秋意 (成業工業大廈)

營業中

休息中

之前食過一次外賣 今日咁啱想食雞 就諗住堂食一次點知一去到 我禮貌地問而家入得未有個幾後生嘅女仔西晒面話未得 唔知全家得罪佢即刻走咗 唔係非一般嘅態度差咁嘅態度一定唔會再食🙂

一向食開都俾齊嘢，打開X咗出嚟，豉油雞飯俾漏葱蓉 😒。。咁多次自取都好地地，果刻無員工睇住好自然係靠自己搵啦，到有員工佢呼喝嘅語氣 😒 方我攞錯第二份出嚟捍衛，佢嘅出現只係確認我有冇攞啱外賣，態度 😒。唔係我唔會咁有印象囉 😒。。與其擔心啲客攞錯單，不如睇吓有冇執漏葱蓉啦 😒食物無問題，係個別員工 😒好人好事會記得，相反都一樣。呢啲咁嘅員工認真倒米。。飲食業都係，賺幾多同員工無咩直接關係，都係得個做字，做夠就ok 🤫

食物正常 名過其實但店員態度 餐廳運作十分有問題入座點餐後等了30分鐘都未有食物對面枱遲過我入座反而上餐先禮貌叫店員跟一跟單 完全愛理不理嘅態度仲話排緊隊順住出 😂😂😂😂???順住就唔會人哋遲黎食先啦成間餐廳係不停出餐 但係全部都係外賣單做唔切 索性cut哂啲麵餐 焗人揀飯大家都滿頭問號問點解落單冇得揀麵店員再次態度惡劣對答話 電子落單冇顯示麵即係冇😉另一放低筷子 就衝過黎收哂我啲嘢有問咗一聲仲要唔要 我話要 佢照收我再大聲講一次 要架唔該 先至唔收走嘅時候 企咗好耐 明明望到我 都唔過嚟收錢冇下次🙂‍↕️

平日12：30來,唔算太多人.有三,四枱客.用QR code 落單,第一次來,當然試下最多人推既豉油雞.我特意轉埋雞脾.一來到,隻雞上色好得好靚.我轉左麵,因為想試下個湯.隻雞好嫩滑,好似海南雞咁(係正宗個種,浸熟,唔乾).有足夠油香,但又唔會過多,份量都足夠,又去埋骨,食落好方便,啖啖肉味道夠入味,帶甜.雞湯就正常,夠味,但記憶點唔多.整體雞係出色,但未去到人地講咁誇張(如果味道可以加多d層次就完美),如果係附近返工,我會成日來食.亦都想返來試下佢既酸菜魚自費的

有幾次12點幾叫已經繁忙到喺app度叫唔到，之後每次都要搭正11:30就叫咗飯先再做嘢。外賣嚟到都好好食，雞肉好嫩口，豉油汁亦好入味。當然堂食係最正但係返工嗰頭有啲遠。繼續支持

知道佢個豉油雞好出名，今日終於有時間試😋招牌豉油雞個人認為食豉油雞一定要跟飯，雞肉無骨得黎仲要無雪味，豉油味唔會太咸，一啖雞一啖飯先正。除咗雞佢個豉油同樣出色，唔會太搶味，最岩用黎送飯。個餐有跟埋半隻溏心蛋同埋涼拌木耳同沙律菜。花膠肉碎擔擔花膠夠大隻，仲要吸哂擔擔汁，好惹味，勁好食。呢個可以跟麵或者跟飯，個人認為跟麵夾d蟲草花烏雞燉花膠湯水滋補又足料。好飲到好快飲哂🤣撈汁皮蛋皮蛋份量好多，個汁微辣，好開胃。蒜泥青瓜青瓜食落好fresh，食油膩野一定要叫佢芝麻醬伴油麥菜第一次見用油麥菜用沙律菜，食落幾新鮮好味👍仲有，仲叫左個白桃烏龍茶，茶係無糖嘅，而且有淡淡桃味。價錢好抵，叫咗咁多嘢，埋單唔洗$300。

