祥仔 (K11購物藝術館)

營業中

休息中

星期四的午餐祥仔脆脆豬扒飯$128+10%午餐送飲品一杯，要咗祥仔茶走星期一至五12:30前離座，或者2:00後入座有9折，我係兩點後入座嘅，職員亦有同我講我係有九折，點知2:30結賬嘅時候，職員收正價，沒有給九折，同職員講番，他才給回九折優惠。之前係永康街店食過2次，都有點這2款食物，K11店第一次光顧。今次的豬扒肉質一如既往的好，脆脆的炸皮及茶走，就差左好多。炸皮與肉有一半是分離的，中間位置炸皮不夠脆。祥仔茶走在落單時已要求少甜，職員話本身不甜的，嘗味後祥仔茶走是奶水味，一點茶味也沒有，完全唔掂，同職員講可否加茶，奶水味好難飲，職員換了一杯給我，茶味夠了，但非常鞋口，都係唔好飲，已經飲唔返以前係永康街店的靚茶走味道。

疫情關係，舊年WFH差不多有半年，多咗時間睇午間電視節目，成日見到Ricky師傅好用心咁煮好多好美味食物，但知佢一向係高級西廚，我D一介草民又點會去。點知最近有個飲食節目，就係去咗佢間餐廳，原來祥仔師傅轉咗style，做番本土少少，價錢多D人可接受高級快餐，所以決定去試節目中介紹應該係佢最得意菜式之一，脆脆豬扒飯同兩日兩夜羅宋湯。先睇menulunch menu專屬信用咭優惠menutea menu其實都係因為信用咭做推廣，所以一定係叫$148快餐點解叫快餐，因為落order後唔駛幾分鐘，個羅宋湯就到，真係快過快餐店，不過。。。叫得做兩日兩夜，咁不奇然幻想佢會係好杰好濃沃蕃茄湯底，點知潷一羹來試，超失望，稀lei lei，估計可能噚晚唔記得睇火太杰唔夠賣，溝咗水(利申純粹亂翕)，好淡。湯都未飲完，主菜就到，豬扒同飯分碟上，好處係唔怕浸淋塊豬扒，切開睇下先都幾淋身又好厚肉，但一切就皮肉分開，同張廣告相差咁遠，又少咗D蔥花响面，算啦，因為。。。最重要一樣，明明呢度寫住係“炒飯”，但點解我呢碟係白飯黎？個廣告嚴重誤導另一主菜Carbonara，見到得隻碟大，仲諗住份量咁少架，不過食落芝士白汁

看電視介紹得很是吸引。本來應該不太差，但所有食物都涼掉!上菜速度很快，幾分鐘就上了，應該是一早做好的。祥仔脆脆豬排飯 ~ $128因為涷了，一點都不脆，切下去時皮都掉了。栗米黑豚肉粒飯 ~ $108味道不錯，黑豚肉還算香，但也是涷的。日式汁燒鰻魚焗飯 ~$128焗飯也只是暖暖的，這是最奇怪哦！另加$40 要了2份祥仔秘製瑞士雞全翼。味道不錯，味道剛好，不太咸。十分抵食，但還是涷的。涷駌鴦~ ok的，只是沒什麼咖啡味。熱奶茶~本人最怕鞋口的茶，所以不是我那杯茶。涷檸蜜~ 小朋友說太甜了。

本身去K11係想食牧羊人少年嗰間西餐廳但係等得太耐，所以去咗附近嘅祥仔餐廳食。依家真係好值得講吓，好食嘅食物就真係超好食，唔好食嘅真係好難食。首先講下次牛油果沙律，佢嘅牛油果係好靚好新鮮，唔係$20，7個 好易魚黑。即係搭飛機飛返嚟嗰啲牛油果。同埋成碟沙律係用佢哋自家製嘅醬汁去做個酸酸甜甜開胃小菜，非常開胃同埋有驚喜。值得一試。個意粉都係好油彈牙，預料中之內嘅質素，好食嘅，不過冇特別驚喜嘅地方。喜歡食意粉嘅朋友可以試吓。然後個酥皮湯$6x好濃郁既龍蝦味 再加上熱辣辣脆脆既酥皮☺️兩種享受一次過feel口感上好正 ！個羅宋湯就mama地 冇咩蕃茄味 酸酸地叫左杯祥仔鴛鴦寫住新推出 好似好正咁點知杯野一黎到我真係o左咀用普通裝熱水既膠杯唔係陶瓷杯或不銹鋼杯個啊姐仲要話 呢杯你地既 Up唔出係咩野飲杯野完全係稀到係啡色既水 冇奶冇茶冇咖啡味唔知飲緊咩…同個menu 好大期望落差同個姐姐反映後隨即換左杯檸檬茶係正常既 服務態度不錯👍🏻冇諗過食物ok但野飲咁求其勝在服務正常

