祥仔 (K11購物藝術館)

營業中

休息中

今日去咗K11行街，咁就試吓好出名嘅祥仔茶餐廳啦，點知換來一肚氣。排隊攞飛就已經受氣，圓轆轆女店員右手邊嗰度攞飛。😮‍💨等排隊入咗先經典，明明已經有四張枱係急冇人坐，清潔好擺好晒嘢，就係唔俾你入座，仲要面黑，黑過佢自己件衫，跟住我就同佢講啦其實你有咁多枱可唔可以安排咗我哋排緊隊嘅入去，數埋都係得個五個人喺度，佢話佢個訊號冇任何一個號碼，所以唔放我哋入去。最搞笑最後係話你唔好投訴，唔關我事，商場嘅攞飛系統有問題😮‍💨無下次

之前已經食過祥仔ge豬扒飯,真心覺得高汁,今次直頭堂食再次回味!套餐包湯包野飲但個湯都唔求其架!一樣足料好味脆脆豬扒飯係口到招牌炸漿同肉唔會分離,外脆內嫩令人回味係有原因的切開依然粉嫩,有彈性配上蕃茄飯,中和炸物的油膩感!但個人覺得偏酸黑松露鐵板燒雞仲出色松露味突出,超香雞仲要燒到雞皮帶脆身口感雞肉又有彈性,講起都想再食紙包冬陰功乳鴿係好有趣ge fusion組合!有辣勁,但唔多肉肉質嫩口柔軟,超入味!值得再次回味!

諗住比多次機會，始終想試下個栗米斑片飯，唉…都係同樣…失望斑片飯上有2大1小斑片，一個字已超級足夠形容……鞋，比蒸斑片更難食，斑片無油是真的，鹽分佈不平均，個汁已經足夠致肥，充滿奶味，不是我杯茶欖意粉$88，是素無肉，份量只夠一小碗，味道偏咸，不知為何好似蝦醬味再試萍果批，又中伏了，除了無玉桂味的萍果批，居然淋咗黑醋橫跨批面，not my favour

星期日下午茶前見不用排長龍就入內試一試，想叫班片粟米飯，售罄，話說每日只售15份，邊會食到…叫了脆豬扒飯，豬扒吉列皮硬，好彩豬扒肉厚身肉淋不硬，失望…飯以茄汁含豉油上煙肉温泉蛋長通粉，味比較咸，份量超少，雖然隻碟好大，但份量只有大約小飯碗，女仔都未必夠，男士無可能填飽半個胃，價錢收$128仲要加一，真係好搵易賺！羅送湯以為好特別，試後大部份坐位如連鎖快餐店般密集，價錢卻番倍甚至多倍，再加一服務費。

我們因為Ricky嘅大名見，尋晚去幫親呢間餐廳，叫咗牛油果沙津、脆脆豬扒飯（升級，連兩日兩夜羅宋湯）、新出的肉骨茶豬軟骨寬條面，同埋雪糕芭菲。牛油果沙津用料新鮮，有幾款水果，連紅菜頭等等，幾好味。脆脆豬扒夠脆，不過個飯就極之普通，同一般茶記的汁醬飯無分別！至於個肉骨茶，胡椒味極重，除咗辣，我食唔出有咩味。個豬軟骨一啲都唔軟，硬到可以練牙力！ 嗰個芭菲，大家唔叫也罷！四條百力兹插在雪糕上面，好似拜神咁！雪糕球嘅味，有椰子、綠茶同朱古力三款。不過味道仲衰過“牛記雪糕”！入面有幾粒生果，不過送頭髮一條！好嘔心。總之，無下次。

餐廳老闆係本地名廚Ricky 張錦祥經常係飲食節目都會見到佢但佢嘅菜式就第一次試啦餐廳門口設有自助取飛等位 夠方便試左個紐西蘭牛肉炒蛋福袋三文治配田園素菜沙律本身幾期待個藜麥沙律 雖然只係配菜但上枱只有沙律菜 小失望* 餐牌圖片真的是只供參考 !!但個牛肉炒蛋係推介嘅炒蛋好滑 牛肉大粒 有口感 唔係普通茶記嘅細片牛肉另叫左杯熱朱古力 味道非常濃 比較適合鍾意濃厚朱古力味的朋友環境： 坐得服務 光線充足服務： 尼到最大缺點係人手嚴重不足 店員會扮睇你唔到 舉手舉到手軟建議有QR code 自助落單可以大大減輕員工工作量

