Omakase真係食過好多次 相信呢間一定係最有誠意，最有heart 小店坐位大約十個 全部都係吧枱 可以近距離欣賞師傅為我地準備食物 首先師傅會問下你有無咩唔食 從而再精選菜單 揀你喜歡而當造既食材 師傅好有心思，用不同嘅烹調方法，將食材鮮味帶出，製造驚喜，不單調 枱面有師傅自己釀嘅水果酒 非常好味，釀酒既心思同做法一d都唔簡單 師傅對水果同食材一樣好有要求 北海道象拔蚌刺身 非常鮮甜爽脆 鰆魚，薑，青瓜圈物 沒有飯，只有鮮甜味，口感豐富 蠔 🦪先蒸至5成熟 加麵豉再烤 好好味，第一次食呢個做法 爽身清甜，配上香濃麵豉味 螢光魷魚當造季節隻隻漲卜卜 烤又真係第一次食 好香魷魚鮮味更突出 呢個做法事前功夫比較多 要將軟骨眼同嘴先拆走 如果唔係會有渣 用咗唔同蔬菜做既芝麻灑上面 松葉蟹我最愛 蒸熟拆肉再淋上蟹膏煮嘅汁 啖啖蟹肉 八爪魚係招牌菜 按摩一個鐘，慢煮3個鐘 非常軟糯，好香既八爪魚味 磯燒鮑魚 水雲配紫蘇 食完飲埋湯 清一清味蕾 三文魚子蒸蛋 跟住就食壽司啦 平政魚 赤貝 爽身清甜 加酸柑 鮮味提升 深海池魚 甜而不膩 北海道帶子 切成花形 配埋鹽及酸柑，減少油膩感 牡丹蝦 燒熟既蝦膏，極香濃 都係我最愛 拖羅配櫻花鹽 成個畫面出哂黎 食omakase都咗浪漫 呢個師傅幾有心思 海膽 唔需要調味 已經好甜 玉子燒 汁煮馬友 西瓜果凍同芝士蛋糕 整個甜品都係師傅親手製作 真係大開眼界， 師傅用咗京都做懷石料理嘅技術 去做呢一個水果原汁果凍 好特別又好味

香港人真係好鍾意打邊爐，如果鍾意食牛嘅呢間真係非常推薦，八款牛肉任食，主打係任食和牛，啱晒牛魔王 澳洲M7和牛/Prime牛板腱/安格斯牛肩胛/ 一級肥牛/封門柳/澳洲和牛金錢展/牛脷片/鮮牛肉 首先，一嚟到會上齊一盤八款靚牛，之後再自選追加，識食一定要追加澳洲M7和牛，肉質細嫩多汁，口感非常好，仲有鮮牛肉我都好鐘意，口感軟滑。 湯底都有好多選擇，最近仲新加咗雞煲，螺片鮑魚雞煲（+268），奇味雞煲（+$128）好惹味，其實肉骨茶湯底都好想試 不過今日我哋主打食牛，揀咗粟米豬骨湯同四川麻辣湯，湯底都好足料 火鍋配菜、醬料、飲品、雪糕都係外面自取 火鍋配菜種類唔算好多，菜類、丸類、菇類，仲有午餐肉、蟹柳、鵝腸、牛柏葉，仲有白菜餃、韭菜餃等，一般火鍋配菜都有齊。 飲品都非常多選擇，仲有韓國果汁 食飽就當然唔少得甜品，雪糕都有好多口味 海鹽、蜜瓜、香芋、伯爵茶同綠茶等 呢個價錢真係食到捧住個肚走

滾得囍 真係好適合聚會，再次回訪！ 佢既花膠雞湯真係好好味🤤 餐廳環境以宮廷式設計，門口仲有宮廷服裝俾大家打卡📸 必叫𖤐花膠雞湯，花膠超大塊，店員好細心幫我地剪左花膠，並提醒我地飲完湯再落雞件❤︎︎ 湯底滾起後呈現濃濃奶白色，滋陰又養顏！ 本地牛頸脊 擺盤非常精緻 牛頸脊油脂分布均勻，肉質鮮嫩爽滑，肉味濃郁👍🏻👍🏻 黃金雙拼 （魚皮/響零），超級邪惡🤩即叫即炸，又香又脆，食完一啖又一啖 手打黃金流心鮮蝦丸 手打新鮮蝦丸包住流沙蛋黃🍤爽口彈牙，好味🤤 滾得囍餃子拼盤 有5種口味 粒粒都脹卜卜，最鍾意佢嘅菜苗餃及韭菜餃⭐️ 打邊爐一定要叫雜菜拼盤，解解膩，減少罪惡感😆飲埋竹蔗茅根下下火，就完滿了！ 好滿足的晚餐❤︎︎

