祥發茶餐小廚

營業中

休息中

特登去祥發食出名嘅瑞士餐😍真係不可不試！仲有好多種配搭，總有一個啱你心水！我揀咗A+C😝瑞士汁雞髀配沙嗲牛肉通粉，凍檸茶走甜！凍飲加兩蚊，$44！上菜速度更快非常符合茶餐廳🤣因為已經好肚餓啦沙嗲牛肉就正常，份量係迷你型～瑞士汁雞髀真係好好味，瑞士汁好香甜，肉質嫩，輕輕用叉就可以拉到雞肉😍食到想追加多一份添另一伴揀咗A+B+H麻辣雞翼，沙嗲牛肉包，迷你版鰻魚紅腸飯，凍奶茶少甜，凍飲都係加兩蚊～$52!鰻魚紅腸飯就正常⋯⋯的確很迷你至於沙嗲牛肉包我覺得比沙嗲牛肉通粉好食好多沙嗲牛肉掛汁，肉質唔會太硬，配上脆脆嘅包，好夾！我係第一次食沙嗲牛肉包😚冇諗到麻辣雞翼竟然咁好食！有三隻大雞翼！麻辣汁好惹味！如果唔想食瑞士汁都可以食麻辣雞翼！最後，要再放上一張瑞士汁雞髀！真係必食㗎！

平時都成日黎祥發食午餐，因為佢個午餐真係超抵，份量多兼且種類多！ 平時食開佢嘅雞脾，其實都冇食過其他，今次就叫左個麻辣雞翼、西多、沙爹牛米粉（$45)，同埋一個下午茶餐，有炸薯條、吉列魚柳、煎薯餅。麻辣雞翼、西多、沙爹牛米粉（$45)麻辣雞翼 第一次食佢個麻辣雞翼，有三隻，麻味唔算重，但係都有啲辣，啲雞翼都幾大隻，雞肉都滑。西多士今次好食，佢個西多士係半份嘅，但係好厚好香，中間夾住花生醬。 上次有個唔係咁好嘅經歷，個西多士超硬，店員仲要話因為我唔係即刻食-_- ，但係明明西多一到我已經即刻食，不過上次佢都有換第二樣畀我。沙爹牛肉米粉都ok，普通質素，牛肉偏淋，但都多牛肉。下午茶 薯條、煎薯餅、吉列魚柳 （$39）第一次叫佢個下午茶餐，其實係冇咁抵，但係可以㨂3樣小食，下午茶份量岩岩好。薯條 平時跟餐冇架，呢個係下午茶先有，係普通茶記薯條feel。煎薯餅外型唔講以為係蘿蔔糕，佢唔似薯餅，平時薯餅入面多數都係一粒粒薯仔，但係呢個唔係咁。佢似煎薯蓉多啲，都幾特別嘅。吉列魚柳冇咩魚味，而且比較淋，外皮係脆嘅。整體黎講都唔錯。

區區都梗係有間餐廳出名食瑞士汁北角一定係呢間茶餐廳瑞士汁夠多同偏甜，雞脾肉好腍好易拆肉，女仔用刀叉食都唔怕扯極都扯唔開啲肉彈哂啲汁落自己度除左瑞士汁之外，呢間餐廳其中一個最大賣點係早午晚都有百搭餐牌坦白講除左瑞士雞脾/翼之外其他野都係中規中矩😅但勝在有幾十個combination任你配，永遠唔怕悶，出餐又快，所以lunch一定排哂隊但堂食真係要預左人逼人咁坐侍應會要你搭枱、叫野食要快、食完就即刻走

其實已經唔係第一次食呢一間依家再嚟食多次都覺得其實好抵食香港地而家好難搵一個40幾蚊嘅下午茶仲要有咁多嘢食呢度咁多樣組合我就揀咗雞髀加面主要都係講吓個雞髀啦其實個雞髀嗰個汁真係好好食味道偏甜而且好入味但係肉質就唔係特別好滑但真係味道取勝成餐最有驚喜嘅係佢個麻辣雞翼食落有少少似口水雞翼

