黃大仙北館最近開左間上海婆婆，超多人幫襯呀！ 果日兩個人叫左7樣嘢食，超飽抵食！ 1️⃣🉐蟹粉小籠包 $88 誠意推介 好簿皮，一咬開就穿左水，漏晒d 蟹湯！好好食 2️⃣蘿蔔絲餡餅（2件）$38 普通，好多蘿蔔絲，厚左少少粉，唔算特別脆皮 3️⃣松子大黃魚 $188 好耐無食，黃魚炸得好香好脆，撈埋酸甜醬食，無得輸！童仔最愛食松子魚，要整得好食好難！出面食一條都二百幾，上海婆婆係抵！ 4️⃣🉐琥珀合桃芥末蝦球 $148 超好食，個蝦球好好食，配埋個芥末醬！ 仲有琥珀合桃，併埋蝦球一齊食😋 5️⃣蟹粉炒粉皮$118 個名好吸引，之後忍唔住叫了！個粉皮配埋蟹粉汁超級好味！超大碗，兩個人都唔晒！最近餐廳做緊蟹粉系列食品！ 6️⃣黃金四季豆 $78 幾乎每條四季豆都有黃金汁，唔會太鹹，四季豆都好新鮮，好甜😋 7️⃣雪糕高力豆沙 $78（4件）（曲奇） 最後，叫多個高力豆沙，仲要加埋雪糕，個高力豆沙熱中間有雪糕，外熱內凍！正！👍🏻 上海婆婆食物質素好，菜式幾多選擇，價錢唔太貴，份量適中，餐廳坐得舒服☺️ ，黃大仙中心必食之選！

果晚經開尖沙咀，想食少少嘢同飲下酒，吹下水！之後經過中間道，就入左 H Zentre 間 #Room3 叫左個Dinner For 2$828 1️⃣開胃小食，有日式漬物，芥末八爪魚，海鹽技豆（2份） 八爪魚🐙有驚喜，好開胃，支豆最岩，一邊食一邊吹水！ 2️⃣燒烏拼盤，大蔥雞腿肉，雞軟骨，雞頸肉，雞皮餃子 各一串，份量有點少，要share 食，但雞皮餃子外脆內軟，好juicy。雞肉串都幾好食，啖啖肉！燒物唔差，餐廳主打！ 3️⃣虎蝦燒 一隻，唔算大，但蝦燒得好香，新鮮，送酒一流！個蝦頭仲有蝦膏！ 4️⃣燒蠔 一隻 燒得幾香，上面放晒香蒜蓉！兩個人每人食少少 5️⃣🉐美國牛小排 一大塊，有成10多件，岩岩好5成熟，份量足夠兩人食！好出色！如果可以我會encore 牛小排！ 6️⃣鰻魚丼 及 蟹肉冷拌烏冬 鰻魚丼，鰻魚得一塊，丼飯得一小碗！另外蟹肉烏冬，蟹肉都幾多，不過唔夠汁！ 7️⃣水信玄餅（2份） 好靚，玄餅配上黑糖汁上，唔太甜！ 8️⃣Tropical Fluff一杯 有orange juice，pineapple juice，ginger，juzu lemonade 飲品有質素，調得岩岩好，岩晒鍾意無酒精飲品 9️⃣Ujikintoki 一杯 有whisky, green tea, red bean, Malibu 幾特別，從未飲過！我覺得遍濃，但配落綠茶加紅豆汁，又幾好飲wor 整體來講，食物份量唔多，但食物質素幾高，燒物可以encore，酒都唔差！ 餐廳環境幾靚，舒服，好適合同伴侶/朋友談心！

