盈館

營業中

休息中

位於旺角創興廣場7/F嘅盈館@yingdininghk 最啱三五知己或一大班人嚟食呢度多款特色、美味、抵食嘅小菜，我哋6:00pm 左右到，大約7:00pm前，已經差不多滿座😊✅鎮山之寶 火焰鹽焗雞（$198）火焰鹽焗雞11:30am後就有得供應，客人點「火焰鹽焗雞」即可參加乒乓波抽獎，以不同顏色的乒乓波代表唔同嘅優惠，抽獎機會係按入座人數計算，即如果你有5位入座，就有五次抽獎機會😍，以優惠最大為作準，獎品有「火焰鹽焗雞免費」、「八折」或「半價」，嘩！好抵呀👏🏻👍店員將鹽焗雞端上枱後，便會點火，睇住啲雞皮嘅油一滴滴滴落嚟，好有一種治癒嘅感覺😜,之後就會入返廚房斬件後再上枱。味道都唔錯，燒過嘅雞皮特別香😉✅冰鎮咕嚕肉（$138）呢個冰鎮咕嚕肉，係我嚟親都必嗌item ，外皮薄脆，豬肉入口鮮嫩唔會嚡，冰冰地，酸酸甜甜好醒胃👍👍✅薑葱焗桶蠔（$148）用砂鍋載着zis zis 聲嘅薑葱桶蠔，真係非常香同好熱，份量都唔少，粒粒飽滿，好入味😋✅西蘭花炒帶子（$148）西蘭花炒得好有鑊氣，加埋帶子炒得爽脆嫰滑，唔會過熟同韌，正😋👍⭐️茶介$15/位及另加一服務費

星期日一行4人去咗旺角飲茶食lunch~ 見呢間位於創興嘅酒樓都幾多評價，就決定去試吓！🔸盈館一品炒飯（蝦仁、 帶子）都幾足料，有唔少蝦仁同帶子粒，個飯都炒得好乾身，唔油膩，係一個我哋幾鍾意嘅炒飯！🔸砂鍋鮑魚雞粒蛋白炒飯呢個炒飯炒得勁靚！粒粒鮑魚同雞粒都炒得好清爽，濃味之餘唔會太油膩，朋友都大讚！超抵食！🔸黑金流沙飽個名咁勁一定要試吓，果然係流沙包，食嗰陣真係要小心睇熱！一咬開啲奶黃已經流晒出嚟！好邪惡！🔸香煎椰汁黄金糕黃金糕市面上真係買少見少，估唔到喺呢間酒樓竟然會發現黃金糕嘅蹤影，所以一定要試吓！黃金糕椰汁味香濃，口感煙靭，咬落一絲絲，好好食！

以前來過一次好好食，今次完全敗壞了所有好印象。還記得以前來食乳豬好甜好香口，菜式新穎又美味。今次家人團聚上來食第一啖乳豬有陣騷味。冰鎮咕嚕肉完全不知所謂。水準大不如前，出餸慢又凍，整間餐廳又舊又昏暗，位置少了一半，價錢一d都唔平，7人埋單1600蚊，兩小碟20顆花生米收30蚊，服務態度完全冇，斟水要叫三四次，年紀大食慢d，趕客咁X上來執檯，餐具dum得呯呯聲，臨走行慢少少仲要比門口收銀個女人問候點解仲未X。一世人都唔會再幫襯。留名等睇咩下場。