呢期Ricky San好紅，慕名去祥仔試佢嘅豬扒同其他食物，星期三（中秋節假期）下午2點幾去到，Poster寫下午茶2點半開始，但reception 位小姐話2點九先開始，都唔差好多，我地就企係度等同排隊，排到夠鐘，reception位小姐先同我地班客人講，要去部攞位機度攞飛，排左成村人，個個都搶住去攞飛，攪到好混亂，講左咁耐，講返啲食物喇。個豬扒真心好食，鬆脆軟’熟‘，個飯就硬左啲同唔夠熱，牛肉炒蛋三文治，個蛋好滑，夠juice 記得要即刻食，如果唔係，塊麵包就'琳'晒😅炸雞脾沙律，雞脾乾左少少，沙律新鮮花生醬西多士，花生醬完全塗滿整塊麵包，每個格都有花生醬，非常滿足😋整體嚟講，食物質素唔錯，可能人手問題，服務質素，需要改善。

本身就好鍾意睇Ricky煮餸當然要試吓佢嘅餐廳啦祥仔脆脆豬扒飯 $138咁厚嘅豬扒竟然可以炸完都仲咁Juicy，完全鎖到肉汁，肉質非常鮮嫩👍🏻 呢塊炸豬扒都真係好高質😋飯同豬係分開嘅～因為豬扒脆卜卜，淋咗汁咪淋哂🤔所以要將佢地分開～好似愛情咁😂保持距離是世上最美的事😅😅那怕是Perfect Match兩日兩夜羅宋湯 （套餐加配）好濃郁，比平時茶記真係好飲好多！！ 酸酸地唔辣嘅，好香嘅香料味😋好飲👍🏻冬陰功雞翼 $78食到好濃冬陰味👍🏻炸得好香脆單骨雞翼😋😋—————————————————祥仔 (K11購物藝術館) (尖沙咀)尖沙咀河內道18號K11購物藝術館B2樓B233A號舖

午餐 - 祥仔脆脆豬扒飯 $128午餐 - 芝士煙肉長通粉 $128👍 豬扒堅係皇牌，望落 dry dry 地，但食落一啲都唔 dry 仲幾 juicy，無敵厚切，食落有質感得黎又淋到有啲似火腿咁，表層薄薄嘅炸漿做到吉列嘅脆卜卜，肉味就稍遜。雖然價錢唔平但真心值得一試！👍 有茶走/啡走揀👍 環境光猛，係 K11 Art Mall 近地鐵站，係一個幾 decent 又方便嘅高級茶記👌 配豬扒嘅係茄汁飯（叫左少飯真係俾得一啖仔，不過啱哂近排食月餅食肥左嘅我），茄汁偏稀，味道清清地唔會好濃烈嘅甜味，ok la👌 長通粉有啲乾同有嚼口，兩塊焗芝士係靈魂但其餘嘅只係不過不失

是日下午經過尖沙咀，想搵間茶餐廳吃個下午茶，咁岩K11呢間祥仔下午茶呢個時段唔駛等位就一於試試佢～係得K11呢d大商場開鋪，門面都有返咁上下靚仔～餐廳入面環境都好骨緻，坐得好舒服～下午茶先來個羅宋湯通粉，好濃番茄味，通粉整得好林～沙爹豚肉炒蛋多士，多士好脆～+$20有兩隻瑞士雞翼凍咖啡走甜，好濃咖啡味～下午茶餐牌～唯一挑剔的位係，茶餐廳食物黎講係有d貴，不過考慮到餐廳位置係K11，呢個價錢都尚算合理～

