禾牛薈火煱館 (金馬倫道)

營業中

休息中

雖然依家已經開始熱...但打邊爐依然係我同朋友仔們嘅最愛. 今次揀左呢間響金馬倫道嘅禾牛薈試下，環境幾好，坐位夠哂闊落仲有電視睇添，原來呢間餐廳都可以掃描QR code 響電話落單夠哂方便.打邊爐梗係唔少得混醬啦，竟然仲有xo醬!我地叫左個鮮茄坑腩薯仔濃湯, 個湯底酸酸地好開胃好好飲, 忍唔住飲左兩碗,入面仲有好多坑腩 打邊爐緊係要配汽水啦 脆炸響鈴，一睇個樣就知係自家制，好脆就咁食都好好味，不過我都係鐘意放落個湯度滾一滾索哂d湯汁黎食韭菜餃，濃郁嘅韭菜味芝士蝦丸，一咬流去d芝士已經流出黎，芝士同蝦味好夾，食多幾粒都唔會覺得好漏豬天梯，第一次食，原來幾好食幾有豬味同爽爽地自家制水晶包，有奶黃，芋頭同叉燒，如果皮可以再薄一d就好喇，記得唔好落太耐 娃娃菜，本身想叫皇帝菜可惜買哂食到7788朋友仔話想試下個海膽刺身，估唔到有驚喜一d都唔腥，可以配青瓜或者紫菜一齊食 總括黎講呢度價錢合理環境闊落又可以一路打邊爐一路睇電視傾下計，我同朋友仔們應該會再黎

收工約閨蜜兩個人去打邊爐，知道尖沙咀呢間火鍋店有卡位，就決定去呢間啦。個卡位原來幾寬闊，私隱度幾高，兩個人要傾密偈都無問題啊。原來個卡位仲有獨立電視添。我地叫左芋絲（$38）、油麥菜（$38）、芝士腸（$48）、魚皮餃（$58）、魚蛋（$48）、手切肥牛（$208）。呢度茶芥醬料每位收$25，有加一。呢度醬料係一大個籮比你揀，我就最鍾意麻醬同沙茶醬。呢度伙記好勤力，密密幫我地加湯，調整火候。同閨蜜一路傾一路食左一晚，好開心。

最近去咗尖沙咀打邊爐分享一下！..........我哋叫咗芫荽馬蹄皮蛋湯$78清清地唔錯！湯底都算幾足料..........去得打邊爐點可以唔食牛！我哋叫咗牛拼盤$188有牛脷扣丶牛胸爽丶特級雪花牛肉粒牛脷同牛肉粒都唔錯👍🏻有牛味唔會好韌牛胸爽就係一塊牛嘅脂肪位鍾唔鍾意食就見仁見智 我自己唔係特別鍾意食脂肪位 不過同行朋友就話覺得唔錯😈..........另外仲叫咗自家製餃子$88呢個餃子好好食👍🏻入面大大隻蝦好足料皮薄餡靚👍🏻最後試埋佢個甜品個甜品超級驚喜係自家製北海道牛奶奶凍超重奶味勁好食👍🏻👍🏻👍🏻..........總括而言位置舒適 每個卡位有電視食物質素唔錯 服務態度有改善空間😉..........禾牛薈火煱館🐮地址： 尖沙咀金馬倫道48號中國保險大廈1樓及2樓

禾牛薈之前朋友推介食過一次，上次食北海道花膠奶湯底，今次回歸經典沙嗲湯底。講湯底其實呢度真係好多選擇。睇張菜單已發現好多特色嘢點。響鈴係必點項目，呢度d響鈴唔同其他鋪，新鮮炸，好脆！禾牛薈唔食牛簡直係浪費，佢地d牛我有質素同埋細分好多唔同部位，我就點咗個封門柳，佢仲有教你要淥幾耐。意式牛肉餃亦係個人必點推介，坊間我未試過喺第二度見到有呢款餃。最後點埋蓮藕片，就係簡單如蓮藕片都好新鮮同爽。兩條友叫呢幾樣都已經食到飽飽，最緊要有個人電視俾你撈飯。總結：食材優質 環境舒適 價錢合理兩個人8舊有找。

