盛記粥麵

營業中

休息中

睇睇時間已經過咗下午兩點，點解「盛記粥麵」仲有成村人等位，都係因為質素保持得相當不錯。我上一次來已經有半年前，2022 年轉眼已經來到年尾，眼見很多食店已經翻了一翻，汰弱留強，餘下嘅基本上是有點實力的或是以平取勝的食店。等左約5 分鐘，店員為我們安排好座位，位置有點迫，但冇乜所謂，食完就離開，最緊要是上菜快。粥粉麵飯套餐包括一個麵食加腸粉，再加飲品。淨水餃 大地魚湯底，鮮香；水餃 size 比雲吞大一點，軟滑的水餃皮包著木耳、鮮蝦、荀等、彈牙、爽口加埋鮮甜的味道，好好味，所以一向是我的心水選擇。舊客仔如我一定會點依兩味鮮蝦腸粉、蔥花蝦米炸兩腸粉皮拉得又薄又透，但仍帶小許韌性配上鮮蝦大隻爽口，有大蝦的鮮味，真材實料一試就知，水準非常高。蔥花蝦米炸兩必加甜醬、花生醬，一貫作風，粉皮薄；油炸鬼脆到卜卜聲，蔥花和蝦米令味道更多層次，心思見微處，高汁 👍🏼花菇厚肉彈牙，完全地索曬𧐢汁，搽上一層熟油令其更有光澤。熱鴛鴦味道ok , 但只有暖的溫度。招牌薏米水一喝下去嚐到薑汁味，甜度不高，喝完全身溫暖了，適合冬天的養生飲品。一位年長的姐姐好悪死，比佢凶左幾次（呼喝）其他店員正常。

每一個服務員態度超差！！！已做安心出行，但仍然多番質問，已回答多次甚至俾埋電話安心出行app佢睇佢又唔睇，只係行開不停追問，反話我答一次答咗就得，真係好笑，又係佢哋不停問，全間服務員態度超差。本來見到open rice評論對呢個餐廳食物好期待，結果俾人追問到極反感試都唔想試就走。

秋風起，涼涼哋，同事話要吃啲熱熱哋嘅嘢，看見這間粥店，門外有一班食客等候，吸引停步等候一下⋯⋯門口大大個牌，粥麵飯套餐，唔使諗，一於入去試一試⋯⋯炸兩~先來一個炸兩，腸粉皮夠滑，但油炸鬼過氣，令炸兩失色。腩汁蘿蔔$18~套餐可配腩汁蘿蔔，除油菜外，多一個選擇。及第粥~單看賣相已相當豐富，豬膶煮得剛剛好，夠爽滑，值得一讚。豬潤粥~朋友單點豬膶粥，size比及第粥套餐細一個碼，適合細食者。當日還有點了”炸鯪魚球” 但沒有拍照，因為一開始大家都太肚餓，三秒內已將它消滅了。整體來說天氣開始轉涼，中午繁忙時段，很多一個人也到來點這個套餐，主食可選粥、麵、飯，之後可加推小食，除油菜外，還有腩汁蘿蔔，最後還有豆漿。更可追加小食，套餐有彈性，及第粥的用料唔錯，吸引了同區的一班食客。

一條友入去即刻有位。魚腩粥有三舊魚腩，但冇乜味，薑絲只得三條，唔及得油麻地一間專食魚粥嘅粥店。粥底起初係綿，食到一半就變稀。炸両更加失望，一D都唔脆，唔明點解咁多人幫襯。食到一半有一家三口坐落嚟搭枱，我都算我知一個人冇理由坐四人枱。但係個對父母未叫野食已經除咗口罩因為張枱好細加上有隔板，佢坐咗喺我碟炸兩面前！仲不斷講嘢噴口水，OMG! 我唯有快口扒埋兩啖粥就走

