秋意 (成業工業大廈)

營業中

休息中

今日一個人在觀塘買完旅行篋，跟住順路去朋友推介的秋意吃晚飯，試下他盛讚的秋意去骨豉油雞。叫了份秋意去骨豉油雞配濃雞湯上海麵。豉油雞加$10可轉淨脾。豉油雞份量足，雞肉香甜皮夠滑，真係好食，忍不住雞皮也食埋。濃雞湯配上海麵很好吃，麵有口感湯夠味，蔥花木耳和枝竹增加風味。套餐追加了蟲草花烏雞燉花膠湯，個湯真材實料，味道清甜濃郁，滋潤。酒釀溏心蛋賣相普通，但味道出奇美味，尤其是溏心蛋黃好正。最後，嘆埋酸甜的九製陳皮洛神花茶，為這餐劃上完美句號。

日前朋友帶我去左呢間位於觀塘成業街嘅工廈小店「秋意」食，頗有驚喜，值得推薦。餐廳唔係好大間，但裝修都算有啲特色。店員介紹呢度主打豉油雞，咁梗係要加錢食個雞腿靚位啦。雞腿肉果然好滑，而個豉油雞皮好入味，非常高質！由於怕兩個人食叫半隻太多會試唔到其他野，我同朋友就叫了一客豉油雞腿飯，再叫埋酸菜魚同牛魔皇。酸菜魚賣相吸引，味道唔會太酸太辣，頗適合香港人口味。魚肉好軟無骨，正！牛魔皇係麻辣嘅牛腩同牛𦟌，麻辣嘅風味好惹味，而牛肉都唔會太韌，相當唔錯。但由於都幾辣，我同朋友就叫埋可樂同茶飲。PS：跟飯嘅溏心蛋同沙律菜都好好味，所以單獨encore

芝麻醬伴油麥菜：睇個名完全估唔到係沙拉，以為係日式漬物果種伴菜，芝麻醬味多，啲菜幾新鮮酒漬糖心蛋：真係有酒味（嗌飯都會跟半隻糖心蛋但係冇酒味的），半熟程度啱啱好，不過$10隻少貴有啲唔捨得加紅燒肉：可以揀配飯/麵，個肉略嫌唔夠軟，雞湯麵幾好味口水雞：雞肉超滑，其實加$10可以轉全脾，但佢就算有幾舊係雞胸都係好滑，可以慳番$10唔洗專登轉脾都得，口水汁帶少少酸唔太辣，加埋花生碎好香，不過我地其實嗌錯左，應該紅燒肉配飯，口水雞配麵會夾啲最後招牌菜豉油雞終於黎喇，個雞肉皮薄肉多又嫩滑，個豉油汁唔會太咸，而且唔係單調既豉油味，係有層次既汁（好想要佢地個食譜）個雞皮好入味又冇太多肥膏，食完完全明白點解佢地個slogan係食雞唔食皮不如唔好食，我同朋友平時都少食雞皮，但呢個雞一定要連皮食！朋友本身做開gym，佢話下次黎要嗌成隻雞，又唔貴又冇骨又好食又健康可以補充protein飲品我地嗌左生薑茶同紅棗茶，夠濃味又健康，佢地仲有其他洛神花茶呀、百香果柑桔之類，都係較健康既飲料，啱哂我呢啲唔中意飲汽水既人不過都要提一提，佢地雖然係工廈，但都幾多客人，所以繁忙時間要搭枱同埋限時45分鐘

