盈館

營業中

休息中

好耐無食點心！盈館 (旺角)旺角彌敦道593-601號創興廣場7樓放咗四日聖誕假，同朋友不停聚會，不停都係食西餐、壽司、Pizza、火鍋等等，好耐冇食過中式點心🥧，於是今日就同媽媽去到旺角創興廣場一間茶樓飲下茶啦！我哋搭lift上去嗰陣，本身都係諗住上去睇吓個餐牌，睇吓啲裝修點樣先再決定，因為未食過呀嘛！一打開lift門，見到茶樓入邊差唔多滿座，食客有唔少似係喺附近工作的白領，亦有唔少長者同朋友喺度享受一盅兩件！就係咁比到信心我哋入去試一試！我同媽媽兩個人都叫咗唔少嘢啊，潮州蒸粉果- 好味入邊好多粉果調味啱啱好鮮蝦燒賣 - 叫咗下午茶特價款，所以得兩粒，我哋兩個人就夠食啦呢個好好味真心推介！燒賣面有木魚，好少見亦都係唔錯的配搭！鮑汁鳳爪 - 嘩份量唔少啊！好啱鍾意食鳳爪嘅我，鳳爪亦都肥肥地嘅，可以啖啖肉，唔係淨係食骨！蝦餃- 呢個蝦餃冇得彈啦！我阿媽都話好正！每粒蝦餃都材料豐富，我估計入邊有至少三隻蝦或以上！炸鮮奶- 炸鮮奶一客有四條，好好味😋兩個人食四條啱啱好，因為真係會食到唔停口！手剁陳皮牛肉球- 新鮮熱辣！ 大大粒！雪菜火鴨絲炆鮮竹米- 炆米材料豐富又唔少鴨肉!

旺角呢間傳統酒樓，夠晒平民。今日假期相當多人。假日選三款點心$98櫻花蝦煎薄餅、菜苗餃、蒸鯪魚球櫻花蝦煎薄餅，大大塊得少少香脆，有蔥花。菜苗餃足料多餡，入邊多菜苗、蒜蓉、馬蹄、蝦。蒸鯪魚球有三粒，有胡椒粉、鯪魚肉唔會腥～～～一口鮑魚燒賣一份有兩粒，鮑魚夠腍身，增添燒賣味道～～～四寶雞扎大大件，入面有豬皮、蟹柳、雞等。灌湯餃大大件湯包，豐富口感。金錢肚夠入味，仲有芋頭～～～食到飽飽，嘆下茶夠貼地～～

今日嚟到旺角創興「盈館」同媽咪飲下午茶食點心盈館裝修風格走新派酒樓路線，以湖水綠為基調，位與位之間有一定距離茗茶每位$1️⃣0️⃣，設有特惠下午茶點心紙用古色古香的器皿盛載熱水揀咗香片，茶味醇香解膩==========🔹鮮蝦燒賣 (2隻) $18.8燒賣頂灑上木魚冬菇香滑，鮮蝦爽彈，口感不錯推介指數：7.5/10🔹蜜汁叉燒腸 $26.8叉燒肥瘦適中帶微微蜜汁香，加入芫茜令味道層次提升腸粉夠滑濕度高推介指數：7/10🔹蠔皇金錢肚 $22.84️⃣件金錢肚腍滑帶不錯的蠔皇味道墊底芋頭夠粉及香推介指數：7/10🔹黑椒牛仔骨 特點 $33.8 (星期六下午茶價)牛仔骨有適量黑椒味道，肉質有嚼勁推介指數：7/10🔹香燒乳鴿 $48外皮炸得香脆，乳鴿夠瘦推介指數：7/10🔹胡麻鮮淮山 $52淮山爽身，加入麻醬夠開胃推介指數：7.5/10🔹高湯灼菜心 $48菜心爽脆帶菜味，豉油經調較味道不過鹹推介指數：7/10==========「盈館」處於旺角中心地帶，交通方便，出開嚟想飲茶呢度都係一個選擇😊

今日同老公嚟旺角嘆一盅兩件，一到下午茶時間好旺場，地方好大，裏面仲有好多包廂，我就揀咗坐偏廳角落位，可以靜靜哋飲茶～午市震撼底價孖寶：紅燒皇子鴿1隻+ 潮州味菜火鴨絲 $48呢個好抵食，原隻燒乳鴿再加一個小炒都唔使$50👍🏻 乳鴿外皮燒到好香脆，肉質結實帶有香濃的乳鴿肉味，成個口腔都會充斥油香又唔會太肥～😍潮州味菜火鴨絲都火候十足，火鴨絲配上三色椒絲同洋蔥炒得好香，送飯一流～😋🍵抹茶流沙麻球炸到熱辣辣脹卜卜，外面加咗香脆嘅芝麻，口感酥脆，抹茶麻糬球口感煙韌，咬開入面爆出蛋黃流沙餡，香甜可口～超推薦甜品🤩鮮蝦菜苗餃大大件，皮薄剔透，裏面有鮮蝦同菜苗餡料，餡料飽滿～豉汁蒸鳳爪 醬汁好惹味，鳳爪爽口有嚼勁～💛椰汁黃金糕 超大件，質感好有彈性，金黃色好靚，有少少椰汁香味，甜度適中～蜜汁叉燒腸粉腸粉好滑，粉漿厚度適中，裏面包着嘅叉燒都幾多，配上甜豉油非常夾～潮州粉果外皮煙韌，裏面包着花生，蘿蔔等等餡料，正宗潮州粉果風味～鳳爪排骨煲仔飯鳳爪惹味，排骨肥瘦適中，醃得好入味，飯底軟硬適中粒粒分明～整體點心質素高質，上碟熱辣辣，出餐速度快；環境乾淨衛生，企理整潔；職員態度有禮，仲會主動推介菜式同問客人需