Ricky Cheung, 香港其中一位薄有名氣的西餐廚師，對意大利菜及法國菜都有相當認識；再加上近幾年頻頻亮相及主持不同電視台的飲食節目，可說是香港的名人廚師。近兩三年轉型唔再做西餐，竟然搞四川菜及半港式茶餐廳，典型 1960、70年代出世的那一輩香港仔性格，憑着自身經驗及信心，敢摶敢做。Ricky 用自己名字「祥仔」作為餐廳名，好似老土；但其實懷舊，而且親切，亦間接反映了Ricky的成長年代。六七十年代的家長唔流行幫小朋友改英文名，「X 仔」正是那些年的成年人對小朋友的典型稱謂。餐廳名老土懷舊，又係茶餐廳，但唔代表平民。選址K11 Art Mall，定位當然唔會係普通港式茶餐廳，而係高級版，睇裝修就已經知道係是什麼回事。半開放式設計，室內裝修一目了然；簡潔明亮，尤其係採用一個個小金屬三角錐體作為設計元素的特色牆身，明顯由室內設計師精心策劃。座位空間佈置也明顯較普通茶餐廳寛敞，用餐環境更舒適。非一般茶餐廳當然有非一般餐牌，分三級制；午餐、下午茶及晚餐，唔可以互通、亦唔可以叫另一個時段的餐牌菜式，就算午餐想食豪氣一點，揀晚市餐牌菜式也不可以。午市餐牌內的各款粉麵飯也不是一般茶餐廳貨色，

上次食lunch覺得尚算不錯，今日收工打算喺度快快脆食個晚餐。同先生叫咗一個牛柳，一個肉骨茶寬麵，兩樣都難食到有啲誇張。知道呢度係咩類型餐廳，冇期待牛扒會係靚嘢，諗住起碼都有大家樂大快活嘅質素，但呢度牛扒嘅質地，毑到啲肉霉哂嘅程度，淡嘅程度係連埋啲汁都食唔出味道。個肉骨茶，麵好似白水滾開就咁掉落湯咁，兩樣嘢味道完全分離，啲肉鞋到咬唔爛。成餐都唔知食緊咩，我情願你落味精俾我呀大佬。性價比完全錯哂。真係好差，一定冇下次。

第二次食祥仔啦‼️今次餐廳同灣仔碼頭聯乘推出左勁多款新菜式😋呢個menu去到7月底喳，想試就快啲去啦！脆香鮮蝦雲吞伴薯蛋沙律（$78）雲呑炸到勁香脆，擺耐左都依然保持香脆口感😚裏面蝦肉相當彈牙😋底部有薯蛋沙律❤️仲加入左蕃茄粒，令沙律更加清新😋泡菜豚肉煎餃部隊鍋（$88）講明部隊鍋，除左泡菜，當然唔少得廚師腸、午餐肉同麵😍呢個鍋嘅主角就係豚肉餃😋豚肉餃裏面仲包左韮菜，配合埋醬汁食都唔錯！而呢個部隊鍋係用米線做麵底，更有另一番風味～紙包焗黑松露鮮蝦迷你餃（$88）一咬落去啲黑松露香立即充滿小編口腔🤤呢款加入蕃茄調味，茄香超濃郁，每條米線都掛到汁🥳

第一次來到祥仔吃午飯。 之前經過總是見到很多人排隊， 後來知道是名廚Ricky開設的。 心想應該不錯 ，一定要來試我點了鮮粟米. 真. 星斑飯 $138 ，飲熱檸蜜 星斑肉質不錯， 沒有雪藏味， 我還食得出有些少魚的鮮味。 平時不吃魚皮的我，今次也把魚皮吃光光。而味道偏向清淡，粟米清甜， 但份量偏小， 像我這樣大食的人，一定唔會覺得飽。 熱檸蜜不錯。朋友點了經典芝士煙肉溫泉蛋伴長通粉 $128朋友說了一句好味！我們二人也跟餐加了兩日兩夜羅宋湯 $18 好飲！ 湯裏頭的蔬菜煲得好淋， 飲完 仲覺得不夠喉呢！我跟餐仲加了一個甜品，蘋果批 $18這個我覺得較為失色， 蘋果批的酥皮 雪了不知多久， 感覺冰凍， 而最上層 的兩粒士多啤梨也不太新鮮， 又酸。整頓飯我們一致覺得好味的， 但價錢略貴，分量又少， 我吃完甜品先覺得有些飽的感覺。 而且晚上亦比平時早覺得肚餓了！

