Book 左位, 同家人做節食飯
杏汁白肺湯：好飲的
乳豬拼叉燒：乳豬脆，叉燒OＫ
羊腩煲：估唔到唔係有火地鍋上， 係食到咁上下， 職員再幫你拎走加生菜，我鍾意自己熱住咁自己鍾意幾時食就幾時加咁食羊腩煲
士多啤利骨：普普通通
時令煲仔飯：飯同餸分開上，未試過咁食，無左平時一鍋過的煲仔飯感覺
瑤柱蛋白炒飯：等左半個鐘先黎
燒茄子：屋企人話好食的，但個人覺得太咸
XX時蔬：普通到不能 (但出去食菜就係咁, 我都明)
戲肉
雀巢XX雞丁：落左單見過左15mins未黎，其他野都上晒，所以吹吹個餸；再等多15mins唔見，其他餸都食得８８９９，所以同職員講未到，幫我地取消佢。轉頭返黎話剛剛落左鑊，但家人話我地吹左兩次宜家先落鑊，其他都食完，所以唔要個餸了。
以為完左，咁大家諗住食糖水
order糖水時，職員同我地講，你地要糖水呀，要等好耐架喎。

ｏｋ　ｆｉｎｅ！

好耐冇寫食評，但今日去完一定要寫低。 首先呢一間野唔算平，食個晏加埋一都差唔多$200, 嘢食普普通通，不過今日嘅重點唔係呢一樣。 今日想講嘅重點係，以而家呢一個疫情來講，口罩一定要戴，尤其係餐廳嘅員工，好可惜，今日中午見到嘅三個職員，得一個有戴。 廚房果個，無戴。 樓面主要負責送餐的，無戴。 我地食晏食左一個鐘，全程無戴。 因為大佬請食飯，大佬唔出聲，我地都無出聲，怕被加料。不過見有人坐低咗之後又走番，可能都係因為呢個原因。 仲有另一樣，佢哋斟茶，係一次性，仲講話如果要加茶，另加$20/位，乜料，咩服務。 真係無下次，非常失望。

屋企人生日飯，又晌CWB搵中式酒樓 今次試下張公館，見comment 唔錯 以星期六晚黎食，呢度係比我想像中少人 入到去好多吉枱，我地一行8人（有兩個bb) 佢地安排左間房俾我地 平日如果要房，經理話要min charge 一萬蚊😱 有房唔錯，bb 扭計喊都唔會嘈得咁應 冷氣夠，唔算偏熱/凍 因為唔多客人的關係，就算晌房都好易有人招呼我地，唔會叫天不應，叫地不聞。 無叫d 鮑蔘翅肚，叫左d 平民菜式 埋單唔貴，每位（只計大人）約$300 屋企人幾滿意，可以encore

今日同老公無時間食lunch, 忙到4pm先有時間食D野, 諗住黎食下午茶。
其實鴨脷洲都有好多茶餐廳，呢間蘇記好似都幾出名，咁就黎試下啦。

呢間店都唔太難搵，都近地鐵站出口，行過２條街左右。

因為老公大人太肚餓的關係，佢都係無叫茶餐，叫左個雞扒飯($40)。 黎到好大碟，雞肉都唔太＂鞋＂，加左瑞士汁撈飯一流。
我就叫左個茶餐，豬扒面加雙蛋，無記錯好似$36，份量黎講都唔少，無多士，不過多士我都麻麻，咁樣幾好。
仲要佢用丁面，唔駛另外加錢。不錯。

天氣開始涼涼地，又係打邊爐的好時間。（歪理） 一早同老公諗住黎打邊爐，所以book 左位，一到就入得，good job 牛一價錢唔太貴，又有好多菜瓜丸食，放工近近地去利舞台食啦。 甜品pops 配菜s 有粉絲，面，生菜，黃芽白，紅蘿蔔，白蘿蔔，紫薯 配菜2 翠玉瓜，粟米，蓮藕等等 配菜三 丸，豆腐，魚蛋之類 最驚喜見到羽衣甘藍，聽聞呢隻菜好有益，好似都唔平架 我地叫左壽喜燒湯底，每人一隻蛋 叫左$178@ 美國極上牛肉同豬 樣子都唔錯丫，呢個價錢唔通食到和牛咩 食落覺得豬好味d d 牛有筋 另外當然要食炒飯+日式咖喱 用左個apps可以免加一呀，不過就無得儲分，唔緊要啦，免加一著數d 90mins 話咁快就過，食得好滿足呢！