韓國元組級燒肉間唔中都會黎食下 藍色為主，打造出韓國食燒肉既感覺 一坐低，侍應已經立即幫我們開爐並加入蒜片，蛋漿，另一邊會加埋芝士 外邊有自助吧，前菜酸青瓜、酸蘿蔔、兩款泡菜等，還有包着燒肉的生菜，都可以無限添吃 醬料也在外面自取 喜來烤肉 以點名命名嘅招牌菜，將牛肉切成薄片卷成玫瑰花形狀，配合秘製醬汁，賣相一流 入口甜甜地有口感，配埋醬料、蒜片，用生菜包起來一起吃好好味 醬油雞肉一大件，肉質嫩滑又juicy 蟹籽紫菜飯團 鋪滿大量紫菜、蟹籽、沙律醬，可以用手套搓成一個個飯團波波

朋友帶我嚟過一次 今次就同屋企人嚟食啦菠蘿雞肉炒飯 炒得乾身又香口，呢個炒飯嘅精髓就係要夠多菠蘿，配埋肉鬆同提子乾，口感層次更提升 飯粒炒得乾身 曼谷夜市火山骨 真係好似我哋啱啱去完曼谷夜市食嗰個味道 雖然冇曼谷既骨咁大 但係味道一樣酸酸辣辣好開胃 亦都炆得好腍，好入味 配白飯超正 沙嗲串燒 粟米 翠玉瓜 經常食肉類嘅串燒 今日試蔬菜，配埋個沙嗲汁 燒得剛剛好，唔會太乾身 蜜糖燒菠蘿 燒完嘅菠蘿真係非常甜 仲好juicy 泰式飛天炒通菜 份量不少，炒得好香帶少少辣 泰式蒜蓉包 好大片呀，要黎配咖喱 沾滿咖喱汁仲好脆 黃咖喱牛腩 配有椰香味，咖喱好滑 牛腩都好淋

最新殿 大喜屋日本料理，太子店外面排着長長嘅人龍，裝修華麗，座位舒適闊落，外面自取食物嘅地方好大又多選擇 一籠籠嘅蒸點心，小籠包、蝦餃、燒賣等 熱盤仲有蒸魚、鹽水雞、辣酒煮花螺、小龍蝦等 冷盤嘅食物多到有啲似酒店，例如凍蝦、青口、翡翠螺，有10多款冷盤小食，例如麻辣魚皮、芥辣八爪魚、雞翼尖等，仲有水果同榴槤蓉，可以自製榴槤雪糕或者布甸，當然唔少得甜品櫃10多款甜品糕點，同埋冰櫃入邊嘅雪糕雪條 仲有大量飲品選擇，真係見到都開心😊 落完order ，我最期待嘅食物出現了 就係北海道海膽，呢度用嘅所有海膽菜式都係用北海道海膽，非常鮮甜，淨係食海膽都好抵 仲有超厚鵝肝多士，好大件好厚呀，煎得剛剛好 上湯芝士焗龍蝦烏冬，熱辣辣龍蝦啖啖肉，好滋味 仲有避風塘炒蟹、各款刺身、燒蠔、蒸扇貝、記得一定要食甜品，椰皇燉蛋白😋 仲要完全冇漏單

