秋意 (成業工業大廈)

營業中

休息中

第一次去呢間舖頭食 從來未見過有侍應態度咁惡劣 嗌野比錢都黑口黑面 不停問幾個 同第個侍應講左幾個叫我地坐低 收錢侍應仲係咁黑面差態度問我地幾位 大佬咪應左 係咪要每個待應話你地知幾個？ 走埋入廚房話埋比所有人知幾個先滿意？你有無眼睇？ 比錢買難受？ 之後走開又係到啊吱啊左 係到話咩都唔知唔知 你係要講出聲就大聲d對住我地講啦 真心呢個世界咩人都有 食物方面無乜特別 但個服務態度真係太差 唔會再幫襯 呢個收錢侍應同其他人講野仲變聲 陰聲細氣 恐怖

只能用失望黎形容而家嘅心情,豉油雞飯已變成平平嘅碗飯,而唔係推介相片內咁,飯同餸分開用一大碟擺得靚靚咁上,我首次光顧,無諗過眼前的那一碗飯係值咁嘅價錢. 首先講下味道,雞皮偏肥好多油脂無切走,雞肉無味唔滑,雞皮有少少甜味但鼓油味唔出,但慶幸沒有雪味,勉強食到入口. 沙津係生菜絲雲耳同車厘茄,同麻醬放埋入碗內，雞下面遮住左少許飯素同少許飯. 最底下先有豉油汁. 薑蓉亦一啲都唔香,反而吃到有蒸魚味,唔知係咪加左蒸魚豉油. 以觀塘區嚟講,食物選擇多,跟本不用再來. 飲品我揀左蜜桃烏龍茶,無糖但飲唔到桃味,亦不見有任何果肉,普通.

今次食去骨豉油雞，每一塊雞肉都非常鮮嫩多汁，入口即化。與此同時，雞肉的質地又非常有嚼勁，完美地平衡了口感的層次。無論是外皮還是內部肉質，都經過了完美的處理，使得每一口都能夠帶來極致的享受。其次，讓我們談談這道菜的味道。去骨豉油雞以豉油為基底，豐富了整道菜的風味。這種獨特的醬汁賦予了雞肉濃郁的鮮味，同時又帶有微微的甜味和微辣的香氣。這種味道的搭配非常平衡，既能夠滿足喜愛重口味的人，又不會過於沉重。每一口都能夠品味到豉油的香氣，讓人回味無窮。

秋意特色酸菜魚酸菜魚勁大盆，份量超多，食完飽到上心口🙈超級抵食🫶酸菜魚中採用的配菜款式好多，有芽菜、寬粉、豆卜、酸菜等等，大部分都係超入味的配菜，超濃郁超正👍酸菜魚塊全部無骨👍👍👍食落又嫩又滑，吸納了酸菜的精華所在，加埋辣椒，酸辣兼辛香，惹味十足，必食無誤🤤溫馨提示，酸菜魚辣度都幾重手，怕辣人士㨂選前要諗清楚喲🥴秋意去骨豉油雞（半隻）豉油雞唔算太肥嘅，每件都沾上滿滿的豉油，色水都幾好幾吸引🐤雞肉去骨方便食用，非常理想❤️食落唔會成口油，質感嫩滑又多汁，雞皮同豉油完美結合，豉油的鹹香超級突出，好美味🥰❤️

過左lunch最繁忙時間，差唔多2點入座，點員門口已經好似唔想做你生意咁。叫左口水雞同酸菜魚湯，仲有小食雞腳。味道全部都幾好，野食黎哂，野飲未到，問職員啦，女職員好似唔想答咁，完全好似我地有問題咁。（黑人問號）到走比錢，職員企係收銀咩都唔講，朋友話比支付寶，先話現金同8達通，一幅殺左佢全家樣。講真野食價錢都唔錯，但由門口到座低走，好似個個員工唔想做生意咁樣。相都唔想影，唔知以為自己去左咩鋪頭。我就唔會再去啦。

之前係YouTube見到有介紹過這間餐廳，係觀塘返工的我沒有理由不過黎試一下吧去到餐廳門口，已經見到有少量人等位，難得來到，當然唔介意等一會兒🤓餐廳門口貼了一張告示，指所有湯麵今日暫停供應，雖然有點失望，但也無阻我想嘗試這間餐廳的決心秋意去骨豉油雞賣相很不錯👍🏼豉油雞入味，雞翼去骨，方便我們只有有限午膳時間的打工仔招牌去骨口水雞口水雞上的口水醬汁很惹味，少少辣，很開胃兩款碟頭的白飯上都灑了一些飯素，另外亦有少量沙律伴碟，更有半隻溫泉蛋，有飯、有肉、有蔬菜，是一個有均衡營養的lunch呢！總括而言，這間餐廳是觀塘友食lunch的不錯選擇，由於餐廳面積不大，如不想輪候位置的話，可考慮外賣便當🍱

