祥發茶餐小廚

營業中

休息中

聽講北角區有間隱世茶餐廳, 名物是瑞士雞肶, 唔係雞肶粉絲既我突然都想來潮聖一下地點唔難搵, 出左港鐵行幾分鐘就到。晚上未夠七點已經坐到插針一樣, 好彩我一個人點插都插到個位坐。一張餐牌兩大頁, 套餐太多, 看得人眼花撩亂有啲睇唔明, 想問多阿姐兩句都比佢串, 都係自己慢慢再睇。但係越睇越亂, 唔敢再勞煩惡阿姐, 都係叫哥哥仔幫我會好啲。果然哥哥仔比較有耐性, 講野又唔粗魯, 對住熟客有講有笑。我點了瑞士雞肶餐加豬頸肉野菌飯 $37 加紅豆冰 (+$2)差不多每張枱都有雞肶, 而我都唔執輸。哥哥仔將一隻單點雞肶放係我面前。瑞士汁將雞肶完全封鎖, 顏色好深近乎黑, 帶點黏性,滷水香料味重, 有甘草和八角芳香,甜度比單純瑞士汁低, 濃而不咸。雞肶肉質嫩滑, 一撕即開, 一邊食一邊蘸瑞士汁食, 超Yummy !迷你 SIZE豬頸肉野菌飯吉賣相唔吸引, 但豬頸肉爽口不油膩帶點脆口除了野菌還有四季豆, 再撈埋瑞士汁食, 一滴都唔會浪費。食雞肶點會小得紅豆冰, 而且加$2 係堅抵飲。但紅豆幾硬, 味道就麻麻。又平又好味, 為了瑞士雞肶下次必再來。

今日去鰂魚涌辦理澳洲的簽證交材料，順便試埋之前係新假期上睇到既祥發茶餐廳，記得果陣時見到尼一間係應該佢地既雞脾，所以今次去咁係要試下喇由鰂魚涌行過去10分鐘度，唔係好遠，佢離北角地鐵站都很近，出口轉左行幾十步就到入去果陣係1點9，但成間舖基本都坐滿，咁係試雞脾餐，叫左A+E 瑞士汁雞脾加炭燒豬頸肉什菌飯雞脾很快就上黎，顏色深，雞脾很薄，我估d雞油融入到瑞士醬汁中，總體很正既，肉很腍，外面一層很入味，但入邊爭小小，需要點瑞士汁一齊食先正炭燒豬頸肉什菌飯都很正，豬頸肉很腍很入味，加埋菌菇同少少豆，營養豐富，淋上瑞士汁撈飯，太正啦！雖然係迷你飯，但加埋雞脾，岩曬我既小鳥胃！其實落單時阿姐問我要唔要加B，本身A+B+熱飲係37，A+B+E+熱飲係39，加兩蚊就可以有多一餸，好抵！男仔唔夠飽可以叫左個B，包括雞柳包，豬扒包，多士等等簡一個，肯定夠飽！我就唔洗啦，食唔落咁多野總體黎講你一間超正，新假期推介得好好！之後如果又黎港島補多一次澳洲visa既材料都唔驚啦！最多再黎食一次！！

中午去開北角，專誠去左祥發食端士雞脾，真係好抵食！！跟餐可以跟唔同種類野，例如沙爹牛包類，窩夫類，多士類，小食，粉面等等，都係 35-50$ 一餐，喺香港真係好少有咁嘅價錢，堅抵！至於端士雞脾，我覺得不過不失，味道略嫌甜左少少，不過食 lunch 食到可以成隻雞脾咬，真係好開心！！整體唔錯！值得黎試下！*食端士雞脾，記得唔好點選燒味餐，因為會自動斬件，無左食雞脾嘅原味！

瑞士餐(瑞士汁雞脾&咖哩薯仔牛腩飯). 祥發名物的瑞士雞脾 其實最能留在我心的 不是吃時覺得驚為天人的食物 而是平凡美味 久不久心郁郁想再回味的美食! 大概就是在形容這瑞士汁雞脾 望望深啡色的雞皮 就知道雞脾入味 肉質不老 但不算很嫩滑 你說它是不是驚豔的好食 又不是 但你會常常想起它而咖哩飯一般 咖哩汁不夠香不夠辣 但牛腩軟腍!