盛記的人流量不比附近的澳洲牛奶公司遜色, 常常要等位. 雖說是粥麵檔, 但店家提供的菜式相當多元化, 除了基本的雲吞牛腩麵食外, 也有油器和腸粉, 甚至連雞飯和炸物都有. 價錢定位中間, 而且午餐配搭的項目也不少, 懶人和花心人仕的最愛呢!我點的是蝦球蝦籽撈麵, 配以蜆蚧鯪魚球, 撈麵是傳統的銀絲麵, 有微微的鹼水味, 再加上大量蝦籽, 味道不錯. 蝦球沒有雪藏味, 口感爽彈有鮮味. 大地魚湯咸香但不涸喉, 整碟撈麵也是水準之作. 鯪魚球新鮮炸起, 鯪魚肉同樣爽彈且魚香夠, 如果多一點陳皮味更好. 蜆蚧醬就是咸咸濕濕的獨特香味, 單吃受不了, 卻是鯪魚球的好伴侶.Shing Kee is a noodle stall at Jordan but she can prepare the congee, rice roll and chicken rice well. She is so crowded in lunch time and many people try her combo as it has variety of cuisine to choose and not tha

今日經過難得見門口唔算多人排隊，就入去醫肚。豬心粥 $38及第粥沽清😟，唯有叫豬心粥啦。豬心香甜甘口，有嚼勁得嚟又唔會韌，係幾好食，粥底都幾綿滑。艇仔粥 $38正常嘅料，正常發揮，最驚喜係有鮮魚片，好少艇仔粥有魚片😋熱意米水 $5優惠每個主食只可用一次，係桑寄生蛋茶同佢之間選擇，最後揀左薏米水，好足料，啖啖薏米，堅抵飲同正！紅油鮮蝦雲吞 $34雲呑爽口足料，皮薄餡靚，紅油唔太辣，仲好惹味添，真心唔錯。蠔油生菜 $18 都大碟，翠綠清甜😋

成條白加士街 唯一要排隊嘅餐廳平日晚市 等咗約十五分鐘套餐Openrice寫收十一點半開到咁夜又幾好 有時夜媽媽都唔知食乜好不過當日嚟睇到改咗直到另行通知入面座位都幾迫下 如果拎大少少嘅袋都會坐得好辛苦/迫到人炸兩皮薄 油炸鬼夠脆但略嫌細份及第粥 豬心豬潤豬肚豬粉腸豬肉丸足料粥底綿又杰必食招牌雲吞麵雲吞係咁嘅樣 傳統嘅細小型碗麵整體都好味道比同街老字號平咗一成但麵 湯 雲吞都略遜一籌 輸個馬頭啦不過啲粥係會吸引到再嚟

我老公好有目的咁經過佐敦🤣佢話睇YouTube 有好多極力推薦呢到嘅雲吞麵，今日一黎，離遠一望😨嘩！排晒隊等堂食..但一陣仲要接小朋友放學，所以就set規矩😕用到消費劵先買😂(支付寶、微信個啲都得)由於堂食真係冇可能等…但買左拎返屋企(1個鐘車程)食就嘥咗，所以我哋買一碗試，去左球場食雲吞有4粒，大概apple watch錶面咁大..我其實好怕食雲吞麵，因為勁唔鍾意梘水😩但呢個絕對有驚喜！🙈冇梘水味、雲吞皮好滑，啲蝦同肉好有味，好彈牙分2磅外賣，一定要趁熱食！老公話係大地魚湯，我飲落去都覺得好正！但湯清到見底我個人黎講，都係個句，勁怕鹼水味，但佢呢個麵都好爽好彈牙！同雲吞有對比🆚呢間雲吞麵我鐘意呀🫢

