盈館

營業中

休息中

我隔離條友仔神神化化 成日行行下街見到餐廳🍴就捉我入去 次次都有驚喜比我 心血小啲都比佢激死🐿！今次佢經過創興個水牌 無啦啦話想食中菜就上左去💁🏻‍♂️上到去原來係傳統既酒樓 仲有大魚缸🐟佢真係不按理出牌 完全無諗過今晚係食中菜！不過都好 細細個好鐘意去酒樓睇魚魚 當自己去咗水族館🐬🐤片皮鴨一食$188嘩！係原隻鴨 店員會推架車仔係你面前即片 新鮮熱辣 出晒煙🔥配青瓜、京葱、餅皮、乳豬醬~鴨份量夠曬 2條友仔食 🤤🐥脆皮燒雞$148真係頂佢唔順🥹明明叫咗片皮鴨 佢係都話要叫多半隻燒雞！全部都係肉～～～不過都真係好好食！好似炸子雞 皮脆肉嫩 個皮真係好薄(˶‾᷄ ⁻̫ ‾᷅˵)🐿🍃本身對傳統酒樓 無咩期待！但食落 質素又真係唔錯！有唔少一家大細 book枱食飯 咁都證明其實間餐廳都有一定嘅長期客仔 夠曬在地 只不過係我哋誤打誤撞 中左入去😹但係都好食ʕ •ᴥ•ʔ

放假就同屋企人行下街飲下茶，估唔到搵到一個新飲茶既地方！下午茶孖寶都幾抵食！呢度既點心都係即叫即蒸！蝦餃大大粒，雖然係叫孖寶，但數量依然一樣，而且賣相晶瑩剔透，蝦餃皮唔會厚，裏面大大粒蝦肉 ！燒賣都一樣有睇頭！另外仲叫左個陳皮蒸牛肉同埋冬菇滑雞飯！所有點心都係熱辣辣架！仲有大人細路見到都鍾意既動物造型包包另外見到北海道元貝做緊推廣，$48/隻！於是就叫兩隻你試吓，一上枱真係嘩一聲，超大粒，而且勁鮮甜，蒸得岩岩好唔會overcooked ！以後想係旺角飲茶又多一個好地方啦

如果你想嚐一嚐正宗的廣東點心，盈館是個值得一試的好去處。盈館的中午點心非常豐富，有各式各樣的點心選擇，從蝦餃燒賣等，也有些特色點心，應有盡有！其中，蝦餃是一道必點的經典點心，外皮薄內餡蝦肉鮮嫩彈牙。流心飽非常出色，入口即流出美味內餡，牛肉球鮮嫩彈牙，叉燒腸，亦都皮簿餡靚，這家的點心絕對有驚喜！除了點心，盈館的服務也是非常周到和友好的。服務員會介紹點心的特色和口感，並為客人提供及時的服務。餐廳內部裝潢雅緻，氣氛舒適，非常適合和家人或朋友一起享受美食。總的來說，盈館的中午點心是一個非常值得一試的餐飲選擇，提供多種美味的點心和優質的服務，是一個用餐和聚會的好去處。

朋友太耐無見，又想吃中菜，於時網上找找，見不用等位，見食評好似幾好，但原來食過後，與食評不一樣，整體價錢貴，菜色一般，可一不可再😐🙄🙄🙄安格斯牛肉炒菜（忘記了價錢都不平）普通牛肉一點也不像安格斯，肉質一般，菜無味西蘭花帶子蚌 $168帶子ok，珊瑚蚌無味又有雪藏味(最差)，西蘭花無味，不值這個價錢，得個樣好睇，整體差冰鎮咕嚕肉 $128超多冰，咕嚕肉ok鮑魚雞煲$168味道ok，但份量比預期少整晚得兩個餸最好吃，因為有兩個無味又不值嘅餸，已不敢再叫其他餸

