祥發茶餐小廚

營業中

休息中

住北角有樣好，就係有好多好野食。呢間其實平時都係我既食堂黎，適逢有親戚黎香港，就帶佢食下d港式風味既餐廳。佢地一開始見到個menu咁多野食咁多唔同既組合已經投晒降，不過我反而佩服咁細既茶餐廳可以做到咁多唔同種類既食物。呢個招牌瑞士雞髀緊係一定要叫啦，一如既往咁高水準，d瑞士汁入晒落隻雞髀度！ 因爲佢地第一次黎，所以叫埋瑞士雞翼，其實都好正，因爲都係果個汁。不過一樣價錢既話，雞髀真係抵食好多！芝士汁燒鰻魚餐肉炒蛋飯 - 飯係迷你飯，但因爲一個餐有咁多野食，其實好飽。鰻魚燒得幾好幾香，呢個價錢食到呢個質素，其實真係唔錯煎餃子就普普通通，略嫌多油，而且煎得唔太夠香。沙嗲牛包d沙嗲正，夠惹味，同埋都足料。櫻花蝦濃湯魚肉春卷麵 -  親戚食既，但佢都讚不絕口，個湯鮮甜，而且個麵煮到岩岩好。每個人都食到好飽，但平均每人都係$50落樓，絕對係平靚正之選！

呢間響鰂魚涌非常出名嘅瑞士雞髀雞翼茶餐廳真心要介紹俾大家！每次一到lunch一定大排長龍。推介瑞士雞髀雞翼好味就一定啦，雞髀夠大隻，煮得唔會太老，啲甜豉油够入味上晒色，見到已經好想食！😋重點係佢好似馬會投注咁樣可以瑞士雞髀一拖二，一拖三，再配主食，小食，甜品等等，加埋嘢飲都30幾至到40幾蚊不等，視乎你想配幾多樣嘢食，悉隨尊便，而且佢嘅選擇項目相當豐富，花都眼亂樣樣都想食，有選擇困難症嘅人要小心啊🤣但可以有咁多個食物選擇，嗰種感覺真係超開心！推介可配嘅主食有咖喱牛腩飯，豬潤麵，豬頸肉鰻魚飯等等都唔錯，不過佢啲芝士汁天使麵或飯等等就有啲伏，因佢啲芝士汁怪怪地，我上次食過一次有啲怪怪地嘅酸味，所以避開就可以了。小食嘅話西多士，吐司，豬扒包等等呢啲都係推薦的！我每次去最鍾意陪就係佢嘅沙爹牛肉包！份量大得嚟，入面嘅牛肉一亦非常足料了，我叫一隻雞髀再加沙嗲牛肉包再加咖喱薯仔牛腩飯再配以一杯熱檸水都係＄45，相當抵食！有時遇到呢啲大胃王，好似尋日咁我另外再加多隻雞髀都係加多10幾蚊，（係，我琴日lunch食咗兩隻瑞士雞髀餐🤣）真心大滿足！店名：祥發茶餐小廚環境：6/10服務：7/10 價錢：8/1

星期二夜晚收工 諗住係北角輕鬆簡單食一餐醒起之前食過既呢間祥發 最出名就係瑞士雞脾套餐食物符合價錢水平食食下 有一男一女年青人入左黎 當時2000左右餐廳入面有吉四人坐同二人坐咁女仔問短髮呀姐 可否坐另一吉二人坐或四人坐短髮呀姐拒絕❌ 堅持佢地要迫埋去本身有兩人既台於是男友人一言不發 離開店舖由入店至離店 男友人沒同店員交流過 但當佢離開後 短髮呀姐就同其他店員講： 我唔俾佢坐呢度嘛我當堂嚇一跳 如果件事發生我身上會點 我就覺得成8點幾 又無人排隊唔好話轉四人坐 轉個二人坐都合理短髮呀姐可能唔想執張台 可能想將口罩男 放去角落都唔定 但短髮呀姐態度真係好差 事後仲好威威我都係少d黎食呢間祥發啦

好鍾意食雞脾！瑞士雞脾係童年回憶！今日特登黎食一次！淨係叫左隻脾，估唔到原來只係15蚊！！！係香港地坐底係茶記竟然仲有咁抵食又飽肚既小食？！以為會好細隻啦，點知黎到都有返咁上下。淨係個上脾都有成隻手咁長咁大！本身諗住唔好沾咁多汁，因為好似好唔健康（人大左係要注意下三高之類），但點知，拎住個刀叉切切切，一唔小心就沾晒d汁。（其實係d汁真係好惹味，所以要沾肉食）真係好邪惡啊！最後忍唔到口，又叫多左隻，食完真係好飽。。。 30蚊就咁滿足，夫復何求！