試左豉油雞，唔知係咪因為外賣定點，d雞勁鞋口🤢得層皮有豉油味咁，完全呃哂，可一不可再。而且價錢偏貴，質素對唔住個價錢，好失望，唔會再試。搞到我連佢其他嘢都唔想試。

🐔🥢🥣配菜比招牌雞好食▫️免加一🆗秋意去骨豉油雞飯 -$62去骨豉油雞，可以話喺呢度最出名嘅，雞大約有六件，雞肉的確好滑，雞皮好深色，有淡淡的豉油香，吾會好鹹，但豉油味都唔算好濃，亦都吾夠用黎撈飯，我覺得冇話十分好食。但米飯用上珍珠米，加埋飯素喺面，就加分，最好食係配菜，有半隻糖心蛋、爽脆辣蓮藕，同埋芝麻醬沙律菜，口感豐富又惹味。☑️秘製紅燒肉飯 -$64 紅燒肉半肥瘦，同樣有大約6件，煮得剛好，幾索汁，個汁夠多可以撈埋飯，味道幾好，米飯同配菜同樣吸引。☑️芝麻醬拌油麥菜 -$20用油麥菜黎整沙律都係第一次聽，估吾到都吾錯，將油麥菜切條，搭配沙律菜同蕃茄仔，好新鮮爽脆，醬嘅份量都剛好。

秋意//臨放lunch時上gulu拎定飛先 去到店員先話比我地聽個gulu係假的 最後都係要walk-in 😓 去骨豉油雞 配飯 （$62）咁啱有隻雞脾食 所以啲肉都算嫩滑 份量都幾多 同行友人話有幾舊係雞胸 略嫌有啲鞋口豉油雞做得幾好 撈埋飯一齊食好夾～另外配咗 2/3舊細既蓮藕 辣辣地幾開胃 隻溏心蛋就不過不失如果唔駛排隊既話值得一試既 始終工廈通風系統做得有啲差 所以排隊等既時候都幾熱(´Д` )

工廈覓食第五小隊出動🚶🏻‍♀️🚶🏻（根本得一隊兩個人🤣）早排好hit咁我又去湊下熱鬧平日六點幾到坐滿人🤭咁岩有人走我地可以即入可能就收工有啲野食都賣晒環境唔多闊落但裝潢幾有特色#做戲做全兔#個個有雞食#食雞要食皮🤣🤣仲有神鳥鳳凰圖都有少量打卡位既😝另外覺得肥肥地既老闆唔多有禮貌😕但好彩份量都好足好夠飽定價又幾合理👍🏻係好食但唔驚艷一試無妨🫶🏻⍥ 秋意去骨豉油雞 ❙ $62睇色水好似好重口味好鹹但其實調味平易近人 😋豉油雞去晒骨 大大啖咬都唔怕一向唔食雞皮 今次都食左少少😙重點係雞件好滑都幾嫩即使最易中伏既雞胸位都表現不錯份量多 足夠餸飯有餘白飯加左飯素 食落無咁寡半邊好味溏心蛋😝估唔到有雪耳木耳等健康伴菜仲有少量麻醬沙律菜⍥ 瑤柱去骨貴妃雞 ❙ $64白雪雪既貴妃雞都唔差被分派到髀位🤓依舊嫩滑唔鞋口😗瑤柱正好用黎撈飯 都幾香白飯同伴菜都同豉油雞一樣⍥ 撈汁皮蛋 ❙ $28聞到好香好香🤩食落都惹味刺激份量唔少 幾重口味！⍥ 溏心蛋 ❙ $10唔知碟飯會有 搞到加左錢又食不過好溏心😍咁好味又唔差在食多粒

最近看youtube 都見幾個不同channel 介紹這間餐廳， 其中最令我深刻的是老闆的一句說話，本人亦十分認同。「食雞唔食皮，不如唔好食」。今天放假出觀塘，決定去試一試。➡️秋意去骨豉油雞（半隻）豉油雞的顏色比市面上的深色，別以為這樣會很鹹，味道剛剛好。餐廳超細心把雞骨斬去除，啖啖肉，雞肉非常嫩滑。豉油味完全融入雞中，雞皮帶點焦糖香味，再配上薑蓉一起吃，層次感再提升。➡️蒟蒻麵蒟蒻麵拌入豉油雞的醬油和麻油，麵索得剛剛好，不會過硬過軟。很欣賞餐廳如此細心，知道現在大部份人都喜歡減碳生活，提供蒟蒻麵這個選項給客人選擇。原本打算一嚐餐廳的酸菜魚，可是今天缺貨，就留待下一次有機會再來品嚐吧！

