秋意 (成業工業大廈)

營業中

休息中

今日去咗秋意嗰度食雞，間餐廳真係好有名，佢嘅雞肉好嫩滑。我叫咗秋意去骨豉油雞，仲有撈蒟蒻同蓮藕同少少沙律作配搭。豉油雞個皮滑滑嫩嫩，肉質鮮嫩，豉油味都好香。撈蒟蒻同蓮藕都好爽口，加埋少少沙律，令整個組合更加豐富。另外，佢哋嘅招牌去骨口水雞同上海麵都好出色。去骨口水雞嘅口水汁酸酸辣辣，帶有一啲微辣同微酸嘅味道，完全係我嘅菜。上海麵亦都好正，麵條彈牙，湯底鮮美，加埋啲配料，好滿足。如果你鍾意辣嘢，又可以試下佢哋嘅麻辣牛魔王，有牛展同牛舌組合。牛肉質嫩滑，麻辣底辣味十足，好開胃。至於飲品方面，佢哋嘅飲品係用袋裝，我叫咗個羅漢果，我朋友就叫咗個百香果。羅漢果飲品清涼解渴，百香果飲品酸酸甜甜，兩個口味都好好飲。

兒家佢地擴充咗，可以坐埋隔離舖~洗再排咁耐~我食親都一定係食豉油雞，因為真好正，同埋一定要食雞皮！啲豉油上晒色，而且仲好夠味，但又唔會好鹹啲肉又夠滑，唔鞋，去埋骨啖啖肉好正！今次仲嗌咗上海麵，麵質偏幼，唔會好索湯，唔會脹晒，個湯仲有少少雞油，好清好香雞油味！酸菜魚次次都好快賣晒，今日好早咗嚟有得食.佢啲魚勁滑，又少骨，同埋唔會一夾就散，而且個湯好香花椒味，都夠酸，唔會太辣，唔食得辣嘅都好入口.同埋份量好多，有成半碗都係魚，勁抵食！今次伸加咗佢個湯飲，勁足料，好抵飲！材料有花膠，好爽口，仲有烏雞，而且仲有蟲草花，呢啲涼涼地嘅天氣飲最好，可以補下肺紓綬下氣管！同埋好大盅，飲完都好飽！小食就嗌咗蒜泥青瓜同撈汁皮蛋佢嘅蒜整得好入味，同埋係有少少辣嗰隻蒜，所以食落，令到皮蛋味更加出而青瓜就好爽脆！

觀塘工業大廈出名多餐廳今次去左呢間招牌食雞既秋意平日大約7點到 差唔多坐滿同時都有唔少外賣生意QR code落單 清晰方便快捷當日唔少選擇已經售罄包括其中想食既秘製紅燒肉…黃酒藥膳雞湯 $64揀左上海幼麵加左10蚊轉雞脾黃酒有苦味 係大人既口味6件雞件 幾大件雞肉嫰滑上海幼麵 麵質偏林芝麻醬拌油麥菜 $20芝麻醬量適中蕃茄仔同油麥菜新鮮蟲草花烏雞燉花膠湯 $78湯有紅棗甜味花膠大件爽口滑身由於食食下被店員擅自收走左湯渣除左花膠 其他湯渣零評論瑤柱去骨貴妃雞 (半隻) $103鋪左唔少瑤柱絲係面雞件帶有輕微雞血雞肉嫰滑酒釀溏心蛋 $12微弱酒味流心蛋白飯 $12整體雞係幾好食不過被店員擅自收走食物而且連一句唔好意思都冇講表示無語