呢間食店係觀塘工廈入邊，啱晚收工食嘅好選擇，仲可以叫外賣搞定晚餐。佢嘅特點就係價錢唔貴，食物又健康，最緊要冇乜味精，啲食物食落令人覺得無負擔。佢嘅酸菜魚配上海粗粗麵，啲麵彈牙又唔會太軟，魚鮮甜又無骨，仲有啲彈牙，一啲都唔腥，湯底相較其他店清新，想食酸菜魚又唔太食得辣嘅新手朋友可以試一試。瑤柱去骨貴妃雞配乾撈蒟蒻麵就更加正，雞肉嫩滑，瑤柱香味十足，好特別嘅組合。如果你想加$10轉淨脾，雞髀更加啖啖肉，唔係好多地方可以食到蒟蒻麵，想健康啲嘅人士可以一試，有食麵嘅滿足感但就可以做到低卡路里！仲有啲小食都值得一試，特別推介香辣蓮藕角，香脆麻辣，配合啲麵一齊食就更加香。至於飲品，呢到用袋入住，幾得意。四季春茶味香，清涼解渴。百香果柑桔酸甜爽口，特別開胃。如果你鍾意啲特別嘅，不如試下九製陳皮洛神花，清新有淡淡嘅陳皮香，又有啲酸味，又醒神。總括嚟講，呢間食店係觀塘工廈嘅一個好選擇，食物新鮮又健康，係收工食嘅好選擇。

見到好多人介紹秋意，今次收工專登黎，呢到好受歡迎。630到已經要等位，想食既真係要早D黎，因為佢730就last order!黎到一定要叫去骨豉油雞，配左飯。豉油雞色擇好靚仔，豉油味入曬雞肉，而且好嫩滑，雞皮都好好食。飯入面，仲有隻有酒味既唐心蛋，好食! 配菜入面有木耳同雪耳，係醃過的。都幾好食，下次會直接小食都叫呢款。瑤柱去骨貴妃雞配雞湯上海粗面去骨貴妃雞更加滑，同埋雞味再突出D。上海面既湯底好好飲，好濃的雞湯味，又唔會過咸。跟餐叫左蟲草花烏雞燉花膠湯，呢個強烈建議大家要加，好足料，入面有花腸，蟲草花，龍眼肉等等，個湯好清甜，上台時仲熱辣辣。芝麻醬拌油麥菜都唔錯，幾開胃。

雖然觀塘人多車多，但係我都幾鍾意去觀塘工廠區覓食，搵啲小店試吓，發掘驚喜。之前都有聽過朋友話秋意嘅豉油雞好好食，平時唔食雞皮嘅佢，連呢間嘅雞皮都會食埋，仲話好滑好好味。今次就到我嚟試吓堂食啦。去骨豉油雞飯，豉油雞烹調後色澤較深，品嚐過後覺得味道唔會過鹹，反而帶少少甜。肉質滑溜，唔會柴口，啖啖肉。白飯表面灑上飯素，伴芝麻醬油麥菜沙律，仲有半隻糖心蛋，配搭豐富，平衡返成個便當。酸菜魚大大盤酸菜魚上枱嘅時候好吸晴，份量幾大，兩個人都差啲食唔晒。酸菜調味幾開胃，微微花椒香，除咗魚片仲有好多配料，包括芽菜、木耳、枝竹、寬粉。最鍾意食酸菜魚入邊嘅寬粉，吸晒湯底味，煙煙韌韌。平日晚餐時間都keep住有客人，仲有不少外賣單，證明都好多人鍾意食呢度嘅菜式，鍾意食雞嘅朋友記得嚟試吓。

😋🐔秋意去骨豉油雞（半隻） $94上色非常均勻 一看色澤就知道很夠味 雞肥瘦適中 雞肉很滑嫩 豉油味道調得很剛好 鹹中帶甜 雞皮有厚度但不油膩 連不吃雞皮的我都覺得很可口 因為已去骨的原故 每一啖都啖啖肉 非常滿足 單吃不錯 配飯更好😋🍲秋意特色酸菜魚 $198辣度：可選大辣/小辣酸菜魚一上枱已經香氣撲鼻 雖然酸味未算很突出 但淋上炸過後的蒜油 花椒油非常惹味 魚肉份量很多很滿足 魚片都已去骨 非常貼心 伴菜更有煙韌寬粉 雲耳 芽菜 索透湯汁的枝竹 沒想到把雞弄得這樣出色的餐廳 連酸菜魚也有一手 性格比高

