祥發茶餐小廚

營業中

休息中

食晚餐，呢度多人到不得了。(，)環境就普普通通，無咩特別。主打一個叫不可不試餐(瑞士雞脾/翼)，其他餐就$36-$46不等。轉特飲都係加幾蚊，完全係糧尾救星、窮人恩物。主要係瑞士雞脾/瑞士雞翼黎做個配搭(粉麵飯，甜品飲品)等等。除左呢個餐，仲有其他頹飯同特餐既。上網睇食評好好，以我估計，好多都真心推介，唔似打手。瑞士雞翼同瑞士雞脾，肉老好乾好嚡，個汁太"唏"。特濃芝士汁燒鰻魚餐肉炒蛋飯，完全無芝士味，個餐肉無煎過紅豆冰，奶水太多，無乜紅豆。生滾豬潤通粉，豬潤份量好夠，湯係有味既，豬潤太薄。百香果汁，味道正常。但今晚試過食物就麻麻地。茶記黎講，叫做一般。價錢太平，亦無中伏既感覺，甘既價錢，食甘既野，叫合理啦！

呢間祥發係北角都算好出名，瑞士汁雞髀係佢嘅招牌菜，同埋你估唔到咁多嘅選擇。每次lunch Time都會好多人等位，連星期六日都有好多人特登嚟食下佢。黎呢度食嘢幾大食嘅人都唔驚，因為你可以有無限咁多嘅選擇，今次就要左一個A+B+M，即係有瑞士雞髀一隻，咖喱牛腩飯同埋沙嗲牛肉包，再配埋嘢飲都係40幾蚊。先講一下佢隻雞髀真係超級淋同埋好入味，佢個瑞士汁真係幾好食，沙嗲牛肉包就普通啦都幾多牛肉，咖喱牛腩飯好好食因為好多汁。另外仲叫咗一個常餐，有鮑魚豬扒通粉同埋叉燒炒蛋配牛油方包。豬排幾好味，通粉又係好大碗，正

食過數唔到幾多次既茶記~因為配搭真係多到你試唔哂架!-每次都是叫A+B+E的配搭~A當然係食招牌雞脾 見到個顏色就知道入味之餘仲大大隻! 而每次選擇B都好煩惱 因為太多款式喇!!唔少人都會揀佢既包(魚柳/沙嗲牛/etc) 但唔想太飽 見隔離枱有個pancake之類 今次就試下!奶醬班戟: 感覺乾左少少 同埋如果再多啲醬會更好~ (下次可以試第2樣)E揀了芝士汁雞扒天使面...芝士汁多到面都睇唔到~ 而且好濃~~ 已經encore好多次了~另外亦推介豬頸肉那款~都好味的!-40幾蚊食飽飽~絕對係又平又正同值得專程到北角食既茶記!建議避開午飯時間~因為太受大家歡迎了 哈哈~~~

呢輯相毫無美感 🤦 因為對面個男人不斷用好奇眼神望住我影相影到我都唔好意思好老尷 😂 於是影咗兩影就作罷食咗先算北角嘅後街其實有好多秘密老店嘢食好有特色 😍 呢間茶餐廳估唔到平日晏晝去都高朋滿座 😎 個個嚟到都必點佢哋嘅「瑞士餐」我覺得可以稱之為「港式 brunch」也 🤗 性價比無敵地高瑞士餐有好多好多選擇睇到眼花繚亂，瑞士汁可以配雞髀雞翼，包又有唔同款可以揀 👉 例如沙嗲牛、吞拿魚沙律、窩夫、西多士 🤤 之後又可以再配迷你飯。梗有一個組合啱你 😛 唔晒同人 share 就可以食到晒你想食嘅嘢瑞士汁雞脾嘅瑞士汁非常，系非常之濃郁， 😍😍😍 雞髀 size 正常，肉質可以更加滑，不過隻汁真係好唔話得，撈飯食都 👍👍 沙嗲牛包嘅鹹 👆 睇相多到爆出黎，牛肉份量行 OK, 反而係汁嘅沙嗲味唔太濃烈～迷你飯係真係好細碗嘅，唔晒怕會太飽。但雖然如此，但餸方面都唔敷衍，芝士炒蛋鰻魚樣樣齊 🤤 當然就系正正子啦