之前朋友推介我來食尼間瑞士雞脾專門店所以今次同朋友二人一齊來試試佢佢既瑞士脾套餐出晒名上晒報道同飲食評難得係附近就食個午餐來到門口已經見到好多人等候啦今日同朋友揀左A+B+F套餐連飲品$41店內有多款套餐小食選擇 睇到心郁郁都咩想試咁我地揀左瑞士脾+朱古力窩夫+櫻花蝦湯春卷麵 另外果個餐就改左食士多啤梨🍓多士同我想像超級出入 只係俾個多士加個醬你不過整體食物都不錯👌係個士多啤梨多士比較差見到瑞士雞脾超大隻又入味櫻花🌸蝦春卷湯米既春卷好味不過比想像中既櫻花麵有出入比較普通朱古力窩夫外貌不錯但味道也是普通整體店內食物質素一般但價錢好抵

🍗📸#tagnshare北角篇……………………💰 拼拼餐 （大約$40-48）🤤 呢間餐廳係會引發你既選擇困難症⋯佢既配搭係超百搭😏主打就係瑞士雞脾雞翼⋯入味到不得了👍🏻之後我會拼佢既豬頸肉雜菇飯⋯好食+足料🙂豬頸肉食完想再食😏最後配左佢既朱古力窩夫🍩淋哂朱古力醬都會脆卜卜😝#其實佢既左拼右拼真係多到嚇親你………………高妹小編……………………👇🏻地址👇🏻祥發茶餐小廚 (北角)北角七姊妹道27D號地舖.#hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #北角美食 #北角 #手機食先 #相機食先 #相機先食 #hkfoodblogger #食好西

又黎到lunch 時間 當然又要睇下邊到有平嘢食啦 食個lunch唔想食咁貴黎到北角 祥發呢間茶記聽講都幾出名出名食瑞士雞翼 其實我都食咗幾次架喇 不過就冇影相寫食評 今次特登影咗幾張 所以上黎放返黎個食評以示支持先由於呢間嘢lunch係幾旺角下 所以一到lunch時間即刻要過定黎 咁就大多數唔駛等位就可以入座啦佢嘅餐牌係幾複雜下同埋好多嘢揀最後我係食咗個五香肉丁+豬扒包+瑞士雞脾三十幾蚊 有咁多嘢食仲要幾好食架喎 所以我覺得北角最好食嘅茶餐之一黎呢間首先個瑞士雞脾係好惹味雞肉都唔鞋 整得恰到好處 好食之後有個用熱狗包整嘅豬扒包個豬扒都仲熱嘅 同埋都整得唔錯架 幾香口最後個五香肉丁公仔麵 叫做冇乜特別 好普通貨色嘅五香肉丁麵 但唔係難食呢間茶記好抵食我覺得食完會有滿足感 唔會話唔夠喉三十幾蚊去快餐店都冇嘢飲啦呢到有埋 所以值得推介但係啲位可能有得迫 同埋食嘢會有啲趕 佢地會催你嘅

以前係附近返學個時經常都會黎祥發食午餐,貪佢又平又好食又多元化,真係食極都唔會厭架!!今次咁岩係北角附近有野做,就黎食個晚餐啦。可能時間仲早,未有人排隊,所以即刻入得,不過啲座位都好full下架。點餐啦,咁耐無食,緊係食返我以前經常食既組合啦: 瑞士雞脾就係鐵膽黎既, 跟住就沙爹牛肉包,再加個特濃芝士汁吉列魚柳天使面,仲有紅豆冰瑞士雞脾呢個瑞士雞脾真係無得輸,大大件,肉又滑,真重要係啲瑞士汁真係好正好入味,諗返起都想再食呀!!沙爹牛肉包沙爹牛肉包係B類既熱門選擇之一,好足料,唔單只多牛肉,啲沙爹汁仲多到會流出黎,真係好食!!不過要小心整污漕自己~特濃芝士汁吉列魚柳天使面最後一個選項就有好多野揀, 所以我以前經常試唔多既選擇。今次試返都幾熱門既特濃芝士汁吉列魚柳天使面。味道唔錯,芝士汁的確好濃,岩我。不過同以前一樣,個天使面始終係乾左啲。下次去要試返其他先得。紅豆冰 (唔記得影相)呢度既紅豆冰都幾出名架,黎祥發多數都係飲紅豆冰,仲成日都係飲完都唔夠喉,想再飲添!!埋單都只係43蚊咋,真係夫復可求!!

