮味，都彈牙既，不過不失到期待已久嘅芫茜餃， 嚟到佢個皮都煎得脆，但我明明叫芫荽餃，我覺得佢係嚟左 韮菜餃今日同佢講錯咗畀我， 佢同我講要再等多十五分鐘， 都唔驚之前等咗成十五分鐘再等多十五分鐘我已經覺得太耐，所以就放棄照食韭菜餃韭菜已經冇覺得好爽嘅感覺，超一般食完諗住買啲外賣畀我老公， 佢先同我講師傅話唔做生餃子外賣啦因為包唔切當你 語氣 真係差到冇朋友，好似 我欠咗佢咁

經過X在元朗FB介紹尋日終於去一試餃子元朗最近都有一兩間新開嘅餃子舖咁見到有人推介咁就去試下被安排新最入面嘅近廚餘處理及洗碗位置少不免都有蒼蠅飛過餃子都有唔小口味但入去就樣樣無貨咁制本身想叫4併$38/8隻 （韭菜白菜芫茜芹菜）但就講到得返韭菜同芫茜等左良久仲叫左黑松露煎餃（$60/6隻）食物味道一般正常 作為資深餃子fans同出邊既x子屋/x掂/x子坊/美味x子屋始終爭一段距離結構鬆散期間隔離枱話想要多兩隻碗見到職員帶濕手套 遞上碗但個隻手套有可能係處理過廚餘或者洗完碗我地係唔敢用嘅我地兩位都食完後有餃肚跡象完

店內裝修創意度100%，牆上有啲可愛既公仔畫，啲對白好搞笑😂。可能新開張既關係，樓面同廚房溝通有啲混亂，職員邊一款食物冇哂都吾知，要每一款走去問廚房😓，希望之後可以改善下。♥️芫茜鮮肉餃(5隻) 配豬骨湯刀削麵餃子Size都算大隻，餡料都飽滿既，芫茜味好濃但又吾會蓋過豬肉既味道，好食👍🏻。♥️豬扒 配豬骨湯刀削麵豬扒炸得好脆，粉漿吾會好厚，肉質鬆軟，刀削麵份量女仔食剛好男仔食有機會吾飽，豬骨湯底標榜冇落味精。♥️流心芝士鮮肉煎餃(6隻)餃子表面煎得吾夠香脆，芝士同粟米好夾，一咬落去芝士同肉汁都有流出黎，推介👍🏻。

作為元朗人看到元朗這間新開的餃子店主打無味精湯餃，身為餃子迷便立刻拉了朋友到這裡試試，結果令人失望至極💩朋友選了四色餃拼菠菜麵，餃子正常，可是那菠菜麵軟爛無味，朋友吃了幾口便吃不下去，所謂的自家湯底跟清湯毫無分別，朋友瘋狂加辣醬才喝了一些👎至於我選的五色淨餃，結果朋友都吃完了，我的餃子還沒上來🤷🏻‍♀️最離譜的是催了幾次單，服務員的態度還是懶洋洋，直到最後隔壁那檯已滿是食物快吃完了我的餃子才到😀而重頭到尾一句「不好意思」也沒有，好像是奉旨要我等的嘴臉，但重點是當時只有兩三檯的客人😀而所謂的青紅蘿蔔粟米湯，湯料不足完全沒味道，外面其他店舖的自家湯底餃子完勝這裡的湯👎坦白說，這裏湯底和麵完全不合格，但餃子還是不錯，用料實在菜肉比例合適，但是再好吃的餃子我想也不用超過將近四十五分鐘的時間來「熬煮」吧，無謂而且沒有任何原因解釋的等待時間以及奇差的服務態度已經完完全全打消了我的食慾🤷🏻‍♀️

「驀名而黎食芫茜餃」平時甚少入元朗入親元朗做完野就即走（畢竟太多人，大熱天時行大馬路好辛苦）見新假期定唔知飲食男女有佢地嘅報導特登行幾個街口黎試！雖然有啲失望（因為啲嫌啲茜味唔夠濃🙈）如果碗湯餃上面加大量生芫茜應該視覺同味覺都會充滿震撼😂（唔知第日會唔會有呢個選擇呢）但整體黎講抵食好食餃皮煙靭有咬口一碗8隻水餃（$36）份量剛剛好不過夏天去就好熱唔夠冷氣邊食邊出汗如果唔係因為太熱想拿拿聲走會想試埋其他小食