As a frequent takeaway customer, I've long been a fan of the whole soy sauce chicken from this Kwun Tong factory spot. The chicken is an absolute standout, with a rich, dark color and an incredible depth of flavor. The skin is perfectly cooked - bouncy and crispy, with the soy sauce and Chinese herbs infusing every bite.What really sets this chicken apart is the balance of flavors. It's savory and aromatic, but not overly salty. The meat itself, whether white or dark, is incredibly tender and sm

#ftf_觀塘隱世叫雞勝地叫雞必訪，白滑靚雞，平日晚上都座無虛席！果然唔野少！秋意去骨豉油雞 $64⭐️⭐️⭐️⭐️⭐️雞肉嫩口又多汁，豉油調味啱啱好，色香味俱全！白飯都好大碗，上邊仲有少量飯素，撈埋汁食，簡直一流！套餐仲有三種配菜，糖心蛋撈飯，正！黃酒藥膳雞湯配上海粗麵 $64 +$2⭐️⭐️⭐️⭐️湯頭雞酒味香濃，配料仲有大量蟲草花杞子及黑木耳，鮮味十足！上海粗麵就比較普通，但份量都好多，可能係跟湯嘅關係，雞肉就相對冇豉油雞同口水雞咁嫩滑，但味道都很可以！招牌去骨口水雞配蒟蒻麵 $64 +$8⭐️⭐️⭐️⭐️口水雞鮮嫩，口水汁就比較重麻醬，蒟蒻麵相對比較健康，好清爽，口感Q彈，調味都啱啱好！蟲草花烏雞燉花膠湯 跟餐加$48⭐️⭐️⭐️⭐️⭐️足料美味，健康養生！撈汁皮蛋 $28⭐️⭐️⭐️⭐️⭐️浙醋加蒜同香蔥，唔會太濃，開胃惹味！🍴 秋意 (觀塘)📍 觀塘成業街19-21號成業工業大廈6樓29室回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

帶左無雞不歡既朋友黎呢間位於觀塘既小店，朋友食完對佢讚不絕口，即時令我好有成功感😍😍 哈哈哈~ 我地叫左半隻豉油雞，小店已事先拆晒骨，所以食果陣啖啖肉非常方便😋 深黑色既豉油汁甜甜地，雞肉吸收左D豉油，非常入味👍🏻 雞肉肉質勁嫩，好值得推介俾大家🥳另外，我地仲叫左一個酸菜魚，份量多到好誇張😂 第一次食酸菜魚係咁Q爽架，鮮甜得黎又吾會一夾就散，非常好味👍🏻 配料都好多，除左酸菜，仲有芽菜、枝竹、木耳、薯粉，兩個人食到lam lam脷🤤

一入到去間餐廳，光線就好充足，好闊落，好舒服😬mmenu嘅選擇非常多😆除咗有大份嘅酸菜魚、水煮牛揀，仲有細份嘅一人餐，有豉油雞、紅燒肉、酸菜牛肉等嘅菜式😆啱曬1-2人食我地嗌咗一個去骨豉油雞飯、酸菜牛肉飯，同另外加咗個芝麻醬伴油麥菜、撈汁皮蛋、酒釀溏心蛋同埋蟲草花烏雞燉花膠湯😆個豉油雞唔會太鹹太肥膩😋啲雞都好嫩，不愧係出名賣豉油雞嘅餐廳！😬酸菜牛肉唔會太老，辣度都係啱啱好😋個芝麻醬拌油麥菜都好fresh🌿～撈汁皮蛋都好入味🤤而個溏心蛋嘅流心都做得好好❤️比較surprise我地嘅係個湯！唔單止好足料，而且飲得出燉咗好耐，好有老火湯味😋嘢飲方面，有幾款都係無糖/花茶，好健康💪而且係用袋裝住，真係夠曬特別😙

