盛記粥麵

營業中

休息中

雲吞麵必點之選-雲吞皮簿餡料當然靚，有大大海蝦肉唔馬虎，咬落好爽口，湯底係大地魚湯，令到湯好鮮甜，唔會覺得喊，麵身亦好彈身，果然不錯👍🏻👍🏻加35蚊配上蒜香南乳雞翼加炸鯪魚球，每樣2件，南乳雞翼香，皮脆，肉又滑，正😍鯪魚球彈牙配上蜆介肉，味道恰到好處。每人一件真心唔夠招牌狀元及第粥，粥夠綿，我就愛加入胡椒粉，更昇華。豬肝size適中，唔老好滑，超水準。豬心爽，好正。豬粉腸有咬口，加點豉油麻油更佳👍🏻肉丸大粒😍😍炸兩-幾乎見到每枱都有點選，腸粉皮好滑身，油條新鮮超脆口，自落甜醬，麻醬。多少喜好，自選擇🫶🏻😍最後點了熱薏米水-好飲，薑味夠辣，薏米多，真心加5蚊套餐超值桑寄生加蛋-不太甜，又香又濃，真心要試🤌🏻

同朋友經過佐敦白加士街，見到盛記粥麵，朋友話呢間粥麵店好好食，每次經過都見到有人等位，主打港式嘅粥、粉、麵、飯，我都好想試吓，今晚就係度食晚餐啦！美味黃沙豬膶粥，豬膶刀功厚薄均勻，口感爽脆，配上熱氣騰騰的粥底煮得綿稠，入口細滑。盛記招牌雲吞撈麵，雲吞皮薄滑，餡料內嘅鮮蝦和豬肉令雲吞食落更鮮更有口感。湯底用咗大地魚、蝦殼、豬骨、金華火腿等食材餚製，湯底鮮甜香濃。麵撈勻蠔油都好爽口彈牙！ 脆炸兩，用自家製油條外層裹着布拉腸粉，薄得透亮，兩者合二為一，外軟內脆，蘸點醬油、甜醬及麻醬最夾。必食推介！蝦米腸口感軟滑，口味變化多段，再配上蝦米和特製的甜豉油，味道清新之餘亦帶點鹹香。加上各種醬汁更加好味！

下午茶時間好肚餓，加上又覺得寒寒地所以諗住黎食碗粥。叫左個肉丸粥同意米水，粥既size都ok, 唔會好細碗，個粥好綿，仲有5粒大大粒既肉丸，加埋胡椒粉一齊食好正。另外叫左杯意米水，真係好好飲! 首先佢微甜，入面好多意米，仲有啲應該係麥米。最正係佢有薑味，驅寒一流~

由冇人食去到而家越嚟越人食一路都幫襯緊， 服務質素每況愈下！ 腸粉個皮好好食，炸兩都係高質素， 但係雲吞麵絕對唔夠同一條街嘅麥文記同麥奀記， 只係夠平， 門口阿姐態度之差完全冇人正視， 食客係畀錢食㗎，唔係嚟乞嘅～ 如果冇能力處理咁多等待嘅客人，一係就請多啲人手， 食物質素係遠不足以彌補服務態度之差！門口阿姐負責派飛，完全漠視排隊等候的客人， 船街最黑人自己冇主動攞飛，幾個職員完全沒有溝通， 一旦提醒即刻發惡鬧人！！

昨天放假，晚九点多去了佐敦白加士街非常有名的盛记粥面店，幸好运气不用排队就有最后面的位置坐下来。因为每次路过都超级非常多人在门口排队😫😩。今次点了炸酱捞粗面配小碗大地鱼🦐子汤，一入口就是童年时的口味全部返回来😀😀，就是这个味道呀！但炸酱有点偏辣，不吃得的人不要选择这个🙃！还可以跟餐+28配肠粉，我点了叉烧肠，粉皮晶莹剔透不太厚叉烧挺好味道，比酒楼还要好很多很多！+12元桑寄生蛋茶味道非常好甜度适中，最精髓是🐔蛋超级嫩滑蛋味十足！

