祥發茶餐小廚

營業中

休息中

There's a cha chan teng in North Point that is known around Hong Kong as THE best Swiss sauce chicken leg/wings in all of Hong Kong. That's quite a claim. So, boyfriend and  I headed out to the hot summer sun to find out.Located on the left of the North Point MTR exit B4, is a small and very old cha chan teng. It was so old looking, the wallpaper was bulging out and looked like it was going to fall at any moment. Though we were there around 3 PM on a weekday, it was full and we had to cram ourse

自太平館餐廳發明瑞士雞翼，經傳媒報導之後。大大小小餐廳爭相仿效，瑞士汁菜式百花齊放。經朋友介紹，今次到北角祥發，試一試佢主打嘅瑞士雞脾。知道食晏時間會大排長龍，專登係4點幾先嚟食tea,反正佢個餐係一樣價。不過一樣叫你撘枱要食雞脾，最出名係瑞士餐。配搭多變，可以配到好豐富都得。但老闆娘又會提你洗唔洗加麵，叫餐一次過叫，再叫當散叫叫咗A+B餐，雞脾係中size，冇想像咁大隻。(三多嗰隻就大喇)瑞士汁味道係似太平館，香味差少少，可惜鷄脾需然淋但鞋烚烚。呢個貪得意試下，大路味道。似pie&tart 個肉醬批味其實呢個價位算係咁喇。下午返工食lunch的確唔錯。但要食美食就唔洗專登過嚟啦。一嚟怕等位，二嚟我覺得一般姐。同類形，翠華、瑞士咖啡室唔會差得過佢囉。(以後會嘗試下加入唔同餐廳比較，希望可以多方面D，客觀D)🙏🏻大家鍾意就follow我同share 食評去Facebook la😁

朋友介紹這間茶餐廳又便宜又抵，招牌瑞士雞脾非常吸引，於是去試試！😋😋見到餐牌，簡直眼花撩亂，太多選擇了，無從入手，於是跟朋友推介叫A+B+E+熱飲品（$40）！點了瑞士雞脾＋粟米粒奄列＋ 炭燒豬頸肉什菌飯！其實選擇太多，很多都想試試！等了一陣就先送上了雞脾，雞脾同我想像中差不多，切得上來都幾多肉。每吃一口之前，都點一點盤上的瑞士汁，嗯，好味！ 瑞士汁不太甜，稀稀地，有點似滷汁。炭燒豬頸肉什菌飯 有三四塊豬頸肉，還有大量菇，但個人覺得飯太硬和鬆散。粟米粒奄列比我想像中好吃，原本覺得應該普普通通，沒想到裡面的粟米粒充滿了牛油香味！

又到男朋友帶我去食好野既時間今次佢話有間食瑞士雞比既茶餐廳好好食地點係北角地鐵站B4行一分鐘就到自選組合瑞士雞比+火腿奄列+沙嗲牛麵雞比好大隻好入味其實食完成隻都已經飽飽地瑞士雞翼+原味小食拼盤+龍蝦汁鰻魚餐肉炒蛋飯小食拼盤叫左原味都有少少辣個飯雖然係迷你版，但份量都幾多下不過鰻魚太細塊凍奶茶，幾香茶味，但叫左少甜都好甜

呢間野係我的至愛，每次都叫瑞士雞脾食架，早餐食過一次堂食，印象麻麻地，今天時間匆忙，來不及坐下歎早餐,就叫腿旦治熱奶茶外賣先，一試愛上左佢地份腿旦治，包身軟熟，蛋好厚好滑，仲要係唔乾淨淨，有蛋汁，又即叫即整，夠曬新鮮，奶茶好香濃亦好滑，茶味十足，早餐有佢地實在好滿足祥發果然名不虛傳

老婆之前係鰂魚涌返工，成日都話幺祥發好多嘢食。聽佢講，只不過係常餐，又有啲咩特別？呢日去開北角，咪去祥發食個常餐，試試佢既嘢食。一坐低見個餐牌，都真係眼都花。原來有成A－J的組合俾你揀。最少揀三樣嘢食加一杯嘢食。最低消費係三十幾蚊。首先就係揀要瑞士脾定瑞士雞翼。用上秘制汁去整，我見人人都瑞士脾，我又跟風叫埋一份。個瑞士脾又堅係好鬼大隻。老婆唔愛炸脾，唔怪得佢最愛啦。跟住可以揀面包類，可以係三文治、牛角包、多士、奶油多之類。單係包點都有十幾款俾你揀。最後揀咗個朱古力奶油多。啲朱古力醬都好鬼多喎！面食飯類的，可以係平日土戈木常餐既雪菜米、通粉、意粉等等。如果加幾蚊就可以食出前一丁原個份量。三十幾蚊又堅係好抵食。再黎原來仲有焗飯、叉燒飯個類，是細碗裝，但價錢好抵。提提大家，落咗單后無得中途加一兩樣Iteam，一加就要加一個餐。因為個組合比較繁複，所以唔可以咁加單。都好抵食～