餐廳位置在觀塘工廠大廈內，主打中式豉油雞和川式酸菜魚，晚上時間去，差不多全場滿座。蒜辣牛魔王(牛展拼牛舌)：牛展和牛舌都炆得好腍，而且充滿辣椒油和蒜蓉既味道，非常惹味。秋意去骨豉油雞：豉油雞去晒骨，啖啖肉，豉油醬汁既味道，更能提升雞肉既鮮味，雞皮Q彈唔油膩，令人垂涎欲滴，果然係招牌。蔥油涼拌雙耳：木耳和雪耳口感清爽，加上芝麻和蒜蓉，開胃前菜。芝麻醬拌油麥菜：油麥菜和蕃茄仔，新鮮爽脆，配上日式芝麻醬，健康之選。酒釀溏心蛋：蛋好滑溜，帶微微花雕酒味，蛋黃仲流心，相當滋味。蟲草花烏雞燉花膠湯：配料豐富，包括花膠、蟲草花、桂圓肉、烏雞、瘦肉，燉湯很鮮甜，必定要加配。百香果柑桔：酸酸甜甜，清新怡人。總結，食物美味，份量十足，上菜快，價格親民，值得再來品嚐。

呢間小店好出名，喺樓下嘅人好多都係直接上去，食飯時間去到都係滿座～ 價錢親民，晚餐$100唔駛可以搞掂～👍🏻👍🏻秋意去骨豉油雞 （轉淨脾啲雞肉好滑，好吸味。豉油好香，十分開胃😋濃雞湯上海麵（粗）呢個係跟豉油雞餐既。食落去口感有啲似烏冬，湯底好濃～配搭一流😋😋百香果柑桔百香果夠香，份量足夠🥳撈汁皮蛋中間有啲蒜頭配香蔥，可以中和皮蛋既濟！越食越上癮！🤩🤩十分推薦大家嚟食！👍🏻👍🏻👍🏻

呢度裝修簡潔，但富有中華特色，好啱日常同朋友黎食飯，而且可以用qr code落單，好方便👍🏻👍🏻👍🏻秘制紅燒肉套餐 $94紅燒肉超級入味，唔會過鹹，份量又多，肥瘦適中，麵底加$8轉乾撈蒟蒻麵，蒟蒻麵好彈牙，乾撈超級惹味，唔會淡茂茂😋😋黃酒藥膳雞湯套餐 $94好足料😍😍😍未食已經聞到超級香濃嘅黃酒藥膳氣味，湯底好濃郁，面底加$2轉上海粗麵，再加$10轉淨雞髀肉，雞髀肉又嫩又多汁，正！小食叫咗撈汁皮蛋$28同蒜泥青瓜$24，皮蛋又香又滑，少少辣，好好食🤤🤤蒜泥青瓜，超級大份，仲配上木耳，青瓜好爽脆！我哋兩個都加咗$10要個酒釀糖心蛋~嘢飲分別叫咗羅漢果菊花茶（低糖）加$8同百香果金桔加$8

見到咁多好平話呢間係世一豉油雞 平時星期日先放假咁啱佢地都休息所以一直都未有機會試咁啱今日返晏就決定去試吓好彩11點50分去到 ， 未到食飯時間所以唔洗等位選擇唔算多叫左豉油雞飯同口水雞飯雞皮好多肥膏所以冇食到 ，豉油雞幾入味 算唔錯 但未至於去到好好食口水雞個汁係有少少麻辣加芝麻醬嘅味 雖然主觀塘但好少觀塘食晏 ，原來一間普普通通係工廠大廈都要咁貴 豉油雞飯$64 + 洛神花茶 +$8 咁就 $72 食物OK 但服務態度就… 好似唔想做生意咁 😥 個阿姐講嘢又惡冇尾音冇表情 仲要限時45分鐘 真係有啲趕 下次唔洗等位都唔會再去啦 ！

冇骨鼓油鷄鷄经过慢火炖煮后肉质极为鮮嫩多汁。厨师巧手将鷄肉与特制的鼓油酱汁融合,酥香扑鼻,每一口都能感受到鷄肉的鮮美与酱汁的醇厚。＇花膠烏鷄燉湯乌鷄和珍贵的花胶为主料,選用特別药材熬制而成。汤头浓郁醇厚,鷄肉肉质细嫩,花胶滑润Q弹。酸菜牛肉厨师选用优质的牛肉与酸菜融合,经过慢炖后,酸菜的爽脆感与牛肉的鲜嫩交织,让人回味无穷。酸菜魚片采用新鲜的鱼片与酸菜炒制而成,酸菜的爽脆与鱼肉的鲜嫩完美融合。厨师精心调制的酱汁,恰到好处的酸度,令这道菜既开胃又下饭。