朋友話想試呢度既瑞士汁雞脾，但聽聞午市時間超多人，所以我地午市過後先去，瑞士餐，可按個人食量，加唔同野食，選擇好多，簡完一輪，我就簡左雞脾芝士魚柳天使麵配豬扒飽熱菜蜜，朋友就簡左雞脾西多五香肉丁公仔麵配凍檸茶，雞脾先到，個汁好味，而且好入味，不過雞脾鞋左少少，可能雞翼會好d,豬扒包，芝士魚柳天使麵，芝士汁好好味，豬扒包亦唔錯，朋友既西多都好好食，原以為分量會少，但又唔係，分量都比得好足夠，黎呢間食好開心，因為下午茶有既野佢全部都可以任你配，煎釀三寶都有，唔怪之得成日滿座，下次要試埋雞翼~

#笨手笨腳 嘅 #小秘書，琴晚居然跟人去耍 #太極 👊🏼 真功夫未出、汗都冇一滴.. 就襯收工/上堂之間嗰90分鐘，快閃落北角，嘆 祥發茶餐小廚 馳名嘅 #瑞士雞髀 🤩 做晚餐。估唔到用嚟陪襯 #瑞士雞髀 嘅食物都可以咁多選擇🤩 不過因為唔想第一堂就遲到，所以拿拿臨揀咗個ABH餐（下刪100字... 大家有時間可以去幫襯吓，順手欣賞吓 #祥發 個餐牌有幾多選擇😅）#瑞士雞髀 率先上枱，單睇賣相都知滷得非常入味😋 雖然係咁，肉質依然保持我好鮮嫩，果然名不虛傳👍🏻 而配菜居然係 #豬潤即食麵 x #炸鯪魚球 👀 #豬潤即食麵 比想像中份量大，豬潤味道都ok嘅，不過湯底無咩特別，用嚟襯托即食麵，無咩驚喜💭 反而個 #炸鯪魚球 唔好睇佢細細粒，不過師傅似乎真係用鯪魚肉打起嘅，中間仲釀咗啲蝦米粒，好野味👍🏻👍🏻 最後個餐飲再配埋杯 #蜂蜜紅棗水 好滋補！加加埋埋都只係$44🤪老闆好癲囉！

今次介紹呢間係北角區比較多人識既茶餐廳，門面上無咩特別，入到去既時候一睇餐牌，你會發現一樣野係同其他餐廳有好大分別，就係呢度可以自由選擇配搭唔同食物，咁可以根據返自己口味同價錢選擇、彈性會比較大。呢度最出名既係瑞士雞翼、瑞士雞髀，咁我都二話不說點左招牌瑞士雞髀，另外加個火腿奄列同埋沙爹牛肉麵，一杯凍檸水咁啦~ 等左大約五分鐘~ 上枱啦~ 上枱啦~ 首先上枱既招牌瑞士雞髀，一睇個賣相，深色既瑞士汁雞髀，你未食都已經覺得係好入味，食落口亦發覺真係同所諗既一樣好入味，甜甜地既瑞士汁入晒隻雞髀到，可以話色香味都有，但亦有扣分地方，就係因為煮得比較耐既關係，的肉食落去都比較"鞋"，但總體上都可以接受既。跟住到呢個沙爹牛肉麵啦，呢個沙牛麵老實講質素就比較普通，例如牛肉唔係太入味，而且沙嗲汁都唔夠惹味，麵底都係普通大光麵，所以配合起黎呢個味道只屬一般。另外呢度個火腿奄列，比例亦算正常，味道不過不失，蛋就有少少燶底。最後杯凍檸水份量普通味道正常。呢間餐廳環境上而言，下午茶時間去會比較舒服，坐位上會有少少逼，但呢段時間食好可以慢慢享用，咁埋單計埋$42蚊，如果一個正常茶餐加隻雞髀，咁既價錢都算好抵嫁啦~

