禾牛薈火煱館 (金馬倫道)

營業中

休息中

朋友介紹呢間火鍋，就決定試下。服務員介紹左個小食 "老友鬼鬼" 俾我地食住先，呢個其實係油炸鬼加蝦滑。個油炸鬼好香好脆。食完都好想reorder。呢個真係推介。有別於一般的火鍋店，呢度有好多魚產品食。特別仲有大魚頭同魚鰾。魚不新鮮很容易會腥的。睇下個魚眼，就知新鮮。加上椰子湯底，就特別鮮甜。魚鰾同魚片，都很爽甜。另外都有叫"特級手切肥牛"油脂分佈平均，好林。還有一個都想推介的是竹笙露笋卷，吸晒湯既味道真係好正。除左一般既響鈴，豆卜，仲有鮮腐竹同蜂巢豆腐。菜既種類，又有淮山同皇帝菜。呢度真係一般出面火鍋店食唔到既野都食到。而且分量都唔少。原本以為以牛為主，點知仲有咁多野食。店的環境也很好，坐得舒服，波有壓迫感。

呢度同其他個d 火鍋店有d 唔同，空間比較大，檯同檯之間都唔會太近。叫左個椰子雞湯湯底，非常足料，半鍋都係椰子同粟米。所以個湯又甜又濃郁。另外仲叫左jar 菊花茶，好香菊花味。無溝水。甜度岩岩好。打邊爐當地唔可以無手切肥牛啦，見到d 花紋就覺得唔錯。油份岩岩好，肉質非常細嫩，唔會有渣。另外仲叫左黑毛豬片，雖然係切得薄。d 花紋都好令，好香肉味。服務員仲特別同我地推介左一個--松葉蟹皇包 (失敗，唔記得影相) 。係一個好似小籠包既東西，裡面包左好多好多既松葉蟹肉。不過因為個皮都比較薄，所以唔駛淥好耐。如果唔係會唔見晒架。

-是不是有十年沒有見面了🤣？一件事把我們團結在一起～～雖然結果是未知數，一同努力💪♥《健脾養顏椰子雞湯》超清甜足料喔😳多雞塊、粟米及椰子～真的不要看輕它，分量很足😛建議先叫湯底，煲一會兒更入味！♥《特級手切肥牛（例）》這是最便宜的肥牛了😚質素還不錯～色澤嫩紅～條紋分明，有新鮮牛味😋♥《手打黑白墨魚丸》這似乎是熱門之選😘囗感黏韌，墨魚汁味重～更有粒粒墨魚在內，足料🤓♥《炸榴槤波》我的最愛喔～～新鮮即炸熱辣辣😍真·多榴槤，會爆出來lol一定要等等才吃，會燙傷🙈♥小提示 Tips：價錢中上，自己衡量一下喔💖 不過上菜快、服務不錯，現在Like+Share更附送甜品呢🥳

好開心呀終於可以打邊爐了！之前皮膚敏感所以唔識得牛同埋太刺激嘅嘢呢間係我book mark嘅no.1 優先要來睇下係咪真係咁好食嘅餐廳不過因為我哋總共只有兩個人食所以就冇咗一種成大班人成張枱都係嘢食嘅快感我哋首先叫咗一個湯底係有魚翅雞湯我哋未放啲食材落去嘅時候先飲咗個湯底幾碗飲落已經覺得好足料！ 同埋真係好多魚翅！感覺到就咁飲個湯已經覺得好抵食啦之後我仲口痕叫咗一個泰式生蝦見到呢一度有泰式生蝦嘅時候我都覺得好驚喜因為感覺呢一間火鍋店係比較中式嘅 不過如果喺度食生蝦 就要留意一下個價錢會比較略貴一點但衛生情況我就覺得還可以 至少冇食到肚屙之後我哋仲帶咗幾碟豬同羊黎食 浸係魚翅雞湯裏面 吸收左雞湯嘅精華識落更加入味😆😆

老友鬼鬼$68真係好好食 又有油炸鬼又有蝦🤤北海道鮮奶花膠湯$148 好有奶味 唐生菜$48非常新鮮 仲有手打黑白墨魚丸 $98 十分彈牙 爽口 加埋水晶粉$48配上牛奶鍋既口感十分特別！