香港既生活好似愈黎愈艱難！今日同男朋友番工都好累，所以決定放工食好野，幫自己打打氣！， 依間餐廳八點半時段，推出$168 火鍋套餐，幾抵食，加$60 仲有任食雞煲，一於試下。-餐廳有兩層，地方大座位多。 有大大小小的沙發卡位連獨立電視，一邊食一邊追劇都幾過癮！見到有客人睇跑馬😆，唔駛入馬場逼，歎冷氣食好野睇馬仔🐎，爽。-先黎雞煲，一上台就噴到香噴噴既麻辣香。雞件數量多，花椒八角麻香好入味。雞肉入口嫩滑富彈性，冇雪味。我地食完再加多round 。-食完雞煲，就論到火鍋啦。湯底五選一，我地揀左蕃茄坑腩薯仔濃湯。 個鍋底好足料！滾起時，先喝了數碗湯。湯底味道天然，帶蕃茄酸甜，愈喝愈開胃，粟米相當清甜。可減輕雞煲的油膩亦可清一清口腔，準備品嚐火鍋食材。-火鍋配料材方面，餐廳會奉上一大盤，雖然不能添加，但種類豐富，全部清光已經飽到差點行唔郁了😆 📍海鮮類有：花甲、蝦🦐、脆鯇片、廣島蠔、水魷鬚。海鮮新鮮；最鍾意當然係廣島蠔，蠔味軟濃。📍丸子🍡餃子類🥟：自家製韭菜餃、魚皮餃、魚蛋、貢丸。最愛貢丸，超級Q彈爽口、菇味濃。📍內臟類：豬紅、豬粉腸、豬腰、豬潤、豬皮、豬天梯。 還是第一次食豬天娣，吃起來爽、

又有一排無食麻辣火鍋，今日去尖沙咀行完街就搵到呢間我地未試過既禾牛薈呢度地方好闊落舒適，我哋兩個人坐卡位都有自己個私人電視 湯底我哋就當然要左四川麻辣鍋，本身湯底有好多吸晒味嘅腐皮等緊我地，花椒八角無好多但係湯底都夠入味 基本的配料全部都有齊手切肥牛本身食肥牛唔太想有太多肥膏，但來到見到肥牛雪花分布都好均勻，唔算太肥 牛肉數量都好足，有成16片 入口其實有啲似安格斯牛，牛肉汁多蒙古羊肉片羊味重又唔騷，唔錯唔錯手打蝦丸個人覺得手打蝦丸係必叫，入面有啖啖蝦肉，係彈牙既 餐牌有另一個手打鵝肝蝦丸，唔怕膽固醇太高既朋友可以一試油麥菜一向係我既最愛 打邊爐就最怕熱氣，呢度有個蜂蜜蘆薈飲品解熱氣就一流！飲落去唔會好甜，而且好清潤，食完辣野飲啲蜂蜜就岩晒另外我地見到呢度其他大檯都相當闊落，岩哂一家人來聚會

