祥發茶餐小廚

營業中

休息中

齋論外觀呢間茶記小編係絕對唔會貿貿然入去🤣不過同行朋友都力讚佢嘅瑞士雞髀🍗所以就抱住試一試嘅心態入去啦~ 環境方面，因為舖面細所以位置唔多🤔午飯時間必定會見到一條長龍。當然啦 裡面嘅清潔程度係經典港式茶記嘅level🤫不過整體係可以接受嘅。價格非常親民 選擇亦非常多👍🏻個menu成張尋寶圖咁，差唔多全部港式茶記嘢都有曬，A+B+C ($45)🌟A：瑞士雞翼睇個樣就知啲雞翼有幾入味👍🏻雞翼肉質幾嫩唔老。個汁同出面食嘅有啲啲唔同，味道偏甜同有啲啲...類似糖醋嘅味(?)，真係幾好味嘅。好奇雞脾會係點呢🤔感覺未來會encore試下😙🌟B：西多士西多士絕對係小編最鍾意嘅港式下午茶之一！不過成日都要等下午茶先食🥺估唔到午餐都可以食到😊真係好幸福💕西多士超厚身 新鮮熱辣辣整起，中間搽滿花生醬 面頭淋上糖漿同牛油，媽咪好邪惡啊😈‼️夥記上菜仲提醒要趁熱食。🌟C：脆皮腸公仔麵果日唔知點解好想食脆皮腸就揀咗，味道...正常啦😂純粹整熟兩樣嘢再擺埋一齊。🌟紅豆冰 (+$2)平時食飯通常都係飲檸茶檸水，見到佢淨係需要+2蚊即刻勁心動。啖啖紅豆都有起沙而且唔會溝到好稀，不過碎冰就唔多。老實講特登黎拜訪就唔會㗎啦

I’ve been to this place a couple of years ago, and it had already stunned me back then.. until recently, I revisited and their Swiss series (both chicken wings and legs) still amuse me 🤩🤩!⁣⁠⁣⁣⁠⁣This Swiss chicken leg comes with a delicious sauce, it’s slightly sweet and super appetising. I can’t imagine the hours of cooking to yield this super tasty pan of sauce! The chicken itself is also super tender and has absorbed the essences of the sauce, so the flesh inside is actually super flavourful a

茶餐廳是香港的食店特色，出名吃瑞士雞髀 (Sweet soy sauce chicken thigh) 的就是這間茶餐廳，這裡的瑞士汁雞髀和雞翼都非常好味道🍗 另外，來這裡一定要吃的就是芒果布甸 (Mango pudding)，簡直是每一啖布甸都充滿著香甜的芒果肉，真是吃完一杯便想立刻來多一杯🥭 還有朱古力窩夫都不錯🧇

8月26日 住就住北角 返屋企途中 行過後街 七姊妹道 原來又間 選底食 套餐 多款，我依款其中一款 ， 唔好以為平 真係又幾好味 ，沙嗲牛肉包幾好味 最少真係有幾塊牛肉片，豉油雞髀 一碗飯 一杯咖啡 ，都係 54蚊左右👉 底 👈

呢度嘅餐牌有好多組合同選擇今次嗌咗瑞士汁雞髀,芝士汁吉列魚柳意粉同埋豬扒包佢嘅份量啱啱好，啱曬心大心細唔知揀咩又想試多啲嘢嘅人瑞士汁雞髀🍗大概一隻手掌嘅size唔算好大隻但煮得好冧好入味!雞肉一吉就會散開~呢度嘅瑞士汁甜甜地唔會太鹹芝士汁吉列魚柳意粉呢個唔推薦，芝士汁冇芝士味，似係普通淡味嘅白汁，意粉都偏淋，魚柳都唔係特別香脆嗰啲豬扒包豬扒都入味唔會過硬，麵包入面有啲醬，味道都ok~都ok好食不過冇太大驚喜~

1️⃣ A+B+H餐 $50A：瑞士汁雞髀瑞士汁雞翼專門店點都要試下個招牌嘅🤪雞髀好大隻🍗一睇個色澤就知有幾入味😋瑞士汁甜甜地，而且雞肉好嫩滑，一切就散😗出面淨買一隻都$20了🤭B：朱古力煉奶吐司 要推介呢個吐司🍞$50食茶餐廳仲可以包甜品同飲食真係抵到爛🤩份量仲要比得上一份吐司茶餐，朱古力同煉奶都好平衡分布，吐司又即叫即整🤤H：燒鰻魚炒雜菌飯呢杯飯係迷你版，不過都有一碗仔😙本來仲以為係炒飯，點知原來係炒雜菌加白飯😂炒雜菌偏濕，但味道不錯😛唯獨塊燒鰻魚就有啲細塊🤭

