禾牛薈火煱館 (金馬倫道)

營業中

休息中

試左尖沙咀咁多火鍋店，專食魚、牛、羊、豬各色食材火鍋材料既舖頭都試過，今次可以話係食過最鮮既火鍋 🍲，極度推薦大家。今次平日晚巿剛開始就來，都有唔少人食緊，呢度坐位闊落，又有VIP房。見到個個都叫海中寶鍋底，於是就跟住叫，上台個時一個奶白色湯裏面，有一個脹卜卜既豬肚，Waiter開到最大火，叫我地耐心等待。兩個字之後，聞到好重煲湯味同蛋白質味道。之後Waiter過來剪開個豬肚，原來裹面係裝住花膠、海參、元貝、螺頭、魚唇、冬茹，鮮味十足。啲料多都唔使再叫餸都夠兩人食，而且個湯變成超鮮濃湯。到我食曬啲湯料，又飲夠湯，就再叫左個騸牯手切牛肉，用盡個湯底。啲牛肉好鮮嫩，一試難忙。