禾牛薈火煱館 (金馬倫道)

營業中

休息中

同朋友慶生既生日飯！呢度有好多款湯底選擇，鍾意食辣既我緊係揀麻辣啦！最後揀左雙拼：台式麻辣鍋 x 椰子雞湯底 ！台式麻辣火鍋入面已經有埋峰巢豆腐、鴨血、豬皮，分量仲唔少添！揀左小辣姐，不過愈食愈覺得嘴麻，正呀！椰子雞湯就除左有椰子同雞，仲有蘿蔔同粟米，好岩唔食得辣既壽星女！兩款湯底都唔錯！打邊爐點可以無牛牛呢！招牌手切肥牛有五個部位揀，試左推介既「邊爪」，好有牛味同嫩滑佢個老友鬼鬼 、響玲 、松葉蟹皇包同手打丸都好正！其他正常野都好新鮮既！一定會再黎！

在尖沙咀來說，座位非常舒適一點也不逼，而且有很多部大電視，最愛花甲蟹湯底，我老友鬼鬼，而且牛肉很有牛味，工作人員熱情有禮貌，在尖沙咀打邊爐質素非常高！下一次會再來。

好耐冇打邊爐 , 想搵個位坐得舒服,傾得開心! 所以今日試新野,又冇限時嘅火鍋!!!今日同朋友去左禾牛薈火鍋館試新野, 呢度位置舒服 ,兩個人被安排坐卡位,超大空間,仲有私人電視!!蒙古羊肉片$88量唔算多,有輕微騷味 !配咗個腐乳醬 ! 脆鯇片$78呢個食火鍋一定係我必點嘅 ! 新鮮爽口無食到骨!!自家制餃子$88必食推介, 皮薄餡靚,大大隻蝦係入面,爽口彈牙! 仲要好抵食,有8隻🥰水晶粉我第一次食水晶粉,幾黏牙,咬唔爛 !!!店入面既員工好友善 食得特別開心不過, 茶介醬料$25/1位,但無俾水我地。。。有d貴!! 抽風系統一般,啲煙不停咁向住我吹!

禾牛薈，椰子雞湯底好味，夠晒鮮甜！湯底亦可足料，有晒椰肉同粟米，好甜！肥牛不錯，油脂分佈平均牛柏葉好爽好正，輕輕淥一淥就可以食，加埋湯底嘅鮮，好夾！老友鬼鬼好特別，味道不錯。脘魚片同魚頭新鮮，食落新鮮，亦夠嫩滑～丸類幾彈牙，主打手打，食落唔會話好粉，丸類口味選擇多松葉蟹皇包，雖然價錢幾貴，但食落味道唔錯呢個地方真係好適合一大班人一齊黎食，係尖沙咀嚟講呢度好舒服，座位夠大，闊落，雖然食物價錢唔算平，不過單係湯底都值回票價！

卡位有埋電視機，感覺好新鮮，試左禾牛薈湯底，味道唔錯，平時可能食開任食火鍋，但久唔久一次食一次，真心覺得間野既味道比任食火鍋好好多，加上人流無咁多，唔會有迫既感覺！

今晚10/08/2019，我們一眾人去尖沙咀禾牛薈打邊爐，六點去到開了門，上二樓，裝修還可以，人流行小，沒坐滿，感覺好，食物好。有機會要好得閒先可以再去品嚐美食。

Nice seating arrangement and kind service. Have lots of choices! Would recommend! And I get to watch tv also! If I need to choose a place for my friends and I, I would choose this place again for any kinds of gatherings. Price wasn’t too expensive too!

闊別幾個月，又再嚟禾牛薈食火鍋啦。今次係我個舊同學帶我嚟 (佢以為我未嚟過，諗住同我食好野) 。上到嚟，我即刻揀坐窗邊卡位，又大又闊落嘅座位，係呢度嘅賣點之一啊！我例牌會叫鴛鴦鍋湯底，因為可以食到兩種唔同嘅味道；健脾養顏椰子雞湯感覺健康養生，四川麻辣湯夠晒麻辣刺激。叫了一碟椒鹽魚鮫，好大碟，熱辣辣的，非常香口。手打黑白墨魚丸， 大大粒，夠彈牙。自家製餃子，內有鮮蝦帶子餡料，足料豐富，食落有點似食蝦餃感覺，正！極品特級手切肥牛肉， 睇見啲雪花紋就知係高質，脂肪分佈均勻，打邊爐一流，超好食。野生竹笙，通常竹笙都係做配料跟其他食材一起煮，原來放火鍋焯一焯食都好入味，仲好爽口添。

自選火鍋🍲〰️〰️〰️〰️〰️〰️〰️〰️〰️〰️♨️湯底• 北海道鮮奶花膠湯💲148• 鮮茄坑腩薯仔濃湯➕💲30不得不讚嘅係個牛奶花膠湯底真係好正超濃牛奶味🥛💕入面仲有好多湯料又有一碟花膠😛鮮茄湯嘅牛味仲重過番茄咁🍅😹幾中意呢啲名附其實嘅濃湯咁就豉油都唔洗點🤙🏻講開豉油原來啲醬料計錢🙂我諗係當茶錢咁啦😹🍢食物禾牛薈火煱館 的相片• 西班牙橡果黑毛豬片💲138• 自家製餃子💲88• 手打黑白墨魚丸💲98• 醬爆芝心丸💲48• 凍蜂巢豆腐💲48• 天津娃娃菜💲38• 冬瓜片💲38• 茶介醬料（每位）💲25推介自家製餃子🥟！超大粒好多餡🤩入面粒蝦肉好爽口😗但啲餃子餡唔均一嘅有啲有蝦肉有啲冇😧墨丸都幾好食但我真心唔係好食到黑白嘅分別😹🛋環境我地兩個人去包咗間房 超舒服有電視 好有私隱因爲好隔音🤣但搵店員就可能麻煩少少整體而言覺得偏貴 因為佢係一碟碟咁叫而唔係放題 食開放題真係會唔覺意叫多咗食貴咗😹但係逐碟叫可以減少浪費食物嘅機會率😏😹〰️〰️〰️〰️〰️〰️〰️〰️〰️〰️禾牛薈火煱館 (尖沙咀)📍尖沙咀金馬倫道48號中國保險大廈1樓及2樓