今日童仔同童女去食好嘢！ 去左依間 #炑 食天婦羅+壽喜燒 omakase 好特別，平時omakase 通常都係食壽司刺身！即管試試！ 超過10道菜，唔算好貴，$1188/位 有時都要豪一次！😁 1️⃣ 開胃菜式三道，水雲，茗何法國鵝肝，話梅茄仔 鵝肝好香好正，水雲配少少酸汁，茄仔除左皮，滲入晒酸梅汁。食完依三樣樣勁開胃🤤 2️⃣螢光魷魚柚子茶碗蒸 有兩隻魷魚🦑，個蛋有魷魚味，超滑，好食 3️⃣兵庫縣炸蠔，柚子鹽 天婦羅炸蠔，見住師傅即刻炸！本身無咩味道，但落少少鹽調味，將蠔味道升華！ 4️⃣🉐北海道鯛魚白子 白子食親都係配柚子酸汁，第一次食係用天婦羅方式！好特別，真正外脆內軟！ 5️⃣🉐天婦羅北海道帶子 帶子都超好味，你見天婦羅粉好簿，脆皮，𥚃面帶子仲未全熟！一點也不韌 6️⃣金時紅薯紫薯甘薯天婦羅 師傅話用三薯搓埋，再炸，個賣相已經姐靚，個蕃薯🍠超甜！ 終於到壽喜燒，依款係關東做法，做法似打邊爐，放晒湯，再灼一灼 7️⃣🉐有三款牛各一大塊 ♨️北海道 A4和牛，雪花和牛，見到都估到一定係最好食！灼左4秒，半熟，仲有點粉紅色，一食，牛汁牛脂出晒黎，勁好食，我嫌一塊唔夠！ ♨️美國 肉眼 一大塊，油脂分布都好靚！但相比輸左了給A4，質感較韌 ♨️西班牙 豚肉，師傅話這款他們嚴選，好nutty 味，我第一次食豚肉咁有nut 味，好有驚喜！ 8️⃣壽喜燒湯底 牛骨熬製 灼完牛，之後煮埋蔬菜！ 有炸豆腐，洋蔥，冬菇，紅蘿蔔，土洋蔥，娃娃菜，葛絲，好正，蔬菜都滲入壽喜燒汁，特別好味係葛絲，有點似粉絲，煙煙韌韌！第二好食就係娃娃菜！ 9️⃣大蜆肉清湯 最後上左碗蜆肉湯，好大隻蜆！ 🔟檸檬木糠奶凍 甜品有木糠奶凍，依個味道好少食！食完都不會太膩，清一清口腔！ 誠意推介大家，可以一試天婦羅+壽喜燒Omakase！環境都好舒服，全程睇住師傅炮製十道菜！

一放工就想搵野食，行下行下記得之前有朋友介紹去食依間日本野，幾抵，性價比非常高！就去試試 #鳥居居酒屋 叫左一個高級二人前 $1488 （折左85折）十道菜 ，當提前慶祝情人節😂 1️⃣鮮菜沙律 有沙葛，紅蘿蔔，青瓜，西芹，青菜 超級爽，配埋麵豉醬一齊食，開胃前菜 2️⃣蟹肉芝麻凍菠菜 + 象拔蚌紫菜湯 成碗蟹肉，底下有芝麻醬，配菠菜一齊食，好味，蟹肉新鮮，一絲絲！ 個湯好甜，用象拔蚌煮係唔同d! 鮮甜，個蚌都好爽 3️⃣🉐鱈魚乾 超有驚喜，鱈魚乾好脆，點埋明太子mayo醬，又幾夾！魚乾最岩送酒！可惜無叫酒！ 4️⃣🉐龍蝦 燒物4揀1，一定揀龍蝦啦，成隻龍蝦，幾大隻，燒得剛剛好，上面塗上味噌醬！龍蝦🦞新鮮，彈牙！比起普通蒸更好味同香！ 5️⃣海膽冷烏冬 海膽有4大塊，好新鮮，好甜！齋食海膽都正！再配埋烏冬，超得！最特別係撈埋鵪鶉蛋，令烏冬更加滑！🍜這種食法第一次食！ 6️⃣串燒 豆腐，個皮炸左，好香口，再加埋特製醬油同木魚碎，送酒一流！ 雞肉丸串，有驚喜，燒得唔太乾，好有肉汁，加埋生雞蛋🥚！ 露筍豬卷，有成6細條！