#cic北角- 祥發茶餐小廚•瑞士餐 $33-42•呢度既瑞士餐可以自行配搭 有abcdef...餐成百款配搭 睇menu都睇到眼花👀A餐(瑞士雞脾/雞翼/炸雞翼)係固定之外 其他小食咸食麵食同甜品都可以自己㨂🤘🏻🤘🏻個瑞士汁比較'杰'身 滷水味香味道濃 冇一般既瑞士汁咁甜 而且有豬薑醋既薑醋味🤤 雞翼醃到好入味 肉質嫰滑又夠'淋' 一咬就骨肉分離 一路點住瑞士汁食絕對係世界級😍 價錢平 配搭多 食到飽一飽都係ard$40 一定會再去‼️‼️

上星期五下午和同事一行4人去北角開會，開會前早d去附近揾食，因為附近寫字樓多，一放lunch大部分餐廳就要排隊等位，行下行下，見到祥發門口大大隻字「瑞士雞脾」，咁就入去試下，店內環境冇乜特別，但12:15已經幾乎滿座，坐底睇餐牌～嘩，花多眼亂，d套餐自由配撘，價錢唔算貴，豐儉由人：我二話不說揀左個豬潤麵同瑞士雞脾，我地大家order唔同既野食，可以試多幾款，d夥記落單快手，而且好快上菜～～豬潤麵正～豬潤唔「鞋」雞脾同鯪魚球都好好食～全因果d瑞士汁但燒肉飯份量就少d～總括黎講～配合價錢兼食物品質，確係抵食

講起真係慚愧作為東區人 都未食過祥發既雞脾住元朗既朋友已經黎過幾次調番轉介紹番俾我 哈哈因為約朋友食飯都係去旺角銅鑼灣港島東食飯真係寥寥可數今次夾啱朋友係北角工作就一齊黎祥發朝聖菜單多元化到諗唔到食咩 咩都想試 隔壁位既食客既迷你飯相當吸引最後因為之後會行去炮台山食福元湯圓所以簡簡單單 叫A+B組合我揀左瑞士雞脾+火腿奄列加$4 要凍蒟蒻柚子茶雞脾好快就到色澤好靚 就好似叫我快d食佢咁雞脾仍然係熱既 好易切開肉質軟滑 完全唔鞋瑞士汁較一般既甜 入味的確好似其他食評所指 似豬腳薑既湯汁 點解可以咁好味架真係好想打包多隻返屋企！碟內既瑞士汁都食得一乾二淨火腿奄列 穩陣之選唔油 入面既火腿都有炒過柚子茶好重手 就算d冰融哂都仲好夠味朋友嗰杯利賓納都一樣好夠味落單阿姨有性格 雖然服務唔係好好 但係風趣（有d人會覺得佢串 但係雞脾咁好食 的確串得起）

每樣每樣試小小😋今日lunch 大概一點左右去左食祥發雞脾已經食過幾次 每次黎都係坐滿人每一次都一定要食佢地最出名既瑞士雞脾 瑞士汁滷得非常之入味 好食到連皮都要食埋雞脾既肉好嫩好滑呢道既瑞士雞脾餐真係好多好多選擇 可以有無限個配撘 而且份量很夠西多士都係我既最愛 原因係佢新鮮炸起入面有超級多花生醬 外面就有好大片牛油同埋好多糖漿 超級邪惡 但係真係十級好食 怕有罪惡感既人係唔可以叫 好怕係其他茶記/快餐店食 每樣落得少少 完全失去西多士既精髓😣飲品我叫左紅豆冰 如果奶味可以再濃D就更好而且呢道既店員落單好快手安排坐位都做得好好 唔會令客人有hard feeling總括來說 很不錯 好適合一D每樣都想試小小既人而且價錢合理👍🏼👍🏼試小小😋

網上報導過北角有好味的瑞士雞髀食，這次在附近經過一於試試。意想不到原來餐廳的門面和裝修跟樓下茶餐廳無異，一不留神就會走過龍。.不過這裡的瑞士餐真的好抵食，瑞士雞髀配搭不同的小食/粉麵再加熱飲，最貴也只不過四十多元，非常抵食。瑞士雞髀果然名不虛傳，瑞士汁滷得入味而且好腍好滑，甜甜的好好味。不過另外自選配搭的草莓吐司有點令人失望，上檯原來是烘過的白麵包+一個草莓果醬，跟我期待的草莓吐司差很多咧，早知叫豬扒包/西多士也還好。