菜單上嘅選擇多到眼花繚亂，十五十六咁唔知叫咩好，下單方法可以掃二維碼用電話下單，好先進好環保，而且仲方便我地check番單。醬汁隨我地自由配撘，各自因口味而調配。健脾養顏椰子雞湯。當湯底未準備好時, 我們聽從服務員的推介, 點了一味黑松露薯片, 我們把手造的薯片放入袋中狂shake,松露的香味已四溢。御膳宮廷海中寶，成個龍頭鍋一上枱確實"架勢, 果然係御膳宮廷, 店員會幫忙剪開豬肚, 內有花膠，每人都飲咗兩大碗同最後清哂所有湯料, 堅好飲。

無食火鍋一排，男朋友話想食，放工就尼左食禾牛薈。呢間雖然主要食牛肉，但都有好多同野食叫。椰子雞鍋啖啖湯飲落好鮮甜，雞食落好新鮮、唔似用冰鮮雞咁。配料介會有栗米、羅白，所以令到湯底好鮮甜。配料點左雪花牛肉粒、牛骨髓、桂花蚌、皇帝菜，全部都好新鮮既，今晚真係好滿足

今次朋友生日,黎到尖沙咀既樓上鋪禾牛薈食雞煲同打邊爐環境寬敞 卡位仲有獨立電視可以睇叫左呢個極盛牛肉海鮮套餐, 飲品任飲. 每位加60蚊仲可以叫多個雞煲 d雞仲無限添食但係要留意返呢個餐係特定時間先食到同埋限時食雞煲係用雞脾肉 肉質超滑 仲要任加肉我地都加左兩次肉而且麻辣湯底味道好濃食完雞煲之後既打邊爐都係叫左四川麻辣鍋當然唔少得呢盤海鮮同埋自家製既食物海鮮既有花甲 蝦 脆鯇片 廣島蠔同水魷魚鬢餐廳自家製既食物就有 豬紅 韭菜餃 魚皮餃 豬粉腸 豬腰 豬皮 豬天梯 最後當然唔少得牛肉同埋黑豚肉肥牛肥瘦恰當 食落有咬口而黑豚肉就肉質結實，有口感

可能食親既火鍋都係放題，今次黎呢間食，唔洗排隊，仲有大枱坐。一睇個餐牌，真係嚇親。講左味道先羊肉：好食，冇腥味。好新鮮！蝦餃：好似係雲吞，兩隻鮮蝦係裡面，但打邊爐食雲吞真係怪怪地手打墨魚滑：好好食，打邊爐必備藥膳雞：根本就係花雕醉雞...雞本身唔算好食，但調味做到幾入味莞茜湯底：好香，清清地就咁飲都好正！總括而言，食物品質係高既，同埋服務算好地道香港既服務質素啦，價錢就....偏貴....例如響鈴賣到6/70蚊 （冇記錯既話）真係有有少少貴！

今日同同事喺尖沙咀開完會去咗禾牛薈打邊爐，因為見到佢有幾百篇好評，心諗質素一定有保證，點知中咗個大伏！餐廳有個signature其他地方係冇嘅，差不多每台都有一部電視，開頭諗住好正，但係當你全部人開着個電視之後，就嘈過街市，食餐飯諗住安安靜靜傾個計都唔得！招牌禾牛薈湯底 $198湯底顏色濃郁，顏色比較深，牛骨係後加上去的，牛雜份量都算幾多，不過係牛膀比較多，味道比起食牛雜專門店還濃郁，我哋幾個人食完都覺得口渴！有沒有加味精就自己諗啦！極品特級手切肥牛$278牛肉網紋算幾靚，不過切得比較薄，所以真係淥幾秒就食得！平均$2x 一塊牛肉！稻庭烏冬 $48一個每一條烏冬都絕對不能放過，應該係食過最貴嘅稻庭烏冬！精選三式餃$118餃子算係抵食，平均都係十蚊一粒，用料算豐富，粒粒飽滿！茶界醬料每位$25，其實都係比平時的多了XO醬，加埋一接近$30元一位了！餐廳比較可取之處就係有好好嘅服務，因為眼見大半場都係內地人，可能是服務慣內地人吧！人均消費$500元，最後都係要再去食糖水加小食，貴唔貴就自己諗啦！

湯底選擇好有心思 多到揀唔落手 最後叫咗雙拼湯底 仲有牛肉都有好多唔同部位選擇 我地嗌咗牛頸脊 非常好食 值得一試呀 侍應都好細心同我地講解啲牛嘅分別同碌幾耐 服務唔錯 佢地仲有其他部位嘅牛肉揀 下次會再嚟試