禾牛薈火煱館 (金馬倫道)

營業中

休息中

7月2號同朋友去咗呢間火鍋店打邊爐。我哋先叫咗3個小食，味道正常。之後再叫咗一個芫荽馬蹄皮蛋湯底同埋一D火鍋配料，例如牛肉，丸同埋蔬菜等等。湯底鍋上咗之後，我哋諗住用個火鍋羹攪勻一下個湯底，點知攪兩攪，響D 芫荽下面發現咗一塊墨綠色嘅「百潔布」，好恐佈。我哋同咗職員講，職員即刻攞走咗個百潔布湯底，話會換另一個湯底比我哋。另一個火鍋店職員提議免咗湯底價錢。之後火鍋店經理出嚟講咗對唔住，同埋提議比個全單95折我哋。我哋最後選擇即時離開，因為個百潔布湯底實在好嘔心🤮。我哋冇得到一個合理解釋，亦都唔會再嚟。希望貴火煱店一定要改善下衞生情況。

呢幢大廈成日都嚟，因為都幾多餐廳，不過長做長有嘅無幾多間💪，之前晚市禁堂食，好多間都執咗，呢間嗰段時間都停業，個名係火鍋店，但lunch 係做碟頭飯，38蚊起，好多選擇，有海南雞，焗豬……所以成日都嚟。38蚊係包飲品嘅，食咗4,5年，其實佢係明顯退步嘅，之前個奶茶係無咁澀，魚湯係再濃味啲，話雖如此，但仍然抵食嘅👍。我例牌order 40蚊烏冬，大碗，有菜，獅子狗，蝦丸，魚片，蟹柳同魚皮餃，足料😙，而且質素都ok嘅。

最近朋友話搵到一間高質素嘅打邊爐餐廳，好期待，結果果然無令人失望🤍 絕對值得推介！當晚叫咗好多野食，普遍都係好味道，其中幾樣係特別值得一提⭐️⭐️⭐️/🔅寒天翅瓜滑雞煲🔅邊爪牛🔅白鱔片🔅炸午餐肉🔅老友鬼鬼/首先，寒天翅瓜滑雞煲(湯底) 真係好正！味道非常濃郁，而冬瓜搭配鮮雞味道好甜，我哋未開始打邊爐已經一人一碗湯直接飲😆而邊爪牛算係晚餐主角之一，肉質好嫩，脂肪分佈唔算多，啖啖肉之餘又一啲都唔韌。而炸午餐肉同老友鬼鬼可以直接食，非常香口又唔油膩，我哋忍唔住要encore 😆 / 雖然餐廳有2層，但眼見好full，建議先訂位，我哋嗰日book咗7點，可以食到10點先散場，慢慢邊食邊傾計🤍 🤍

有個肥同事要走我地幾個同事一齊出嚟食個farewell 飯，順便吹吹水減減壓禾牛薈啲嘢真係好食又新鮮我覺得個牛真係好嫰好好食仲有初初嗌嘅炸魚片頭，超好味😋仲有佢哋嗰調味盤入邊嘅XO醬好正雖然唔辣，不過放落個豉油度連埋啲牛肉食真係好味😝其他啲響鈴呀炸魚皮呀都係推介蝦滑同墨魚滑都好彈牙👍🏻其實我哋都係僧 Farewell為名出嚟吹水為實😆另外佢哋嗰啲菜都好新鮮無論係皇帝菜啦生菜啦都係good👍🏻👍🏻然後我發現我冇影到筒蠔😑但係啲蠔係超大隻架其實都嗌咗好多嘢，我哋又有嗌酒埋單都係$500唔使一個人仲要請埋肥同事我覺得性價比幾高👍🏻

其實我已經N次幫襯呢度,每次只要有朋友話想食靚牛邊爐,我都一定會黎呢度,雖然價錢貴左D,但牛肉質素真係唔錯~不過真係要提醒大家,呢度必點係封門柳,但呢款牛肉你成功點到的機會真係非~常低,我7:30去到已經無曬火鍋湯底都係好足料,個人推薦椰雞,同埋一定要叫炸午餐肉&響鈴,雖然好多人都覺得呢D係垃圾食物,但炸午餐肉係就咁食都滿足感爆燈,所以一定要叫!平時我會叫埋萵荀同珊瑚蚌,萵荀比出面好多餐廳相比大份好多,而珊瑚蚌淥完之後好爽又會索曬D湯汁,鐘意食清少少的朋友可以考慮下~

星期一至五lunch time，出咗 #乾炒牛河 $42有幾夠火喉，幾香，偏甜，油得來乾身😃牛肉片有3塊左右，幾淋～～份量好夠飽，有芽菜、洋蔥🧅絲、白芝麻粒等邪惡，食完覺得自己肥左🤣選了熱利賓納，凍飲+$2 ᶘ ᵒᴥᵒᶅ個人口味評分：6/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie

星期一至五lunch time，1點先去會好多菜都無曬😂（包括海南雞飯、焗飯、是日精選）餘下 豬軟骨肉操飯$38 肉操飯配菜 #豬軟骨 #溏心蛋 半隻，粒蛋好入味幾好食，肉操普通，醬汁淋飯食。有4-6 件豬軟骨，少許粗糙但都算淋。選了熱利賓納🤣，凍飲+$2 ᶘ ᵒᴥᵒᶅ個人口味評分：6/10