琴晚去咗旺角盈館食飯，嘩，真係食到我感動到喊出嚟！間嘢啲嘢食簡直係藝術品，每一啖都係享受！首先講下個北京片皮鴨，嘩，啲皮脆到好似薯片咁，一咬落去卜卜脆，啲油香喺口入面爆開，正到飛起！啲鴨肉又嫩又滑，配埋啲青瓜絲同埋甜麵醬，簡直係天作之合！跟住到沙汁明蝦球，呢個就更加唔使講，啲蝦球大到好似乒乓波咁，爽口彈牙到不得了！個沙汁酸酸甜甜咁，好開胃，食完一粒又想食多粒，完全停唔到口！之後到西蘭花鮮菌炒帶子，呢個都好出色！啲帶子新鮮到好似啱啱喺海入面撈上嚟咁，鮮甜無比！啲西蘭花炒得翠綠爽脆，配埋啲鮮菌，簡直係健康又美味！百花炸釀蟹鉗，呢個就更加係必食之選！啲蟹鉗炸得金黃色，外皮酥脆，入面嘅蟹肉鮮甜多汁，食落去簡直係人間天堂！最後到薑蔥焗桶蠔，呢個就真係重口味嘅朋友嘅福音！啲桶蠔大大隻，焗得啱啱好，唔會太乾。啲薑蔥味香到成條街都聞到，辟咗啲蠔嘅腥味，食落去惹味到不得了！總括嚟講，今次喺盈館食飯，簡直係一次完美嘅美食體驗！間嘢啲嘢食無論係味道、賣相定係食材，都係一流嘅！如果你想喺旺角搵間啲嘢食好食到爆嘅酒樓，盈館絕對係你嘅不二之選！

創興廣場好多嘢食，呢次去中式酒樓叫餸食飯，好多item揀，上菜快🐟深海龍躉兩味原價$566，而家只係$328好抵食，有金銀蒜蒸龍躉頭腩、翡翠炒龍躉球兩款都好好食，魚好鮮味，調味好好，肉質實淨，靚魚口感係好好多，雲耳粉絲都好食索晒啲汁👍🏻🐥盈館金牌吊燒雞燒得香脆香口，皮好脆，成隻雞都好好食🤤🦪薑蔥桶蠔用煲仔上熱辣辣，桶蠔超好食，薑蔥味十足，好大隻😋🚩盈館 (旺角) @yingdininghk 📍旺角彌敦道601號創興廣場7樓

今日去咗旺角盈館 飲茶。酒樓鄰近旺角E2出口，其實去又真係幾方便，難怪成日都咁多人😆。午市套餐 $428燒味一款蜜汁叉燒皇 - 叉燒燒得剛好，表面焦香帶少少燶邊，口感軟腍，叉燒醬汁味道香甜帶陣陣蜜味，加上油香，令人食過返尋味😋。小菜1️⃣款涼瓜炆頭腩煲 - 涼瓜吸收魚頭肉汁及醬汁，味道鮮味濃郁，勁好食。魚頭十分新鮮，鮮味滿滿，又香又惹味🥰。點心3️⃣款薑蔥牛柏葉 - 牛柏葉口感爽滑，加上鮮香湯汁，更加如食。盈館燒賣王 - 蝦肉肥肉比例剛好，肉味香又鮮甜。黑金流沙包 - 包皮熱辣辣🔥又軟熟，奶黃流沙餡，口感幼滑，蛋味鹹香😋。主食1️⃣款乾炒牛河 - 河粉炒至條條分明又乾身，醬油味道香濃，牛肉片份量多，質感軟腍，肉味十足🥰。我地仲叫咗其他點心晶瑩鮮蝦餃 蝦餃皮薄，餡料飽滿，蝦肉彈牙，肉香又鮮甜😍。瑤柱珍珠雞 口感軟糯香口，餡料飽滿又豐富😋。馬拉糕 質感鬆軟，有陣陣黃糖香味🥰。鮮蝦菜苗餃 餃皮薄，餡料飽滿，嫩嫩的菜苗混上彈牙鮮味的蝦仁😋。明爐蜜汁叉燒包 醬汁香甜，叉燒瘦中帶點點肥，特別香口🤤。一口鮑魚燒賣肉味鮮香彈牙嘅燒賣上，放上矜貴嘅鮑魚，邊個忍得住唔食😍。金珠小雞鹹水角鹹水角外形可愛，口感香脆又軟