朋友介紹有間火鍋店d 牛好濃味好正，呢日三個朋友夾埋黎食未落單已經有好多調味俾你簡，除左正常既蔥，生熟蒜，辣焦，仲有瑤柱調味醬！好正！都幾多食物選擇，同埋menu 到會有d 附有圖片，方便我地選擇先叫左個一般肥牛，片片d 雪花分佈都好好牛精們再叫多個牛拼盤，有牛粒牛舌等等，牛味，口感各有不同，雖都係牛，但好有層次呀！！！再叫個蝦膠油炸鬼，新鮮香脆打邊爐當然唔少得丸子，我地order 左雙色手打丸，粒粒都彈牙鮮甜

湯底好味，自家餃子不可不試。今次試了「招牌和牛薈」湯底，內有牛根、牛膀、大腸，牛味濃香，牛肉狂迷必定要一試。另有小食–酸薑溏心皮蛋皮蛋晶瑩剔透, 仲有半融的溏心蛋黃,溏心皮蛋加上酸薑一齊食,蛋黃滑, 味道帶小甘而不苦澀, 酸薑非常入味

放工同朋友去了尖沙咀<禾牛薈>打邊爐呢度大部分都係卡位一係就房，所以坐得好舒服，而且仲有獨立電視睇添嘢食方面都幾多選擇，湯底就揀左“健脾養顏椰子雞湯”，雞嘅份量都唔少，而且非常嫩滑，湯底非常清甜，可能因為有好多椰子肉🥥馬蹄，仲有粟米😊打邊爐又點可以少得牛，我地揀左“牛拼盤”（牛脷扣，牛胸爽，特級雪花牛肉粒），牛脷扣同牛胸爽同樣好爽口彈牙，牛肉粒肉味都算幾濃，肉質都幾腍“老友鬼鬼”即係油炸鬼加蝦滑，就咁食又得，滾一滾索晒啲湯食又得，油炸鬼好鬆脆，蝦滑好彈牙😊“自家製鵝肝蝦丸蝦丸非常彈牙，裡面嘅鵝肝提升左蝦丸嘅味道，更香更有層次整體來說，服務環境同食物質素都好好😊

Happy birthday to my dear.今次帶朋友黎食生日飯，朋友係火鍋愛好者，生日飯當然帶佢黎打邊爐啦呢間火鍋冬天嘅時候有朋友帶我黎過一次，感覺唔錯，所以就決定黎呢間慶祝喇一坐低staff會放低醬料，一共有9款咁多。竹蔗茅根 - 真材實料，味道都夠，冇故意溝淡我地揀左招牌禾牛湯底精選三色餃 $118 有韮菜餃/ 意式牛肉餃/ 鮮蝦雲吞，一款成4件，都幾抵食。當中最特別係意式牛肉餃，係有食緊意大利雲吞嘅感覺牛拼盤 $188 呢個拼盤又係有三款牛，每款份量都唔多，所以岩哂我地人少少又想試多款嘅人喇手打鯪魚球 $78 有8粒，鯪魚球因爲手打，所以口感都幾彈牙，一d都冇腥味唐蒿 & 生菜 $38 整體睇講配料都幾新鮮，價錢就約人頭3百左右，另一好處坐位闊落之餘仲冇限時添

去過好多唔同嘅地方打邊爐，但隔一排就上返黎呢一間食，超級掛住呢度嘅水晶包同埋肥牛！叫到成枱都係嘢食！超級開心！肥牛當然係最緊要嘅！呢度叫得禾牛薈，牛肉當然有番咁上下！鮮嫩無比！好有牛肉味！呢度嘅水晶包亦都好有水準！一點有三款口味，有芋泥，叉燒同奶黃！皮好煙韌！涵料好好味 ！我有鬼鬼都好出色，好脆好香！中間嘅蝦膠都好甜好彈牙！呢個菜唔記得叫咩名，但好鮮甜又脆脆地，口感幾特別！珊瑚蚌味道正常！都好爽！蜂巢豆腐係我其中一樣打邊爐至愛。索盡湯底嘅精華！