呢度係一間好特別嘅餐廳，就喺觀塘工廠大廈度，啲食物係地道香港風味，又帶啲創意😝招牌去骨豉油雞個豉油雞肉啲質感好嫩滑，又係去骨，啲雞肉啲味道完全滲入到啲豉油裡面😋每一口都係滿滿嘅鮮香🖤🙏🏻酒釀糖心蛋蛋黃就濃郁得啱啱好，配埋啲酒釀，好啲人食完都會想要多啲，真係上癮！☺️😍花膠肉碎擔擔麵麵條彈牙有咬勁，湯汁夠濃郁，酸酸辣辣好正❤️加埋啲花膠同肉碎，味道更加豐富，啲花膠嘅鮮甜味同埋肉碎嘅香濃味混合喺一齊，令人難忘！🤝陳皮洛神花啲飲品都好出色，特別講下呢個陳皮洛神花。啲陳皮嘅香氣同埋洛神花嘅酸甜味完全融合喺一齊，飲完口感好清新😋總括嚟講，呢間餐廳係一個真係值得去試吓嘅地方！食物質素絕對唔馬虎🙆🏻‍♀️

早期已經在lunch時來過，今次晚餐帶同友人一起試試。鋪面不算大，六點半到都已經坐滿了一半，七點就陸續多人。臨走時見到對面有多一個鋪位，可以坐多數枱。👌🏻秋意去骨豉油雞 半隻 （$98）秋意最出名既就係豉油雞，今次算係慕名而嚟～而呢隻豉油的確沒有令我們失望！半隻雞份量十足💯雞肉超級嫩滑🤍整份雞都被豉油汁裹著，豉油汁鹹鹹甜甜，味道恰到好處，不會太濃味👌🏼送飯一流🤌🏼這個價錢有這個質素和份量沒得挑剔🤌🏼例牌秘制紅燒肉 （$86）紅燒肉比起豉油雞就稍為遜色一點點🤏🏻不過仍然十分送飯。肥瘦適中，份量亦都算多～肥肉入口即溶，令人不禁多扒幾口白飯🍚瘦肉的部份較鞋口和乾身，但搭配肥肉剛好，亦幫助減低了油膩感⬇️白飯（$12）🍚蒟蒻麵 （$25）蒟蒻麵入口比一般碳水輕型，也是裏滿了豉油汁，味道稍稍淡，但感覺很健康👌🏼白桃烏龍茶（$24）四季春（$24）兩款茶都是無糖，茶味算濃。白桃烏龍是有茶包跟上的，帶出啖啖桃的清甜。

工廈餐廳 唔算好多位Lunchtime 一時full 一時冇乜人餐牌唔係好多選擇主打豉油雞、口水雞、貴妃雞秋意去骨豉油雞 ($64)基本上每個部位都有啲有雞翼雞髀雞胸位如果淨係想食雞髀可以+$10豉油雞味道正常 唔會好鹹不過皮下脂肪都幾多但係都算滑嘅 反而豉油汁唔係好多就冇咁好撈飯 可以問店員攞薑蓉個飯上面有啲飯素 增加少少唔同味有啲驚喜係隔離竟然有沙律、木耳同埋半隻浸咗花雕酒嘅雞蛋都幾重酒味 我就麻麻哋啦整體成個lunch正正常常又唔係話勁好食 不過都飽肚嘅～

朋友話去到觀塘不得不食豉油雞令到我略帶少少期待見到牆上訂單幾乎每一張枱都有點秋意豉油雞今次同朋友點咗豉油雞秋魚去骨豉油雞半隻$98一上碟已經覺得雞肉會好入味食落口果然冇令人失望雞肉非常滑身！豉油雞入味，略帶微微甜，唔會過鹹味道同埋雞肉嘅軟滑度都恰到好處唔怪之得台台都必點記住食埋雞皮入口完全係另一個層次招牌去骨口水雞$69佩濃湯雞上海麵轉淨胸+$5加配酒釀糖心蛋$10糖心蛋有微微酒味加埋糖心口感好滿足口水雞的汁較稠花生醬味重啲但都有一定辣酸菜魚配白飯係較坊間重口味版嘅比較健康但酸菜魚該有嘅味都有食完唔會口乾，送飯正，而且魚片大片可一試！