話說我剛到一間公司入職，唔夠兩星期就有同事離職。 呢件，就係同事買的farewell cake. 因為佢last day 果日我唔晌公司，所以佢事前已經買俾我，味道當然有得揀啦。 印象中呢期係茶餐廳的味道，即係有奶茶味，可樂煲薑，而我揀呢款，就係西多味。 外賣盒，都好實淨，但換句話說，個人覺得有d 浪費紙張。 盒大大，cake 細細。 個cake咁放真係好安全，但都係覺得好浪費紙張。 上面三粒當然就係多士啦，可惜面包粒已經唔脆。 中間的cream 係花生醬味黎的，偏甜。 最低的cake 就最淡味，無乜味，如果有牛油的香味我諗會更好。 總括而言，呢個farewell cake都唔錯，但如果一粒都要30~40大元，就未必化算了。

今日老公話想食拉面，登龍街的又試得7788, 晌openrice 見到呢間都幾高分。一於黎試下啦。 舖頭唔算難搵，成日覺得呢款裝橫的小店好有日本拉面的特色，吧枱形式可以望住師傅造面。 怕多人一放工6:30pm已經黎到，好在只有三四人用膳中，咁我地都坐低睇食乜喇。 教埋你點配搭搵出合適你的口味 餐牌主要得兩款面，豚骨湯面同蝦味噌豚骨湯面。 咁兩個人就叫晒兩款黎試下啦。 因為想有溫泉蛋，所以兩款都叫左套餐，即係加$30多溫泉蛋同4隻餃子 我個面黎左，佢個湯真係好奶白色，但一d 都唔油膩 蝦味噌呢款相對濃味 餃子不錯，菜肉餃子。 老公話呢支拉面胡椒加左落拉面能夠提升佢的味道，大家不防一試。

4位女士約打邊爐，唔想食得太肉，有朋友介紹食呢間溫野菜，明知星期五多人，6:15用apps 拎左飛都等到7:30 先有位。 入坐計只有90分鐘時間，快脆揀好湯底先。 下面呢款係藥膳，好pro 咁每樣執少少俾你。 晌一人一鍋的情況下當然試唔同味的湯底啦。 上：豆腐 下：骨膠原柚子鹽味 左：藥膳 右：蕃茄 個人覺得藥膳同柚子比較好味。 因為唔係太大食，散叫，我地主要食豬，因為其中有朋友唔食牛的。 樣樣都試d, 呢度的菜好好味，豆腐面就唔建議大家試，除非有朋友鍾意食豆腐干的質地。 4位女士埋單每人$320 老實講唔算係食得太多野，雖然算係好味，但覺得唔太抵。 如果大食，應該任食會抵食d

今日試新餐廳，見佢都有好多唔同類型的野食。
有all day breakfast, 飯，意粉，扒，甚至連喇沙都有，真係好多樣化。 內裡裝修都幾特別，睇下佢個cashier位，haha 叫左個飯，有餐湯，忌廉湯。 野飲，都好大杯，又湯又野飲成肚水。 主菜黎喇，個all day breakfast都好大份，呢款係荷蘭芝士火腿奄列。 奄列好大份，有薯餅，粟米粒，司華力腸，辣肉腸同埋多士，不過奄列裡面的芝士就唔算好突出，
未食完已經好飽，原諒我食唔晒。 同事叫左呢個辣蕃茄羊腿燴飯。 辣辣地都開胃。唔好以為得個碟大，其實份量都唔少的。 下次想黎食佢的喇沙

今日去荃灣開會，午餐時間又要搵食，如心廣場附近其實都好多選擇，但今日無乜胃口，又想平平地咁食LUNCH， 所以過左AEON搵野食。
見到有咖喱，價錢唔貴又無乜人，就坐叫左個咖喱餃子飯($35)+汽水$5=$40。 $35的餃子飯，份量唔算少，夠我食。煎餃味道都不過不失，加埋咖喱味道都唔錯。
宜家可以$40食到個LUNCH的地方唔多， 所以都有好多學生黎食，因為唔算好貴味道又ＯＫ。
如果唔夠食，可以試佢個富士山，個份量都好十足的。