星期一至五lunch time好久沒吃了～平時很喜歡他的 #麻辣米線 很香麻味，小小辣 $42 。重口味，濃郁，偏鹹我轉了 #烏冬 ，還是米線比較襯麻辣🙈更入味 ，不過米線份量不多（所以選了 #稻庭烏冬 份量會較多）配菜有 #滷蛋 半隻， #鴨紅 一片 #牛筋 #豬軟骨 #大腸 #白蘿蔔 一塊 #溏心蛋 半隻#台灣麻辣多寶拉麵 #麻辣米線 #台灣麻辣米線 #多寶拉麵奉送熱飲品，凍飲+$2 ᶘ ᵒᴥᵒᶅ個人口味評分：6.5/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西

母親節特意預訂了禾牛薈。招牌菜封牛柳好食，落水8秒後拎上黎食，爽滑。 墨魚滑足料好食。 本身好鍾意電視機撈飯，每檯一部非常好，邊食邊睇電視。 推薦大家都要黎試下，利申：非打手。

4人生日飯，啱啱好符合限聚令，就大家方便嘅地點，揀咗呢間係尖沙咀嘅禾牛薈。4人卡位坐落都唔算好迫夾，我哋揀左個瑤柱火腿冬瓜雞腳湯+鮮茄坑腩薯仔濃湯，原本以為個番茄湯底係橙紅色好濃嗰一種，點知嚟到之後見到好淺色，啲蕃茄都未煲爛，冇乜蕃茄味，有少少失望，反而另一個瑤柱火腿冬瓜湯，就好足料，未淥之前仲可以”不”出來當湯飲，都已經好夠味今次我哋嗌嘅都係一般打邊爐食嘅嘢，要讚下佢個牛， 牛味濃但係又唔騷，夠淋又唔會靭，另外就係萵筍都唔錯，切到好薄片，好快就熟，又唔會黃晒。我哋仲嗌咗個炸魚片頭同埋煎午餐肉，個午餐肉超正，煎到嗰邊好脆，裏面又熱辣辣，唔使淥直接食好香口，之後忍唔住encore多一碟，下次來都要食煎午餐肉

叫左本地邊抓同封門柳配沙爹湯底一絕，封門柳牛味好濃，邊抓油脂咁十足!富貴雞好正，好1多料，充滿和荷香味，仲有鮑魚食。沙爹湯冇hea做，好入味。個松葉蟹包皮簿，多汁，大大舊蟹肉。

今日在禾牛薈叫了富貴雞，燒鰂魚，抄雜菜，蝦餅外賣。富貴雞香港好少見有泥封隨雞送個木槌啲雞好滑有陣荷葉香值得一試燒側魚都唔錯最貼心是魚背開了一刀當食的時候用筷子就好方便整塊魚皮返下來。抵讚抄菜同蝦餅都有水準!好滿足的一餐。順便提一下富貴雞要提早3小時訂。

補寫食評，幾個月前，２人來吃牛肉火鍋。我是超級火鍋之友！拉着好朋友陪我打邊爐，選擇尖沙咀是因為放便！尖沙咀的火鍋店選擇很多，Open Rice看到這間，好評多、評分高！就來試試！點了鴛鴦鍋，麻辣併冬瓜瑤柱雞腳湯底，麻辣比冬瓜瑤柱好味和多料，冬瓜只有２塊，雞腳在鍋煮了很久才吃，但仍然很硬！#手切牛肉，點了細份，只有10片，我覺得不夠滑，失望！#自家制四寶丸，這個很好吃！丸子很有咬勁！#自家制餃子，這個也很好吃！個個餃子都很飽滿，足料！#雜菜藍，多樣豐富的組合，適合人少又貪心的人，如我們！#台灣鴨紅，這個是後加的，麻辣鍋底內有幾塊，好味！所以加了一份。#飲品，點了１jar菊花茶，喝完又加了１罐可樂，沒有Coke Zero，只有紅罐的！只有牛肉和雞腳，不推薦！

地方整潔乾淨，室內設計不俗，一踏進餐廳就覺得好舒服。每張卡位都有獨立電視機提供，非常適合鐘意一路煲劇，一路食飯既朋友。豉油配料亦非常多元化，必定能乎合每位客人既心水另外每位客人都有一對獨立公筷及一張消毒紙巾，方便一些對衛心問題比較關注的客人，非常貼心。早前已經推介不少親朋戚友去一嘗此店，事後佢哋都異口同聲稱餐廳嘅餐牌與別不同，款式比一般火鍋店特別，加有不少既組合，並配上獨特的名，令人眼前一亮。大家不妨一試

今年團年飯，大家決定去打邊邊。在Openrice搜尋了好幾間，看了相片和食評之後，最後決定了來禾牛薈火鍋館，並在Openrice訂座。今次一行4人，都是第一次來。我們準時到達，訂了座不用等位就能馬上入座。服務員也詳盡地介紹火鍋湯底，各款食物等等...這裡的食材新鮮，款式多而且特別(例如老友鬼鬼)。食物非常多元化，有刺身、生蝦等，也有其他熟食。選好食物之後，我們輕鬆聊天。很快食物就到來了。我們愉快地邊吃邊聊，服務員也十分殷勤，不時到旁了解有沒有需要點菜、幫忙、收拾東西等。對於這次團年飯，我們都很開心，也十分滿意。