以前寫我最愛……系列是理性分析飲食業，情眸篇是我主觀感覺。我素來少吃瑞士汁，因太甜的肉類有點兒怪。這裏的瑞士汁是自家反覆研發的，根本似薑醋，但少了薑味，色澤光亮。雞髀是皇牌食品，很大隻，提供很多汁液。雞肉熟程度拿捏得極好，不愧專門店，雞滑嫩。須醮瑞士汁才不會太淡口。最大特色是套餐設計多樣化，數目冠絕全港茶餐廳（有Q餐）。由於先已食完雞髀，咸食會以迷你式供應。芝士豬扒天使麪頗好，豬扒不硬，麪不太咸。甜點是西多士。是最大敗筆。出事在於太厚身，未有炸透，似食隔夜麪包。最後是奶茶，整套食物如太平館的西餐般。須讚揚伙計醒目勤快，每次送餐必高聲說出咸甜點名稱，在數秒內替客人放回A3紙餐牌，以免弄污。令我想起澳洲牛奶茶餐廳。厨房傳出爆炒聲，碟頭飯應不俗。很多迷你式食品都應不錯。從地鐵B4出口轉左2分鐘。

食物水準一般，服務態度極之差。早上11點去食早餐，11點15分被趕買單，原因係地盤工人放lunch, 會多人。女侍應曾說出：你地食得差唔多了呱，要留返個位比地盤工人午飯時間。但我地食左15分鐘而已，野飲仲未飲完，就被趕走。事實上，地盤工人放lunch 時間是11:30, 我地仲有15分鐘才到佢地放lunch. 這位女侍應態度不知所謂。

瑞士汁雞翼, 大人細路人人都岩位於北角的祥發茶餐廳, 無論任何時候都坐滿人除了因為瑞士雞翼/雞髀之外, 亦因為呢度選擇多到背唔到而某些選擇還比較創新, 帶俾顧客新鮮感瑞士雞翼有三隻, 而小弟就鐘意食雞髀, 貪佢肉多每款組合因應自己食多食少選擇, 我選了A+B+M =$42A區🍗瑞士雞髀光看色水已經很濃, 非常入味, 肉質嫩滑只是略為瘦削了點B區今次不想咸甜都混一起食, 所以沒選到班戟窩夫反而選了黑椒汁雞柳包🍞黑椒味重又多汁 雞柳也有肉味M區午餐來說小弟亦必定要有啖飯落肚, 都吸引, 但我居然最後選最basic🍚咖哩薯仔牛腩飯這個飯的份量不算少, 可是飯比較乾身, 雖然有汁, 但其實不足以食到最底有兩件牛腩, 挺腍的溫馨提示, 餐牌上的款式未能盡錄, 店內牆上隨時有新加菜式

知道這裏的瑞士雞髀出名，但除了炸雞，我對其餘的雞也沒多大興趣，所以一直沒試，今天經家姐欽點，便進來了。想不到不抱期望下，反而覺得幾好喎。一看餐牌便被吸引，選擇花多眼亂，主要是雞髀/雞翼＋配包類＋迷你飯/麵＋飲品，都只是四十元（多加幾元便有特飲），最適合樣樣都想試的香港人。我點了瑞士雞髀＋沙嗲牛肉包＋迷你鰻魚炒雜菌飯瑞士雞髀向來覺得食雞髀要拿上手，直接用口咬才夠風味，用刀叉的話很難將雞肉切出，切到手軟都未吃飽。但這裏人人都用刀叉吃，加上怕被瑞士汁弄污衣服，所以我也照用刀叉，一叉下去，已感到雞肉極軟，一扯便能將骨肉分離，想不到用刀叉都可以吃得這麼方便。雞肉嫰滑且入味，讚！怪不得能成為這裏的招牌。沙嗲牛肉包因愛吃沙嗲牛肉麵，所以點了這個，但也擔心吃時汁液飛濺而有所猶疑，事實再次證明我過慮了，吃到最後一口都沒有漏汁，餡料恰如其份，每咬一口都有沙嗲汁和牛肉，感覺是剛剛好，包身烘過，微溫，微脆，小小的一個包也誠意十足。迷你鰻魚炒雜菌飯鰻魚是一口size，這價錢，能吃到鰻魚已是不錯。反而雜菌炒得入味，幾乎每口飯都有一塊雜菌，澆在飯上的醬汁，送飯一流。每樣食物的份量不多，令人不自覺地掃清光，結果卻是超