觀塘嘅呢間豉油雞專門店老闆立志淨係專心做好豉油雞一樣餸午飯時間坐到滿晒，睇得出專心做好一樣嘢成功嘅機率好高🤣去呢度食飯，梗係叫佢哋最招牌嘅去骨豉油雞飯一上枱香味已經係咁傳出嚟雞好貼心，咁樣去晒骨啱晒啲懶人 想食雞，但係唔想選骨豉油雞好入味雞肉好嫩滑而且每個飯雞嘅份量都唔少佢仲有配埋一粒蛋同埋少量菜清楚晒，都市人冇得食菜嘅苦惱見到佢仲有酸菜魚同埋其他特色小食望落樣樣都幾吸引有機會嘅話試埋佢其他嘢先😋

這家餐廳的招牌菜絕對不容錯過！首先是去骨口水雞，雞肉鮮嫩多汁，搭配獨特的口水醬汁，酸辣開胃，香氣四溢。接著是去骨豉油雞，入味的豉油汁液完美滲入肉質，口感滑嫩多汁，香味濃郁。濃雞湯上海麵是一碗溫暖又滿足的湯麵，麵條彈牙有嚼勁，雞湯濃郁香濃，令人垂涎欲滴。芝麻醬拌沙律菜是清新爽口的涼拌菜，脆爽的沙律菜與濃郁的芝麻醬完美結合。最後是撈汁皮蛋，皮蛋的嫩滑與撈汁的酸甜交融，口感絕妙，比出面連鎖米線店的還要好吃！百香果柑吉同白桃烏龍茶都十分解暑！可以平衡豉油雞的味道。這些菜品不僅味道出眾，而且外觀精美。無論你喜歡濃郁口味還是清新口感，這家餐廳將帶給你一場美食之旅，讓你流連忘返。快來品嘗這些精緻美食，享受美味和滿足感！

秋意價錢💲: $64/ $64好味程度😋: 4.5/5 (for豉油雞)服務🍴: 3.7/5環境🗾: 3.4/5性價比🥢: 4/5回頭率😚: 4.5/5!-之前講過觀塘大熱gelato，其實同一棟仲有被譽為世一豉油雞的秋意！排完gelato咁辛苦當然要順便食埋啦。平日lunch來到預左要等位呀，不過而家佢哋有埋對面舖，人流去得快左。除左豉油雞，其實仲有唔同雞類，同酸菜魚🥳-✅✅秋意去骨豉油雞濃湯幼麵。豉油濃稠而唔過份鹹，完美滲入雞皮到，係一定要食雞皮‼️‼️甜甜的豉油香。而雞肉就冇被豉油滲入，否則成舊會太鹹。雞肉輕輕沾上豉油已經好夠味🤩雞肉滑嫩無比，連雞胸都完全唔鞋，唔會食到肉的纖維。皮薄肉嫩，皮與肉中間有輕輕一層的皮凍，食完成個口都有豉油雞的香氣，比滿粉😝 雞湯麵都唔錯，飲得出係雞骨熬出來的。麵條似幼烏冬，唔會太軟。當日心情唔想食飯呢個麵都係好選擇😚-✅招牌去骨口水雞飯。呢個的雞一樣滑嫩，肉質細緻。皮薄所以唔會覺得好肥膩。調味偏酸辣，有小小似擔擔汁。面頭有好多花生粒+蔥，食落好惹味。如果可以有更多來撈飯就好。呢個都唔錯，但同豉油比，當然係豉油出色啲！-睇番相都流口水，好想再去😳 係我心目

🍊 餐廳名稱：秋意 (觀塘)🐝 味道：8.5/10環境：8.5/10整體分數：8.5/10💰人均：$100———————————————————係觀塘工業大廈入面餐廳，豉油雞作主打。豉油雞嘅精華，一定係豉油汁，店主每朝早都會查個汁，確保質素。豉油雞好好食，係連雞皮都好味道個隻。有時去會排大長龍但都好值得。除了招牌豉油雞之外，都有供應其他唔同菜式，例如麻辣口水雞、酸梅蹄等。另一招牌就係以大量豬骨及雞骨熬製嘅酸菜魚湯，配埋爽嫩魚片，岩晒香港人口味。