食整唔厭嘅炸雞同拉絲pizza 🤤 蜜糖忌廉炸薯條$96 蜜糖忌廉炸薯條，香脆可口，甜而不膩，口感獨特，轉眼小朋友已經清左一半🤣 蜜糖柚子八爪魚沙律🥗新鮮火箭菜配櫻桃蘿蔔及飛魚子，加埋蜜糖柚子醬，好開胃，鐘意火箭菜既朋友可以試一試。 推薦✰韓風蟹肉塔🦀 充滿驚喜的一個前菜，滿滿的蟹肉搭配青瓜🥒牛油果沙律、咬一啖，成口滿滿的蟹肉，口感豐富又美味❤︎︎ 薯角炭燒雞肉芝加哥薄餅🍕 Pizza 有雙倍芝士，pizza切開有澎湃拉絲芝士，非常軟熟加上蜜糖杏仁邊，味道甜甜咸咸，材料都好豐富有薯角、蘑菇、maru香雞、洋蔥及蕃茄加上bbq醬 蜂蜜牛油炸雞 🍗炸雞面鋪上滿滿牛油粉，蜂蜜香味濃郁，食完一啖又一啖 🥤pink berry ade & mango passion iced tea pink berry味道好出，兩杯清甜解渴，好好飲

最近發現咗銅鑼灣鵝頸橋附近呢間韓式外賣店，我差不多每日都嚟，因為舖頭入邊嘅貨品好全面 除咗有韓國入口嘅韓國牛肉豬肉，仲有好多傳統韓式料理同醃製小菜，韓式烤肉等，仲有火鍋既牛肉添 韓式香辣牛肉湯 即叫即煮熱辣辣，材料豐富，除咗有牛肉仲有蔬菜，好暖胃 韓式海鮮嫩豆腐湯 有各款海鮮，蝦，蜆肉，魷魚，豆腐，雞蛋，呢個湯配白飯 食完暖笠笠 辣炒年糕 口感非常煙韌配上韓式辣醬好惹味 生醃魷魚 生魷魚煙靭爽脆，配韓式辣醬汁 仲有好多韓式定食，飲品 下次要試吓佢嘅飯卷同埋炸雞

之前公司老闆請同事們喺呢度飲茶 有VIP房私隱度高，適合家庭、公司聚會 景觀好靚，一覽無遺嘅海景加上好天氣真係感覺好舒服 今日就帶咗屋企人一齊嚟飲茶 茶壺有蠟燭底既茶座熱住 好似平時去酒店飲茶咁 櫻花蝦蘿蔔糕 煎得兩邊香脆，鋪滿櫻花蝦，都好大件 櫻花蝦脆米海鮮炒飯 蝦肉同小圓貝仲有菜粒、雞蛋 櫻花蝦嘅香味同趣米嘅口感 提升左整個炒飯嘅層次 小籠包 皮薄而彈牙， 滿滿嘅肉汁好juicy 砂礓豬手 細細粒，醃得好入味 好多肉 最後仲有甜品桂花五色糕 非常精緻 由兩款水果加椰汁製成 味道好夾，口味清新又食到爽脆果肉

之前食過其他分店，終於開到銅鑼灣 呢間台式火鍋真係性價比高 幾間分店既位置都非常方便 裝修光猛開陽，座位舒適寬闊 我地揀左SRF美國極黑和牛片餐 經常會有不同食材加入 秋涼最近加左糯米飯，蛇羹任食 仲有最新加入羊腩煲鍋底 呢個鍋底真係唔係好多地方有 仲有好多其他湯底選擇 冬瓜瑤柱豬骨鍋、胡椒豬肚鍋、喇沙海鮮鍋、美顏花膠竹絲雞鍋等 最後我地揀左牛站秘製麻辣鍋同椰子雞鍋 湯底非常足料，椰子雞鍋好清甜，麻辣小辣都好麻好辣食得過癮 SRF美國極黑和牛片牛味濃郁 手切封門柳口感煙靭 西班牙豬五花肉比較爽口 仲有多款熟食：乳鴿，小龍蝦，鹽酥雞，麻辣鮮魚皮等，新鮮炸嘅午餐肉、魚皮、響鈴、芋頭、薯角，都係非常有誠意之作 其他火鍋邊爐配料大部份台灣直送 例如水蓮菜，新竹米粉 飲品都好多選擇，除咗一般紙包罐裝飲品，仲有手製花茶，而家最流行嘅鴨屎檸檬茶，仲有啤酒梅酒任飲 最後仲有甜品同雪糕，淨係雪條都有10幾款，食埋兩杯Häagen-Dazs 超飽🤭