創興廣場樓上好多唔同特色嘅嘢食，今次去咗10樓呢間小菜館，晚市有好多選擇，有啲海鮮套餐，亦都有各款小菜，服務員態度友善👍🏼👍🏼片皮鴨扁皮鴨好抵食，只係$188 ，服務員喺你隔離將啲肉片出嚟，上碟時熱辣辣，包新鮮，片皮鴨肥瘦均勻，而且冇鴨蘇味，外皮脆好食，個餅皮好煙韌，推介冰鎮咕嚕肉咕嚕肉鋪咗喺堆冰山上面😝😝上菜時好震撼，咕嚕肉外皮好趣，咬開好Juicy，唔會好油膩，個酸甜汁調得好，有時酒樓會整到個汁太甜，但呢間甜度啱啱好，唔錯😍😍蕃茄浸菜心好足料，用咗大量蕃茄，蕃茄好鮮甜，菜心都好爽甜，比起炒菜心冇咁油膩，健康之選

見之前食評唔錯，就諗住去打卡帶同父母一齊試試，點知⋯失望，係唔會去第二次。環境：裝修很舊，侍應懶懶閒，叫好耐先有人應。點了食物：鳳爪排骨飯，牛肉腸粉，蘿蔔絲酥食評：鳳爪排骨飯，啲飯好散似隔夜飯，排骨肥肉多個瘦！腸粉皮很‘鞋口’，唯一係蘿蔔絲酥正常一點，加上設計比較有特色少少！整體環境點心服務都是一般，應該唔會去第二次了

去飲茶一定要食奶黃流沙包！呢間茶樓最出名就係呢個包！即叫即蒸 保證一定熱辣辣❤️一咬即刻爆漿的～另外不錯的係叉燒！好食好冧～好耐食過瀨粉了！黑金流沙包 $36.8叉燒湯瀨粉 $58美味蒸鳳爪 $33.8鮮蝦菜苗餃 $36.8薑蔥牛柏葉 $40.8手刴牛肉陳皮腸 $36.8香菇滑雞煲仔飯 $40.8盈館 (旺角)旺角彌敦道593-601號創興廣場7樓

有個移咗民嘅朋友，趁新年返香港同屋企人見面，仲約咗我哋一大班人飲茶。新年流流驚冇位，即刻睇吓OpenRice有邊間酒樓可以book枱，跟住就搵咗呢間喺旺角中心點嘅盈館。.見到咁多個好評心諗掂啦，的確點心係唔錯嘅，仲食到好耐冇食過嘅薄撐，同埋好特別嘅黑金流沙包。叫咗個燒鴨瀨，但係最後嚟咗燒鴨米粉，不過都唔緊要，因為見到佢嗰碗係Peppa Pig非常可愛🐷🤣.不過因為當日係年初三，實在太多人啦，啲點心等咗超級耐，加單等咗差唔多一個鐘，中途想搵侍應check check，但係都太忙一直搵唔到人。到搵到人就話原來漏咗單，之後再等咗一陣都未到就諗住取消走人，但係一話取消啲嘢食就陸續上台，有啲奇妙😏.結論係要搵日冇咁多人再上去試多次先可以作準～

假日得閒就飲茶今次去旺角酒樓試下帶屋企人嘆翻杯茶食下點心悠閒過假日🔸香煎瑤柱蘿蔔糕 一碟足足有3大舊，切得厚厚的。蘿蔔糕好足料，仲食到蘿蔔條在內，蝦米、瑤柱有齊，唔會太腍，口感剛好！🔸蘿蔔絲鹹水角外層炸得酥脆，內層有蘿蔔絲好香甜。🔸鳳爪排骨煲仔飯唔會太大盅，份量剛好兩個人share，咁就可以食到更多其他點心！去茶樓必點鳳爪排骨飯。🔸蟲草花濃湯鮮竹卷有埋蟲草花即刻Level up！鮮竹卷內有豬肉、冬菇、竹筍、生菜，餡料都非常入味，口感爽脆彈牙。🔸明爐蜜汁叉燒腸叉燒肉粒被腸粉透薄外皮包裹，搭配豉油食用，醬汁香氣襯托出叉燒嘅鹹甜肉汁及腸粉的特殊米製口感。🔸原籠欖仁馬拉糕平時酒樓食到嘅馬拉糕係無加入欖仁，呢到嘅馬拉糕好特別！加左欖仁在內，香味隨即大增。🔸晶瑩鮮蝦餃一籠有3粒，外皮薄而晶瑩通透，透視出內裡大大隻嘅蝦肉，蝦肉彈牙新鮮。