呢間打邊爐都幾正，首先要大讚係臨窗靚卡位，加上仲有獨立電視，咁既環境下真係可以開大個胃同佢慢慢烚下烚下。叫到成枱野食，仍然都係好闊落，唔會迫 湯底有成廿幾種，由七十幾蚊的芫茜皮蛋到四百幾蚊的花甲蟹鍋都有，真正豐儉由人。有名叫禾牛薈，就點都要試試佢既牛，有四種不同選擇。瑤柱火腿冬瓜雞腳湯 $128湯底濃郁，好香瑤柱同金華火腿味。飲左半碗，有靚湯的感覺，似無加味精，幾欣賞佢。材料有冬瓜（很多）、冬菇同埋雞腳，健康的骨膠原呀！本地招牌手切肥牛（例）$258大碟，肥牛偏瘦少雪花，但牛味極濃，新鮮得緊要。烚幾烚可以食，試過一片烚耐左就韌。但只要專心望住佢，一轉色即上水，係不錯的。脆鯇魚腩$98量多，亦是靚的部位。不過切片略為薄左少少，魚腩要厚切先正架麻。手打黑白墨魚丸$98白色係傳統墨魚丸，黑色係加上墨汁的。食得出用左真墨魚做，成粒丸都好結實彈牙，粉唔多，真材實料。自家製餃子 $88推介必食，好足料好好味。內饀有鮮蝦、帶子同埋木耳絲等配菜，大大隻好鮮味，一啖咬落去真係爆料架。蜂巢豆腐 $48打邊爐的良伴，索湯專用，夠大碟，真係食豆腐都夠飽。蕃薯蜆$78一份八隻，肉唔算多，不過勝在鮮甜無沙。皇帝菜

放假梗係要送一鬆㗎啦，今日屋企人約咗我嚟尖沙咀，食火鍋，香港人真係好鍾意食火鍋，無論冬天、夏天、都離不開火鍋，點解？因為食火鍋可以圍住張枱，大家仲可以培養感情，而且今日嚟到呢一間火鍋店，更加有一種家嘅感覺，因為每一張卡枱，都會有電視睇，好似係屋企打緊邊路甘。今日叫咗個湯底係椰子雞，椰子好多，重香噴噴，雞都有半隻，而且好鮮嫩，完全唔會有冰鮮嘅味道，有都唔會好肥，個湯底上到嚟大家都飲咗一碗先啦。首先我哋叫咗一碟手切本地肥牛，比較瘦身，唔會有多餘嘅脂肪，放落個湯底度六兩六，估唔到依然好鮮味，而且好有牛味，又都吾會好硬身。由於呢碟牛冇咩脂肪，之後我哋仲叫咗一碟牛胸爽，全部脂肪嚟㗎，但係我阿媽話唔緊要，因為牛嘅脂肪比較大，人體唔會太容易吸收，唯有自我安慰啦，食多幾件都唔怕肥，因為佢真係好好味啊。放落水滾3分鐘，入口爽口又彈牙，一啲都唔會有肥膩嘅感覺，超正。黑白墨魚丸，真係手打架，黑色墨魚丸睇落雖然唔係好靚仔，但係勝在食落好香好龍未，而且唔係周圍都可以食到，白色嘅墨魚丸，爽口又彈牙，味道唔及黑色嘅墨魚丸重，但係清清地都另有一番風味架。食完之後仲會有甜品送，我最鍾意嘅就係呢一個椰青大菜糕，全部都係用

禾牛薈位於金馬倫道，樓下已經有姐姐帶你坐捏上去，服務10分細心，地方唔算10分大，因為佢有好多地方攞嚟做咗房，充滿私人嘅空間，而且仲有兩層，但係我都係鍾意坐喺大廳，可以感受一下周圍熱鬧嘅氣氛。今日坐嘅地方係卡位，而且仲有電視睇，真係好有喺屋企食嘢嘅感覺啊。本地手切肥牛，顏色鮮艷，肥瘦適中，入口好重牛味，而且肉質紮實，放落個湯底唔駛1分鐘就食得，正。唔可以唔提嘅係我哋叫咗呢個椰子雞煲湯底，攞咗上嚟淨係飲啖湯，已經覺得好鮮甜，有成半隻雞架，而且椰子油多，果然真材實料啊。牛舌粒，呢個真係必食推介啦，四四方方，放落個湯度大約5分鐘，先食得啊，入口爽亂，牛嘅脂肪好香濃，而且一啲都唔淋，阿媽都讚，好快就俾佢食晒囉。黑白墨魚丸，平時好少見，白色嘅墨魚丸唔夠黑色嘅香濃，但係勝在手打，十分之彈牙有新鮮，黑色墨魚丸外型唔討好，但係偏偏食落夠晒香濃，我自己就鍾意食黑色多啲啦。牛胸爽，望落去件件白色牛嘅脂肪，已經覺得好油膩，但係估唔到放左落個報道，大約1分鐘放入口，一啲都唔會覺得油膩，因為佢嘅質地好爽口，真係食到停唔到口呀。