今個星期六要返工放1點，約朋友一齊出北角食野，北角後街有好多名不虛傳既隱世食店。今次我同朋友選擇左祥發茶餐小廚⭐❤️，店內裝潢亦什有懷舊風味。係北角屹立多年，相信亦不少老顧客，就算現在疫情，中午時段仍然是滿座！👍🏻講返餐廳食物先，餐廳食物種類多元化，無論早餐、午餐、下午茶一樣可以自行配搭多種美食😊值得一讚！1️⃣瑞士雞髀🍗配（迷李版）肉醬薯角⭐️雞髀入口味道可以，夠入味同夠淋😊醬油味道調較恰當，果然係招牌菜；肉醬薯角上枱並非《薯角》是《薯蓉》，肉醬上加了芝士做點綴，令整個賣相加分。2️⃣瑞士雞髀🍗+小食拼盤（豬紅+蘿蔔+魚蛋）+迷你肉醬意粉⭐️小食拼盤上枱比想像中細，而且食物醬汁味道很淡，只食到很淡很淡的咖喱味，有點失望。肉醬意粉醬汁同剛才薯蓉一樣，只是少了芝士。評價：5.5/10

專登嚟到北角，就係為咗食瑞士雞髀，呢間餐廳嘅瑞士雞髀餐好出名，差唔多個個嚟到都係食呢個餐～配搭有好多種，想食飽啲嘅可以配粉麵或者飯，或者迷你飯，或者小食，唯一冇變嘅就係瑞士雞髀，係一個百搭！雞髀瑞士汁滷得夠入味，雞髀大大隻，雞肉嫩滑，唔會鞋口，點食都唔厭，唔怪得個個嚟到都一定要order一隻雞髀先～～Yummyyummy～今次嘅粉面叫咗櫻花蝦湯底，幾香濃，呢度嘅豬頸肉都幾好食，夠爽口～配紅豆冰加$2就得～

呢間其貌不揚嘅餐廳我夠膽講係全香港最好食既瑞士雞髀雞翼成日經過北角都忍唔住要過嚟食今次終於記得幫佢寫食評呢間餐廳係可以好多選擇呢樣都係我鍾意嚟呢度食嘅原因有時想食下甜可以嗌甜品有時想食下鹹又可以買炸嘢食重點都係好平好抵食男朋友嗌左個貼起上面嘅期間限定瑞士雞髀八爪魚鹹蛋飯（$50）見唔見到張相真係好好食最好味當然係雞髀啦我鍾意佢夠甜！夠淋！夠入味！當然佢唔會話好有雞味啦但係佢絕對唔會食到有雪味因為真係好入味㗎仲有隻鹹蛋出晒油連侍應姐姐都話隻鹹蛋好靚好好味呀！不過個八爪魚就普通咗啲（凍既）同埋加埋一齊好似唔係好夾不過我諗唔夾都係呢間餐廳嘅特色嚟有少少似車仔飯或者車仔麵到我啦我除咗嗌咗瑞士雞髀之外仲嗌咗5隻瑞士雞翼（$18）瑞士雞翼一樣咁好食另外配左個燒鰻魚炒雜菌飯雜菌夠大方！夠晒送飯仲要有個汁撈飯好正但係個鰻魚有啲細塊唔係咁夠味但$48仲想點$48仲要包埋以下嘅吐司呢個係朱古力煉奶吐司都幾好味㗎係塊麵包乾咗少少相對雞翼來講就失色咗啲仲有呢間茶餐廳唯一唔好嘅就係無論飲咗幾多次佢哋嘅熱飲都係好淡唔好味 哈哈整體來講服務好好㗎落單個姐姐好有禮貌食物唔使講又平又好食瑞士雞髀係推介黎唔係太好嘅係地方

北角七姊妹道祥发十分旺场，他们的瑞士汁鸡脾是招牌菜，曾经看过老板的访问，说是可以用刀差吃的鳮脾。店外也贴着不少专栏，对这道菜的评价都十分正面。餐牌上大部份都是以瑞士汁鸡脾为主，有着不同的配搭，平均价钱只是40多元，真的不贵。看到百分之九十以上的客人都会点鸡脾餐，下了单不到3分钟就上枱了。鸡脾应该用瑞士汁浸了很久，非常入味。鸡肉稍为用叉子压了一下就骨肉分离，但感觉肉质太冧，少了点口感。另外，瑞士汁偏甜，没有卤水汁的香味。至于跟餐的豬扒包，只是普通货式，没太大惊喜。