燒得剛剛好，露筍仍然好juicy，豬肉嘅肉汁入晒露筍！完全不用點醬汁！ 7️⃣酒煮活聖子 有兩大條，成隻手掌✋🏻咁長，平時出面買都唔平。自己整又要洗，又要睇火驚煮過頭！ 師傅煮得剛剛好，唔太生，唔太靭！ 8️⃣味噌帆立 兩隻，都幾大隻，燒得好香，應該用牛油🧈燒！帶子入晒牛油味！ 9️⃣朱古力🍫窩夫 其實已經好飽，最後甜品實在太吸引，幾飽都要食！因為堅好味！窩夫夾住好濃嘅朱古力雪糕！點可以唔食晒佢呀 環境好有居酒屋feel，感覺似喺日本🇯🇵食緊嘢咁！餐廳裝修都有花心思！果日唔算太多人，一入就有位，侍應都好好招呼👍🏻 餐廳喺銅鑼灣SOGO 旁邊，方便易搵！

朋話好想食之前London 果間steak，我話食住依間止癮先 #lamoomoo ，依間d扒好高質，性價比又高！大家一定要試試！ 叫左兩個dinner sets $398 1️⃣蕃茄餐湯 + 特製百里香蒜蓉牛油餐包 飲得出係自己打，好新鮮！配埋個包無得輸，個好正呀，未食過咁好味嘅餐包！好香蒜蓉味！外脆內軟😋 2️⃣凱撒沙拉 Salad 菜好爽口，新鮮！佢醋汁都調得好好味！食主菜前食一食個沙律先，清一清！ 3️⃣Prime Angus Flat Iron Steak 🉐 扒一黎好黑，長方形，外貌麻麻，一食好琳，肉汁豐富，唔靭！仲要配咗三款醬，有黑椒、洋蔥同阿根廷青醬，三款都好特別！另外個薯條🍟都好得，鍾意食依隻質感薯條！ 4️⃣Texas BBQ Baby Back Pork Ribs 好大份，一個人應該食唔晒，有成9條骨，但個人覺得唔夠入味，好dry! 反而個薯蓉攞番d分，好重忌廉味，個side dish 仲好味過個ribs! 5️⃣Coffee 同熱檸茶 個齋啡幾香，最好嘅結尾 介紹大家遲d情人節可以去試試！環境好有情調，有個live band 位，但咁岩果日無live band，可惜！

Odelice 依間想食好耐，終於經開 #theone 可以一試個法國🇫🇷菜brunch，一上到餐廳，已經被餐廳外觀吸引住！ 叫左 1️⃣ 🉐龍蝦🦞意粉 Extravaganza $265 好似有點貴，但有2個courses，龍蝦好大隻，新鮮啖啖肉，除了龍蝦仲有蜆肉同蝦肉，個意粉就係茄汁底，唔太鹹剛剛好，果然係主打菜，意粉軟硬適中，份量又大份，兩人份量都唔止！ 2️⃣黑松露牛肉雜菌無麩質蕎麥薄餅 $145 必食，喺香港🇭🇰好少有鹹crepes 食，超大塊，料睇相都見到好多好豐富，好香黑松露味，配牛肉又幾有驚喜wor! 3️⃣追加 蒜香蘑菇忌廉汁煮蜆 $85 蜆肉好新鮮，隻隻都好大隻 連埋汁一齊食超正！一大盤，抵食 4️⃣甘荀南瓜湯 好濃味，如果有包跟仲正！ 5️⃣凍檸檬🍋茶 茶味好特別，好香 6️⃣杏仁榛子焦糖布甸 $75 榛子味好香，原來夾落杏仁咁好味，未試過食依款焦糖布甸，又有驚喜wor! 整體來說，百幾二百蚊一個brunch，有湯或茶跟幾抵，環境舒服，食完仲可以落the one 行影mirror baby，食物質素都好高，d Staff 好好人☺️，餐廳出面有個打卡露台位超靚！但近排餐廳唔俾人出去影相，可惜！