年近歲晚，一大班朋友約出來飲杯茶吃個包聚一聚。交通方便就選了這間盈館。一行九人坐一張大圓檯，座位闊落。待應服務也可以，一檯開了四款茶，也一一照辦，只是每一壺茶都沒有標籤，我們要自製標籤作識別。看看早市的餐單都抵食，不過我們來到已是中午，只有吃正價點心了。小食：櫻花蝦豉油皇炒腸粉：腸粉油滑，豉油味道出色，不過鹹，小小櫻花蝦伴於其中，添美味。八味脆豆腐：粒粒內軟外脆，味粉均衡包圍，吃來惹味。滷水豬腳仔：腳仔細細，片得薄，但仍保留肉在內，皮也易吃，汁液掛上食材剛剛好。特色粉麵：豉椒斑腩炒河，碟頭大，除了豉椒更多的是涼瓜。喜歡涼瓜的應該覺得好吃。醬汁我認為偏多，糊著每條河粉，不太爽。斑腩口感就不差，件頭也大。點心：鮮蝦菜苗餃：皮薄餡足，菜苗細碎清香。蝦餃：蝦肉爽口，蝦料充沛，口感豐富。甫魚乾蒸燒賣：平時吃蟹籽燒賣多，這間用甫魚放面又幾特別，甫魚在口邊已不停收縮，甫魚又有一陣魚乾味，入口後仍保留著。燒賣有蝦肉在內，吃起來肉爽彈牙。豉汁蒸鳳爪：鳳爪腍滑，入味，鋪底的花生吸收了汁液也好吃。遠年陳皮牛肉球：啖啖的陳皮味隨著咀嚼牛肉球時滲出來，沒有太多粉漿，可吃到肉味。薑汁雞飽仔：飽身軟熟，餡料充足。蜜

首先態度已經差，員工同員工上菜又急又閙交。 人哋一家大細嚟食團年飯真係唔想見到咁。 我一去到酒樓就問佢有乜嘢甜品，嗰位類似經理嘅人就同我講今晚冇甜品只有壽包。咁我就同佢講哦咁我唔使留個胃食甜品啦。 所以我哋10個人就叫咗10樣餸。 離譜嘅就係食物次序亂晒籠，首上一碟食炒豆苗，之後再上一碟伊麵。 佢最經典嘅冰鎮咕嚕肉，真係地獄廚房，冰大大盤肉就10粒。 真係唔欣賞，擺明啲肉就係凍。 之後再上一個發財蠔豉大利，竟然冇咗發菜，之後再補返一少少少髮菜俾你，好似當你乞兒咁。 我哋話發財好事點會冇髮菜，跟住個夥計就同另一個夥計講個客人投訴吖！ 我哋唔係投訴，只係講俾你知冇咗的嘢。 成餐飯比較好少少，係個北京填鴨同埋條魚。 北京填鴨地選擇食， 最後一食唔知點解上極都上唔到😠 之後我哋叫咗一份大蝦到最拉尾都係冇嚟到，話售罄。我哋火都嚟埋6:30坐低已經叫咗餸到九點，你同我講售罄。 我哋一早唔係落咗單嘅咩！！ 之後仲要對唔住都冇聲。 最後谷鬼氣埋單走人。

見到依間酒樓做緊晚市特價優惠，$88有脆皮鹽焗雞，一家人嚟預早食過團年飯，感覺價錢好抵食🔸脆皮鹽焗雞 $88原隻先鹽焗再油炸到脆皮，呢種做法嘅鹽焗雞比較少見，好特別雞肉鹹香入味，同時又唔會蓋過原有雞鮮味熱辣辣皮脆肉嫩，味道幾好🔸明爐叉燒皇 (例) $208叉燒份量適中，燒得賣相唔錯，叉燒肉質仲係好嫩，一啲都唔韌，醬汁調味都唔錯🔸原盅螺頭雞燉翅 $68/盅依碗螺頭雞燉翅都幾抵飲，首先係原盅上夠晒熱，另外配料都好足，例如螺頭、雞、翅，全部都有齊，飲落去味道好濃郁，好鮮甜🔸芥蘭炒臘味 $128份量都好夠大，少有餐廳會用臘味去炒菜，臘味本身已經好香，而且有種調味嘅作用，配埋菜去炒，菜都可以沾埋臘味嘅香味

