石亭居酒屋

營業中

休息中

最愛食日本野我地3個女仔咩都叫d share海膽壽司 唔知係咪唔新鮮 有小小臭池魚薄切刺身 見佢做緊特價試試佢 一般般串燒叫左牛舌 白鱔 雞皮吞拿魚三點盛 估唔到中拖仲好食過大拖 大拖好多根 海膽魷魚 魷魚好食過海膽蟹籽沙津人均500幾

係依頭附近做野做左一段時間都無留意到有間日本居酒屋係度😂😂😂好似已經有一排無食日本野，所以今晚就唸住係附近搵間日本野食下係餐牌度見到距地話19周年紀念，有啲菜色有優惠一般幾日式居酒屋既格局，地方有啲細左手面入去應該有間vip房一坐低會有個前菜俾你，係要收費既，感覺有啲似酒樓既花生同蕎頭甘😅😅😅嗌左啲漬物，前菜同小食蕃茄幾清甜墨作瑩光魷魚幾好食幾特別，我地嗌多左一份鮟康魚肝依啲手工菜，係居酒屋食唔到廚師發版既嫩滑係意料中事，不能太過奢求生蠔比較清甜，酸汁有小小搶左蠔味大拖会有三塊，係幾豐盛既油脂中拖同赤身分別唔多大壽司上枱即食紫菜已經唔脆活既赤貝唔多覺有活既質感壽司飯唔太特別有醋飯既香味埋單個數又幾可愛$1234

八角魚八角魚沒事行過路過有點早的酉時看到店開了 於是搶先做頭客哇哈哈然後看到師傅正在處理剛到的飛機貨哇～在下雙眼發亮中師傅介紹了在下吃八角魚好可愛耶 對上那次吃已經是超過五年前的事那就吃牠吧經過師傅純熟的手腕那條魚很快就由一條變成一片片地出現了薄切魚有酸汁和薑蔥蘿蔔容跟著或是點醬油也可而在下的選擇依然是什麼都不要在下要好好品嘗牠的原味鮮味對在下而言 八角有著獨特的香味在下沒有很喜歡卻總是莫名奇妙地被這味吸引了不知不覺 自己把整條魚吃光光最後還有個魚湯鮮 濃 香 滑 飲完暖暖胃就可以開始在下的清酒時間了 🍶🤣

2/5All the food are average, sashimi is fine, snacks are fine(beside the factory made fish liver).Skewers are just alright, crispy tofu was the best, chicken skin was not crispy in the middle, duck heart and chicken gizzards was more like boiled then grilled.The no effort Green tea over rice with sour plums is good tho.

過完年第一餐出街吃當然又是日本餐難怪大家都叫在下做「日本妹」😛今天吃魚生 食完就年年有魚 生生猛猛🤪所以在下在這裡點了份三文魚定食 跟碗熱烏冬三文魚刺身又厚又大件而且還有八塊咁多 未吃就流晒口水下面有好多蘿蔔絲 在下很愛吃白蘿蔔富含維生素C 礦物質 維生素 而且還是超低熱量食物長期食用還能增強抵抗力 改善血壓 和抗衰老所以在下真的喜歡白蘿蔔 不管是生是熟特別是這種被用心切絲的～好刀工而這次跟餐的前菜是山菜（さんさい）大家都以為他們是山上的菜 其實他們都是生長在河畔旁或沙灘旁冬天正正就是他們的季節 加入其他的野菜一起 和醬油汁漬物有黃蘿蔔和牛蒡而今天的烏冬上是幾塊鳴門卷比起板魚蛋更能勾起童年感覺最後就是濃郁的味噌湯 裡面有蘿蔔 乾海草 椰菜 蔥花又是滿足的一餐～

地方細細，但食物高質！各款壽司巧巧味～ 必食吞拿魚壽司，甜蛋卷！ 氣氛好好，同場好多日本人，可以一邊嘆日本酒，一邊嘆正宗日本菜～ 💪🏻👍🏻店員會推薦日本酒配搭不同菜色～ 好好味！好專業～ 好有禮貌！當日有訂枱，好彩唔想等位～ 特別推薦雞翼！魚生，壽司！平時出面啲壽司好硬，呢間好鬆軟！支持支持！ 當晚食完之後，已經同朋友約定下一次再黎～ 另外原來有包廂！可以慢慢同朋友食大餐～ 尖沙咀難得的好味日本菜！要試下～

其中一個職員態度非常惡劣，帶眼鏡短頭髮男仔，係做廚房既，坐低叫左杯啤酒都未飲完，我巳經要埋單走，野食未試過，不方便評論，因為無食過，我諗應該係唔錯既，我見都有日本人食..............................