對上一次食 @蝦蝦燒🦐 已經係一年前事，今次去左另一佐敦店再食過，$348/位 任食兩個半鐘，有勁多野食！仲可加大閘蟹，$25/隻，我見有好多人都叫左幾隻，而我就無叫，主攻蝦🦐算 1️⃣🉐大頭蝦 生猛，喺玻璃池𥚃夾，一夾已經係咁跳，最好夾個身，立即放落冰壺度，凍到佢暈，之後剪鬚，放上爐整7至10分鐘！食得！ 我估我食左十幾隻！抵晒👍🏻 2️⃣海鮮 包括魚🐟，沙白，生蠔，螺，魷魚，蜆，扇貝，鮑魚… 每人送左一大條鱔🉐，超肥美，值頭想encore，海鮮新鮮，每樣都有試，個人最鍾意泥鯭，同扇貝！燒一燒就已經食，快靚正！ 3️⃣肉類 有羊扒，雞肉串，和牛，雞翼，豬髀肉，🉐豬大腸，叉燒，雞軟骨… 勁多肉，岩晒食肉獸，我覺得燒豬大腸，出面食勁貴！雞翼亦唔差，醃得好好味。 4️⃣丸類及其他 有芝士丸，海膽丸，台腸，🉐魚肉春卷，漢堡扒，鴨胸，鵪鶉蛋，獅子狗，豆卜，玉子燒… 魚肉春卷平時多濕食， 未試過燒黎食，有驚喜wor 5️⃣蔬菜 有青椒，茄子，紫薯，翠玉瓜，南瓜，粟米，冬菇 唔會齋食肉咁悶 6️⃣熟食 有爽滑魚皮，咖喱魚蛋，炸餃子，東風螺，西蘭花，烏冬，豬紅 爽滑魚皮有驚喜，超爽脆，味道亦不錯！出面係勁貴lor 7️⃣飲品 有Qoo，鴻福堂，Heineken，啤酒🍻仼飲，真露，可樂，茶，等 勁多選擇可揀，飲幾支真露已抵左！ 8️⃣雪糕 好多款可以揀！我唔太識雪糕牌子 ⚠️期間限定，有大閘蟹，只須加25蚊有一隻，見人幾隻幾隻咁食！都抵，起碼唔洗喺屋企自己整！ 環境地方好大，每個位旁都有蝦池方便一夾一燒！又可以玩又可以食，岩晒一家大細！

前幾日係Halloween，約左童女食週年飯，今次揀左 依間 #Nata ，之前都知依家餐廳好好食，好多童友都介紹我去，終於有機會一試！ 點左 1️⃣西班牙鬆脆包配香蒜希臘芝士醬 $48.0 好有驚喜！好包外脆內軟，超正，點少少芝士醬，令個包更昇華！ 2️⃣南瓜湯 $58 泡沫南瓜湯，之前喺其他餐廳都有飲過，但今次南瓜味唔算太濃，泡沫同湯一齊飲，好似飲緊cappuccino 咁 3️⃣🉐美國1855 安格斯肉眼 $268 👍🏻 五成熟 餐廳主打菜，肉眼扒上菜仲會warm 住，肉眼中間仍然係生，生熟可以自己決定，如果想食熟點，可以喺碟上熱耐d 肉好juicy，一點也不靭，高質，出面都搵唔到咁好食嘅肉眼！ 3️⃣蒜香蟹肉意粉 $148 估唔到都好得，一上碟意粉出晒煙，睇得出剛煮好，放左一陣，意粉仍夠熱！ 蟹肉超多，加埋香蒜，意粉唔太林，麵質係我最鍾意的質感！