祥發茶餐小廚

營業中

休息中

今日去北角，經過呢間祥發，之前未食過，但網上見人講過，入去試下～一睇餐牌，哇左一聲！～～～～～～～多選擇到一個點😂😂😂😂😂😂😂😂有選擇困難的我，上網睇下有咩推介於是簡左 瑞士汁雞髀，多士，鰻魚炒飯同芋頭紅豆冰個雞髀好味道！不愧係招牌不過佢唔係純瑞士汁，似係有d似豬腳薑醋個隻味咁囉～～～😋😋😋😋😋😋入味又冧～～～要番食～～～～其他食品都唔錯，大份又抵食，有埋紅豆冰唯一要挑剔係坐位有點逼，同埋要食得較快讓位，都見出面有人排隊😂不過這是茶記特點吧

係北角住又或者係北角番工嘅朋友無可能無聽過祥發嘅瑞士雞脾餐🍗餐牌有無限可能嘅配搭(可以揀ABCEFHMQ每個字母度揀一款) 如果自問有選擇困難症 強烈建議係open rice睇咗個menu先好去😂今次就食咗招牌瑞士雞髀(好好味嘅瑞士汁)迷你豬頸肉什菌飯☺️ 呢度款式包羅萬有 每次都好有新鮮感🙊

北角必食瑞士雞脾瑞士汁餐可以揀雞脾或者雞翼但抵食一定係雞脾之後可以揀唔同配搭嘅小食、飯、面食甚至甜品款式多到唔知點揀視乎自己嘅肚餓程度自由配搭第一次食實俾佢太多選擇搞到花多眼亂食左幾次就已經有自己嘅固定pick～瑞士雞脾～火腿蛋～炭燒豬頸肉米線～凍檸茶雞脾入味唔太咸另外大推炭燒豬頸肉！唔太硬又入味！溫馨提示瑞士餐係不設後加服務的（一般待應見你叫得雞脾加一配搭都會提你的）所以一定要諗好自己想食咩再叫啊如果唔係蘇州過後無艇搭

今時今日我在無論是在西貢，抑或是在市區都經常會遇到一個問題，就是如何在同一間食店裡面，享用「午餐」或者「晚餐」的時候，能夠在同一餐飯裡面享用到「牛肉」跟「雞肉」呢？如果那間食店的餐牌裡面，已經提供餸菜包括「牛肉」加「雞肉」在內「鴛鴦扒飯」、「公司飯」又或者是「雜扒飯」的話，對我來說當然是最好不過的一回事，免得我花錢叫太多的食品。但是如果該食店很不幸地，沒有同時提供「牛肉」跟「雞肉」的「碟頭飯」食品，「鴛鴦扒飯」，「雜扒飯」設定又不幸加入我平日不會食的「豬扒」，我就可能要另外再找其他食店，或者在餐牌裡面苦苦搜索「替代方案」。不過，「牛扒加雞扒飯」這個看似很棘手，很不容易組合達成，難以解決的問題，在我去到位於香港島「東區」裡面的「北角」，「七姊妹道」旁邊的食店「祥發茶餐小廚」之後，問題就立刻被解決了。而且「祥發茶餐小廚」解決「牛扒加雞扒飯」這個看似十分棘手的問題，實際上需要食客付出的金錢代價，原來沒有你我想那麼昂貴，只需要付出港幣四十至五十元左右，就可以輕易解決。因為「祥發茶餐小廚」的餐牌裡面，專門設置了一項名稱叫做「【不可不試】瑞士餐」，顧名思義，食客都是從「祥發茶餐小廚」「【不可不試】

北角著名食店唔算太多但佢絕對係其中之一個佢哋最出名就係嗰隻豉油雞髀🍗雞髀唔算好大隻，但的確好入味😛咬落超淋，雞皮、雞肉同骨超容易分開到👍可以話嚟得北角，一定要到祥發😂祥發茶餐小廚 (北角)北角七姊妹道27D號地舖

