石亭居酒屋

光頭叔叔我地一入去已經面口唔好 我地三個人 比張四人檯又要求只能有一個人坐其中一邊 都算 因為後面係廁所門 都理解 起初以為只係因為忙所以都無計較佢態度唔好 落單落左三輪 食物要等好耐都算 基本上係十五至二十分鐘先上一道菜 到第三輪叫左兩串串燒 一碗魚生飯 最後黎左兩碗魚生飯 串燒一直無上就問下 直接一句埋黎話你地無落單 直接埋單走人 根本就係趕客嘅態度 又不停將隔離檯食物放係我地檯 擺錯四五次係第二次黎因為第一次體驗唔錯 個叔叔都解釋好多日本文化比我地知 第二次體驗係超差:(…Read More

石亭居酒屋🏮@sekitei.japanese手寫紙牌菜單列出當日時令限量刺身同小食，猶豫越耐，選擇越少！見到心水就要快啲落單😙生螢光烏賊 🦑新鮮醬油漬螢光烏賊睇落晶瑩剔透，仲有少少閃亮嘅感覺！入口彈牙，帶有海水味嘅鮮甜，將薑加到豉油再點嚟食🫚日本室津蠔 🦪手掌咁大隻✋🏼肥美飽滿，帶淡淡嘅奶香味，入口鮮甜又有海水嘅自然味道。原汁原味加上少少辣嘅蘿蔔蓉同葱花已經好好食🥕 加埋少少檸檬汁或店家特調嘅醬汁，仲多咗啲層次感🍋愛魚女 🧜🏼‍♀️來自岩手縣嘅時令之選⚓️ 魚肉切得超薄，每片都晶瑩剔透🩻 擺盤精緻得嚟又有藝術感。配埋酸汁食吊起咗魚肉嘅鮮甜味，入口滑溜又清新！當晚隔離見到我地食都想跟機order，但可惜已經sold out了，更覺珍貴！果然時令之選都係手快有手慢冇🤭左口魚壽司 🤎左口魚切紋深刻，炙燒後表面呈深啡色，油脂豐富而閃閃發亮✨ 一放入口即刻完全溶喺化！ 北海道海膽壽司 🟠滿滿嘅海膽疊得夠高又整齊，超級鮮甜！雖然價錢唔平，但食到咁高質嘅海膽，喺絕對係值得投資！燒芝士年糕 🧀心機野嚟！慢火燒，而唔係用油炸！年糕外層微脆，中間口感軟糯，咬開喺爆棚嘅軟心芝士🫕清酒煮大蜆 🐚大蜆好肥美又無沙，湯底鮮甜濃郁仲帶有清酒嘅香氣🍶 一定飲埋啲湯，感覺好暖胃又舒服柚子鹽燒白鱔 🐍平時唔食鱔都食到舔舔脷！魚皮燒得香脆，魚肉爽口嫩滑，完全冇腥味。清香嘅果香味令成件事更特別🍊雞皮串 🐤雞皮燒得脆口鬆化，完全唔會食到成口油，同平時好有彈性但比較油膩嘅白切雞皮對比好大🤓雞全翼🪽牛舌串😋醬油飯團 🍘上色嘅醬油飯團燒得外層微微焦香🖌️ 一層薄薄地脆米飯焦入面包住軟糯嘅米飯，包上一大片紫菜同黃蘿蔔，味道簡單但滿足😌suntory 生啤 🍺巨峰乳酸梳打 🍇雪櫃擺滿清酒，純米大吟釀嘅級數都有，建議問下店員有咩推介🍶…Read More

妹妹生日，知佢鍾意食日本嘢，所以特登上網搵咗呢間幾多好評嘅居酒屋同佢慶生。居酒屋面積不大，目測座位20個左右，但內部裝修擺設充滿日本風情。小店比我感覺好有溫度，門面招呼客人嘅侍應叔叔姨姨好親切，會介紹食物、同客人傾幾句，遇到熟客仲會寒暄一番。店內牆上貼滿手寫菜單，其中一幅牆全部都係時令菜式，好少會見到咁多款。侍應姨姨話為咗保證食物質量，每款只從日本入貨幾份。✔️螢光魷魚$180 螢光魷魚係時令食物，每年三至六月日本產量最多，細細隻，柔嫩有彈性，上面加咗薑蓉辟味，完全唔腥，主打一個新鮮！✔️魴弗魚刺生$360擺盤好靚好美觀，魴弗魚切薄片呈半透明粉白色，每片厚薄一致，師傅刀工一流。刺身肉質緊實彈牙，鮮味濃郁但清爽，無腥味，配合柚子醋能提鮮，更好味。✔️動感小白魚$180 侍應姨姨推介小白魚，時令食品，居酒屋只入咗三份，屬於生食菜式。未試過食活生生嘅小魚，於是又期待又緊張咁點咗一份。食用方法係將小白魚從小碗盤中，匹到小杯入面，再加入酸醋，就可以放入口中，含住一陣再吞落肚。主要味道都係醋嘅酸味，我有咀嚼小白魚，係比較爽口嘅感覺。整體覺得幾有趣，有得玩有得食。✔️左口魚壽司（兩件）$68/帆立貝壽司（兩件）$85 左口魚魚肉甘甜細緻，油脂適中。帆立貝貝肉肥厚鮮甜，口感飽滿多汁。✔️雞全翼$64雞全翼煎至真正嘅金黃色，外皮薄脆焦香，內裏雞肉年華多汁。重點嚟啦：師傅將雞翼嘅筋挑斷，咬起上嚟好容易將原本嘅筋骨連接位分開，食得冇咁論盡，簡直就係怕麻煩怕論盡人士嘅福音！✔️牛舌串$84/蕃茄豚肉卷串$64牛舌塊油脂香撲鼻，好有嚼勁。酸甜爆汁嘅蕃茄，配合薄薄火候剛好嘅豚肉片，和諧不油膩。✔️清酒煮大蜆$98 蜆肉好肥美，特別大隻，完全食唔到有沙。湯底都可以飲埋，三個字「鮮甜清」，妹妹愛不釋手。✔️鮮魚奶湯（免費）魴弗魚魚肉造成刺身，師傅將剩返嘅魚頭都物盡其用，煮成魚湯，真係每個部份都可以成為好食材。魚湯呈奶白色，充滿濃郁魚鮮味，飲落又好暖胃。✔️三得利生啤$44麥香清爽，尾韻有少少苦味，男女都啱飲。✔️白桃汁$48甜度飽滿，口味清新。…Read More