最近胃口不佳，成日諗唔到食乜，最方便就係食粥。佐敦粥鋪唔算多，盛記係其中一間，晚飯時間總排滿外賣的人。我堂食反而即刻有位，坐低點了個招牌狀元及第粥及艇仔粥。因為是生滾關係，所以製作需時。蝦米腸份量算多，食落有粒粒蝦米和葱香，腸皮煙韌，送粥良伴。狀元及第粥大大一碗，料好多，有黃沙豬潤、豬心、粉腸、肉丸等，仲要係厚切又大塊。招牌的豬潤果然好好食，好滑。豬心爽脆有咬口，粉腸嫩腍，所有內臟都無乜味，清得好好，加上粥底綿滑，係一碗高質嘅粥。及第粥粥底同樣綿密，面頭有幾粒脆花生，滿滿的牛肉碎和魚片，簡單足料，食落有薑絲。蒜香南乳炸雞翼拼炸鯪魚球雞翼香脆，外皮香脆，肉嫩多汁兼有南乳香。鯪魚球爽口彈牙，食落有魚香，這兩款香口之物用黎送粥好夾！

天氣突然降温到12 度， 晚上總要食熱的東西來暖身，同行友人提意去盛記食碗熱粥來到店前有數位食客在等候，但好快就有位了。先點熱辣辣的及第粥，份量大大的，用料也十分多肉丸豬膶等等，粥底也十分之棉滑，很快就成身暖晒而雲吞麵也不錯，湯底十分濃郁是用大地魚作湯底，麵質爽口彈牙，而鮮蝦雲吞更令人一試難忘，難怪門口長期要等位雞翼拼鯪魚球也不可以錯過，雞翼味道恰當，而鯪魚球十分彈牙，可以作雙併更細心，2人分享剛好飲品點了桑寄生蛋茶跟豆漿，令人暖上心頭

今晚8點幾先係佐敦放學同男友都好肚餓，想快啲坐底食野先醒起呢頭附近有間人氣粥麵舖成日大排長龍一於過去試下～內裡都係一般茶餐廳格局，環境較細睇過餐牌，揀粥麵都可以優惠價加配其他小食同飲品雲吞麵先嚐口湯，大地魚湯清新帶鮮味，香蔥加成竹昇麵食落煙韌彈牙雲吞係傳統的較細粒，皮薄而餡料鮮美特級花菇雞粥粥底綿滑軟爛，雞肉光潤爽滑，花菇超入味脆炸兩外面的粉皮薄得晶瑩剔透內裡油條炸得金黃酥脆加埋醬汁及混醬食落非常滋味追加咗杯豆漿，豆味香濃又新鮮整體食物都不錯，值得再來品嚐～

一早已聽說這裏的粥和雲吞很不錯，但因工作關係，時間配合不上，遲遲也未能一試；上月終於來了。🤗可能假期關係，長長的人龍，真係有點嚇人；但一心到來，當然要等啦，好在人流比想像中快，差不多七八個字就有位了。🤔店內不是很大，座位很窄，肥一點的人也可能坐不下。😬正價粥麵飯或腸粉，可另配不同小吃和飲品，創造出不同種類的套餐。及第粥～粥底棉滑，白米煮至全化，食材有豬心、豬潤和豬腸，新鮮熱辣，美味可口；加上炸兩一起食用，滋味加倍；可惜胡椒粉唔夠香，下次自備應該會更合心意。雲吞拼水餃撈麵～麵條爽口彈牙，無鹼水味，湯底更有濃濃的大地魚香，雲吞大小得宜，皮薄餡靚，蝦仁和豬肉比例恰到好處；水餃同樣真材實料，口感扎實鮮嫩。蜆蚧鯪魚球～鯪魚球炸至金黃，清爽少油不油膩，口感爽彈，配上蜆蚧醬汁，更加惹味。#雲吞拼水餃撈麵#及第粥 #熱意米水#熱豆漿 #加炸兩#加炸鯪魚球4隻#盛記粥麵地址: 佐敦白加士街11號地舖電話: 23513018

北菇雞粥得一粒冬菇 都幾大粒同入味雞就雞胸雞翼咁 唔滑 又唔夠鹹香粥好多水 冇乜米 但又好大碗如圖53蚊一碗貴咗啲 齋食一碗粥一肚水 應該好快肚餓有得加配其他野 但我冇加唔會再試雞粥

一直好想試吓「盛記粥麵」的雲吞麵是否如外界所說的超正，今日嚐到了，超正。先講下個湯底，濃濃的大地魚清甜香味，湯身清澈，加上韭黃的獨特香味，嗅覺的享受。雲吞麵麵質爽脆冇鹼水味，雲吞細細粒，蝦肉爽口加上豬肉的鮮甜，好好味，一口一粒，超正。炸鯪魚球(蜆芥汁）剛剛炸起，脹卜卜又彈牙，鯪魚球加上蜆芥汁風味無窮。招牌狀元及第粥 粥底綿厚，食到米香味，材料豐富，當中最愛爽脆的豬潤和豬肚，吃完個粥給人暖呼呼的感覺。