👎🏻👎🏻👎🏻食餐晚飯，有位女員工同我哋講，「叫嘢最好一次過，唔好要我行嚟行去！ 」我哋一家呆咗，員工極無禮貌！ 其實唔夠員工，你好態度我哋會體諒，但唔需要咁樣講嘢吧！全程都俾態度，我哋一直唔該前唔該後…… 佢都咁樣。百里無一個員工，唔夠員工就唔好接咁多客… 真係唔會再有下次… 仲有，冰鎮咕嚕肉，冰仲多過咕嚕肉，外皮唔脆，真係滴晒汗！一樣～唔夠食材就唔好接咁多客！不會再幫襯！原先見食評ok諗住試下，點知中伏！

19:30去到，全場都滿座，坐到𨋢口可能人多，空氣都唔係好流通！加上新年，好多食圍餐，又勁嘈落左單，等左30幾分鐘先上招牌咕嚕肉$168-好彩人少，得5個人，一人可以分到2嚿咁大把真係每人得2嚿，係2嚿！會唔會太少😤炸子雞半隻$168-味道唔錯，又脆北菰鮑魚扣鵝掌$228-瑤柱扒豆苗$158-粟米魚肚羹$168-新年多人野食，要等都明嘅但係等咁耐都係第一次等咁耐連個魚肚羹都要等成個鐘先出到餐救命！救命！唔講以為食緊法國餐，出餐慢過慢世魔王整體來講：野食係ok 嘅、但份量很少，顯得價格同分量成好大對比😒

Openrice昨日 訂了今日730pm，今日中午，間餐廳有個好無禮貌嘅女士打嚟，話呢排只做630 or 830pm 倆轉，話叫我confirm. 我反問咁点解openrice 可以選擇730及其它時間訂枱。佢話呢個唔關佢地事，佢地同openrice 無關。我話下又唔喺我一個人食飯, 要問下其他朋友改時間得唔得先。唔可以即刻答。餐廳同事態度惡劣，話呢個喺我自己問題，佢話你地照730嚟，等一個小時也可以。餐廳最终不能安排我openrice 訂枱，我可以理解，但店員喺電話咁嘅惡劣態度我就不能接受。將d 技術問題推落個客人度。

網上見到呢間酒樓做緊晚市超特價二選一 ，半隻脆皮吊燒雞$18(原價$128)！一隻$38(原價$238），超級抵阿！或者可以揀$48嘅沙巴龍躉(原價$188)，2-7位起一條，8位起兩條，屋企人同我都好鍾意食魚，有咁抵食嘅優惠，即刻帶埋屋企人嚟試吓先😋！不過要留意返優惠星期五六係不供應的‼️🐟沙巴龍躉 $48蒸嘅時間控制得啱啱好，魚肉保持嫩滑，魚腩位洗得乾淨無腥味，$48呢個size夠4個人食，真係好抵阿！🌟第三口孖寶：🐤盈館金牌吊燒雞（半隻）、🦪薑蔥焗桶蠔 $268吊燒雞外皮香脆，肉質嫩滑，唔洗沾汁食都得，本身已經好入味。薑蔥焗桶蠔嘅蠔走油後令外層微微焦香脆身，蠔肉算肥美，薑蔥爆得好香口。🦐黃金焗海蝦 $128海蝦炸到蝦殼卜卜脆，蝦肉新鮮緊實，鹹蛋黃醬包實每隻海蝦，味道好惹味呀！🐟薑蔥煎焗龍躉球 $168龍躉球嫩滑肥美，吸收晒炒過嘅薑蔥嘅香氣，入口充滿鮮味。🐷卜卜脆燒腩仔 $73外皮卜卜脆，唔會硬身。 咬落去瘦肥相間嘅燒腩仔，油香四溢，配埋芥末醬食，味道更正。💦海鹽燒鮮鮑魚 $168/4隻鮑魚已經起咗肉，放喺鮑魚殼上面，賣相燒得啱啱好，唔會硬身，肉質新鮮爽彈，海鹽令鮑魚嘅鮮味更加突出。