朋友介紹特登嚟試吓呢間嘅豉油雞，的確係好肥美、好入味，去咗食兩次豉油雞都好肥，有少少溜，如果唔鍾意肥雞嘅人可能會嫌太油膩，不過以咁嘅價錢嚟講我覺得係一百分酸菜魚就中規中矩，午餐嘅酸菜魚套餐魚嘅份量唔算多，亦切得唔算厚。

🐓 🍂秋意 秋意去骨豉油雞飯 $62———————————————————————豉油雞色澤好靚🤎配埋閃令令嘅油光 睇落勁入味🤤！但事實同期望有落差🫨豉油味並唔係想像中咁濃郁 偏甜～好嘅位係夠多汁撈飯 食完都唔會好膩 P.S飯底仲有飯素 幾好送飯🍚.大部分雞皮連住一層肥膏 入口全都是油💧本身雞肉亦嫩滑 夾埋口感match🎊.配菜有半隻酒釀溏心蛋 食得出淡淡酒香 不過蛋黃熟咗啲啲🤏🏻.另外仲有麻醬沙律同雲耳🥗帶啲清新嘅感覺嚟平衡豉油雞嘅油膩感 可以一試～～.地址🚩：觀塘成業街19-21號成業工業大廈6樓29室

上年睇到mm影片分享網站介紹，都有follow佢哋社交媒體。終於夾到時間特登去，就係衝住佢個豉油雞，期望都幾大嘅（印象中話雞有幾好食，老闆幾有心搞⋯⋯）。簡單嚟講，結果就係少失望。喺附近做嘢可以食，特登就唔洗啦。門口位好細，一有人俾錢基本上就塞門口。2pm去到無豉油雞（都唔係話唔正常），咁就因為好肚餓照食其他嘢。老闆喺樓面行行企企唔知做乜咁，得一/兩個樓面係真係做緊嘢。叫我坐埋邊但張檯未執，抹完張檯都係污糟今日食咗貴妃雞，或者係我食唔明，點解好地地要加飯素？？？然後改咗用碗裝，芝麻醬沙律菜+雪耳雲耳+溏心蛋+雞+飯同飯素擺埋一齊，食到我滿頭問號，唔明咁設計係想點。雞方面算嫩口，但比較肥同重口味🫣溏心蛋食到少少酒味，好食嘅。清潔方面希望有改善，回頭機會低

觀塘嘅工廠大廈一向都有好多隱世美食，今日試咗呢間主打豉油雞🐥、酸菜魚🐟，非常滿意，性價比高。🔹️秋意去骨豉油雞🐥 (半隻) $94賣相好吸引，豉油嘅香味滲透左入去雞皮到度，而且鮮嫩和好肉地嘅雞肉都有豉油香😍，風味獨特，調味一流。🔹️瑤柱去骨貴妃雞🐥👸 (半隻) $99貴妃雞是一道具有宮廷風味嘅菜式，瑤柱則用來提升菜式嘅風味😚，今次去骨雞肉和瑤柱配合，好有口感。🔹️酸菜魚餐🐟配飲品 $70魚肉好新鮮，份量都算多，而且配上海麵，味道偏辣但唔會太過份，跟餐仲包一杯飲品。🔹️百香果柑桔🍊呢度嘅飲品用袋裝都幾特別，百香果柑桔清新爽口，百香果微酸的滋味，和清爽嘅柑桔好夾呀。🔹️白桃烏龍茶🍑白桃和烏龍茶幾時都係咁夾，香得來清新怡人。

