祥發茶餐小廚

營業中

休息中

今日成日都係北角做嘢，臨近中午有啲啲肚餓，醒起有間瑞士雞髀出名嘅舖頭就喺附近，咁就去試吓，今日叫咗瑞士汁雞髀加沙嗲牛肉包，飲品係我例牌嘅凍齋啡走甜。唔使等好耐雞髀就上檯，髀唔大隻，一啖咬落去，上髀肉實，面果一浸有瑞士汁味嘅，肉無味，下髀薄啲嘅位夠味，溫度暖暖地，味道比較普通。沙嗲牛肉包，嗰包熱嘅，面頭仲脆嘅，最敗筆係沙嗲牛係凍嘅，認真嘥咗個包，沙嗲牛肉味道普通。個凍齋啡走甜，都係茶餐廳慣例黑水一杯。其實點解隻雞髀可以煮到咁實但係又唔入味？你出名依樣野喎，唔係普通茶記喎⋯⋯嗯⋯⋯⋯唔可能係我唔識欣賞，但個沙嗲牛就認真過分，完全影響晒，個包上檯嗰陣時靚靚仔仔以為好好味⋯⋯點知唉。本身淨係計隻雞髀同埋個包，係Ok啦平平日，但今次俾咗劣，個劣係比凍嘅沙嗲牛肉戴返頭盔先，我覺得好唔好食≠你覺得好唔好食，好唔好食因人而異。

依間茶餐廳已經開業好多年，由返第一份工都成十年前果陣到而家仲係度以前係飯堂日日食咁濟今日再嚟依然同回憶一樣咁好味有超~~~~~多選擇唔同選擇有唔同價錢當然要食最出名嘅瑞士雞脾超靚又好大隻!瑞士汁好入味好好食同埋BB薯汁燒茄子脆肉瓜好靚嘅擺盤茄子脆肉瓜都幾厚好夠肉每樣都有3件食完都好飽肚另外一餐就叫咗四川麻辣雞翼唔係好辣都唔算好入味跟炭燒豬頸肉+餐肉炒蛋飯同埋朱古力班戟豬頸肉超級好食!燒到好香口好惹味啖啖肉又唔會太肥朱古力班戟好多醬味道就正常班戟咁

平日過開海，都會專登諗住過嚟北角食下午茶。不過今日早咗變咗做午餐。基本上每次嚟都係瑞士汁雞髀、沙嗲牛麵、豬扒包。但係見到隔籬枱碗飯嗰兩條好似叉燒嘅嘢好吸引，再睇睇餐牌原來係豬頸肉滑蛋餐肉飯，邪惡指數爆燈。咁今次就轉左呢個沙嗲牛肉包。個餐肉冇煎過，不過個不過個蛋整得好滑，另外嗰兩條豬頸肉唔可以唔試，真係好似叉燒咁樣樣個汁好好味，撈飯一流。另外個沙嗲牛肉包，個包烘過係唔同啲嘅，帶少少脆邊。不過今次個雞髀就有少少失望，唔知係咪中午繁忙時間，隻雞髀煮得過火咗少少，啲瑞士汁亦都入唔到落去隻雞髀嗰度，「脾汁分離」。下次都係等返下午茶先嚟。

《不可不試》瑞士餐A+B+E瑞士雞髀+西多士+特濃芝士汁豬扒幼意粉+凍香芋牛奶$61🔴A: 瑞士雞髀雞脾嫩滑多汁每一口咬下去都感受到雞脾肉質的鮮嫩再加上甜而不膩的瑞士汁豐富口味🤤🤤使其成為美味又滿足的招牌菜😋😋🔴B: 西多士西多士煎到金黃香脆口感做到外脆內軟❤️❤️配搭上內餡花生醬，大塊牛油以及煉奶成為一道極度邪惡的美食🤤🤤🔴E: 特濃芝士汁豬扒幼意粉豬扒意粉口感及味道皆一般但芝士汁味道濃郁每一口皆充滿奶香及芝士的滋味😋😋🔴凍香芋牛奶香芋味道比較化學但味道香甜兼解渴👍

瑞士雞髀真係必食喎🍗，超大份抵食自選小食lunch😛！・・・・・・・・・・・・・・・・・・・・招牌推介：《不可不試》瑞士餐A＋B＋F HK$60🍗 瑞士雞髀・味道：就係你幻想中嘅好味！滷得超入味嘅雞髀，甜甜鹹鹹咁好正好送飯！・口感：仲keep到滑嫩雞髀口感，唔老唔柴幾彈口。🍲 小食拼盆（豬紅＋蘿蔔＋魚蛋）咖哩汁・味道：港式咖哩味，配埋炸蒜好香口，全部小食都正常發揮！・口感：豬幾彈口，蘿蔔夠淋，魚蛋動L動L彈口的！🍜 櫻花蝦濃湯魚肉春卷米粉・味道：呢個就普通啲，係魚湯加櫻花蝦。不過好多櫻花蝦令到個湯更香蝦乾味，魚肉春卷有啲似南記嘅XD・口感：魚肉春卷彈牙不錯吃～🍹 凍蒟蒻柚子茶 +HK$4・味道：就是普通的柚子茶加罐頭啫喱，小朋友最鍾意的keke・口感：沒有口感可言XD・・・・・・・・・・・・・・・・・・・・🤰性價比：高～🤰9衝度：9衝～🤰結論：個餐牌有啲複雜但幾好笑哈哈，嘢食都不錯！・・・・・・・・・・・・・・・・・・・・