今日過開海專登過去試下,小弟好鍾意食雞脾瑞士汁更好 個個都話好正 要試下啦 叫埋個fd一齊黎食叫左兩份茶餐 小小地a+b 兩隻雞脾+火腿蛋奄列+奶醬pancake+兩杯龍鳳檸樂!一黎到睇兩隻雞脾咁細隻既 可能下午茶啦一食 嘩!甜到食糖水咁 D肉又老又鞋 十足煲湯雞咁個奄列正常 pancake都係茶仔野(實+乾)最好飲係杯檸樂 真係好失望 個個都推介呢間 點解咁難食可能係咁岩今次咁啦 但我應該唔會專登再黎食留比住附近既人食啦仲要個fd話 呢間都叫好食翠X都好食過佢多多聲啦 下次跟我去食仲好啦真心sad仲要咁多報章推介 係咪我唔好彩

一直都好想哩度既必食招牌瑞士雞髀餐，聽講套餐包括左主打既瑞士雞髀或雞翼，仲可以加一份包類又可以再加一份飯麵類同埋一杯飲品。打開menu真係有啲想嗌救命🆘麵包類有好多，豬扒包、西多士、熱狗🌭️粉麵類有餐肉，鰻魚飯等超過二十款。不過對我黎講最重要就係雞髀要好吃望落好靚仔，外層以瑞士汁鹵透的雞皮，好入味，果然食落雞肉無雪味，而且瑞士汁甜度岩岩好，真係好入味，值得推介既，如果雞肉可以滑身啲就仲好啦我地配左火腿奄列，好大份既特濃午餐肉鰻魚炒蛋飯炒蛋配埋芝士汁真係一絕，送埋飯食真係不得了特濃芝士雞扒天使麵芝士汁真係好濃呀，每條天使麵都沾滿芝士醬汁

一個人想自己歎個下午茶，大約五點到，餐廳入面唔算多人，所以可以自己一個坐四人位。叫咗一個餐，滿足我三個願望。1）滷水雞髀味道偏甜，肉質比較鞋，但加埋啲雞皮，薄薄雞皮唔算肥，大家互相彌補，平民價來講，都算係咁。2）黑椒雞柳包送上嚟嘅時候個包外皮熱辣辣亦脆皮內軟，喺老舖來講，服務算一流，黑椒味唔算太濃，都有兩三塊小雞柳，味道唔錯。3）雞扒芝士天使面迷你芝士天使麵冇乜特別，只係一pat 芝士係個天使面到，3舊經炸過嘅雞排。4）凍蒟蒻百香果汁（+$4）史上最伏嘅野飲，叫左小甜都可以甜到想嘔，味道似藥水沖出黎，本人唔好唔中意依隻味，啲蒟蒻唔似蒟蒻，紅白黃色似jelly，雖然食落都小小似蒟蒻，仲要額外加錢黎飲，整體來講，一個字，伏。總括來講，依家老鋪嘅服務大致唔錯，通常下晝同夜晚都要排隊，反而下午茶就唔使，價錢來講算係平民又可以滿足到至少兩個願望（再加多一杯嘢飲），所以下午茶來講算係輕食又飽肚。

臨近夜晚九點，會議突然取消， 從網上得知這間的瑞士 雞髀出色，所以特意來試試。工作人員服務不錯， 特意提點我落單之後就不可以改單。這間出名的應該是瑞士雞髀，而瑞士雞髀的套餐組合也很多。味道不錯， 可以推介給在附近搵食的朋友。

公司剛剛搬到北角，每日午餐想過黎食都排哂長龍，咁啱今晚8點先收工就過黎碰碰運氣，點知竟然有位唔駛等，店內仲有空位添。看看餐牌真係無敵，一張包括了早餐，常餐，特餐，套餐，千變萬化嘅組合，如果有選擇困難真係天黑都未點到餐。我點左A+B+CA: 四川麻辣雞翼~嫩滑雞肉散發出濃濃花椒八角味道，絕對是愛吃辣的人之選B: 芝士火腿牛角包~鬆軟牛角包夾住半溶芝士再加上火腿，唸起都流口水C: 腸仔通粉~茶記之選凍0茶~茶味重，甜味適中這個餐只係$44已包凍飲真係好抵食