聽到呢句咁有霸氣嘅slogan #食雞唔食皮不如唔好食 就被佢激發起我嘅好奇心😝 我哋平日夜晚較早時間到都仲有唔少位，但好快就已經坐滿😲而且係每枱都會叫鼓油雞😆😆🐣 秋意去骨豉油雞 ($62)嚟得食世一䜴油雞🤣點可以share⁉️起碼一人一份啦😌今次就揀咗濃雞湯上海幼麵同白飯🍚雞湯麵賣相真係好吸引🤤但其實白飯都唔可以睇少，係珍珠米加飯素，加埋豉油已經好好食😋入主題啦😍😍啲雞真係好有光澤🤩望落好深色但一啲都唔咸😛最後平時唔食雞皮嘅我都忍唔住要去挑戰吓，又真係幾香又唔好油👍🏻最正係去骨啖啖肉，懶人最愛😚😚🥒 蒜泥手拍青瓜 ($22)加咗爆多蒜粒嘅青瓜，仲有麻油同芝麻香😌重口味必選😏+$10 酒釀溏心蛋+$8 凍百香果柑桔+$8 白桃烏龍茶📌 秋意 觀塘成業街19-21號成業工業大廈6樓29室

餐廳距離地鐵站非常之近，而且都坐得好舒服好闊落秋意去骨豉油雞$62 淨脾+$10 蒟蒻麵+$8豉油雞做得好出色啲雞好嫩滑，而且整到啱啱好，所以一啲都唔韌，而且好入味。豉油好想食個皮係深黑色而且裏面嘅肉都食到豉熟油嘅香味。再嚟蒟蒻面取代咗飯健康好多，好鍾意有呢一種啱減肥嘅選擇。餐廳都好細心將啲豉油雞嘅豉油撈咗啲麵之後先放落個碗裏邊，所以醬汁好均勻咁樣沾上每一條麵條度。醉流心蛋酒味好突出，而且流心蛋嘅質地醉香怡人。白桃烏龍茶跟餐+$8 烏龍茶冇另外再加甜味，所以可以好突出咁樣飲到白桃味同埋烏龍茶味。

觀塘豉油雞專門店，老闆立志做最好豉油雞，專注做好一件事一定出色，值得入觀塘區試一試。🥇- 秋意去骨豉油雞 HK$62 🍗🍜豉油雞口感非常滑嫩，肉質細膩做到入口即化。雞皮厚身但唔油膩, 口感爽脆彈牙好濃雞味。豉油味道味道甜中帶咸，超濃厚，令雞皮至雞肉都吸滿秘製豉油，超出色！- 瑤柱去骨貴妃雞 HK$64 🍗🦪🍜肉質非常滑嫩更勝豉油雞。瑤柱精華香氣與貴妃雞的肉味相融，為菜式增添海鮮風味，味道豐富而細膩。

觀塘作為office聚集地，食飯真係越來越貴🥲🥲🥲想搵到一間食物水準不錯價錢又親民嘅餐廳實屬難得。今日同朋友來試嘅秋意位於工廈入面，位置唔算容易搵但價錢親民之餘口味都不錯的🥳而且有一人套餐比較適合返工食飯酸菜魚口味非常惹味！湯底有魚嘅鮮味！魚片份量幾多而且口感爽脆唔柴 酸菜都夠算而且唔會過多纖維～如果係跟飯嘅話會直接整成湯飯，唔喜歡湯飯嘅朋友就建議叫返上海麵啦豉油雞冇特別要求指定部位，卑咗雞翼部分，都算幾好👍🏻口感方面幾嫩滑唔會柴，豉油嘅醬香味都濃郁，口味也都唔會過鹹！跟嘅上海麵湯底冇咩特別，口味偏淡適合同雞肉一齊食用就啱啱好啦！柑橘飲品飲品好得意全部都係用袋裝住，唔會額外再加冰，依一點很好！味道同一般茶飲店出品冇太大分別，值得一試的！總體餐點味道偏淡，我自己幾鍾意，食咗太多油膩嘅食物之後。