食日本野 唔好問點解有時就係會想去居酒居 instead 啲商場or 好商業化 Ps雖然我幾like 一遊Anyway 今次就揀左尼間首先我要👍🏻👍🏻👍🏻 佢哋服務態度真係好我第一次book搞錯時間 last min 先 cancel 甘既時勢我都好唔好意思 所以再book我都係決定揀返尼間 佢哋係WhatsApp contact 好方便 唔使好似via電話甘會miss call 去到先知佢哋係好細間 (再唔好意思多次1st time cancel booking 😣) 我同朋友坐吧枱 雖然細 不過坐得都好舒服 去居酒居就係想要甘既氣氛 但係有D真係會比你感覺好迫好嘈尼間就完全冇 傾偈食野都好自在舒服 係個位重有食摺既紙船with my name 意外地取悅左我 我重拎左返屋企放 講返食物 係唔差 魚生類都好新鮮不過又冇乜驚喜 of coz 我又冇期望居酒居要有咩surprise 串燒有二三樣叫完最後又冇 （不過其實都好 後尾都好full 黎埋都食唔落)總體尼講 又係意外地 我覺得我下次想食日本野我係會再尼 食肆 🤔 特別係居酒居 就係要有尼種氣氛同人情味嘛 Btw 又係surpris

上星期去不成的石亭，今個星期再接再厲，寶寶今早早了下班，於是可以準時出席。在這個居酒屋的環境中，忽然想起了日本的行程🥺但沒法子，命仔緊要，於是點了1）鰻魚飯；2）三式刺身飯；3）燒牛舌；4）燒雞全翼。整體尙算不俗。我覺得鰻魚飯最值得吃！鰻魚是一個名物，爽口是它的賣點👍🏻燒物也不俗，燒得剛剛好，皮脆肉嫩。十個讚。但那個三式刺身飯就下評，雖然貌相不俗，但吃下去，飯有點「霉」，像煮了很久，而且那個剌身不新鮮，比起高質素的日本菜仍有一段距離。而且，份量偏少，並不足以令人填飽肚子🤨讀者或要重新考慮，是否值得就見人見智了。

以前一直都不敢吃鵝肝除了那濃烈的味道外 就是怕常吃對身體不突別是在下這種懶運動的人不過在朋友一直推介之下在下今日就來試試這一個被他說到天上有地下無的鵝肝飯一上桌 果然就是在下害怕的一種「香味」經店小二教導之下 在下決定自己試玩把飯攪拌均勻來吃鵝肝口感很细腻爽滑 然后有淡淡的油脂香味在鼻根跟放進咀巴前的味道是不一樣的外面脆脆 咬開就是軟軟的　在醉嘴中不久就會化開 濃郁的味道侵佔了整個口腔怕太油膩的話中途可用伴碟菜略為清理舌頭不過其實攪拌均勻後連著白鬆蔥一起吃上的話基本上不會有油膩感合到好處配搭 今日令在下另眼相看～

大大話話係赫德道留低咁多腳毛，竟然完全唔知有間居酒屋係度，唔知佢隱唔隱世，隱形就一定！入到去地方唔算好大，大概20個位左右，但都坐得七七八八，但原來佢入面重有間房仔，幽暗鬼秘，只有一個燈膽，係特別嘅～咳咳、講返嘀野食先，叫咗好幾款刺身，時令有條魴鮄魚，師傅刀工好，切得相當整齊精緻，配上蘿蔔蓉、薑蔥、醋，鮮甜有咬口，重唔貴，值得推薦之後嘅吞拿魚三切，好食！又大塊，個拖羅又肥又甘香，我想食哂佢呀！重要個墨魚切到成把扇咁，真係好有心機，好彩師傅唔係做茶餐廳，如果唔係嘀午餐肉我驚透光！！再加上扇貝，象拔蚌，海螺，又甜，又爽脆，又新鮮，叫得過，同佢將象拔蚌切到一條條，比起一片片更加好食！之後重食咗好多野都好好食，我估因爲多人同每樣野佢都有心機整，時間係耐嘅，但就因為出得慢我又知飽又冇食過量喎！同佢嘀野真係有心機整，叫個燒飯團，佢都講明要九個字，咁佢嘀野出得咁慢又怕咩嗌丫！燒到黎真係成個’脆岳岳‘，蘆筍牛肉，嘀蘆筍寶係又嫩又甜，叫支清酒又送象拔蚌，I will be back

行過路過唔好錯過對上一次來吃飯 沒記錯都有十年了那時年小小（？）的我 就緊緊記著這種味道日本料理居酒屋 多款小食 款款都很新奇現在老了 見識廣播更多回來再看一次午巿定食 點一客普普通通的刺身飯定食出來時簡直眼前一亮鮑魚？是鮑魚！午飯食鮑魚 在下何時那麼好命 🤣然後把刺身片一片一片地吃下去粒粒蟹籽厚肉帆立貝章魚🐙魷魚🦑 爽口不硬油甘魚 深海池魚 有口感彈牙三文魚獨特的香味吞拿魚肥美又新鮮數一數有七八種不一樣的刺身吃得在下好感動下面就是大大碗的靚靚寿司飯又是好滿足的一天別忘了跟餐的前菜配菜今天吃東風螺 煮得剛剛好開胃又能清清舌頭的漬物兩款大大碗多料味噌湯回來回味這家小店真沒選錯❤️店裡好像在做19週年慶改天要晚巿來享用豐盛晚餐

