維港灣餃子坊 (已結業)

行過見到餃子麵，寫到明手工餃。對於有餃子狂熱病既我，立即有興趣。行入去，店舖小小，有10張枱到。冷氣夠涼。咁望下餐牌見到有淨水餃，煎餃，餃加麵。咁餓餓地就叫左個大白菜鮮肉餃加刀削麵，湯底係香濃豬骨湯。等左陣上菜，飲左啖湯，隻味係出前一丁豬骨湯味。有五隻水餃，試食左隻水餃感覺有啲散。一試個麵，嘩，無牙都食到。淋到呢⋯⋯明明刀削麵係彈牙，有趙口，點解可以煮到咁既款。唉，真係失望。睇黎要去發掘第二間餃子店。