祥發茶餐小廚

營業中

休息中

呢間係北角入面我最中意食的茶餐廳其中一間，當然入面的招牌雞脾啦，真係好好食！份面有n 咁多款野食間，佢個餐牌好得意，有好多唔同配搭，黎食幾次都未食得晒！我最中意就係雞脾＋ 粟米um列同埋櫻花蝦撈麵＋凍檸tea 埋單都好似係50蚊樓下，絕對抵食！ 野食都係好快有，特別係雞脾，叫完1、2分鐘就比到你！如果同幾個同事／朋友一齊食的話，可以大家叫唔同的野share 都仲得！不過，有陣時我太夜去食，9：00 定唔知9：30 佢地已經唔會再接order 所以如果要食就要早少少啦！！！

中午要預早d黎 因為真係好多人排隊呀呢到賣點係平靚正 所以對服務既期望要降低一定要試佢招牌既瑞士雞脾 （A）啲醬汁好好味瑞士雞翼既價錢同醬汁其實同雞脾一樣不過雞脾啖啖肉 食得開心啲多士 （B）偏甜對於細食既我黎講 嗌佢既 A+B+N 套餐已經好飽 食唔晒

一次非常不愉快嘅用餐經驗。。。 我同老公出席完工作坊想搵嘢食，見呢度咁多人推介瑞士雞脾雞翼，就慕名嚟試下啦！我想強調，呢度食物選擇非常多，價錢公道，啲食物質素都係好好嘅，瑞士雞脾雞翼非常入味，迷你飯入面有兩條今時今日出外用膳難得一見嘅菜芯，感覺上好有誠意。本來以為可以再有下次嚟幫襯，但以上全部卻敗於一位阿姐－－喺我哋仲未食完嘅時候，有個阿姐突然走埋嚟拍打我哋張檯，好冇禮貌咁叫「俾返個位嚟！」我同老公即時打咗個突！唔係嘛？呢個咪正正就係香港土地問題所衍生出嚟嘅現象囉！想下次再嚟幫襯？不了。。。

瑞士汁雞脾+西多士+凍檸茶不能更港式的下午茶之選呢個咁誘人的雞脾餐都只係$38❗️實在太抵食🤑招牌雞脾個汁帶微甜但亦重豉油味重點係超入味❗️而且夠大隻 煮得剛好脾肉可以撕出來 軟骨位夠腍好易咬果然係招牌貨 唔怪得每抬客都叫😆西多士新鮮即叫即製 店員都話熱辣辣最好食多士勁厚身中間有薄薄的花生醬外面勁多蜜糖同牛油好足料亦超邪惡但真係好食唔揀邪惡西多亦可選任何其他小食或粉麵飯(會貴少少)勝在包羅萬有 總有一款啱你心水下午tea一tea的超值好味之選😍

呢度既茶餐可以左拼右拼，只會花多眼亂，唔會唔岩食！只會諗要Ａ＋Ｂ＋Ｃ好定加多幾蚊要Ａ＋Ｂ＋Ｃ＋Ｄ呢？佢最出名既係瑞士雞脾，但其他食物都唔係hea貨，食物的種類極多元化，朱古力多士都有！店舖坐位較窄，人來人往，多數時間都要搭枱坐。佢既上菜速度極快，可以想像到廚房已經整定哂，廚房入面大多”照單執藥”,但唔洗驚食物唔新鮮，因為上到枱都仲係熱辣辣！由於價錢好平，選擇又多，一個價錢可以食到咁多野，所以lunch hour個d都預左要等位！

吃了這間茶餐室已經很多年，之前在銅鑼灣經營，到現在落腳於北角，也是我常常光顧的小店。餐廳不算大，坐位不算多，每到吃飯時間也高朋滿座。 一家人的經營模式，逢星期日休息，公眾假期營業的。套餐組合多得很，有選擇困難症的朋友會比較難選擇啊！ 價錢平民化，卻有高質素的待遇，已經成為我的飯堂。早餐組合和瑞士雞脾餐也相當底食，選擇款項很多，其中班戟、吞拿魚包、熱狗、西多士、煎薯餅和蘿蔔魚蛋豬紅小吃都好好味！其他散叫碟頭飯和小菜也有很多配搭，價錢亦很平民化，味道不錯份量亦大份。奶茶和咖啡很港式地道，我每次去例必點。一間很「正」的茶記，十分支持！