晚餐$138 係勁大塊豬扒，抵食過下午茶好多，我中意佢蕃茄汁夠晒懷舊味但唔咸，蕃茄仔都有幾粒，正！飯佢夠晒軟我中意，口味嘅野人人不同！ 唯一唔好就係湯都未飲完就上台…冷氣會吹凍晒龍皇湯唔錯，唔咸、有少許冬陰公味！蝦、魚、魷魚各有兩舊，湯超熱！新做會員$200減一百！抵到無朋友將來想食炸豬扒時或者我會諗起佢

之前同朋友食過祥仔，朋友幾鐘意佢地的西餐經典菜式🔖咁岩而家即日起至7月31 【祥仔 】會同灣仔碼頭聯乘推出一系列期間限定菜式🥟👨🏻‍🍳，就約埋朋友Happy Friday 收工後一齊去試====—====—====—====—🥟脆香鮮蝦雲吞皇伴薯蛋沙律 （$78）擺碟非常精美，成碟藝術品咁🎨鮮蝦雲吞皇炸到脆卜卜，餡鮮美味，伴上的沙律加入蕃茄🍅、薯仔🥔及雞蛋🥚一齊撈成🥗🍄紙包焗黑松露鮮蝦迷你餃（ $88 ）黑松露鮮蝦迷你餃香噴噴，滿滿松露香味，以蕃茄醬煮成再加入麵底😋🥘泡菜豚肉煎餃部隊鍋（ $88 ）這個部隊鍋雖然沒有爐滾住吃，但味道仍不錯的，大大隻的豚肉煎餃、香腸、餐肉，配上泡菜及蕃茄醬，米線伴底盡吸精華，非常入味😝和朋友一人點了杯飲品，黑牛也不是很多地方可以喝到。☕️祥仔駌鴦（$30/熱）🥤🍦黑牛（可樂+雪糕）（$48）====—====—====—====—

繼之前嘅出前一丁期間限定菜式後，祥仔又有新搞作，今次係聯乘家喻戶曉嘅灣仔碼頭，合力推出三款期間限定嘅餃子美食，將急凍餃子華麗轉身，變成充滿創意嘅菜式👍🏻對於從小只識水煮餃子或雲吞嘅我🙈梗係去八吓有乜新食法之餘，順便都去偷下師，睇下有無可能自行係屋企用灣仔碼頭餃子研發到新菜式嘛😆🥟脆香鮮蝦雲吞皇伴薯蛋沙律（$78）以鮮蝦雲吞皇、車厘茄、薯仔及雞蛋製成嘅健康沙律，係幾啱女士嘅🥰薯蛋沙律口感非常豐富，皮薄嘅鮮蝦雲吞皇炸到金黃色又脆卜卜，估唔到將咁簡單嘅食材拼湊一齊後，菜式變得既清新又創新，味道仲酸酸甜甜好開胃😋🥟泡菜豚肉煎餃部隊鍋（$88）呢款帶有韓式風味嘅Fusion菜係以灣仔碼頭煎餃配芝士、腸仔及午餐肉等材料製成！芝士有少少拉絲，而午餐肉及腸仔都有細心煎過，但唔會煎到好乾👍🏻另大廚以部隊鍋煮法取替一般嘅香煎方式炮製灣仔碼頭煎餃，令餃子係呢款菜式中成為一個重要角色，可見主廚嘅心思❤️🥟紙包焗黑松露鮮蝦迷你餃（$88）菜式味道及賣相與招牌菜海龍皇湯相似😮店員細心將包住黑松露鮮蝦迷你餃嘅膠袋剪開後，即時香氣四溢，黑松露加埋鮮茄嘅香氣令人流口水🤤水餃幾有鮮蝦味，細細粒好啱一啖一粒，濃郁嘅鮮茄醬伴以

