祥仔 (K11購物藝術館)

營業中

休息中

由電視上再由浸大canteen做到甚具名氣嘅大廚Ricky，近年一口氣開左好多間以自己命名嘅餐廳，之前已經試過下午茶，今次要認真試埋個華麗版粟米肉粒飯。原來鮮粟米系列有真正嘅斑塊、黑毛豬粒、滑雞球可以揀選，咁就改為試下鮮粟米汁雞球飯，睇下同肉粒嘅感覺有咩唔同先餐湯先上，祥仔嘅招牌湯係要加3蚊嘅「兩日兩夜羅宋湯」，有一小塊香草牛油，混和左羅宋湯唔算特別起到好大作用，本身湯都濃郁，偏西式，並非港式酸酸辣辣路線。主角鮮粟米汁雞球飯終於上枱，熱辣辣香氣十足，最鍾意食粟米汁嘅我最注重個甜度，因為好多餐廳嘅粟米都係偏稀甚至無味，一係就變左白汁，完全貨不對板。食落係好鮮甜嘅粟米香，送飯一流，粟米粒都係爽甜，雞球已經淪為配角，但都份量十足，肉質滑溜，好快就消滅晒全碟，平時要少飯嘅習慣都忘記了。😆

今天去了ricky大廚的祥仔餐廳.之前其實只係食過普通下午茶,冇認真去試過佢啲嘢食.今日就認真咁去試咗幾樣嘢.第一個係沙丹豬扒鐵板上,熱辣辣！第一感覺就係啲豬扒好有誠意, 非常厚! 一塊豬扒上面仲有火腿同午餐肉仲加一隻煎得好靚嘅太陽蛋,旁邊有六條薯角同埋一啲配菜, 味道上... 因為可能見豬扒幾厚... 所以真係要靠佢啲汁.. 你唔食汁嘅話塊豬扒個味都幾淡.好耐冇食沙丹豬扒但呢一份豬扒味道上冇給我好大驚喜...反而係最搞笑的侍應沒有告訴我們這個是一個餐來的,是有附送意大利菜湯! 還好我哋淨係叫了一個海鮮湯,不然就會好似隔離枱咁要cancel自己叫嗰個湯! 呢個送嘅意大利菜湯啲用料好足嘅!但對一向都唔係好鍾意飲意大利菜湯的我來說就覺得比較酸!还是喜歡羅宋湯....反而我們自己掏腰包點的海鮮湯是整晚最滿意的一個菜式!因為味道真的非常香濃又有海鮮的甜味!感覺非常之好!如果能配一塊小小的蒜蓉包或法包,我可能仲覺得更加開心!點了一個祥仔拼盤! 他的蝦多士味道是可以的,但是我還是覺得蝦多士的蝦還是要緊貼在多士上面會比較好, 三文魚tart只有一個, 酥皮是脆的只是略嫌中間的沙律醬有點太多, 瑞士雞

剛好下午茶時間但個set 其實同茶餐廳個常餐差唔多不過可能响k11 入面，價錢上調係高級版茶記$60 一個常餐又點睇？Any肥，個主菜對我嚟講係個炒蛋，超滑溜份量係少左d不過ok瑞士雞翼冇乜特別算入味咁啫至於如果係配雞扒呢D肉都幾嫩So called 兩日一夜既羅宋湯通心粉應該係講濃郁嘅湯底的確，係啖啖番茄湯出晒嚟，有別於平時茶餐廳果款淡口 牛油多士都幾好味敗响擺位… 响炒蛋隔離，咪濕晒囉個包🥺忘記左點茶走最後都係叫咖啡麻麻地 冇飲晒

一直對肉食為主嘅祥仔餐廳都是過門不入，因為個人開餐喜歡go green🌱（希望盡力支持環保減碳）而他又不是朋友相聚閒聊的合適地方但最近身體免疫力愈來愈差，做了血液測試，好多常吃的食物也顯示是敏感來源，當中用大豆菇菌類做成的植物肉和有酵母成份的素芝士，都是致敏源，要繼續go🌱有些困難😔今天再度經過祥仔，駐足一看，發現他們都有提供三款素食午餐，其中一款“蒜香特純橄欖油辣椒意粉” 沒有大豆素肉和菇菌類，也沒有用芝士、牛油做醬汁👏非常適合我意粉的蒜味濃郁，又帶少許辛辣，使人食慾大增，而且非常合我口味😋只是份量太少了😅寧可他們調高價格來增加份量😬