今天有要事與朋友商談，想找一個舒適的地方食飯，於是來了這家禾牛薈食火鍋 (以前曾來過覺得不錯) 。我們坐在窗邊的卡坐位，很寬闊舒適，桌上放有多種調味醬料，還有私家電視機觀看。我們點了鴛鴦鍋湯底(健脾養顏椰子雞湯拼四川麻辣湯), 湯底內有很多配料，雞湯內的雞肉嫩滑新鮮，很好吃。極品特級手切肥牛，薄切的，雪花均勻，在鍋中燙一燙便可，我點了細碟的，足夠2至3人吃。我們還點了魚皮餃，自家製餃子和手打黑白墨魚丸；我覺得魚皮餃的肉餡很入味但偏鹹了一些，自家製餃子很像蝦餃，唐生菜絕對新鮮。飲品要了竹蔗水，壺內還看到竹蔗茅根和馬蹄，真材實料不太甜，吃火鍋要飲這個才不怕熱氣。

打邊爐一直都係我同朋友gathering既首選在尖沙咀隨意選了一間就上去了。.地方挺大 有分2層 最喜歡坐卡位每張桌都會有個小小的電視機客人可以選擇想看什麼 然後由店員幫忙調整啊.我們點了一個鴛鴦鍋底椰子雞湯配麻辣小辣醬油是自助形式配搭的小食點了一個椒鹽魚鮫 又名魚三角非常惹味香口 而且魚鮫份量都挺大.火鍋配料點了 娃娃菜 野山竹笙手切肥牛 魚皮餃等等菜類和竹笙是必點的 因為很好吸湯很容易入味 而且多汁 吸了湯的精華 很好吃菜類份量很多 娃娃菜如果再切得小一點會更好現在有點大 要用手再分開 方便食用.肥牛是點了極品特級手切肥牛份量正常但質素很好 眼看已經看到很高質素了肥肉平均👍🏻下湯10秒左右 再點醬汁入口即溶 而且香氣撲鼻 愛吃牛人士必點。.雖然價錢不算太便宜 但偶爾和朋友吃飯聊聊天 又在這個黃金地段 可以接受啊！

同個好鍾意食牛雜同打邊爐嘅朋友逛尖沙咀，順便食埋晚飯，揀了此店，一起試試地方闊落，尤其卡位，每張獨立電視，仲有幾間VIP 房，約多幾個朋友住一間房有私人空間好高科技，掃一擇二圍碼，仲可唔用手機落單，方便易睇，本身菜式亦有好價錢和照片多醬料，仲有XO 醬，加完真係鮮味十足招牌禾牛薈-其實是牛雜湯底，湯底超濃，包一碟牛雜（有牛肚、牛蒡、牛筋、牛大腸），抵食又好食生根-吸收了牛雜湯底的味道，超好味風沙豆腐粒- 本身已熟，外脆內軟，類似椒鹽豆腐，另外可放入湯底烚下，吸了湯底味道，味道層次更多，更好味老友鬼鬼-此店嘅特色食物，將油炸鬼加蝦膠做成，放入湯底烚過後，油炸鬼吸到大陸湯底味道，再配合爽口彈牙的蝦膠，味道同口感也很好冬菇釀墨滑- 冬菇估不到與墨魚滑可以咁夾，冬菇嘅香配合墨魚滑嘅爽黑松露魚肚包-同豆腐卜包著素翅，蟹柳，魚肚等食材，再加入黑松露調味，烚過後豆腐卜吸收了牛雜湯底的味道，咬落去，湯溢出，鮮甜，而且有濃濃的黑松露香自家製菊花茶-真係要大讚此飲品，自家飲品做得非常正，清甜解喝，超好飲，有濃濃的菊花味椰皇大菜糕-埋單前還有甜品送用椰青水加椰皇肉做成，清甜得黎有豐富的椰子香