最近祥仔同灣仔碼頭合作整左d期間限定菜式，作為餃子控梗係要去試吓😆————————❦ 泡菜豚肉煎餃部隊鍋 $88部隊鍋加餃子毫無遺和感！餃子一咬落去好香韭菜味，點埋部隊鍋嘅泡菜汁好開胃！底部仲有米線，索哂d汁好入味～評分：🌕🌕🌕🌗🌑-❦ 脆香鮮蝦雲吞皇伴薯蛋沙律 $78將雲吞炸左之後更加香，內餡嘅蝦又大又爽口！薯蛋沙律都整得好好味，中間會有薯仔嘅顆粒增加口感，番茄都令道菜更加開胃。評分：🌕🌕🌕🌖🌑-❦ 紙包焗黑松露鮮蝦迷你餃 $88呢道菜好似平時shake shake海鮮袋咁，一開始係個膠袋入面🤣 餃子本身已經係黑松露味，餐廳再喺上面加咗黑松露醬，好濃郁黑松露味！評分：🌕🌕🌕🌘🌑

灣仔碼頭前陣子推出了不少新口味的水餃，特別是辣味的最為吸引，椒香鮮辣和辣子雞餃都吃過，不過在家裡吃都只是用水煮，吃餃子原本的味道。不過前陣子得知祥仔Crossover灣仔碼頭，推出一系列星級菜式，就在Happy Friday找朋友一起來吃晚餐。脆香鮮蝦雲吞皇伴薯蛋沙律。炸過的鮮蝦雲吞很香脆，加上冰涼的薯仔雞蛋沙律，挺好吃的，之後自己在家跟著做應該也不難呢！泡菜豚肉煎餃部隊鍋。其實煎餃也不一定要煎，大廚將煎餃水煮，然後放在部隊鍋上，加上腸仔，厚切午餐肉和芝士，瞬間變成韓式風味餃子鍋。紙包焗黑松露鮮蝦迷你餃。紙包的做法在煮的過程鎖住了黑松露餃散發的香氣，再加上濃郁的蕃茄味，味道更豐富。這個期間限定Menu只做到7月底，如果有興趣試的話就記得要快咯～

可能舖租真的很貴, 他要好好利用每一寸方位; 座位好窄, 好密, 傢俬好重, 推唔開, 要側身坐下再轉正身, 面向枱, 可能我太肥吧!我和朋友倆叫了兩個套餐:黑豚肉粒飯 - 鮮粟米汁套餐咪就係粟米肉粒飯囉~~~ 粟米都唔多粒.... 真如其他評語一樣,  canned food脆脆豬扒飯套餐豬扒太厚, 你怕炸得耐會 "鞋", 於是做出一個 "紅肉" 豬扒; 如果豬扒係新鮮的, 我唔介意食生少少, 但係佢係無味的.  唔出咁大件豬扒, 怕應該不能收這價錢.  雖然百多元的一個套餐在尖沙咀真的不算甚麼. 不要嘩眾取寵了, 做好出品先啦!飯太多水, 太淋; 還要加上大量汁醬, 就變成爛飯了... BB 都快要食到.  可能係想做舊日茶記或學校門口的外賣餐車飯盒的感覺, 但係我覺得餐車的比這還要有心及好味.  肉是沒味的, 唯有靠汁多多; 但汁也沒有特別, 就是一 pat 醬.  好難相信這個人出自酒店 fine dining, 但他也確實是.兩日兩夜羅宋湯係唔係都溝咗兩桶水....即磨咖啡 只有苦味沒有香味, 好才沒有燶.如果單看食物本身, 完全 overprice.  也可能看見是這樣出身

1️⃣ 脆香鮮蝦雲吞王配薯蛋沙律 $78Polaf一心以為係薯蛋沙律就應該唔會好大份😗但千祈唔好睇少佢😳都會食得飽😮‍💨鮮蝦雲吞炸得好脆，唔會因為佢係沙律擺到凍咗😛蛋沙律嘅份量都幾多，薯仔煮得啱啱好，唔會好林👍🏻2️⃣ 紙包焗黑松露鮮蝦迷你餃 $88一剪開就聞到好香嘅黑松露味🤩雖然係紙包餃子，但餃子煮得夠晒熟😙迷你餃一口就食咗😗意粉用咗蕃茄汁煮，仲有少許香草🌿食食下就發現咗原來有啲炸魚塊😍3️⃣ 泡菜豚肉煎餃部隊鍋 $88呢個部隊鍋集合咗中韓特色😗午餐肉同埋香腸都有煎過，食落又有另一個口感😛用泡菜煮所以會有少少辣🙈而餃子定係豚肉韭菜餃🤩呢個意粉嘅份量比起紙包迷你餃多，當一份餐食都得😙