😋 4️⃣🉐薯條加黑松露 $78 小食一定揀依款，薯條勁好食，炸得好出色，配埋黑松露醬，簡直食唔停，知道再食好熱氣，但都要繼續食！😋 5️⃣黑芝麻忌簾配豆腐意大利芝士忌廉梳乎厘班戟 $136 甜點，個個都點梳乎厘，有幾款味道，我猶豫左一陣，最後揀黑芝麻配豆腐！有驚喜wor 黑芝麻加豆腐好正！唔太甜👍🏻 咁岩係Halloween ，有少少甜品裝飾，打卡最岩👍🏻 6️⃣Honeycomb Latte $52 揀左依杯，iced latte 上面放了脆的蜜糖，可選擇飲一淡再食少脆糖，或將脆蜜糖浸落latte 飲，味道有點似caramel latte 7️⃣全脂奶 熱朱古力$42 熱朱古力都好吸引，用全脂奶打熱！仲有好靚嘅拉花！ 餐廳有Halloween 裝飾，好有節日氣氛，見到有staff 著左Halloween costume

最近同童女慶祝🪅週年，梗係要揀一間好嘢食啦 #鮨文，最近喺尖嘴開咗新鋪，立即book 左！價錢有點貴，但超值😋，$1980/位，有20道，超抵呀，每道菜都好高質！我一定會介紹俾身邊好友食！ 1️⃣白子配水雲 要搵到好食白子好難，仲整得好食更難！師傅整得超好味，配少少柚子汁 2️⃣牛蒡，長芋，毛蘿蔔 醃製得非常入味，長芋有少少wasabi 味，爽口 3️⃣剝皮魚包住芽從，落左烏魚子粒同用魚肝醬調味 烏魚子粒有少少鹹味同魚肝醬令到淡淡的剝皮魚更好味！ 4️⃣黑魚子放上毛蟹，有金時菜同腐竹墊底 毛蟹肉好多，落少少黑魚子調一調味，鹹鹹地，最底有菜同腐竹令口感更複雜！欣賞師傅的功力！ 5️⃣煙燻鰆魚配蘿蔔蓉 鰆魚入晒煙燻味，如果感得有點鹹可配少少蘿蔔蓉令魚味更出呀！好少食魚會用煙燻，令我覺得煙燻刺身魚，原來咁好味！ 6️⃣秋刀魚刺身 原來秋刀魚做刺身咁正，平時食開都係煎秋刀魚！師傅話最近秋刀魚合時，好好食，梗係要做刺身啦！ 7️⃣煙燻鰹魚花放上北海道生蠔，再用酸汁啫喱，大根，日本丸茄子 生蠔🦪超肥，又夠凍，好creamy，唔洗用檸檬汁，用酸汁啫喱已令蠔味道更出，師傅對於配菜也十分講究！ 8️⃣慢煮安康魚魚肝配窩巴🉐 原來這款配搭十分好味，安康魚肝整到8成熟左右，入面仲好軟，就咁食會好膩，但配個脆脆的窩巴，簡直係絕配，好好味！好想再食👍🏻師傅話這道菜喺自創，唔會教人整，所以一定要黎依度食！ 必食 未食壽司🍣前先清一清喉嚨，甘草蕃茄浸住白酒啫喱，蕃茄新鮮，用少少白酒，另一味道，連個轉場都做得咁好！ 壽司 9️⃣醬泥烏賊 烏賊🦑好新鮮，滑滑的 🔟石鯛 鯛魚，食得出魚的鮮味 1️⃣1️⃣甜蝦 新鮮蝦，蝦肉鮮甜，用手攞，隻手會染紅色 1️⃣2️⃣喜之次 通常用作燒魚，但用作刺身又幾好味wor，肉質較硬身，有質感 1️⃣3️⃣Scampi 藍色小蝦🦐 超大隻蝦，三隻手指都攞唔起隻蝦，好新鮮，肥美 1️⃣4️⃣本象拔蚌 細細隻象拔蚌，未整前師傅攞出新鮮蚌肉俾我地影相打卡，本象拔蚌細小，但肉質更爽，彈牙！ 