日本溫馨小店，座位唔會話好闊落，但都覺得好有屋企嘅感覺！不知不覺已經19年啦首先前菜方面已經有驚喜芥末八爪魚味道特別唔會話好辣又帶點鮮甜💕感覺食完之後都好開胃🥰日本縞鰺池魚薄切刺身好新鮮而且份量都比較多，而且新鮮！師傅刀工真係唔錯！加上酸汁真係好夾！日本兵庫縣室內津蠔生蠔較為肥美而且完全沙滑滑的感覺！好味過美國🇺🇸蠔好多！日本鮮活象拔蚌彈牙爽口又帶有海鮮味💕師傅即刻切出嚟，所以感覺同其他鋪頭唔同另外仲有有赤貝同埋北極貝💕鮮甜嘅味道係口腔停留～一點都唔誇張！呢度仲有好多唔同嘅日式燒串，最鍾意就係有子鹽燒白鱔覺得與燒完之後更加香同埋魚香味濃郁！雞全翼都燒得正好，仲有其他燒串等大家一齊發掘啦！另外仲有雞泡魚乾入口甜甜地有點解解膩感覺🥰最後食埋壽司拼盤感覺上真係好飽，壽司🍣完全唔馬虎，海膽好驚喜！覺得好鮮甜而且色澤都比較鮮艷～完全唔會覺得苦！另外三文魚腩壽司都係厚切❤️油脂肥美💕玉子壽司都係我嘅最愛之一！

話說男友好愛食日本野，於是就去左呢間居酒屋慶祝我地週年記念啦～呢間居酒屋開咗十九年，所以依家做梗慶祝十九週年優惠~前菜係酒煮花螺，酒味幾濃，螺亦煮得好入味帶酒香，而且煮得幾腍有嚼勁。-另外嗌咗味醂雞泡魚干，唔會乾身，反而有油脂清香。-鯛魚薄切由日本直送，非常新鮮無雪味，師傅刀功非常好，切得每塊厚度適中帶少少透，肉質細嫩，非常有口感！仲會有蘿蔔蓉柚子酸汁配黎食，清新嘅sauce，更能配合品嚐到鯛魚鮮甜，唔會搶味。-蟹子沙律都好有驚喜，好大碗。-白象拔蚌刺身刺身好大隻，味道清新鮮甜，我個人認為唔洗點醬油，直接品嚐刺身鮮味！-北寄貝刺身原隻鮮活北寄貝切成刺身，甘甜而爽滑。-店員推介時令刺身係白子刺身，冬天時最肥美。我男友立刻話要試！佢話呢個白子刺身唔係度度有，而且唔平，呢度個價錢值得一試！白子有豐富蛋白質同維他命D，日本人好中意食，因為覺得好養顔👍🏻佢口感綿密滑嫩，有入口即融嘅感覺，而且無腥味。我第一次食都幾中意呢個刺身，又新鮮又滋補👍🏻-另外仲有點咗幾款壽司食，▪️中拖羅我最愛食中拖羅！脂肪比例高，油脂甘香，無筋👍🏻▪️三文魚 : 色澤鮮明飽滿，脂肪紋分佈鮮明😋好新鮮▪️烏賊 ： 肉質有嚼勁▪️帆

每次路經石亭, 總會被佢既外觀吸引而望多幾眼今晚就約左個好耐冇見既朋友聚聚傾下計首先就會上左前菜, 今日既前菜係東風螺煮得岩岩好, 唔會好韌食日本料理就緊係要食刺身先, 首先黎到既係真鯛刺身配左個酸汁一齊食, 起初都會覺得配酸汁唔太夾, 但出乎意料地係提升左個鮮味非常好呀!跟住再黎既就係日本蕃茄, 成個去左皮食落去好特別, 外皮有少少暖, 輕輕煮過所有有少少腍但係內在就係未煮過既蕃茄, 一個蕃茄有齊2個口感, 加上少許既醬汁幾好食第一次咁樣食蕃茄接住黎既都係刺身, 今次係北極貝同埋象拔蚌非常鮮甜, 鮮味仲係口腔維持一段時間先消失, 真係好好食食完刺身就食個小食先, 就係瀨尿蝦乾, 燒到乾身脆卜卜好香脆, 蝦味好濃食完小食就開始食壽司啦!!壽司分別有墨魚, 帆立貝, 三文魚腩, 玉子同海膽當中最出色既一定係海膽, 唔會腥, 好鮮甜, 好足料, 啖啖海膽好滿足呀玉子都好正, 甜甜的加上醋飯, 好幸福既感覺食完壽司就到吞拿魚腩蓉丼, 師傅好好人, 將碗飯一分為二方便同朋友SHARE吞拿魚腩入口即溶, 個醬汁都好好味, 諗起都好回味呀跟住就到串燒啦, 有雞肝, 一口牛, 牛舌, 雞翼同白鱔即叫