最近有點事要到北角，剛放工很肚餓，上網看到有人推介這間的瑞士雞脾，特地過來試下。看到這個餐牌立即「選擇困難症」發作，因為太多選擇了！不同配搭有不同價錢，可以跟據自己的食量選擇多或少的組合。雞脾很快到，很香，瑞士汁甜甜的，切開時我以為會是「淋」親離骨那種質感，但也很入味。一個餐配了煎餃子+特濃芝士汁豬扒天使面，另一個餐配了豬扒包+特濃芝士汁燒鰻魚餐肉炒蛋飯。兩個芝士面/飯是迷仔版，剛剛好不會太heavy。豬扒包想不會乾身，豬扒也很juicy，豬扒包入面的醬也好味。

I am big fan of this restaurant since it located in Causeway Bay. Price is below average but the food is excellent.  the famous food is swiss sauce chicken leg, very big per piece and so juicy. The swiss sauce is quite sweet but perfect match with the chicken leg. and they offer many different combinations of each set. I usually choose swiss sauce chicken leg+ pork bread+noodle with spicy porks+ milk tea, its only $3X something! the pork bun so yummy as the pork is very crispy. Their milk tea al

其實這間餐廳我充滿回憶，食著的是一份情感所在。以前中學補習就好似係必需品，我就係銅鑼灣讀書，同同學都報埋同一間補習社。通常上堂前都會食黎間餐廳黎醫肚再去聽書。 到大個左想搵返間餐廳既時間，完全係人去樓空🤷🏻‍♀️估唔到直到係鰂魚涌返工既時候，比我搵到佢搬左去北角😊 無理由唔食架！ 味道依舊好似連伙記都依舊。但餐牌已經由幾個選擇變到幾百個選擇，對於我黎種選擇恐懼症既人黎講🎉大家明啦

北角鰂魚涌番工既人，一定冇可能唔識祥發😂就算唔記得鋪名，都一定有聽過食瑞士雞脾果間人係好衰既，硬係鍾意多d選擇，太多選擇你又渣唔定主意想試下呢種感覺就泥祥發啦事日同同事一齊去祥發食lunch首先要揀定食雞脾定雞翼，之後你可以再碗飯/粉麵/甜品/小食。總知有好多種選擇，唔同既組合有唔同價錢，一定附合你既budget我叫左個瑞士雞脾。雞脾係好大舊但d肉就唔夠滑又唔夠入味，個皮都夠味。不過lunch時間，人地都係茶餐廳咩都要快，價錢又平，真係唔會太高要求另外我叫左個魚柳包。塊魚係炸過，再加（應該係）芥末汁，真係好惹味另外，我仲叫左個肉醬飯。肉醬好多，我好鍾意撈哂甘食個肉醬如果可以加少材辣味會更好飯對我泥講都好多，所以當我食哂個飯果陣，其實飽到食唔落個魚柳包最後，魚柳包拎走當下午茶食

有個朋友介紹我食祥發 講左成年 終於有機會一試！瑞士雞脾同雞翼可以話係呢度既王牌雞脾大大隻 瑞士汁真係一流 一試難忘呢個多士真係不得了 超多花生醬同糖漿十級邪惡豬排包豬排不算大塊 沙律醬多 味道還可以最後叫左個紅腸鰻魚飯 沙爹牛肉麵 兩個味道還可以 值得一試

今日公司加班，黎左呢間食d野依依肚, 平時LUNCH時間後好多人要排隊架, 黃昏時間黎就唔駛等位喇~~睇下個餐牌~~ 嘩~ 媽呀, 咁多選擇的... 我有困難呀~~最後當然叫左佢的招牌瑞士雞脾同雞翼啦~~雞脾大大隻, 好入味好淋, 雞翼我expect係會浸到條骨好易甩出黎, 但佢未整到果種程度,相對無咁好味, 不過都好入味的, 果然係招牌~~ 仲有呢個沙嗲牛肉包, 普通啦, 個包大大隻, 相對沙嗲牛肉唔夠多, 如果多到满出黎效果會好好多, haha仲有呢個沙嗲牛肉面, 正正常常啦, 不過就細碗左D個SET仲要包杯餐飲的, 都係正常, 無乜特別.埋單$66, 都幾抵丫~~ 下次可以再黎~

經同事介紹 就去呢間好岀名食瑞士雞翼/雞脾既茶記「祥發茶餐小廚」距離北角地鐵站約5分鐘路程 不太遠又不太近成條街都好多餐廳 目測祥發門口係最多人的有等位既人 亦有好多等外賣既人等位期間就睇下餐牌揀下野食嘩！係一個超多選擇/組合既餐牌如果有選揀困難症既人 絕對會立即病發我最後揀左 A + B + C 配凍檸茶 $37+2 (凍飲加$2)A 瑞士雞脾B 芝士火腿牛角包C 龍蝦丸通粉叫餐時伙記都好有耐性 有禮貌 唔會太急會重複你既 order 可能普遍香港人都比較麻煩所以伙記都主動問我杯凍檸茶有無特別要求洗唔洗少冰 少甜果d茶記都有咁好既服務質素 抵讚芝士火腿牛角包 不錯不錯 包入面d芝士都算多切開既時候會漏岀黎主角 - 瑞士雞脾賣相普通啦 味道先係最重要！瑞士汁底不錯但雞脾肉質普通不算嫩滑 亦略嫌不夠入味不過點返d瑞士汁就夠哂味龍蝦丸通粉 龍蝦丸幾好食 絕對唔係得舊粉果種通粉就正正常常咁啦總結 食完ABC真係好滿足 下次一定會試埋瑞士雞翼！