今日在佐敦入了間粥麵店食lunch, 店都幾旺一直有人等位，因人流快，很快就有位了。店鋪不大，點粥麵可加配如菜，小食，腸粉和飲品等。非常有彈性。我點了：-薑蔥鯇魚腩粥+鮮蝦很大碗，粥底綿滑，鯇魚腩鮮甜加了很多薑蔥冇腥味，加配的鮮蝦很爽口又彈牙。-盛記招牌雲吞麵有5粒雲吞，雲吞皮薄，用了蝦和肉做餡料，味道很好。幼麵很彈牙有口感。加了很多韭黃在湯內，提升味覺。-豬膶腸粉 豬膶啱啱熟很爽口，腸粉超薄很滑香脆油條 很脆身放入粥食一流。-招牌薏米水（熱）甜甜地薏米味濃，還有一粒蜜棗，味道很清甜。-養顏桑寄生蛋茶桑寄生蛋茶味濃加埋隻熟蛋，很滋潤。

睇睇時間已經過咗下午兩點，點解「盛記粥麵」仲有成村人等位，都係因為質素保持得相當不錯。我上一次來已經有半年前，2022 年轉眼已經來到年尾，眼見很多食店已經翻了一翻，汰弱留強，餘下嘅基本上是有點實力的或是以平取勝的食店。等左約5 分鐘，店員為我們安排好座位，位置有點迫，但冇乜所謂，食完就離開，最緊要是上菜快。粥粉麵飯套餐包括一個麵食加腸粉，再加飲品。淨水餃 大地魚湯底，鮮香；水餃 size 比雲吞大一點，軟滑的水餃皮包著木耳、鮮蝦、荀等、彈牙、爽口加埋鮮甜的味道，好好味，所以一向是我的心水選擇。舊客仔如我一定會點依兩味鮮蝦腸粉、蔥花蝦米炸兩腸粉皮拉得又薄又透，但仍帶小許韌性配上鮮蝦大隻爽口，有大蝦的鮮味，真材實料一試就知，水準非常高。蔥花蝦米炸兩必加甜醬、花生醬，一貫作風，粉皮薄；油炸鬼脆到卜卜聲，蔥花和蝦米令味道更多層次，心思見微處，高汁 👍🏼花菇厚肉彈牙，完全地索曬𧐢汁，搽上一層熟油令其更有光澤。熱鴛鴦味道ok , 但只有暖的溫度。招牌薏米水一喝下去嚐到薑汁味，甜度不高，喝完全身溫暖了，適合冬天的養生飲品。一位年長的姐姐好悪死，比佢凶左幾次（呼喝）其他店員正常。

每一個服務員態度超差！！！已做安心出行，但仍然多番質問，已回答多次甚至俾埋電話安心出行app佢睇佢又唔睇，只係行開不停追問，反話我答一次答咗就得，真係好笑，又係佢哋不停問，全間服務員態度超差。本來見到open rice評論對呢個餐廳食物好期待，結果俾人追問到極反感試都唔想試就走。

秋風起，涼涼哋，同事話要吃啲熱熱哋嘅嘢，看見這間粥店，門外有一班食客等候，吸引停步等候一下⋯⋯門口大大個牌，粥麵飯套餐，唔使諗，一於入去試一試⋯⋯炸兩~先來一個炸兩，腸粉皮夠滑，但油炸鬼過氣，令炸兩失色。腩汁蘿蔔$18~套餐可配腩汁蘿蔔，除油菜外，多一個選擇。及第粥~單看賣相已相當豐富，豬膶煮得剛剛好，夠爽滑，值得一讚。豬潤粥~朋友單點豬膶粥，size比及第粥套餐細一個碼，適合細食者。當日還有點了”炸鯪魚球” 但沒有拍照，因為一開始大家都太肚餓，三秒內已將它消滅了。整體來說天氣開始轉涼，中午繁忙時段，很多一個人也到來點這個套餐，主食可選粥、麵、飯，之後可加推小食，除油菜外，還有腩汁蘿蔔，最後還有豆漿。更可追加小食，套餐有彈性，及第粥的用料唔錯，吸引了同區的一班食客。