Came to this for 3:15pm tea set. I only fancy with their drum stick. Simply a drum stick and a cup of hot milk tea can fulfill me. The drum stick is very rich in taste. The meat is tender and the soy sauce is sweet. It will be very yumm if they serve white rice tgt with it. It is big in size so you will get very full afterwards.

不時出入北角，這幾天看openrice才知一直錯過這家特色茶餐廳。臨近晚上8時去到，離關門只有個多小時，竟然仍坐滿人，再遲少少要等位，好旺場。兩個人叫咗兩個瑞士餐，合共兩隻瑞士雞脾、一隻熱狗、一個奶油包、兩個迷你飯、兩杯餐飲，連男士都夠飽。瑞士雞脾幾大隻，肉質ok唔會太老，個汁微甜不錯。熱狗和奶油包係同一款包，同樣大大個又鬆軟微暖，不過熱狗有條腸仔和芥末醬，更好味一些。迷你飯沒碟頭飯咁大碟，但分量亦唔少，好飽肚。而且配搭有誠意，例如龍蝦汁紫菜豬頸肉（較濃味和特別），豬頸肉什菌（普通啲但勝在有蔬菜）。埋單幾錢？$82（其中一凍飲）！

門口人多勢眾因為有好野食雞肶餐是必點之選唔洗40蚊飽到呢！雞肶是此店出色之選本人要求多多只覺大大隻汁料多唔夠咸有點偏甜蛋治大大件牛油包包足料好味沙爹牛米粉好味冇得輸奶茶不過不失啦人多，一定要人齊先入座，早到早著數

Learn a translate joke about the famous food here. Swiss sauce chicken leg/wing. Swiss Sauce actually is a sweeten soy sauce.The chicken legs are ordered by almost everyone. Though the size is not super big one. It is cooked so perfectly. Soft and juicy. You can easily off the bone with a fork even spoon. The set meal is so flexible. You can match up you own meal with a affordable price. Just $3x to enjoy this nice chicken leg, a snack or noodle with a drink.

回首過去三年「兵」役，我受盡「觀音」欺壓，令我開始有一點兒覺得自己唔係「真」男人。我都怕凍！我都須要人愛錫架！所以去左揾之前上網偷偷認識嘅北角大隻仔，尋找温暖。一見到佢，好吊詭地，我有了生理反應。(呑左一下口水）oh..my goodness....好大！好粗！好壯㗎呢.....嗰碌肶...佢深色、多汁，似極濃味。我心唸：「咦....咸咸濕濕咁...........正!咁先夠man喲！」 （欲拒還迎中）嗰刻，發覺自己愈來愈似張莖軒同黃耀名！然後我做嗲嗲豬，輕輕咬佢一啖。肌肉頗實，鞋鞋地，口感一般。但未至於拖跨佢魅力。因佢喺瑞士汁世界打滾中，磨煉出靈氣來。相處落，佢不但非「咸」蟲狗公之流，更係芳香甜美，似香草味般，令人略感飄飄然，亦難得有點伸延性。重點係出面d大隻仔得個皮入味，我嗰個就段段精彩。令人食得開心、温暖同享受。像一個風趣、體貼與氣質並重嘅窩心男。好感動，短聚十五分鐘，能譲空虛的心得到食滿足。我有少少好L中意佢