觀塘工廠大廈有好多西餐食但偏偏俾我搵到呢間食雞，好好食嘅餐廳上網睇人話呢度豉油雞，好正你到嘅時候出邊已經有好多人等 好彩出邊等嘅地方都算大而且等一陣就有得食見出邊人氣咁高，應該真係好好食我哋叫咗一隻豉油雞油椒雞腳芝麻醬菜兩碗白飯同嘢飲 看似簡單嘅餸，但最like係豉油雞首先是有雞，好啱口味唔會太鹹，而且有少少甜味 豉油雞係去骨，非常適合我呢啲懶人豉油雞，做得非常嫩滑而且唔會流血送飯一流兩碗白飯，好快就清晒同場見到仲有酸菜魚，下次可以再試現場見到店員全部落手落力，支持小店

依一間秋意都非常之出名，相信大家都可能係mm或者其他Foodie嗰度見過，我就最簡單咁樣同大家介紹吓佢唔同嘅菜式啦- 秋意去骨豉油雞和瑤枉去骨貴妃雞，兩隻雞都好正，唔會太肥，味道啱啱好，而且都幾滑- 蒜辣牛魔王，佢嘅蒜味非常之香，而牛舌嘅口感非常之不錯- 秘製紅燒肉（例），五花腩非常之軟腍，好難得食到咁腍嘅肉，超級驚喜- 蒜泥手拍青瓜，少少蒜香，唔會太重口味- 麻醬水晶粉皮，好食- 芝麻醬拌油麥萊，第一次見油麥菜係沙律，都幾意外😂😂- 白桃鳥龍茶同百香果柑桔飲都係用密實袋裝住，好有馬來西亞嘅感覺，幾好玩

之前睇MM同米紙都有推介過呢間觀塘工廈餐廳🍴 - 秋意，今次去開附近終於有機會試啦💗！7點先到餐廳(8點關門)，好好彩做咗最後一枱，大家記住要食就早啲到(不過唔好彩想試嘅酸菜魚已經賣曬)！🌟秋意去骨豉油雞(半隻)秋意嘅招牌菜唔洗講就係鼓油雞！去曬骨啖啖肉食得超方便。鼓油汁只佈滿喺雞皮，雞肉就唔會有醬汁，比起燒味舖嘅油雞冇咁重口味，鼓油汁亦相對冇咁甜。雞皮爽彈，連平時唔食雞皮嘅👧🏻都試咗少少雞皮🤣。🌟 蒜辣牛魔王蒜辣牛魔王就有齊牛舌同牛腱肉，份量比預期多。麻辣同蒜香🧄味十足，辣度對於食開十小辣嘅👧🏻嚟講辣咗少少，但真係超惹味😍！兩款肉類都煮得超級腍身，牛舌軟身程度同牛舌心冇分別！🌟秘製紅燒肉便當(加溏心蛋)本身想揀其他麵類e.g. 蒟蒻麵、菇扮麵🍄，不過已經賣曬，不過呢到嘅飯用上珍珠米，仲要有日式飯素👍🏻。至於紅燒肉就有5大舊，每舊切得四四方方，仲要係層次分明嘅。瘦肉部分已經好夠軟同鬆化，連脂肪咬時，肥膏嘅油份滲出🤤，係幾邪惡！🌟芝麻醬拌油麥菜平時食開油麥菜都係熟嘅菜，所以店員一上菜時都有啲估唔到係切碎嘅生油麥菜！其實食落同平時食嘅沙律菜無異，入口唔會太粗糙，再加埋芝麻醬，就唔會Dry~

今日去左觀塘工廈搵野食，見到呢間餐廳個slogan #食雞唔食皮不如唔好食 就決定入黎試下，就試下食佢啲雞皮。秋意去骨豉油雞$62呢度嘅豉油雞同平時唔到，顏色上比較黑，味道上偏甜唔會太鹹，舊雞肉食落都非常嫩滑，連埋皮一齊食味道岩岩好。招牌去骨口水雞 $62啲雞同豉油雞一樣咁滑，不過就唔係好辣，如果再辣啲就更好啦。去骨椒麻醉豬手$48呢個醉豬豬手好足料，食落超重花雕酒味，而家食緊都唔會覺得油膩。百香果柑桔 跟餐+$8呢度嘅飲品幾特別用袋仔裝住，飲落岩岩解膩同雞飯一齊食都夾。