盈館

營業中

休息中

首先態度已經差，員工同員工上菜又急又閙交。 人哋一家大細嚟食團年飯真係唔想見到咁。 我一去到酒樓就問佢有乜嘢甜品，嗰位類似經理嘅人就同我講今晚冇甜品只有壽包。咁我就同佢講哦咁我唔使留個胃食甜品啦。 所以我哋10個人就叫咗10樣餸。 離譜嘅就係食物次序亂晒籠，首上一碟食炒豆苗，之後再上一碟伊麵。 佢最經典嘅冰鎮咕嚕肉，真係地獄廚房，冰大大盤肉就10粒。 真係唔欣賞，擺明啲肉就係凍。 之後再上一個發財蠔豉大利，竟然冇咗發菜，之後再補返一少少少髮菜俾你，好似當你乞兒咁。 我哋話發財好事點會冇髮菜，跟住個夥計就同另一個夥計講個客人投訴吖！ 我哋唔係投訴，只係講俾你知冇咗的嘢。 成餐飯比較好少少，係個北京填鴨同埋條魚。 北京填鴨地選擇食， 最後一食唔知點解上極都上唔到😠 之後我哋叫咗一份大蝦到最拉尾都係冇嚟到，話售罄。我哋火都嚟埋6:30坐低已經叫咗餸到九點，你同我講售罄。 我哋一早唔係落咗單嘅咩！！ 之後仲要對唔住都冇聲。 最後谷鬼氣埋單走人。