放假同朋友嚟旺角食晏，友人想食點心，提議去創興廣場7樓嗰間新派粵菜酒家「盈館」。第一次嚟呢間酒樓，原來入面嘅裝修都幾有格調，以湖水綠為主調，佈置清雅，燈光明亮，加上位同位之間有一定嘅距離，所以都坐得好舒服。嚟到剛好係下午茶時間，我哋揀咗 5 個點心同一碟炒飯。率先送上嘅荔香千絲酥 ($29.8)  賣相唔錯，熱辣辣，外層炸至金黃色，入口鬆脆酥化，內裡塞滿了軟滑嘅芋蓉，味道芳香，甜而不膩，水準不俗。櫻花蝦煎薄罉 ($25.8)  塊薄罉煎得好香口，放上檯時已經聞到蔥花嘅香氣，入口外脆內軟、煙煙韌韌，令人吃不停口。一口鮑魚燒賣 ($35.8)  鮑魚入味又不失大體，燒賣餡料飽滿，豬肉新鮮爽彈，咬口結實，配上鮮味嘅一口鮑，真材實料，絕對係必食之選！明爐蜜汁叉燒包 ($25.8)  叉燒包白雪雪，體積唔細，包身食落好鬆軟，內裡包住滿滿嘅叉燒餡，入口鹹鹹甜甜，蜜汁味好香，兩者口感完美結合。鮮蝦菜苗餃 ($29.8)  菜苗餃即點即蒸，餃皮晶瑩剔透，煙韌綿滑。餡料嘅蝦肉好爽口，鮮甜彈牙，同菜苗好夾，而且比例亦啱啱好，令味道生色不少！ 菠蘿雞粒炒飯 ($98)  炒飯大大碟，用料十足，有菠蘿、雞肉、

與家人去交通方便的旺角飲茶，午市坐滿食客，價錢親民又大碟。我們點左即叫即蒸：點心大拼盤$98，馬拉糕+自選4款點心：馬拉糕：黑糖味香濃不太甜，鬆軟可口。😍😍蝦餃：勁大隻有三隻彈牙蝦肉， 皮薄餡正又美味。👍👍👍叉燒包：鬆軟可口，醬汁豐富。菜肉包：豬肉味香。菜苗餃：菜苗嫩綠，餡料足，熱辣辣好味😋😋叉燒腸：剔透很滑，叉燒頗多。💕💕蒜香蝦春卷：香脆可口，蝦🦐爽口。手剁陳皮牛肉球：牛肉很滑，美味可口。

老友吹雞飲茶🫖，揀油尖旺區方便大家散水，一早訂咗枱唔使等位，我哋被編排去貴賓廳，目測有七至八張枱，望下點心紙有乜推介，叫咗12個點心，4個人應該夠食🥢海蜇燻蹄🔹️完全唔掂，切得厚咬落硬身，燒臘店贏九條街👎🏻鮑汁燜鳳爪🔹️味道唔錯，夠淋👍🏻鮮蝦明蝦角🔹️香口鬆脆😋香芋雞絲春卷🔹️一般脆皮炸蝦餃🔹️原來炸係唔好食，諗住得三粒唔夠分，好在冇叫多份😌鮑魚燒賣🔹️一上枱，鮑魚呢？ 跌哂落側邊，乸西成咁😓，唯有自己擺返上去先影，好食談不上，咪一嚿豬肉燒賣囉🤷🏻‍♀️蠔皇金錢肚🔹️夠惹味，唔韌 🫰🏻蘿蔔絲鹹水角🔹️點心紙圖片與實物不符，外層微暖，內裏冇乜餡料🙄黑金流沙包🔹️唔好期望有澎湃餡料流出，因餡料少做唔出呢個效果  🧏🏻‍♀️灌湯餃🔹️湯底唔錯，餡料算豐富❤️脆網金勾銀羅腸🔹️埋單前先出現，腸粉都唔熱了，咁又點會好食🙅🏻‍♀️🔴整體食物好一般，相比大型連鎖式酒樓失色，其次員工服務態度也是一絕，點心阿姐入嚟係嗌枱號，隔離枱婆婆們冇即時回應，遭責怪唔出聲，🙆🏻‍♀️問題係員工都唔知枱號？？另一位送點心員工也是奇葩，有食客問可否代為加水，佢只答一句搵樓面，行開幾步，講咗句➡️呢D都要做埋，我咪好唔得閒，大家聽到o哂咀😯，我哋食完點心