今晚黎左間好出名既名廚餐廳試下佢既出品 當佢係一間高級版既茶餐廳也OK脆脆豬扒飯 足料羅宋湯 小食拼盤 凍咖啡祥仔脆脆豬扒飯係港式焗豬扒飯嘅變化友豬扒同焗飯分開上菜並將先沾蛋漿炸完再焗豬扒改成日式吉列炸豬扒茄汁芝士焗飯就變成為新鮮蕃茄醬汁配白飯厚切吉列豬扒大件 外層麵包糠脆卜卜豬扒肉質鬆軟、冇渣多肉汁 濃厚脂肪油香蕃茄醬汁大量新鮮蕃茄製作啖啖新鮮蕃茄味道略為偏酸配以白飯一流可加錢要埋足料羅宋湯 煲足48小時 味道濃郁 每一口都係番茄蓉根本就係2倍濃郁番茄湯?!但非常好飲小食拼盤一次試曬招牌瑞士雞翼同蝦多士仲有蛋沙律 蛋沙律變化成好似薯蓉咁滑既忌廉口感 瑞士雞翼汁濃唔太甜,雞皮好滑雞肉入味傳統蝦多士原隻明蝦貼上厚多士上一起炸香凍咖啡比起茶餐廳既更濃郁 似用左咖啡機個種濃咖啡沖製平均消費$300評分8/10尖沙咀河內道18號K11購物藝術館B2樓B233A號舖

食個late lunch 估唔到閒日商場都勁旺 見祥仔有位又未試過就衝呀‼️🔸經典芝士煙肉長通粉伴温泉蛋 $128由於去既時間就黎轉下午茶 所以一坐低已經俾阿姐催落單🤣 所以都無細睇就揀左呢個穩陣又王牌之選賣相OK 個汁都好味 温泉蛋靚既 但長通粉偏硬 即使包覆左蛋汁都改變唔到件事 長通粉份量亦勁少 最欣賞係芝士 真心香 同埋啲煙肉 唔係平價野 係有厚度香味同咬口既 🔸餐飲- 熱祥仔茶走 用雙層玻璃杯 細心+1 但味道普通 茶味唔太夠總體CP普通 可以試下既 但再試就應該唔會啦

上次一大班人去食， 掛著傾計， 未必每款都可以試到🤣。 今次同皇上一齊去食， 就可以試得真的因為walk-in , 所以無特別用OpenRice 訂坐， 就因我為做緊promotion, 所以可以免費升級送餐湯及餐飲。 國皇的推介- 沙丹豬扒鐵板餐豬扒非常鬆軟，又大塊，食落口，係處於全熟而不老的狀態👍🏻， 本人喜歡食橙色蕃茄仔多於紅色， 因為我覺得個皮無甘痴牙🤣， 加埋一件厚厚的午餐肉，正😘😘我因為太肚餓啦， 所以叫左個雜扒餐其實都好多肉， 本人就最喜歡係腸仔， 皮爽肉滑， 當中有雞扒， 牛扒，兩件扒都好厚身同大塊。 抵食餐飲我覺得茶好濃，但煉奶唔夠， 所以搞到我成晚都訓唔到😫⋯⋯但亦相對唔會好甜黑牛- 朱古力雪糕跟可樂套餐跟的湯， 雜菜好多。

第一次去K11 Art Mall 嘅「祥仔」食lunch, 祥仔係一間高級茶餐廳，Lunch set 由$88 到$138，唔算平，不過發現佢有一個Food story membership，只要scan QR code 後填上簡單資料就可以做member，即刻會有兩張$100 coupon,只要食過$200就可以用一張，而且即刻可以用，之後重可以每次食完儲分，咁就抵好多啦！試咗佢哋嘅祥仔脆脆豬扒飯$128- 豬扒同飯分開上，豬扒外面炸得非常鬆脆，內裏肉質亦非常鬆軟，不過就稍為乾咗啲懷舊咖喱雞球焗飯 $98- 賣相好，一般港式咖喱味道，雞亦夠滑

真心太难吃了，大家乐的环境，粤菜餐厅的价格，味道却比大家乐难吃一万倍，点了酥皮海鲜汤，鲜玉米汁配饭，牛排，味道刷新我的认知了！真心太难吃了，大家乐的环境，粤菜餐厅的价格，味道却比大家乐难吃一万倍，点了酥皮海鲜汤，鲜玉米汁配饭，牛排，味道刷新我的认知了！真心太难吃了，服务也很差。真心太难吃了，大家乐的环境，粤菜餐厅的价格，味道却比大家乐难吃一万倍，点了酥皮海鲜汤，鲜玉米汁配饭，牛排，味道刷新我的认知了！真心太难吃了，大家乐的环境，粤菜餐厅的价格，味道却比大家乐难吃一万倍，点了酥皮海鲜汤，鲜玉米汁配饭，牛排，味道刷新我的认知了！真心太难吃了，服务也很差。