手機界KOL HO Sir介紹過這昌北角小台，超高價性比吸引了我一進店內就見到的裝飾雖然不是很漂亮但你會知道這是一間個人 而不是連鎖千篇一律的小店， 滿有自己心思的餐廳那個餐牌好比 星期日買馬膽拖 位置q四重彩 角色配搭的套餐 但最重要的膽腳 ：瑞士汁雞髀 這個沒有很驚喜 一來size大細比其他不算很大, 肉也不算非常嫩， 口感當然合格有餘的， 不難食也不會投訴就是。 但50多元有就值得比like的！！點了的 鰻魚龍蝦汁 餐肉炒飯， size是一碗上， 份量說少也不少，！餐肉也沒有少，落本呢！ 加上雞髀肯定飽肚， 但說不上很好食， 一來飯就不是炒飯！ 跟想像有落差！ 個所謂龍蝦汁又淍又甜， 感覺有些似粟米肉粒那個汁， 但明顯的稀身些會更好 或者咖哩汁黑椒汁葡汁 蕃茄汁 白汁。都更好都是一樣的：這個價錢絕對不會投訴，但下次肯定會叫另一個甜品 點了香芊紅品布甸 用碟上確是有心機侍客，牛奶布甸很滑，紅豆料多多，減少少甜就更好，但那個紫色的香芋奶完全唔配搭， 配布甸的應該是一種醬而不是加一杯有色奶茶， 純粹的紅豆布甸會好很多飲品叫了奶茶，阿姐主動細心問要不要少甜，飲品選擇很多， 薑母茶紅棗茶

早收工 順道過來食個 tea瑞士汁雞脾係必嗌，可以睇下menu 有N咁多樣野比你去揀真係名乎其實嘅百搭我揀咗 瑞士汁雞脾 配 炭燒豬頸肉 加 餐肉炒蛋迷你飯 凍檸茶fifty six hong kong dollarshkd 56雞脾夠味 少甜 唔咸瑞汁好香，雞脾肉未去到滑，但都唔鞋口個飯啲蛋好滑， 豬頸肉又好香fantastic 😍食到飽，當埋晚飯咁食都得了本來仲想叫埋芒果pudding 🍮但話今日買唔到芒果所以整唔到pudding, 真係可遇不可求

服務員的態度十分差差差（特別是短髮戴眼鏡聲大大的中年阿姐，西口西面），環境衛生極之惡劣（好多飛飛），食物質素十分一般，沒有網上說的美味，非常之失望！不會再惠顧！

收藏佐好耐 終於來試下🐷本食肉獸好滿意👍🏻雞髀夠入味 夠大 質素OK 個瑞士汁係我鍾意果種 唔會太甜 送唔到飯😅沙爹牛包熱辣辣 牛肉唔鞋豬頸肉滑蛋飯！！！真係好好食 豬頸肉夠入味 夠大條 滑蛋都滑嘅好好👍🏻最後仲要+3蚊就有紅豆冰 哩個價錢真係好感動 之後多多幫襯❤️

雖然已經食過好多次，但原來而家先係第一次寫食評，呢間茶記算得上係北角嘅名牌，當中最聞名嘅就係瑞士雞脾。但因為我本身唔太好雞脾嘅關係，我多數叫四川麻辣雞翼，今晚亦不例外。佢個menu堪稱係全港最多字嘅menu，啲文字密質質，唔係講笑，淨係研究個餐牌都用咗10分鐘，首先揀咗set formula先，之後再跟返所屬英文字母去揀菜式，我今晚揀咗A(四川麻辣雞翼)+B(草莓吐司)+C(魚肉春卷米線)，麻辣雞翼有3隻，味道一如以往地掌握得好好，十分惹味；草莓吐司其實就係一塊多士加一盒仔草莓醬，好似早餐會食嘅野味道正常，叫做過下口癮咁；最後係真正醫肚嘅主食：魚肉春卷米線，魚肉春卷好大塊，唔咸有咬口，味道適中；但美中不足嘅係米線太淋......呢個Set盛惠$51，跟一杯熱飲，食物質素絕對對得住呢個價錢。環境方面中下，始終茶記一間，又有返咁上下歷史，觀感上一定會有啲殘舊同暗沉。相信食開茶記嘅朋友唔會好介意呢一點。大家如果嚟呢間餐廳食野，記得留意貼喺牆上嘅餐牌，因為佢嗰啲係追加項目，有小丸子、玉子燒等等嘅小食可供食客追加，價錢都好吸引，啱哂嫌唔夠飽嘅朋友！