雖然好鍾意食雞，但身邊總係有朋友因為多骨而唔食，所以之前youtube見有人介紹無骨滑雞已經好想黎試。豉油雞係呢度名物，本來有少少懷疑豉油雞味道來來去去都係咁上下，但一食真係有驚喜。 雞肉入口滑嘟嘟有彈性，連雞胸都好滑。 雞皮唔會好厚，平時懶健康都說服到自己一啖sir落口。 豉油汁都好出色，睇落深色但唔會太鹹或太甜，恰到好處唔會膩。口水雞估唔到都係平分秋色，平時好怕口水雞太多辣油浸住好肥咁，呢個醬花生味比較重唔會覺得油，想要嘅麻辣都做足晒，好惹味。紅燒肉不過不失，調味都唔錯，如果係炆到散晒嘅程度就更好。

秋意 @autumn_feeling_kt 📍：觀塘成業街19-21號成業工業大廈6樓29室🚗：觀塘地鐵B2出口 步行5分鐘📞：+852 5602-1645💲：~HKD58-64/head for lunchFood quality✔️：秋意去骨豉油雞 $60👌🏼：白桃烏龍茶(跟餐+$8)、秋意水果茶(跟餐+$8)❌：乾撈低糖蒟蒻面(跟餐+$5)總結：🤔一間喺區內都幾有名氣嘅豉油雞店 店主非常好人咁去哂骨 啱哂我呢啲懶人 但建議唔好抱太大期望去試🙊🤔嚟到當然要試最註名嘅去骨豉油雞 豉油味雖重 雞都夠嫩可惜唔夠滑 可能因為名氣太大期望都相對高所以有點小失望 好食嘅都唔係想像中咁好食🥲🤔白桃烏龍茶同秋意水果茶就正正常常幾好飲 另外水果茶足料😋我好佩服老闆某啲堅持 其實去骨真係喺擺盤present出嚟會細份好多 坊間幾乎冇人會好似佢咁做 但佢都咁做 呢份堅持✊絕對值得加許 雖然驟眼睇好似好少 但其實佢畀嘅份量都唔少 諗埋如果連骨嘅話😨另外跟餐+$5轉咗乾撈低糖蒟蒻面 呢個就唔建議大家轉 非常硬 雖然有重豉油色水但反而好淡味 同豉油雞一啲都唔夾🥲

和老公在观塘行街攰攰地，要keep fit所以早少少吃晚餐，成日聽人講观塘工廈大把隱世名食店，誤打誤撞找到呢間「秋意」！十分之有驚喜！👍上菜先嚟前菜及湯，個蔥油涼拌雙耳十分入味，D汁好好味、個味噌雞腳沒有咸咸感，我老公更加連d汁也飲埋，十分有雞味。蒜泥青瓜就一定冇得輸！呢度還有芝醬拌油麥菜，知唔知碟碟只係$22-24蚊，平到你唔信，有酒樓水準！✅講到正餐揀了兩味「秋意去骨豉油雞」及秘制紅燒肉，最驚喜有「乾撈蒟蒻麵」生桐飲食減肥人的佳音！豉油雞同紅燒肉十分入味，有自家秘制醬汁之感受！一個配上海粗面一個配蒟蒻面（可以同時享受兩種不同口味）！面條爽口好味，試過乾蒟蒻麵後，簡直不能諗到嚟工廈餐廳可以有咁吧嘅出品，十分值得推介！飲品還有洛神花、烏龍凍茶，埋單平到笑，有酒樓水準但價錢真係一D都唔貴，想吃平、靚又健康的中餐，呢間一定係我首選！

招牌菜豉油雞$62淨係外觀都覺得好吸引，因為個人本身鍾意食淡味所以覺得中規中矩，雞🐓肉都好嫩滑，豉油味偏向甜小小，仲加咗個酒釀嘅糖心蛋同埋麻辣配菜，有多重口感。😋另外叫咗枝百香果金桔，唔算太甜，啱晒我個人口味😻