已經連續成個星期落雨😭但無嘢阻到我食好嘢嘅決心，之前bookmark咗好幾間尖沙咀想食嘅餐廳，今次嚟咗禾牛薈打個邊爐先~~一嚟到店員帶咗我地上二樓，比咗張私隱度好高嘅卡位我地😂😂最最最正嘅係好部獨立電視🤩我真係好好好鍾意電視撈飯！打邊爐我都係崇尚清湯😂因為想試食材真味，如果橫掂唔夠濃都可以點醬汁😂😂手切肥牛分咗特級、極品、本地招牌同至尊本地招牌手切肥牛可以揀，我地嗌咗特級$208，手切肥牛較機切厚手，更加可以著重到筋鍵位~~我地都好滿意碟肥牛，牛味重，肉質鮮，食得出係高級料！水晶包係招牌推介，有叉燒、奶黃同芋頭三味，完全估唔到打邊爐都可以嗌水晶包😂😂仲要真係放落邊爐度滾，食嘅時候口感仲要咁正！三款啲餡都係多到爆，漲卜卜！叉燒係鹹，同食開叉燒包嘅餡差不多，奶黃同芋頭係甜，食嘅時候真係要小心佢爆漿太熱！放涼咗嚟食可以成粒放落嘴🥳超享受！我地曾經食過鵝肝蝦丸，一直念念不忘，今次嗌嚟試下，都係手打蝦丸起膠超彈牙，裡面包住嘅鵝肝有方糖咁大粒，鵝肝味濃，好感動呀🥺餃子拼盤有韭菜餃、招牌、牛肉餃。招牌即鮮蝦雲呑，做到有出面出名雲吞麵舖嘅水準，牛肉餃內餡係似肉醬意粉個醬，一試難忘！好味！韭菜餃餡料豐富

約左朋友食飯, 就黎呢間好多好評既火鍋店侍應安排左我地坐卡位, 有獨立電視, 座位寬敞坐得舒服侍應好快就放底醬料, 俾我地混醬, 特別一提個XO 醬好足料, 好多瑤柱 湯底有成20幾款, 我地揀左鮮茄坑腩薯仔濃湯湯底黎到後, 估唔到用料幾足味道清甜, 坑腩粒夠淋好好味, 仲有好多粟米, 咁就唔使另叫我地食火鍋一定要食牛, 但得兩個人就食得細細地又最平既特級手切肥牛(例牌)顏色鮮紅, 油脂分佈靚, 未食都估到質素唔錯, 只要淥幾下就食得魚皮餃, 雖然餃皮邊比較厚少少, 餃芯飽滿, 魚肉味濃大頭蝦只有逐份叫, 原來一份有3隻, 身長肉厚, 肉質爽口, 都唔錯脆炸響鈴卷, 可以淥黎食或即食, 即食只要點個醬汁, 酸酸甜甜, 好香脆蔬菜類都幾多, 唐生菜新鮮最後侍應仲請我地食甜品, 應該係椰皇大菜糕同埋奶凍, 都幾好食整體黎講, 正

牛牛今日去咗尖沙咀打邊爐，呢間火鍋係一間樓上嘅火鍋店佔地有兩層，樓下有一隻好大嘅牛牛公仔，好容易就認到喺邊度。喺樓下同接待員講咗有幾多位之後，接待員就會安排上樓。我哋今日得兩個人，但係原來全場都係卡位，所以我哋都有一個好闊落嘅卡位可以坐。最值得一提嘅係，火鍋店每個卡位都有獨立嘅電視機，我哋可以自己選擇想睇嘅台，而且個聲量都唔錯，簡直就好似喺屋企打邊爐一樣。湯底方面，我哋揀咗嘅椰子雞湯，湯底好足料，有勁多椰子，味道好鮮甜。對於鍾意唔想湯底太漏嘅朋友都算係有多一個選擇。呢度啲配料都幾正，推薦黑柏葉，必食！！！