北角野食係港島區相對較平，而祥發餐廳小廚相信大家都聽過，瑞士雞脾超出名！而且仲有好多配搭，Lunch嘅話想食多啲就揀個大餐，下午茶就咁一隻雞脾配一杯紅豆冰又得，得咗！阿張點餐👦🏻 $47 瑞士雞脾🍗 + 西多士🥪 + 櫻花蝦湯炭燒豬頸肉麵🍜 + 凍檸茶🍋評分（10分滿分）：7️⃣食評💬：🍗瑞士雞脾名不虛傳，個秘製汁甜甜地好開胃，而且嫩肉大隻😋🥪西多士炸得外脆內軟，不會太甜！🍜麵黎講個湯底有啲咸，豬頸肉夠彈牙🤤👉🏼多數都要等位，請預多少少時間👉🏼環境黎講坐得比較逼，動作唔能夠太大🙈

第一次黎，試咗招牌瑞士雞脾，配沙嗲牛肉包，特濃芝士汁吉列魚柳天使面，阿華田，只係$45！咁嘅價錢加一流嘅味道，實在無可挑剔！瑞士雞脾又嫰滑又入味，用刀叉就可以輕易切開食。特濃芝士好似芝士龍蝦上面嗰啲咁，真心好濃！沙嗲牛肉包就正正常常～一定會再黎！

Best fd就搬新屋la! 梗係去佢屋企朝聖一下先, 佢話附近有間茶餐廳嘅瑞士雞脾好好好好食, 一齊試下先, 店內座位用盡每一寸空間, 好彩都有個單邊卡位坐, 阿姐安排座位方面簡直係”澳牛”級嘅元秋版👍🏻.>Menu係一張過好多字嘅早餐, 常餐, 自由拼餐, 我睇左一陣先睇得明點配, 原來A嘅瑞士雞脾/雞翼/炸雞係膽, 配B/C/E/F/H/M/Q唔同價錢. 紅豆冰都只係加HKD2勁抵lor!>A+B (HKD37)招牌推介瑞士雞脾🍗:首先雞脾size夠大件, 用叉輕轉一拮就離骨, 裡面嘅雞肉非常入味上色, 瑞士汁甜甜地好好味呢.吉列魚柳包:茶餐廳嘅客人以速食為主, 食完埋單就即刻有人坐低, 所以啲食物全是新鮮製作. li個魚柳包好軟熟, 揭開入面係金黃色架🤩, 兩件現炸魚柳熱辣辣, 魚肉OK滑, 配勁多魚柳醬好moist好好味.>紅豆冰 (+HKD2)好甜!!!!!! 太甜了!!!!!!! Typical茶餐廳style紅豆冰, 用淡奶instead of而家好多用鮮奶整, 紅豆有部分腍有部分有嚼口, 加HKD2實在抵.

平時都唔會點嚟北角， 所以今晚有嘢做嚟到北角都唔知食啲乜嘢好！ 然後我個friend知我鍾意食雞髀，就帶我呢呢間茶記食好西。一入間茶餐廳，見到好多人都食緊雞髀，我就已經決定咗一定要叫雞髀食，所以叫咗一個瑞士餐！ 但係要留意，呢個餐都有好多唔同嘅配搭，所以又係要我好努力先做到決定😂上餐速度好快，話咁快我嘅瑞士雞髀、魚皮餃公仔麵，同埋西多士就喺曬我面前！首先個瑞士汁鹹甜嘅味道都掌握得好好， 雞髀亦煮得好入味，所以無論手食定係用刀叉食，都可以好容易食到。我個friend個教我叫公仔麵，因為咁樣就可以善用埋啲瑞士汁嚟撈公仔麵。真係好好味！！！西多士賣相吸引，而且入面有層花生醬，真材實料！ 最令人窩心嘅就係，我食食下老闆娘提我記住趁熱食！！ 真係要充滿人情味嘅茶餐廳先搵到！呢一個晚餐，其實我都冇乜點講過嘢，因爲我掛住食，而且餐廳性價比較高， 值得我下次再幫襯！

山長水遠黎到北角等朋友收工 但發現早左到..所以搵下啲野食住先 慢慢等 經朋友介紹呢間茶餐廳既雞脾超好味 但我最討厭係出街食雞脾 特別麻煩..而朋友堅決話真係要試下 咁我唯有聽佢講😥望到張餐牌真係呆左呆..又a+b 又a+b+c 跟住a+b+e 睇左陣先識嗌..最後我揀左瑞士雞脾+西多士佢啲西多士係正常茶餐廳既西多士 冇咩特別..重點係隻瑞士雞脾 真係好好味 啲汁搞到我食完一啖又一啖 呢個價錢 但呢種質素 真係冇介紹錯！👍🏻