依間火鍋店係尖沙咀來講算係價錢適中，食物選擇好多，湯底都有10幾種，有平有貴。另外值得一提嘅係店員服務好好，幫朋友慶祝生日，仲好認真咁同我地唱生日歌。鹹菜胡椒豬肚湯 108好重胡椒味，飲左一碗好暖胃，湯底越煮越濃。西班牙黑毛豬片 138肥瘦適中，唔會有豬嘅腥味。藥膳酒香雞件 98好重酒香，就算煮完之後都仲食得出酒味。法國鵝肝蝦丸 108自家製嘅蝦丸爽口彈牙，中間夾住一小粒鵝肝，入口充滿油香，雖然份量唔多，但係好推介大家試吓。脆鯇片 78好爽脆，而且好吸湯。爽口魚唇 58好少打邊爐有得食，同胡椒湯好夾。

好耐冇出尖沙咀shopping，今日買左好多衫同波鞋，非常滿足。開心既心青，連帶胃口都好D。打邊爐最熱氣，芫茜皮蛋同豬骨湯又好似熟口熟面咁；二個人叫招牌海中寳, 又好似份量多得滯。最終叫了豆人腐魚頭，夠正氣又健康。每一片的大小厚薄都有少少分別，咁就可以肯定不是機刨，而是手切。牛肉味好重，好正! 亦因為咁，我地前後一共叫左3碟。豬腰不是甚麼貴價貨，但很多火鍋店都冇提供。它爽得黎有點彈性，我好鐘意食!鵝腸除了份量略少外，都有咩野地方可以挑剔。水晶粉經過熱灼後會呈半透明，外觀十足十薯粉一樣，有點煙煙韌韌的。

呢間火鍋店叫得做禾牛薈，有各式各樣的牛食是正常的。估唔到，湯底的選揀都很多，原先店員推介海中寳俾我們，但朋友唔係好舒，因而唔想太heavy。最後揀了清清地的豆腐魚湯底。魚頭輕輕油炸過，所以嚮湯鍋內一段稍長的時間，也能保持整，魚骨魚鮨有咁容易散開。這些前期工夫，做得好好!松葉蟹太名貴，over了我們的budget，叫兩個松葉蟹菜包頂替一下睇落都唔錯。響玲要新鮮及脆，即制不是理想，呢間火鍋店都做得到。鵝腸是有油脂的那種，所以除了特別爽之餘也特別滑。珊瑚蚌色澤鮮艷，爽到 "索索" 聲，絕不能錯過。

試左尖沙咀咁多火鍋店，專食魚、牛、羊、豬各色食材火鍋材料既舖頭都試過，今次可以話係食過最鮮既火鍋 🍲，極度推薦大家。今次平日晚巿剛開始就來，都有唔少人食緊，呢度坐位闊落，又有VIP房。見到個個都叫海中寶鍋底，於是就跟住叫，上台個時一個奶白色湯裏面，有一個脹卜卜既豬肚，Waiter開到最大火，叫我地耐心等待。兩個字之後，聞到好重煲湯味同蛋白質味道。之後Waiter過來剪開個豬肚，原來裹面係裝住花膠、海參、元貝、螺頭、魚唇、冬茹，鮮味十足。啲料多都唔使再叫餸都夠兩人食，而且個湯變成超鮮濃湯。到我食曬啲湯料，又飲夠湯，就再叫左個騸牯手切牛肉，用盡個湯底。啲牛肉好鮮嫩，一試難忙。

星期日晚一行四人去到尖沙咀禾牛薈，發現呢度嘅座位都好闊落，有好多卡位同房 四個人打邊爐都有房坐真係第一次，房入面空間好充足，就算一次叫好多嘢食都夠放哂呢度食物款式好多，而且同類食品都有唔同選擇例如肥牛咁已經有八款我哋就揀咗特級手切肥牛 牛肉肥瘦均勻有光澤湯底方面揀咗正氣嘅椰子雞湯底 湯底清甜又有好多料，配唔同食材都唔會搶味 西班牙黑毛豬豬味濃郁又唔肥四個人叫個海鮮拼盤同手打四寶丸份量就啱啱好 四寶丸實質係有五款丸嘅 因為墨魚丸係分咗黑白兩款白色口感比較彈牙 而黑色就濃啲墨魚味除咗火鍋食品，呢度亦有唔少熟食(連炒飯都有得叫)我哋就叫咗個老友鬼鬼過吓口癮 油炸鬼脆身唔油膩，蝦膠份量亦都足不得不讚呢度服務都唔錯店員不時主動加湯，每次入房前亦都有敲門最後埋單每人三百幾，大家都食到捧住個肚走