想食瑞士餐就會諗起祥發。因為祥發出名瑞士汁。餐牌選擇多。好容易出現選擇困難症。我點了瑞士雞脾同魚皮餃米線。瑞士雞脾顏色睇落好入味。個皮充滿瑞士汁味道。瑞士汁偏甜。肉無咩味。仲有啲「鞋」口。不過39蚊有雞脾有單餸面連凍飲。真係無得投訴。窮人因物。魚皮餃㡳茶餐廳水平老公點了梅菜扣肉飯都屬一般水平。偏甜。不過45蚊真係無得投訴。

如果喺北角返開工，唔會無聽過祥發，周不時就會突然掛住佢既瑞士雞脾😛如果第一次去會俾佢個餐牌嚇親，係極多選擇隨你配搭，好似我咁有選擇困難症既最好上定openrice 睇餐牌，如果唔係去到唔知要搞幾耐先決定到😂 同埋都好佩服啲侍應可以記得晒唔同配搭既價錢👍🏿瑞士雞脾就必嗌咖啦，超入味😍 唔會太甜👍🏿 同埋雞肉好嫩滑，正🤗我通常會搭豬潤米食，豬潤份量極多，而且起沙，湯底亦好濃，好好味咖👍🏿👍🏿

平時好少係港島區食野 覺得會又貴 又唔抵食 但今日去咗嗰邊做野 就冇辦法咁搵間近地鐵站嘅茶餐廳坐低🤔 一入到去見到好多人食滷水雞髀🍗 好似好吸引咁 望吓個餐牌都唔貴喎😮 好多配搭 花多眼亂 唔知點揀好😂 最後揀咗個滷水雞髀配豬頸肉餐蛋迷你飯同一份西多士 三樣野加埋熱飲都只係四十三蚊 相當抵食😻😻食物份量都幾足 如果大家胃口冇咁大 都可以淨係滷水雞髀配迷你飯 連熱飲都係四十蚊咋⭐️⭐️ 就算係特登搭車去食都抵呀👍🏻 樣樣都好味 雞脾肉唔算好滑 但撈埋滷水汁真係好好味總括嚟講 呢間餐廳好抵食 好多選擇 想試晒咁多款飯或者甜品都要嚟多十幾廿次呀!! 下次一定會搵埋朋友再去😋

北角七姊妹道的食肆不少，而且大部份的水準也不俗，令餐廳之間的競爭頗大，卻造就了食客的口福。有健康取勝的，也有不同地方的菜式，而祥發當然是以它的瑞士汁雞脾雞翼而聞名。除了雞髀，祥發的食物總類可是我見過的茶記之中最繁多而配搭變化最最最靈活的。每一次來，我和同事都會選擇吃雞脾 / 雞翼餐，然後在等位期間已經要苦惱其他的配搭，十五十六直到阿姐過來落單那一刻。要讚賞和佩服的是，這邊的店員效率其快準確度其高，千變萬化的配搭，他們從來未試過在我的面前出過錯送錯過一道菜，價錢也從來沒有計錯過，我想這才是真正港式地道茶記的精神吧！同行的同事大家都點了雞脾，是我們來到的例牌，瑞士汁總是恰到好處，甜味剛好也不會咸。之後我個人有七成時間都會點的是 奶醬班戟，厚厚的班戟與奶醬簡直是不死的配搭，很餓很餓的時候會再點櫻花蝦濃湯 豬頸肉/魚肉春卷 麵，滿足感爆燈，今天不太餓則只配油菜。同事點了西多士加沙嗲牛麵，什麼邪惡拉芝都不及一件傳統茶記的西多士來得邪惡，這樣的三寶再配紅豆冰，香港人，日做夜做然後又到星期一，還求什麼。三道食物的配搭加飲品，都只是 $45 有找，要還減肥的債也好，祥發是要一到的，北角打工仔個人私心特