1️⃣5️⃣野生中拖羅 🉐由石司供應商 原來由這間供應商出的拖羅係相當有保證，會揀最好味，最時令的拖羅 1️⃣6️⃣大拖羅 入口即溶，大拖難免有根，但都唔會令拖羅難吃，都好關師傅刀工！ 1️⃣7️⃣熟蝦 熟蝦，要整得好食好難，蝦🦐一定要游水，先會爽口彈牙，否則蝦肉好霉 1️⃣8️⃣海膽 羽立 04 🉐 一定要分享俾大家，羽立供應商會將海膽分number，01最高級，一般都好難攞到，但今次我哋竟然攞到04版，好高質！海膽特別鮮甜，唔會有臭味，每一片都好好味，好鮮甜！師傅亦放多左幾件俾我地！原來海膽加魚子醬係咁夾！魚子有少少鹹味吊出海膽的鮮味！ 1️⃣9️⃣三文魚子軍艦 三文魚子師傅自家製，魚子特別脆皮，好特別！值得一試 甜品前，先黎一碗青葱湯 用葱的名牌 河豚品牌，每條葱都好幼，鮮綠色，好香葱味 2️⃣0️⃣貓眼 巨峰加黑提mix cream 巨峰好香甜，好似雪芭，好香好甜 最後的甜品劃上完美句號 $1980/位 環境好舒服 ，一路食一路同師傅傾下omakase 食材心得，師傅好好傾，又好靚仔☺️ 我知依家已勁多人book 左位，要食快d 預約，真心抵食👍🏻

好少去香港大學附近玩同食野，最近有 friend 介紹話 南里 開左好多間餐廳！ 今次一大家4口去左依間 #鬼混 外面睇餐廳好modern, 入面好有特色，有少少恐怖feel, 同復古風格！沿住樓梯上，兩邊有好多畫同鏡，藝術品！可慢慢欣賞 叫左 1️⃣桂花糯米釀烤野雞 $258 隻雞好大隻，四個人都食唔晒，雞肉充滿桂花同酒味，好嫩滑，𥚃面糯米有點失色，但整體都好好食！ 2️⃣龍蝦🦞沾麵 $218 份量有點少，但個麵質好得，個汁亦好好味😋龍蝦彈牙，好味👍🏻。由日式沾麵crossover 西式意粉 3️⃣封門牛柳全日早餐 $198 有驚喜wor, 竹碳方包，德國🇩🇪腸，薯餅，炒蛋，大啡菇，封門牛柳，沙律！ 幾多款式，個腸好得，好juicy,封門牛都有8塊，好嫩，中間仲染紅，熟度剛剛好！ 4️⃣洋蔥忌薕 貝果含麻糬 $68 貝果好特別，鹹味，個洋蔥忌薕味好濃，I like this，中間仲有麻糬，煙煙韌韌！ 5️⃣迷幻蘑菇 $98 🉐 好靚，仲要係煙燻，原來係raspberry 慕絲 同白桃慕絲，味快去道清新，好有驚喜，唔太甜，打卡又一流！ 6️⃣抹茶巴斯克芝士蛋糕 $42 一入門口已經見到抹茶巴欺克，好似好好味！一試果然係正！好重抹茶味！送咖啡一流 7️⃣Mango Matcha Latte $52 有點怪，mango 加matcha，但都幾夾wor 值得一試 8️⃣Tiramisu $58 🉐 好難忘，將tiramisu 變成一杯飲品，上面好creamy ，飲到底就有coffee 9️⃣Mocha $48 有點普通，個拉花好靚，諗唔到飲咩可以試試！