果個黑豚肉粒飯成百幾蚊，d黑豚肉食落去臭既⋯食完一舊都唔想食，心諗大快活個栗米肉粒飯性價比仲高過佢！仲有飲品問題，加杯凍檸茶都要廿幾蚊幾離地⋯，不可一不可再！食完一次都直接blacklist，大家小心中伏～

個寬面真係不予置評。。豬軟骨硬到。。個寬面同個肉骨茶個味係分開嘅，兩樣食物中間冇交集，點解擺埋到一齊。。另外個粟米肉粒飯要120蚊？？兩樣嘢都根本唔值呢個價，一定冇下次。

晚上因為趕時間，見佢冇人排隊就直入。見到個餐牌已經有少少後悔，價錢偏貴但又唔見得有咩特別。我同朋友一個叫漢堡扒，一個叫什扒再加$28加湯同野飲。什扒簡直係不知所謂，擺碟有一半係腸薯角同菜，連雞扒都唔係一整塊，係半塊。收$208。金鳳都好食過佢至於個漢堡扒，落單時同店員講我要全熟，蛋要全熟。唔知點解佢會諗下可唔可以offer到比我。我諗都應該唔係好高要求？到個扒黎左，都唔係全熟，佢拎入去再煮過。真心係無言。

六月下旬周末晚上光顧，餐牌選擇不多，食物內容只得兩頁紙，主推鐵板系列，難道為谷高消費！記憶中的心儀項目，例如粟米班塊、蒜香意粉、溫泉蛋長通粉等皆消失，又因為只想輕食，看來看去選擇困難！終於點了兩個項目：磯燒黑椒牛脷．鮮果沙律 $98味道唔錯，牛脷夠厚，豐富的黑椒，辛香充足合我意。火龍果及番茄切圓片疊起作伴，亦配上少許沙津菜，以白色沙律汁作點綴，保持法菜影子，這一道水準保持。祥仔脆脆豬扒飯 $138之前堂食吃過，疫情期間亦曾外賣，在家成功地用光波爐重拾豬扒脆脆口感，印象非常好，所以抱有期望。可惜豬扒食材失分，懷疑改了貨源或烹調方法，肉厚大塊但嚡口，絕對並非現在非常流行的伊比利亞黑毛豬，不過祥仔沒有說是，但之前並非如此質素！話說過來，幸好炸得酥脆不膩。茄汁飯分開上，味道酸酸不霸氣，這個沒有退步。相信「祥仔」是走高質茶餐路線的，但這天豬扒的質素，只能興迎合普羅大眾「抵食夾大件」的店子媲美，絕非精品！就是報復式消費，亦應該保持質素，否則客人不會重訪。

朋友當左呢度有飯堂，心諗有冇咁誇張，價錢又唔係平，咁啱3:00於是入去試吓下午茶，要咗一份沙嗲豚肉炒蛋多士配兩日兩夜羅宋湯通粉沙嗲豚肉雖然係厚切，仍然煮得軟淋，加入濃味的沙嗲，真係幾好食！兩日兩夜羅宋湯通粉，超乎想像咁好食，濃杰嘅蕃茄湯加入大量蔬菜同煮,甜酸又恰到好處，真係一啖接一啖，眼已經清晒成碟，正😋另外跟餐加兩蚊要咗杯凍檸茶！

又嚟到K11想再試下祥仔,上次食晚飯，今次食啲幾特別嘅下午茶3.3:祥仔3.3下午茶包括有Parma ham巴馬火腿，印度脆薄片沙律，炸薯角，炸魚柳，燉蛋，茶走。巴馬火腿好味道，燉蛋同埋茶走都非常好味道。燉蛋好特別因為有薑汁味道。茶走係高水準。其他食物就好一般。但係供應嘅水衛生程度就唔好，因為托盤下放另一托盤放水杯，但又冇用杯蓋。希望有改善，或者唔好提早預備多一盤水杯供食客。因搭起另外一盤上，衛生程度欠佳