最愛呢間嘢啲瑞士雞髀🍗每次經過附近都要去食，搬埋去新界都係要走返去食，次次食完都唔明點解隻雞髀會咁好味，同埋咁快會食完，價錢適中，啲蘿蔔糕都好味，又滑又脆。雖然啲員工態度麻麻，但係勝在佢上嘢都快手，同埋啲嘢係真係好食，如果啲員工態度可以好啲就會再多啲人幫襯

🍗祥發茶餐小廚生滾豬膶麵餐+春卷🍗滷水雞髀豬膶量都多又大塊～口感咬落唔會係個種煮到過火👍春卷中規中矩～麵煮得剛好～可能小編唔鐘意食淋麵🤣🤣黎祥發～點都要試下隻滷水髀🍗唔算細隻～夠哂入味啖啖肉好正🤡盛惠💰$7x好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:好耐以前係銅鑼灣叫外賣多～真係好抵食之餘味道唔差～平野都係有好野🤡推介落北角試下👍

我又去排隊了。這一次因為要到港運城一帶做野而有一個 long lunch。喜歡吃的我當然唔會咁老土咁入該商場搵野食啦。所以，我行左入後街尋寶。而這一次，我的確尋到一個飲食的寶地啊。這就是於中午時間，排晒大隊的《祥發茶餐小廚》。店面寫左瑞士雞髀專門店，咁就一定要試下瑞士雞髀啦。由於這店的人氣太勁，當我仍在排隊的時候，就已經有店員要求我事先選定食咩野餐。仲要說，一旦落了單，不准改，也不准加單。好霸氣啊。結果，當店方安排好我坐在那兒之後，不用九秒九，就已經有野食來了。首先來到的，是瑞士雞髀。雞髀出場時，是一大盤地出，幾乎是人人有份，永不落空的，每檯都放一碟。證明到，這兒幾乎 100% 的客人都是為這瑞士雞髀而來。這雞髀，入味到連骨都有味，炆到腍一腍，可以令你兩三下，甚至牙唔夠力的老人家同小朋友都可以速速地食晒呢個髀。本來，一份午餐，飯才是主角。來到這兒，卻是例外的，有"飯" 的主食是迷你紅腸鰻魚飯。顯然，主角是瑞士雞髀，飯餐，是午市套餐的配角。這一小片的鰻魚，是連埋燒汁一起入碗的，香口味濃，絕不是馬虎之作。紅腸飯加上了甜豉油 (瑞士汁)，很傳統，很本土的香港味道。跟餐的奶茶，奶落得好足夠，做

之前喺youtube見到有片推介呢度嘅瑞士汁雞髀，一直都心郁郁想試，今次難得到北角終於有朋友一齊試吓🥰呢度真係超多選擇，《瑞士餐》嘅食物分咗A-Q類，唔同嘅配搭有唔同嘅價錢，最貴都只係$55～ 今次我同朋友叫咗A+B+E ($52)☺️⭐️瑞士雞髀 ❤️7.8雞髀煮得超入味😍 雖然肉質唔算好嫩滑，但骨肉都輕易分離，而且份量好多啖啖肉，作為一個下午茶會好滿足👍🏻 嚟到真係要試吓！⭐️沙嗲牛肉包 ❤️8.0本身打開一睇見沙嗲牛肉嘅份量好似唔多有啲失望，但沙嗲牛肉個調味惹味得嚟唔太鹹，而且食落個比例又啱啱好唔會太膩😳 而且好欣賞個包烘熱辣辣到外脆內軟，有驚喜👍🏻⭐️(迷你版) 炭燒豬頸肉+餐肉炒蛋飯 ❤️7.8呢個迷你飯又係想像中嘅味道，但好食同好抵食！豬頸肉好爽彈，但食落似蜜汁味多過炭燒味😂 都好食但有啲期望落差🙈 餐肉炒蛋就點都唔好唔好食，啲蛋仲要炒得幾嫩滑，撈飯一流🙊⭐️西多士 ❤️7.5另外我哋都有試到西多士，正正常常啦！麵包幾厚身鬆軟，但我會私心想再多少少花生醬😛結論係以茶餐廳嚟講食物選擇超多！食物質素唔錯CP值又高，如果係街坊嘅話真係會成日幫襯🙊

著名的瑞士雞髀專門店，他們的餐牌亦都以此標榜。一直是口袋名單。今日終於可以試到，結果是中伏了，不知是名過其實或是水準下跌。瑞士雞髀完全煮到過晒火，相信太好賣了，所以煮定一大鍋，但沒有控制火喉，只求入味。瑞士汁亦都過鹹。豬潤公仔麵更慘不忍睹，麵仲係硬身，未煮熟。留意圖片可以睇到麵都未煮開。豬潤又係煮到過晒火，係完全硬的。湯底放棄了鮮味的豬潤湯，用了相信加了大量味精的所謂雞湯，飲了兩啖就放棄。可惜未食完已經開始勁口渴及頭痛。熱奶茶用膠杯上，本身奶茶已不滑，無茶味，無奶味，只有洗碗精味，成杯留底。廚房似乎對掌握食物的火喉完全不理會，簡直浪費食材。