維港灣餃子坊 (已結業)

講到係元朗食水餃餃子🥟相信大家對「梁記」絕對唔會陌生！以前佢既質素真係超級好，係會令人掛住好想食心癢癢，但近呢兩年真係差左搞到平時想食餃都有啲頭痕！😫有日手痕睇下開飯啦有咩新野食，見到呢間野新張😍就馬上來試個究竟芫茜鮮肉餃（5隻）配菠菜麵 $36見到佢餃子既size都算係大，而且好飽滿！外觀得分🤩一咬落去，係芫茜呀😍😍😍芫茜既份量係令人滿意既，配埋豬肉食落唔會有好重既調味，雖然係偏清淡既但係令人想一隻接一隻！佢呢度更可選配少見既菠菜麵加上佢既標榜無味精既豬骨湯底👍🏻輕盈之選煎芝士粟米鮮肉餃（6隻）$36外皮煎得香脆，合格！饀料既芝士份量唔算超多用既都係偏淡味既芝士，唔會過鹹但如果多啲芝士就好👉🏻👈🏻整體係夾既可以做好多少少😼加分位係佢仲會附一碗湯個日係青紅蘿蔔🥕粟米蟲草花湯🤞🏻飲完唔會口渴🤩你懂的淨食大白菜鮮肉餃（8隻）$36呢個淨餃就無上兩個咁強既味道白菜餃你想人地點🤣🤣但佢絕對唔似超市買到既白菜豬肉水餃！係呢款淨餃都係配青紅蘿蔔粟米蟲草花湯做湯底食完餃仲可以飲埋啲湯🤤好味指數：

一條友本來想食日本嘢，蕩下蕩下見到間舖大大隻字寫住「手工餃子」，正中下懷，老闆又好殷切地响門口推介，就決定一試。開响元朗後街唔算太熱鬧嘅地段，新開張都算多人入去試。叫咗個白菜豬肉湯豬骨湯餃，一個煎黑松露餃（其實想試個野生松茸餃，一樣價錢），一個炸香芋蕃薯球。最先嚟係+$6 嘅大大杯凍豆漿，甜度同濃度都剛剛好，唔會甜得嚟飲完成口酸味，而且好大杯，一定夠飲。白菜豬肉湯餃（8隻）件頭相當大，雖然唔係喜歡嘅灣仔碼頭口感，但食得出手工包嘅靚皮靚餡，豬骨湯底清得嚟唔會太淡，冇乜味精味，飲完唔會口渴。值得一提係佢個醋唔係一般偏酸嘅淅醋，係比較似意大利黑醋嘅陳醋咁嘅，有輕微澀味同香味，醋酲可以重手啲。黑松露同豬肉本來就夾到絕，再加上薄薄餃皮手工包住煎過，點埋個醋，就完滿咗空虛咗成日嘅味覺。所有食物應該都係即點即蒸/煎/炸，溫度絕對有保證。炸香芋蕃薯球有驚喜，推介。家庭式作業，兩位後生放學就去幫手，自動自覺，有辦有眼，足見家教。

見到佢新開張門口黐住話飲品半價，呢間野主要就食餃子，不過款式就冇乜特別都係一般平日見到嘅韭菜餃白菜餃等等。有得揀湯底二選一，我揀咗蟲草花湯，令一款好似係豬骨湯，餐牌聲稱湯底冇味精。飲落都好似冇味精。餃子方面中規中矩唔算特別大隻，另外叫咗酥炸雞翼同峴介鯪魚球。酥炸雞翼個面炸粉好似有啲，多嫌太過熱氣。飲品半價左之後豆漿只需要$3， 真係幾抵， 而且豆漿唔算好甜。

幾條友唔覺意經過呢間新嘅餃子店(招牌還是用紅紙貼住)，見門口包緊餃子嘅人好用心，雖然唔肚餓，都忍唔住想試下，入內見到「想餃就餃」四個字，頂…真系畀佢講仲晒！落單叫咗個最傳統既芹菜餃子，奇奇怪怪咁，同其他餃子店唔同，仲要揀湯底，蟲草花湯底同埋豬骨湯底。另外亦 Ordered 雞翼、鯪魚球、薯波。等食之餘，開始留意店內裝修，唔知出自邊個人手筆，咁鬼死有創意：肚餓想餃就餃，想了就餃餃，食完下次就想餃餃！芹菜餃配蟲草花湯底，味道相對地清淡健康，唔似有加味精。七隻餃子中，隻隻都有D唔同樣，仲有一隻裂開口，肯定唔系機器沖手工，值得加分。炸雞翼就肯定由生炸到熟， 唔似大型連鎖快餐，煮一半炸一半，又或者買唔曬返炸，因為我今次系食到會流汁既雞翼。鯪魚球好香夠彈牙，可惜蜆介汁唔系入過雪櫃的，如果唔系，熱辣辣配上凍冰冰，真係想死。薯仔球就好甘香，可以乜都唔使點。 埋單時呀靚女先講：七色餃係佢哋呢度嘅招牌。 應承妳，下次試！