睇完YouTube介紹，趁放假一早就走來試試😋。11點左右已經要排隊😮，令人更加期待。等咗10幾分鐘，有得坐低，不過搞咗成個字都冇人同我落單⋯⋯撞鬼！得兩個樓面，又落單又執枱又收銀又帶位，見到佢哋都慘呀😂！落咗單，等咗差唔多廿分鐘，剩係嚟咗杯薏米水；坐我對面位叔叔都唔耐煩，佢同😡😡差不多時間坐低，都係嗌咗雲吞麵，不過好食我又唔介意等吓。碗麵嚟到，飲啖湯先，冇乜特別普普通通☹️，就係大地魚湯，偏淡口。麵就好食，彈牙唔難咬，全餐最好食只有佢🤩。雲吞係有少少失望，好普通，呢個質素通街都係，而且雲吞皮太大塊，配一口食得晒嘅雲吞餡，感覺唔好👎🏻最失望係個豬膶腸🫢，米漿分量唔好，唔係滑，喺一夾就爛，豬膶醃得好差😵‍💫😵‍💫，食粉太多，搞到啲豬膶一浸苦味🤮，腸粉豉油亦都調校得唔靚，色淺味淡。最慘係碟腸粉仲要有條膠帶，我攞咗條膠俾個四眼姐姐睇，佢二話不說幫我掉咗佢當冇事，對面個叔叔睇唔過眼鬧佢，個姐姐先問我需唔需要換過碟！其實我自己都做飲食，好明白呢啲情況好難避免，但佢哋嘅處理方法真係差無可差，如果人哋有心搞大佢，都幾麻煩！以今餐嘅質素，真係唔明點解會係一間排隊店，係人流影響質素🥺🥺，還是師傅偶有失手😳

這天晚上我約了朋友在佐敦吃晚飯，經過的介紹，我們便決定來到這間餐廳試一試，環境寛敞和清潔衛生，座位與座位之間有一定距離，十分舒適，餐廳的客人廷多，證明食物質素有一定的保證雲吞麵($36)一碗麵有5粒雲吞，每粒雲吞都有一隻蝦，十分足料，蛋麵十分彈牙，份量十分多，這個價錢十分合理，非常抵食狀元及底粥($52)豬膶十分新鮮，豬肉丸爽彈鮮美，粥煮得十分軟綿綿，用蔥花點綴，份量非常多黃沙豬膶腸粉($26)從網上得知黃沙豬膶原來是豬膶中最頂級，比較稀有，而且不加激素，比較健康，口感十分軟彈煙韌，十分特別，腸粉十分滑，晶瑩剔透，份量和質素都非常不錯，非常抵食蒜香南乳炸雞翼拼炸鯪魚球($38)炸的時候鎖住肉汁，炸的時間控制得恰到好處，十分脆口，而且即點即炸，食物夠熱，用新鮮鯪魚肉搓成的鯪魚球十分彈牙，配上原隻蜆的蜆芥醬熱意米水($5)薑絲可以驅寒，意米可以袪濕，十分足料，十分健康，最適合潮濕的天氣飲用雞蛋意米糖水($10)剝殼的雞蛋十分新鮮，意米煮得十分軟身，糖水十分清甜整體來說，食物的質素非常高，食物的選擇十分多，食物的份量非常多，食物的用料非常新鮮，食物的賣相十分吸引，食物是即叫即製的，所以食物的

係九龍公園游完水諗住喺附近食啲嘢醫下肚 見到呢間傳統麵店好旺場 好似幾正咁🤩🤩 見鋪頭既招牌菜好似係雲吞麵 叫咗碗黎試下 啲雲吞做得幾好 皮薄餡靚 每粒都有大大隻蝦 爽口又彈牙🤤🤤🤤湯底方面都唔會好味精feel 食完唔會好口乾👍🏻加上$36呢個價錢 真係難怪咁多人黎食呀～～～～加錢叫咗個腸粉 呢個腸粉好推介呀😆😆👍🏻 啲腸粉食落真係好滑 好似係食過最滑既腸粉😍😍😍😍 腸粉厚薄適中 同朋友都一致覺得腸粉好出色 值得一試🤨🤨🤩

佐敦呢條街好多小店唯獨粥麵舖就冇乜見到呢間鋪頭都幾多人就入左去原來除左粉麵 亦都有飯提供價錢平民價 平均$40就有交易今次嗌左一個粥同一個撈麵另外加配左幾個小食肉丸粥煮得好棉 本身呢個價錢都唔expect咁足料另外配左份炸兩 上菜嗰陣仲係熱辣辣另外我叫咗個豬手撈麵配紅油炒手淨係豬手都三大隻 另外有配湯煮得好入味又唔硬紅油炒手就嫌有少少太辣要食得辣先好叫另外啲樓面姐姐都好好服務態度見到有闊落啲嘅枱都會主動問我哋要唔要調位呢個值得加分

