祥仔 (K11購物藝術館)

營業中

休息中

上次食lunch覺得尚算不錯，今日收工打算喺度快快脆食個晚餐。同先生叫咗一個牛柳，一個肉骨茶寬麵，兩樣都難食到有啲誇張。知道呢度係咩類型餐廳，冇期待牛扒會係靚嘢，諗住起碼都有大家樂大快活嘅質素，但呢度牛扒嘅質地，毑到啲肉霉哂嘅程度，淡嘅程度係連埋啲汁都食唔出味道。個肉骨茶，麵好似白水滾開就咁掉落湯咁，兩樣嘢味道完全分離，啲肉鞋到咬唔爛。成餐都唔知食緊咩，我情願你落味精俾我呀大佬。性價比完全錯哂。真係好差，一定冇下次。