九龍灣的工廈小店、茶餐廳，嚐多了。又到星期五的晚上，想到比較近九龍灣的北角小區，皆因那裏都是我曾工作的地區，那裏有更多茶餐廳呢！在辦公室偷偷的用OpenRice篩選搜尋下，發現「祥發」的居然正評如潮，而且連負評也沒有！還有多種配搭的「瑞士餐」呢！於是，下班後，立即前往到訪，順道在北角懷念一下我的工作地點。翻看餐牌，雖然平價的菜式真的不少，但我是慕着「不可不試」瑞士餐來的，自當然要試試！嘩！配搭好多！晚餐時間，還是吃飽點好吧。於是選擇A+B+E（$37），再試一下祥發的港式奶茶是否正宗茶餐廳味道？祥發設在北角小區，又是茶餐廳，不過環境企理，同樣設有卡位，不過座位比較少。枱面光滑，而餐具，調味等擺設齊備、乾淨及企理。有一點可以稱讚的，是鋪面細細但空調極充足。炎炎夏日，在祥發吃個茶餐也感到涼快非常！這就是完整版的「A+B+E」瑞士餐了，食物先後被送上。首先送上的是炸雞翼（A）。A是必選的，相信不少人在3選1下會選「瑞士雞翼」或者「瑞士雞脾」，但我對「瑞士汁」毫無好感，於是便選炸雞翼。只可惜上得太快，心知應該不是新鮮炸起。果然，雞翼皮縱然咬得開但比較硬和涼，而且沒有醃雞翼的香味，而雞肉尚算嫩口

今日lunch 終於食到北角弛名瑞士雞脾，甜甜雞脾肉汁好濃，由外到內都係豐富漿汁，切開雞脾，好嫩同滑，連骨都入晒味，再加埋豬扒包，同樣出色，豬扒好入味，飽入面焗到脆脆地，淋上芥末漿，簡直食到停唔到口，最後食埋米線，呢個餐咁多野連飲品都係35，抵到笑啦！最後比埋餐牌一版俾大家參考!

雞比好正，好多瑞士汁豬排包熱辣辣，塊包夠脆唔貴，$30～$45唔係搵笨，有特色飲品美中不足就是下午好多人，一係早過12：15前去，一係1：15先去如果唔系有排等係抵食的，值得一試

聽朋友舉腳推介食祥發，今天心思思想試試！餐牌上有十分多的配搭，有選擇困難的朋友仔可能要花好一陣子才下到決定我都揀左好耐至揀到A(雞脾)+H(迷你鰻魚飯+炒什菇)，起初都擔心個飯既份量，原來係夠份量架！飯有好多什菇，但是得一小舊鰻魚……明既……咁既價錢嘛！飯不夠熱，汁幾好，試下不可不試既雞脾先！不得了！我個人至愛呢個汁，甜甜地，倒埋入個飯到，好味到暈。雞脾亦是不夠熱，但是色，味俱全！閃令令的滷水，可見入味非常，雞肉嫩滑離骨一下子吃光光！而奶茶亦很好，本人偏好奶味重，呢度做到之餘，奶茶亦滑，奶跟茶既比例好好，此外，店子會自行在奶茶加左糖，而不會過甜，冾到好處！餐價$35,外賣加1蚊！抵到咁……

一如題目，這家抵食茶記，午飯時段永遠會見到等位人龍。和大部分食客一樣，你永遠會被餐牌上的 '不可不試瑞士雞肶餐' 嚇一跳：選擇太多。但大多數食客總是叫瑞士雞肶的。而我自己的心水，通常是A + B + C：瑞士汁雞肶 (未見過有人叫雞翼，不知為何?)，豬扒飽，加 麵 (例如 沙爹牛肉)。見過有叫鰻魚炒飯的，不過我覺得叫這個餐最重要的是瑞士汁雞肶 ~亦有試過 蜆肉意粉 (當然不是 不可不試瑞士雞肶餐)，三寶飯 (有瑞士雞肶)。而其他炒米粉亦不錯。飲品除左一般茶記貨式，通常會加 $2 轉紅豆冰。紅豆有點硬身，不過我幾喜歡。見餐牌上有加 $3 轉蜜桃茶等，我無試過。

朋友提起附近有間食瑞士雞脾好出名，於是立即又去食多次！$32有雞脾，一碗麵，仲有凍野飲真係好抵食！瑞士雞脾一如既往都係好入味，由內到外都好充滿瑞士汁味，仲可以一邊沾汁，正！不過，我覺得雞脾比上次食細隻咗！而個肉丁麵就一般啦～ d肉丁完全唔似肉丁！所以個麵冇味！ 有d失望，因為平時唔係咁 唔知今日做咩事 加埋杯凍野飲～都已經好抵食！果然係抗通脹，而家附近都難搵到３０頭價錢嘅lunch啦！Thank you