見啲人講呢間餐廳嘅瑞士汁雞翼、雞髀好出色，一於去試試。早餐時段都有供應，我揀咗瑞士汁雞翼拚魚肉春卷加公司麵，飲品熱齋啡，加沙嗲汁都唔使加錢，$30，抵食嘅價錢。鷄翼真係好入味，好香，春卷就普通啦，正正常常，不過嗰麵都整得幾好，唔太淋，可以朋友食咸牛肉炒蛋、多士、沙嗲牛肉通粉，熱央，$35。牛肉炒蛋都好食，蛋都嫰口。不過應該最出色係瑞士雞翼，下次可以試吓瑞士雞髀。

因為最近要黎北角上堂，Search下有咩網友好推介先！見到網上好多人大讚呢間祥發茶餐小廚又多野食又好味，最緊要係咩啊，係平啊！即刻入去試試真唔真先一見到個Menu都真係長知識，各個類型的配搭都可以係度搵到。加加埋埋我諗都超過30款食物種類同過百個款式配搭，真係大開眼界。我唔係好肚餓，叫左個A+B+H Set，凍飲都只係加2蚊。滷水雞脾真係好有驚喜：肉質食落OK，不會太老，汁好似自己調左味，比一般滷水汁再甜D，夠杰身，好香，同隻雞脾好夾！相比之下雞翼個味都已經算幾好，冇雪藏味，但係覺得雞脾再好食D。兩款B Set到了，朱古力奶醬多士雖然唔係咩特別野，不過醬夠多，賣相又靚，即時覺得個Set好抵。魚柳包入面有兩塊吉烈魚柳，好食，不過牛油太多，我自己撥走左啲再食，感覺冇咁Heavy. 另外分別係迷你版的沙嗲牛通粉同豬頸肉(+$2)飯。沙嗲牛好自家製感覺，花生味好香，只係個粉淋左少少。豬頸肉比較厚身，食落都有咬口，而且有焦香，都有少少驚喜。雖然話就話係「迷你版」，其實份量都唔少，加埋野食同A+B照樣食得超飽。真心認同係好抵食，賣單都只係果100多幾蚊，好正。而且職員都幾有禮物，我會再Enchor

特登走去北角就係去試祥發出名嘅瑞士餐〰️不過本身都食咗正餐〰️所以嗌咗一個餐加散叫多一隻雞髀〰️嗰度實在太多配搭🤣最後係嗌咗炭燒豬頸肉公仔麵🍜瑞士汁雞髀係偏甜〰️不過肉質啱啱好〰️用叉好易就扯到出嚟食但又唔係好淋嘅質感👍🏻炭燒豬頸肉就係有少少辣🌶隻味係好熟悉嘅味但我講唔出係咩味🥲不過係幾好食嘅〰️可以一試🤣

瑞士雞脾+西多士+櫻花蝦濃湯炭燒豬頸肉麵+凍百香果蒟蒻Price：$52瑞士雞翼+迷你版芝士肉醬薯角+凍香芋牛奶Price：$44📌見到個餐牌咁多字咁複雜真係Too Long Can't Read😂但就係勝在平價多款式非常抵食🤩雞脾同雞翼唔係家常便飯個種瑞士汁，而係薑醋汁超級好食😍而且雞脾相當大隻同厚肉👍🏻雞脾肉質幾嫩但雞翼就比較乾身🙊西多士中間搽滿花生醬，加埋牛油糖漿，平民美食無得輸啦😛芝士肉醬薯角唔係開頭諗既薯條而係薯蓉🤔豬頸肉麵啲豬頸肉都煎得幾香又大舊，配埋公仔麵真係唔錯😚飲品方面凍百香果蒟蒻係出面飲應該係特飲價錢💸飲到蒟蒻粒真係好爽好滿足🤤不過味道就偏甜🧐香芋牛奶反而無咁甜，香芋味又唔假，喺茶餐廳飲到真係好驚喜🥳