之前係網上見到有推介呢個瑞士雞脾就一直想試週末經過附近就一於去試下餐牌配搭十分多，想輕食或正食咁食都得而員工都唔會催你叫，你叫佢先會埋黎落單5點幾黎到都唔係話好多人，不過個個枱都一定有瑞士雞脾/翼2個人各叫了2個瑞士餐輕食1. 瑞士雞脾拼西多+紅豆冰2. 瑞士雞翼拼小食拼盤+凍奶茶瑞士汁十分濃郁同香，而且唔會話好甜肉質十分嫩口同好入味，沒有雪味，雞翼比雞脾較嫩口但雞脾就較多肉配汁食專門店果然不錯，個人上覺得好食過太平館(之前我都有食評)，比較冇咁甜，CP值較高西多士都幾正，炸到脆身而且好厚身，中間會有層搽左花生醬十分香同有口感不過就糖漿會落定所以覺得太甜出邊好多茶記都係可以自己落另一個跟餐--小食拼盤(咖哩汁)入邊有魚蛋, 豬紅, 蘿白咖哩汁十分香同濃不過應該唔係一齊煮所以就唔太入味蘿白容易吸味所以幾好食，其他就普普通通紅豆軟硬適中，甜度適中，不過奶香就較淡跟餐可以加2蚊就有紅豆冰，同凍飲一樣，所以幾抵呀呢到total$74，但都其實好飽肚總括黎講: 高質素平民茶餐廳，瑞士汁十分出色價錢不貴，食物質素中上，CP值絕對高而且配搭款式十分多，總有一款係岩你員工服務都幾好，有禮貌

有時候，工作不用時時刻刻那麼崩緊，學習放鬆，令自己有更多的靈感，才是正確的工佢作態度。我常常都記在心中，有時候，更會落於實行。今日就是一個好例子～下午快要睡著的時候，到祥發「精神」一下，日文叫做「気分転換」。哈哈～為了留肚吃愛妻便當，簡單點了一份下午茶，法式西多士配炸雞翼，加一杯紅豆冰。雞翼炸得金香鬆脆，西多士配上蜜糖加牛油，最適合我這種要增磅的瘦骨仙。最正的是紅豆冰，紅豆冰的甜度剛剛好，非常滿足的一餐～

屋企附近有間瑞士雞批我好鐘意食既 但成日都食唔到因為星期日唔開每次黎到都差唔多全場爆滿 我自己最鐘意食既雞批餐11點開始有 有時會當brunch咁食雞批餐既配搭方法有好多 價錢3x-4x 都幾合理 我次次叫呢個餐都係要瑞士雞批 雞批大大隻好都肉 食落好滿足瑞士汁調得好好 甜度同鹹度適中雞批d肉唔會好鞋 好入味 我小食就叫左餐肉奄列就算係小食都唔會太細份 不過如果d蛋可以滑d就好啦 另外我配左特濃芝士汁吉列魚天使麵呢個又係我以前試過一次就愛上左芝士汁真係好濃 而且份量多 夠曬所有天使麵吉列魚有兩條 味道正常 不過因為芝士汁所以會淋左少少 呢度加$2就可以轉紅豆冰好抵 所以我好多時都會轉而且呢度d紅豆冰味道唔錯 係好好既餐飲選擇

🍗 瑞士雞脾餐（ $42）呢件究竟係咩黎？有無人睇得明？😂 正確答案：甩左舊骨既雞脾 😂 因爲滷到好腍好腍，連舊骨都溶化於瑞士汁之中😱 瑞士雞脾真係滷得好入味甜甜地，肉質都OK(當然再嫩滑啲就更好)，三個字，好好味！跟餐就仲有2款小食揀，我就揀左芝士汁撈吉列魚柳天使麵同奶醬pancake ，兩樣都一般般啦，芝士汁無天使味，雪藏魚柳完全無味，pancake 比較實唔夠軟熟。雖然小食普通左啲，但茶仔黎講40幾蚊做到咁都真係無得輸。