瑞士雞髀雞髀好林好易切得開，雞皮索左好重既瑞士汁既味道，入面肉既部分就唔算好入味，通常都會點瑞士汁食，不過個汁真係幾甜幾正。豬扒包本身以為係一塊豬扒，點知出到嚟係切條嘅豬扒，不過豬扒啲肉都好鬆軟，個包烘到好脆，連埋牛油同沙律醬食，既邪惡又好食😂香芒布甸除左瑞士雞脾，呢度既芒果布甸都唔錯，啖啖芒果果肉，好足料。跟餐配凍飲加$2，紅豆冰又係加$2，不過紅豆就硬左少少，奶味比較重，紅豆既味道唔太出。想食瑞士雞脾就一定要試下呢間，但記得果日唔好著白色衫😂

《生活·日嘗》- 祥發茶餐小廚對於瑞士雞髀精，特別係增肌中要多食雞肉嘅我，又點少得呢間餐廳呢，其實我都食過唔少餐廳嘅雞髀，都係覺得北角呢間小店最好味😋唔使多講，喺呢度食一定係推介食瑞士雞髀🍗冇雪味，有口感，又入味，又juicy，醬料調教剛剛好，真係無得彈。其實佢嘅雞髀西多餐都好抵食，但係西多太多糖份同碳水，今次就冇叫到🙃 另外就係佢嘅選擇都好多元化，有麵有飯有小菜有甜品，基本上你係唔同時候去食，都可以搵到合適自己嘅配搭，想試唔同野嘅朋友，就最岩啦😁埋單$43，呢個價錢，真心抵食😋😋

嘩！呢間餐廳個餐牌對選擇困難症嘅人嚟講簡直係一個折磨😂 超超超多配搭～ 去過就知我講乜架喇不過由於個瑞士汁太出色！所以次次去都一定有瑞士汁雞脾配搭😋 睇嗰日心情再揀其他，我通常都會揀西多士。下午茶嘅超邪惡配搭，不過食完係會超級滿足架！平靚正 瑞士汁雞脾🍗完全唔吝嗇瑞士汁！雞脾亦超級入味🤤 肉質亦夠滑，如果可以再嫩啲就更好！食完隻雞脾已經包左一半，因為都幾大隻！啖啖肉！你講得出嘅茶記名物都應該可以喺祥發搵到～ 所以不妨一試，實有野岩你！

真係唔係咁好味，雞髀有啲硬。啲汁好似幾好味！粉面飯都非常非常非常之一般！非常之失望因為本身諗住去三哥食米線因為北角嗰間三哥好近但係最咪嚟咗呢度見咁多人又排隊各方面以為一定唔會中伏點知都係服左！如果大家以為真係咁好食咁可能就會好失望，但係如果淨係食過瑞士雞髀汁，就應該唔會失望因為你淨係食果汁而唔係食隻雞比。如果你唔係淨係識執要食埋隻雞比就唔好食。所以最後我叫我啲friend用咁樣做我覺得佢好食。佢咁高分應該係因為童年回憶！

瑞士雞髀當然就係呢一度嘅招牌菜但係仲有好多飯麵類其實都係呢一度做得幾唔錯嘅地方例如肉醬飯大有少少辣味道又夠晒龍就算冇加到芝士都好但已經幾有飽肚嘅感覺又或者有芝士撈天使麵都係幾特別嘅菜式，可以配鰻魚又得可以配鴨胸都得

有啲期待嘅午餐因為呢度嘅瑞士雞髀真係好入味豉油係甜甜地嘅 唔會太咸今次揀咗係套餐A+B +E+飲品但其實仲有好多個配搭A即係瑞士雞髀♥️B就係火腿奄列♥️E燒鯖魚什菌飯 ♥️令一個鍾意嘅原因係配搭好多每次食都覺得好豐富而價錢亦都係合理嘅 50幾蚊！

不過最出名嘅一間店舖相信都會係專食豉油雞髀嘅長髮餐廳呢間舖雖然唔開咗唔係好耐但買嘅嘢真係賣到街知巷聞最出名一定梗係豉油雞髀啦， 佢呢一個並唔係就咁豉油同埋雞髀而係雞髀已經融合咗豉油喺入面所以食起上嚟真係有融為一體嘅感覺咁因為佢係有幾個配搭可以揀所以就要視乎咁多個食客想點樣配搭有甜品有面有飯選擇多籮籮鍾意食乜就可以揀食乜本身一個餐都唔貴大約都係30美40幾蚊但可以一次過試到自選三款嘢食所以我覺得真係幾有特色嘅一間餐廳