朋友推薦黎食，已經再幫襯過，呢到好岩眼寬肚窄，每樣都想食d ge人，事關佢呢到係一set咁叫餐，每個餐都至少有三樣野食同野飲餐牌show左好多唔同組合，你可以因應喜好自己揀我覺得呢到所有飯食，麵食，小食都好好味，雖然細細碗，質素同味道絕對唔差到主菜啦，呢到主要係要瑞士汁系列雞類有雞脾、雞中翼揀，我兩次都食雞脾，真係太抵食啦，啖啖肉好滿足，再配埋個瑞士汁，甜甜地，可以不斷食呢間真係好抵食，好似茶餐廳咁，但比較特別小小，主sell瑞士雞脾同雞翼同埋價錢真係好貼地，可以話係平靚正😍經過一定要去試下個瑞士雞脾👍👍👍🍗因為入面長期都多人，店員好忙，快d揀定快d落單先可以快d食

ABC setWhen you come in to this restaurant, you will be amazed by the variety of food providing. The menu is super complicated since you’ve so many choices.I think the quality of food is fine considering how low the price is. ABC set included a chicken leg, a snack and a main (rice/noodles)Usually I chose SaTay Beef Bread as my snack and cheese pasta served with chicken as my main. The portion of cheese sauce is a lot, albeit it’s not that strong in terms of flavor. SaTa beef Bread is soso, noth

食左好多年架喇都 食物都keep住水準 招牌菜係瑞士雞脾 雞脾既瑞士汁好入味 加上肉質算係嫩滑 都唔錯架 另外我叫左個奶茶。茶味過濃同帶苦奶味可以多返小小 就唔錯喇～ 呢到都可以再黎食過 值得一試

呢間餐廳已經成為左我一定要推介既飯堂之一。佢有A、B、C、D、E、F、G、H咁多選擇，可自由配搭A+B，A+B+C，A+B+E等等。價錢都係40+至50+不等，絕對適合我荷包😝一定要食既係瑞士雞脾👍🏻雞肉口感唔老，味道適中，唯一唔好就係要自備紙巾，或者可以即場購買。😂 再要介紹既就係豬扒包，絕對好食過澳門豬扒飽！肉質鮮嫩，配上芥末醬，簡直不得了！🙈🤣 當然佢還有其他配搭選擇，絕對適合所有人士！環境尚算衛生，不過若果想找地方同一班兄弟姊妹談天說地，就要另找其他食肆。因為坐位比較小，而且一到食飯時間，一定會大排長龍，因為實在太抵太好食啦！

記得好耐之前已經有同事帶去過食呢間瑞士雞脾，但個陣都覺得還好，証明人嘅口味係會改變😂😂😂直至前排再去食，又覺得愈黎愈好味！我估有90%嘅人都係為左瑞士雞脾而黎！佢呢度點餐有啲似車仔面，有好多唔同款配搭！可以瑞士雞脾加一至兩樣主食！雖然有好多都吸引，但我地食多幾次就發現食唔到咁多😂而家醒呀，食瑞士雞脾加一樣主食已經夠哂，好飽🙈基本上我都係加五香肉丁面💁🏾‍♀️唔知點解愈黎愈大碗hahahha 而雞脾啲汁真係重點！