一向好鍾意食日本料理嘅我，早前同老公去左間隱世居酒屋。無論服務及食物質素都100分，好值得推介！ 位於尖沙咀嘅石亭居酒屋，地方不算大，但係裝潢好和風亦好日式傳統，好似置身日本街頭嘅居酒屋。座位有吧枱位置，都好舒服。而店員仲好熱情招待添啊！ 食材都係日本直送好新鮮。🔸️平鯛刺身 $380份量十足啊！每一片都好薄而透，師傅真係好刀工！而鯛魚肉質鮮甜，配柚子醬油食更突出鮮味! 而食完刺身，師傅將剩下嘅魚熬成奶白色，好濃郁嘅魚湯，真係啖啖都好清甜有奶香！🔸️八爪魚足 $180口感軟滑。八爪魚吸盤食落口特別鮮味爽口。輕咬之間能感受到其彈性。🔸️日本淮山拌葱吞拿魚 $138健康又美味。吞拿魚肉質鮮嫩多汁， 淮山富含膳食纖維和多種維生素，是一種非常健康嘅食材，質地光滑，帶有一種綿密嘅口感。 🔸️ 柚子鹽燒白鱔 x2 $136白鱔鮮美與柚子嘅香氣完美結合。白鱔肉質細膩、嫩滑，不油膩。外皮微脆，而內部則軟嫩，令人愉悅。柚子嘅香氣帶來了清新嘅酸甜味，與鹽燒嘅風味相得益彰，為白鱔增添了一層獨特嘅風味。  🔸️雞全翼 x2 $64 🔸️雞軟骨串x2 $40兩樣都好有水準，燒得啱啱好！雞全翼皮薄香脆，雞軟骨好有咬口。飲品又點少得Suntory生啤 $44，仲有杯解膩清新嘅白桃汁 $48添！ 石亭居酒屋| @sekitei.japanese📍尖沙咀赫德道地下11C號舖☎️（+852) 27221881#石亭居酒屋 #尖沙咀居酒屋 #隱世居酒屋 #尖沙咀美食 #尖沙咀…Read More

呢晚同朋友一齊嚟咗呢間喺尖沙咀嘅日式餐廳🍶🥢食晚餐🤣店長哥哥招呼好好對日本菜亦都好 knowledgeable 👍$180「動感小白魚」：「小白魚」係嚟自佐賀県一年只有一兩個星期有得食，「小白魚」細細條條條都好生猛游嚟游去，店長哥哥教我哋 錨起「小白魚」放喺小杯裏邊然後再加啲醋，然後一啖灌進口腔裏邊，「小白魚」喺口腔裏邊郁嚟郁去跟住有啲就游咗去我個胃有啲我就主動吞咗，雖然我有啲於心不忍不過過程幾好玩，我又忍唔住用牙齒咬吓佢哋，幾脆口幾鮮味🤣$168「鯛魚白子」：白子好滑，有少少 creamy，有多多 umami, 勁鮮味🤣$380「曹以」：曹以，喺日本🇯🇵一般叫「黑曹以」，係棲息於日本🇯🇵各地海底岩石嘅魚類，主要食用季節係秋季至冬季，一般要嚟做湯 - 冬天嘅味噌湯 同埋 鹽湯，喺日本🇯🇵寒冷地區好流行；黑曹以 喺日本🇯🇵北部嘅捕獲量較大，因此有“北鯛”嘅美譽，不過喺九州等地亦有捕獲，而喺三陸地區、北海道等地區都有養殖場🤣；呢間餐廳用 黑曹以 做刺身幾特別，黑曹以刺身肉質比較爽口，油脂量低味道清新 同埋 subtle，配蒜醋汁一齊食更加能帶出 umami，而 aftertaste 慢慢滲出有微甘，整體味道係 內斂溫和優雅🤣$68「自家製雞肉軟骨棒」：雞軟骨棒咬落軟熟仲又有啲啲脆口嘅軟骨喺裏邊，再沾生雞蛋黃同醬油一齊食，幾惹味🤣$32「五花腩」、$32「雞腎串」：呢兩樣放埋一碟🤣，「五花腩」甘香好豬味，「雞腎串」結實爽口又香口🤣$28「鰻魚肝」：鰻魚肝有啲軟熟又有啲啲結實仲有啲 creamy 同埋有非常濃郁嘅魚肝香味🤣$138「鰻魚飯」：蒲燒鰻魚 除咗有鰻魚嘅鮮味仲有蒲燒醬汁甜甜哋嘅味道而特別之處係竟然係有少少 charcoal 味，蒲燒鰻魚配白飯一齊食好夾🤣…Read More