我同朋友在行完街,就到附近食午飯。因太耐冇食雲吞, 就選擇盛記粥麵食。店光猛企埋潔淨。.【紅油鮮蝦雲吞】 $34這鮮蝦雲吞好足料! 鮮味足!好食! 內有蝦肉及豬肉餡, 大大粒,咬下去還有肉汁,已淋上辣醬,食起來味道香辣不會辛嗆又開胃。.【蘿蔔柱侯牛筋腩】 $85這蘿蔔柱侯牛筋腩, 全部好腍又夠入味, 牛腩口感腍身不韌,具有濃濃牛肉味又夠,而牛筋香滑嫩口沒騷味,蘿蔔爽滑,令人忍不住一口接一口。.【豬潤粥】$43熱騰騰的粥,粥口感綿綿密密,而豬潤夠新鮮,又肥厚大件,口感爽脆鬆軟無騷味！十分好食。.【凍意米水】$8這薏米水好濃不會太甜,具清新好飲,是健脾清熱及解渴不錯飲品。

放工突然好想食雲吞去左佐敦既白加士街 依度開左好多食肆今晚揀左盛記粥麵 因為門面夠光猛 衛生企理既感覺個晚都好多人幫趁 亦都有學生幫趁 侍應姐姐好快幫我安排座位 睇到餐牌價錢親民 所以學生哥都負擔到 有粥粉麵飯 任君選擇我即刻可以落單 叫左5粒淨雲吞 加 炸兩。等唔夠幾分鐘 好迅速地上左碗淨雲吞一個女仔叫淨雲吞加其他野 岩岩好胃口湯底係用新鮮大地魚我唔食魚都覺得湯底好鮮甜美味 而且加埋韮黃既雲吞 簡直絕配粒粒都新鮮包得飽滿 大小適中 鮮蝦同豬肉混合彈牙爽口 肉汁鮮甜 咬一半都唔會跌哂出黎 包得好好 皮薄餡靚食到差不多 炸兩都上碟原來係即叫即炸 有驚喜有圖有真相 目測已經知道腸粉滑溜透薄 炸兩脆卜卜 絕對用心製作 難怪咁多人都叫炸兩另上豉油 花生醬 甜醬我先唔加醬原汁原味試試 真係第一次食到咁好味既炸兩 唔係講笑！炸兩仲係好脆口 加上滑滑既腸粉 即刻推介比朋友我之後加哂3樣野 真係停唔到口 好快地K.O. 食到依個質素 我覺得個價錢非常抵食又親民

朋友提起盛記粥麵值得一試，成日食米線今日就轉粥粉麵！雖然係傳統粥粉麵店，但小店裝修乾淨光猛。值得一提估唔到粥麵店防疫措施一啲都唔Hea，每一枱都有保護膠相隔，值得一讚👍🏻🔸雲吞豬潤麵雲吞麵誠意之作，一上枱就已經聞到好香大地魚味！雲吞帶有鳳尾，鮮蝦配合蝦子，皮薄餡靚～麵質剛剛好，非常爽口👍🏻豬潤睇到貌相本來有啲小失望，深怕會過熟，點知咬落嫩滑！真係人不可以貌相😆🔸及第粥粥底綿密，豬肚、豬腰、粉腸、豬肉丸、豬潤每款食材都有兩件。最令我回味嘅係粉腸，入口鮮嫩多汁！豬腰非常爽口，仲有厚切豬潤帶有黃油，令整個粥底充滿鮮味～豬肉丸一向不感興趣，但盛記豬肉丸爽口彈牙！👍🏻豬肚烹調火候亦都剛剛好，老店師傅功夫一流！🔸炸兩一上枱已經知道冇得輸，薄薄一層腸粉晶凝通透，配上新鮮油炸鬼！正～店員仲會主動送上甜醬麻醬，自己混醬😆🔸蒜香南乳雞翼拼炸鯪魚球雞翼非常入味！鯪魚球口感彈牙，帶有魚肉鮮味，配合蜆介非常惹味，更加提鮮！🔸薏米水估唔到薏米水成為粥麵店嘅亮點🌟薏米水非常濃郁，別不同之處係帶有淡淡薑味，冬天一定非常暖胃！女士們值得一試！總括🔹小店形式，性價比高，每款食品都非常之有誠意，絕不馬麻！真係值得一試～