祥發茶餐小廚位於北角七姊妹道，是以家庭式經營，主打瑞士汁雞髀的茶餐廳。餐牌選擇眾多，價錢實惠而且味道尚佳，一直深受街坊們的歡迎。父母點了《不可不試》瑞士餐，除了雞髀，還可選配1至2款小食 、包類 、麵飯或甜點，保證能夠吃得飽飽。金大大隻，瑞士汁稠度適中，濃郁中帶甜味，不會過鹹。雞肉滷得入味之餘仍能保持嫰滑口感。瑞士汁下得慷慨，吃畢雞腿還有點碗白飯來撈汁的衝動。沙嗲牛肉包的熱狗麵包輕輕烘過，微熱帶脆。沙嗲汁微辣，帶花生香氣，牛肉不會太軔，整體味道令人滿意。炸鯪魚球熱辣辣奉上，鯪魚球外皮微脆內裡彈牙，還有陣陣果皮的香氣，應該不是普通的凍肉來貨。炒粉麵套餐可自選肉類或蔬菜，配上公仔麵 、烏冬或河粉，醬汁則有辛辣或瑞士汁可供選擇。點了辛辣雜錦素菜炒河粉，適逢是日河粉售光，換上米粉更合筆者的心意。米粉滿滿的一大碗，炒得乾身不油膩。雜錦素菜有菜心 、秀珍菇 、腐竹及辣椒絲，口感豐富。米粉的辣度主要來自辣椒絲而非醬汁，味道天然，辣勁充足而不會過濃，美味又健康的選擇。香芒布甸加上不少花奶，質地滑溜。芒果粒份量不少，香甜軟淋，是一道不俗的飯後甜點。

食過好多茶記，港九新界，講玩法黎過，呢一間可以算係好好好新穎。車仔麵甘嘅玩法，自由配搭，有四十幾，五十幾嘅配法。點配都好，主打當然係拒隻瑞士雞脾，非常非常非常入味，不過著白色Tee or 白色恤衫，就要好好好少心。食完隻必食瑞士汁雞脾，可以配多一款，什至二款食物。可以揀小食，如魚蛋，奄列，or 甜品都得，例如奶油豬仔bread, pancake, 多士。我通常想兩樣野就已經飽，不過都會叫定第三樣，因為之後無得加單，通常叫過沙嗲牛肉麵or芝士豬頸肉面，應該夠你飽到3,4點！

每次黎到祥發，見到個餐牌都要諗好耐先揀到食咩野，單係自選餐，已經超過50個組合仲未包括炒粉麵同小菜小女子最愛嘅瑞士雞脾雞脾肉好滑，而且超淋，輕輕一咬已經骨肉分離好濃郁嘅瑞士汁味道配個即叫即製嘅奶醬班戟，爽口又帶少少和風嘅櫻花蝦豬頸肉公仔麵，完美嘅配搭飲埋紅豆冰都只係$4x,性價比超高喔而且上餐快，伙記有禮貌每月必食

黎到嘅時間係下午茶3點幾，餐廳仍然坐無虛席。餐牌摸落有啲污糟，同埋應該係我暫時見過最多文字嘅餐牌🤣證明食物選擇的確好多，有選擇困難症嘅朋友仔可以預先睇定餐牌諗食咩喇。今次我地兩個人都係叫左A+B+C餐，主角A瑞士雞髀，配小食B西多士+朱古力煉奶吐司，再搭個麵款C沙嗲牛同五香肉丁麵，飲品就+$2轉紅豆冰。瑞士雞髀一上檯已經聞到好香瑞士汁味，睇得出好入味，肉質好滑，味道唔會太濃岩岩好，果然無令人失望👍🏻到小吃，西多士係半份，不過厚度就比出面食開嘅厚身，糖同牛油都好重手，襯熱食幾好味👍🏻至於朱古力煉奶吐司就普通，吐司烘過但唔脆，同普通方包無分別。一開頭以為哩個價錢碗麵會好細，點知份量好足，味道正常，呢個價真係好抵食！最後飲品紅豆冰略嫌啲奶稀左少少，不過轉$2就有得飲又係好抵嘅🤣總括黎講食物質素中上，性價比好高，絕對會再黎👍🏻👍🏻👍🏻👍🏻👍🏻