~脆皮燒雞半隻$18 (原價$128) 🍗呢個真係超抵食😋，$18出面一隻雞髀都唔知買唔買到😂。雖然呢個價錢但係一啲都唔馬虎，個外皮燒到金黃色超靚仔😍，d雞油浸埋出嚟好正🤤。~ 酥炸桶蠔($168)🦪炸桶蠔外皮夠香脆😙，入面鮮嫩多汁，口感十足。保留咗鮮味得黎又唔會覺得好腥😝。~椒鹽大尾鮮魷($168)🦑呢個份量好足，配搭埋椒鹽更加惹味🤓。建議大家可以配搭其他嘢一齊食，如果唔係不停keep住食個嘴可能會損🙂‍↕️(個皮炸得太脆，好容易會刮到個嘴🤣)。~海鹽燒鮮鮑魚4隻($168)又係熱氣嘢，成家人飲食都好唔健康😂（不過一次半次)。呢個其實感覺同鮮魷有啲似🤔，不過就再有咬口d。~ 沙巴龍躉 $48 (原價$188) 🐟老豆嘅最愛，4個人食size岩岩好😗。魚嘅肉質幾鮮嫩🤓，簡單清蒸配搭豉油同蔥更加食到原有嘅鮮味😌。~上湯焗澳洲龍蝦伊麵($388)🦞呢個真係好耐冇食🙂‍↕️，龍蝦伊麵先係重點😌，吸收晒龍蝦嘅鮮味又夠掛汁😋。上面食咗咁多炸同埋乾身嘅嘢，食返呢個濕濕地就岩哂😎。~杞子桂花糕($28)🍮懷疑我細佬上一世係貴妃🤣，每次去親酒樓都要食桂花糕😌。不過做飯後甜品都唔錯嘅😙，淡淡嘅桂花香唔會太膩

盈館在熱鬧旺角的中菜館， 佈置雅緻， 環境舒適寬敞 , 廚師以精湛的廚藝， 用心製作傳統粵菜，做到色香味俱全。沙巴龍躉 $48 /晚市優惠 清蒸是我最喜歡的食魚食法， 魚肉保持原汁原味，鮮香嫩滑， 加上蒸魚豉油及香蔥絲提香， 令到魚肉鮮味提升, 拌飯一流。黃金蝦 $108 . 大蝦完全被金黃色的鹹蛋黃包裹著, 令人垂涎 , 咬下去 ,甘香鹹蛋黃完全滲入蝦肉中, 鮮甜爽彈 , 啖啖濃郁鹹香味道 , 邪惡吸引 。欖菜四季豆 $118 . 翠綠的四季豆， 入口軟嫩 , 加上淡淡欖菜的鹹香， 簡單而美味。花膠走地雞煲 $128 (原價 $198)打開煲蓋, 傳來濃厚雞湯香氣， 十分誘人 , 湯底顏色金黃 , 有矜貴花膠及半隻黃油雞 , 夠曬真材實料 , 先喝一口湯，濃稠鮮甜，帶黏糯的口感， 雞件好嫰滑， 花膠 Q 彈 , 充滿骨膠原 , 滋補又養生， 湯內的娃娃菜, 吸收了湯底精華 , 鮮甜軟淋。脆卜卜燒腩 $73外層卜卜脆，肥瘦比例均勻， 肉香十足， 肥而不膩 , 我愛吃的脆皮燒腩肉。溫馨提示 : 晚市特價優惠 : 沙巴龍躉 $48 (原