今日來到K11 Art Mall覓食，見到有間Ricky開嘅餐廳，價錢都算合理，所以就入去試下。餐牌基本上係茶餐廳嘅款式，但當然有名廚招牌，感覺用料同煮法應該會更勝一籌。魚柳Tea Set: 多士好味，牛油完全融入包中，唔會太乾口，食得出陣陣嘅牛油香。蛋炒得幾滑，加入咗粟米粒，令到口感更豐富。魚柳質素高，唔會一咬就散，肉質靚，炸得外脆內嫩。唯一敗筆係個羅宋湯通心粉，份量極少，唔夠蕃茄味唔夠酸，十分普通。沙爹豬Tea Set: 豬肉有筋，有啲難咬，但沙爹醬整得幾香，份量都令人滿意。整體嚟講食物質素還好，但要加一就唔抵，眼見全場得三個服務員，飲品勁遲嚟，咖啡唔好飲、檸蜜無甜味，舉咗好耐手都無人理你，性價比唔高。

今日本身趕時間，諗住商場餐廳多人排隊，見哩間係食茶餐貪會快出餐，點知真係快得濟，瀨晒嘢….....叫咗個炸魚柳餐，切咗一舊吞咗，先睇到入面舊魚柳未熟晒，魚肉有一邊係雪白一邊係粉嫩粉紅色，因為趕時間都無話想換，最多自己唔食，諗住賣單同店員講聲魚柳可能要再炸耐少少…. 一同佢講個魚柳未熟，佢就一副說教樣話條魚肉係咁… ？？？🤯真心未見過魚柳係粉紅色如果唔係趕時間，我真係想叫佢表演食哂佢😡😡😡哩間嘢真係無下次

Went there for dinner, we ordered 2 dishes on the menu - a pasta and a fried pork chop tomato rice. Both were terrible, the tomato sauce for both dishes were obviously not fresh, I suspect off the sauce was off a the can/ tin, super sour - zero flavouring, the chef could have added in pepper/ salt/ sugar of some sort, but none! The pork chop was so terribly hard, difficult to bite in, i had to cut it in very small bites before putting in the mouth. When the bill came, it was $3xx for two people

經過祥仔好多次，終於有機會試吓，坦白講，初初沒有任何期待。選擇咗兩個下午茶set, 包熱飲，分別係他們的招牌菜祥仔脆脆豬扒飯和沙嗲豚肉、滑蛋、多士、兩日兩夜羅宋湯。最深刻就係這個脆脆豬扒飯，因為第一次遇上「真人靚過上鏡」，應該係「真餸靚過餐牌」的狀況！豬扒炸得好脆，豬肉啱啱好，一啲都唔柴👍🏻聽說祥仔是用法國料理的烹調方法來製造茶餐廳菜式，真係有料到👏🏻👏🏻。個汁甜酸適中。食到我舔舔脷😋😋。呢個餐都非常抵食，包埋湯。個名「兩日兩夜」，以為會好濃郁，但食落比預期淡，其實味道都不錯的，只係有了些少期待。沙嗲比預期辣，因為本人不太食得辣，但最後都差不多食晒。滑蛋煮得好出色。當日唯一嘅瑕疵就係杯咖啡沒有拉花，只係得一團泡。欠缺些誠意…我杯檸檬水沒有什麼特別，不過不失。環境舒服，服務都幾好。我最喜歡枱面夠大。下次想試牛肉炒蛋福袋三文治😚😚。

第一次試祥仔 （太肚餓來不及拍食物照片）買了祥仔脆脆豬扒飯和慢煮牛舌鮮茄意粉 50% off 價錢非常祗吃而且很好吃！就算外賣也非常用心製作豬扒很厚很juicy ，從來沒有吃過這麼厚的豬扒。食得出是優質的豬扒最喜歡他的鮮茄汁真的也很好吃 ，蕃茄汁加了煮了小蕃茄，吃進口後爆汁很juicy。另外他的牛舌也很出色。真的煮得很好吃。 牛舌有煎了2 邊，裏面肉質很淋。他連意粉也有注意到細節，不要普通的意粉，而是有微微的蒜香味