行過創興附近想搵嘢食，但大部份都係放題太Heavy～咁啱見到有間酒樓就想去飲吓茶～上到茶樓裝修平實就似一般街坊茶樓格局,整齊而乾淨.估唔到餐單種類好元化,午市更加有多種優惠套餐都幾吸引🤩例如有一個套餐$388已包括👇🏻👇🏻點心x4/時菜/燒味/炒粉麵飯～好豐富～翡翠鮮蝦明蝦角唔係度度地方有😋見到必叫～完全冇失望✨見到皮邊嘅層次就知道,必脆!!!果然外皮薄身香脆,蝦肉非常彈牙!好滿足～乳鴿優惠價$38.8🤩皮脆肉嫩,香口唔會太鹹味道剛好,抵食～潮州蒸粉果外皮煙韌,充滿豬肉香蔥蝦米粉葛非常飽滿,加埋辣椒油一流！叉燒腸食落嫩滑,叉燒肥瘦剛好脆炸大良鮮奶外脆內滑,外皮鬆脆包住少少甜嘅鮮奶餡,熱辣辣!調味剛好,都唔需要額外沙律醬蘿蔔絲鹹水角外皮厚身有口感,同樣脆口內裏餡料豐富,充滿肉碎豉汁鳳爪份量好多好入味😙下層仲有烏冬墊底,撈汁好夾所有蒸點似乎係即叫即蒸👍🏻✨因為外面大部份茶樓會將點心先蒸熟後供應,到枱時就會皺皮同縮水~但盈館所有蒸點心都帶有光澤而且大大粒！而炸物同樣即炸,完全唔油膩!放耐咗仍然脆身🤩現時新式酒樓飲茶,好多都IGable,份量少價錢貴～外型討好,但味道一般~如果喺旺角區飲茶都會

旺角的創興廣場都好多嘢食，今晚選擇了食中式菜，就是7樓的新派粵菜盈館。餐廳裝修配襯著原野綠，感覺好清新。Menu圖文並茂，都比較多款式，有特式小菜,冰鎮咕嚕肉、香芒脆蝦球、哈哈生炒骨……等。哈哈生炒骨$118 哈哈生炒骨，面有青紅椒及菠蘿，青紅椒都炒得好爽脆。菠蘿酸酸甜甜，省卻炸過的生炒骨的油膩感，是生炒骨很好的配菜。生炒骨粉皮適中， 不太厚，外層沾著的滿滿的醬汁，味道酸酸甜甜，入口外脆內爽口，很惹味！秋葵開揚炒帶子$138帶子的份量都算多，頗大粒的，口感煙韌帶軟腍，食落啖啖肉。秋葵斜切開，煮得比較腍，配菜也有青紅椒及蔥段，令整個菜多了爽口及香氣。

💡新潮點心之選好耐都無食過點心，朋友就介紹呢間新潮點心鋪，主打多款創新點心，食物好有特別，店內燈光明亮，乾淨整潔，而且味道都唔錯。🍽黑金流沙包 即叫即蒸，熱辣辣而且香噴噴，黑芝麻做個皮，咬落去有流心既效果，好香口。🍽叉燒腸叉燒肥瘦岩岩好，而且多餡，食落仲好嫩滑。🍽乳鴿 乳鴿 未必間間飲茶都有，大小適中，乳鴿香氣四溢，皮脆肉質夠嫩，味道岩岩好。🍽蒜香蝦春卷上台仲熱辣辣，炸得好香口，蝦亦好彈牙。🍽金蒜陳醋拍青瓜青瓜新解得黎好脆口，酸酸地好開胃。🍽菠蘿雞粒炒飯份量有好多，飯粒粒分明，加埋雞粒味道更有層次。ps/佢地主打多款創新點心，選擇都好多！而且環境闊落，坐得都幾舒服👍🏻👍🏻