今日放假同啲朋友出去食好西突然之間好想食雞髀上網搵一搵見到呢間祥發茶餐小廚出名係瑞士雞髀 所以決定試下我哋11點九左右到去到要齊人先俾你入去坐 可能疫情關係啦啲座位都比較緊張 去到望到個餐牌 係好多選擇但係有啲混亂樣樣都想試 但係就好複雜嘅感覺最後叫咗個瑞士雞髀 ❤️瑞士雞翼 ❤️西多士 ❤️豬軟骨飯❤️ 每一碟嘅份量都唔多其實三個人食差唔多味道方面我就覺得一般般 普通茶餐廳都食到唔需要我喺新界特登搭車去港島食瑞士雞髀同埋瑞士雞翼隻味一樣係睇你自己鍾意食邊樣多啲 夠濃味肉都好林 我覺得自己都整到

特登去祥發食出名嘅瑞士餐😍真係不可不試！仲有好多種配搭，總有一個啱你心水！我揀咗A+C😝瑞士汁雞髀配沙嗲牛肉通粉，凍檸茶走甜！凍飲加兩蚊，$44！上菜速度更快非常符合茶餐廳🤣因為已經好肚餓啦沙嗲牛肉就正常，份量係迷你型～瑞士汁雞髀真係好好味，瑞士汁好香甜，肉質嫩，輕輕用叉就可以拉到雞肉😍食到想追加多一份添另一伴揀咗A+B+H麻辣雞翼，沙嗲牛肉包，迷你版鰻魚紅腸飯，凍奶茶少甜，凍飲都係加兩蚊～$52!鰻魚紅腸飯就正常⋯⋯的確很迷你至於沙嗲牛肉包我覺得比沙嗲牛肉通粉好食好多沙嗲牛肉掛汁，肉質唔會太硬，配上脆脆嘅包，好夾！我係第一次食沙嗲牛肉包😚冇諗到麻辣雞翼竟然咁好食！有三隻大雞翼！麻辣汁好惹味！如果唔想食瑞士汁都可以食麻辣雞翼！最後，要再放上一張瑞士汁雞髀！真係必食㗎！

平時都成日黎祥發食午餐，因為佢個午餐真係超抵，份量多兼且種類多！ 平時食開佢嘅雞脾，其實都冇食過其他，今次就叫左個麻辣雞翼、西多、沙爹牛米粉（$45)，同埋一個下午茶餐，有炸薯條、吉列魚柳、煎薯餅。麻辣雞翼、西多、沙爹牛米粉（$45)麻辣雞翼 第一次食佢個麻辣雞翼，有三隻，麻味唔算重，但係都有啲辣，啲雞翼都幾大隻，雞肉都滑。西多士今次好食，佢個西多士係半份嘅，但係好厚好香，中間夾住花生醬。 上次有個唔係咁好嘅經歷，個西多士超硬，店員仲要話因為我唔係即刻食-_- ，但係明明西多一到我已經即刻食，不過上次佢都有換第二樣畀我。沙爹牛肉米粉都ok，普通質素，牛肉偏淋，但都多牛肉。下午茶 薯條、煎薯餅、吉列魚柳 （$39）第一次叫佢個下午茶餐，其實係冇咁抵，但係可以㨂3樣小食，下午茶份量岩岩好。薯條 平時跟餐冇架，呢個係下午茶先有，係普通茶記薯條feel。煎薯餅外型唔講以為係蘿蔔糕，佢唔似薯餅，平時薯餅入面多數都係一粒粒薯仔，但係呢個唔係咁。佢似煎薯蓉多啲，都幾特別嘅。吉列魚柳冇咩魚味，而且比較淋，外皮係脆嘅。整體黎講都唔錯。

區區都梗係有間餐廳出名食瑞士汁北角一定係呢間茶餐廳瑞士汁夠多同偏甜，雞脾肉好腍好易拆肉，女仔用刀叉食都唔怕扯極都扯唔開啲肉彈哂啲汁落自己度除左瑞士汁之外，呢間餐廳其中一個最大賣點係早午晚都有百搭餐牌坦白講除左瑞士雞脾/翼之外其他野都係中規中矩😅但勝在有幾十個combination任你配，永遠唔怕悶，出餐又快，所以lunch一定排哂隊但堂食真係要預左人逼人咁坐侍應會要你搭枱、叫野食要快、食完就即刻走

其實已經唔係第一次食呢一間依家再嚟食多次都覺得其實好抵食香港地而家好難搵一個40幾蚊嘅下午茶仲要有咁多嘢食呢度咁多樣組合我就揀咗雞髀加面主要都係講吓個雞髀啦其實個雞髀嗰個汁真係好好食味道偏甜而且好入味但係肉質就唔係特別好滑但真係味道取勝成餐最有驚喜嘅係佢個麻辣雞翼食落有少少似口水雞翼