印尼姨嚟香港探親，一家人諗住帶佢去食中菜，揀左呢間貪佢方便 shopping完去食飯。我哋早食唔使等位，6人唔大食就揀咗個家常便飯（4人套餐）有脆皮燒雞半隻，養生燉湯，冰鎮咕嚕肉，清蒸沙巴仔，上湯焗龍蝦伊麵，翠蔬和甜品。呢個套餐好豐富，有湯有魚有肉有菜有海鮮，$988抵食。養生燉湯係淮山雞腳豬𦟌配圓肉，健脾養血滋陰，夠火喉好飲而且大大煲，每人可以飲2碗。冰鎭咕嚕肉係佢特別菜式，全晚亮點外脆內軟 ， 味道甜甜地唔酸，好開胃，有喜出望外，大家都好鐘意食。海鮮都唔錯👍🏼沙巴龍躉仔幾滑身；另外龍蝦算多肉和新鮮，伊麵吸盡龍蝦汁，個汁唔會鹹清清地幾好。甜品係椰汁榚，椰汁味唔算濃郁，但都爽合軟滑。諗住4人套餐唔夠食要加餸，點知大家都夠飽，抵👍🏼性價比高。

好耐冇去飲茶啦😋😋前排放假就同屋企人黎到「盈館」飲茶～～佢地主打多款創新點心，選擇都好多！而且環境闊落，坐得都幾舒服👍🏻👍🏻📍晶瑩鮮蝦餃望落晶凝通透，皮薄餡靚！！外皮煙韌，裡面包住大大粒蝦仁🦐！味道鮮甜🤤🤤📍一口鮑魚燒賣(2件)呢款係佢地既招牌點心，要試試～～面層既鮑魚好爽彈，燒賣啖啖肉，十分足料❤️❤️📍小心流沙豬嘜包賣相可愛！拎上手時熱辣辣🔥🔥口感鬆軟，咬落有金黃流沙內餡，好香甜！！📍蘿蔔絲鹹水角造型成個蘿蔔咁🥕，打卡一流！！外層好酥脆，裡面包住豬肉碎、蝦米、蘿蔔絲等餡料，口感豐富🤤🤤📍明爐蜜汁叉燒腸腸粉滑捋捋，裡面既叉燒夠香口～～再蘸埋秘製醬油，越食越開胃👍🏻👍🏻📍豐料瑤柱珍珠雞一籠有兩個珍珠雞，份量啱啱好～～糯米口感軟熟，裡面包住瑤柱、豬肉、鹹蛋黃、冬菇等，鹹香十足！食完幾飽肚😋😋

星期六Honey想飲茶食點心，又再帶左佢黎呢間盈館撐台腳，之前已經黎過一次，今次第二次到訪，鐘意呢度坐得幾舒服，比平時酒樓冇咁嘈吵。鋪面屬於傳統茶樓乾淨企理， 店員及點心姐姐都好有禮貌。 傳統點心紙落單，款式選擇數量可以，大部份喺見慣見熟嘅款式，兩個人點左六個點心： 鮑汁炆鳳爪 黑金流沙包抹茶流沙麻球晶瑩鮮蝦餃手剁陳皮牛肉球一口鮑魚燒賣 點心上枱速度都好快，唔駛等好耐，樣樣點心味道仍然幾唔錯，最緊要係上枱嘅時候仲見到一籠籠點心出哂煙仲好熱，特別推介以下 ：牛肉球～平時其他茶樓一般食到嘅比較林身鬆軟，可能手剁牛肉關係，呢度嘅牛肉球相對明顯有咬口有牛肉味！ 蝦餃～皮夠薄，塞滿新鮮蝦肉爽脆弹牙，有水準！ 燒買～升級版製作，頂頭放有入味鮑魚，賣相已經好吸引，豬肉夠味新鮮，真材實料！最後茶位服務加一合共$303

味道好一般！服務好一般，收費不算一般！$138一碟「冰鎮咕嚕肉」，得11粒！$168一隻片皮鴨叫做最抵，加$70多一食炆涼瓜，但咸到爆！$398孖寶，碟龍蝦伊麵一碟漿！無鑊氣，無鮮味，淋bad bad....最好味的要算係個雜菜煲 😵‍💫😵‍💫無下次！☹️☹️

陪家人買小米產品，買完行去創興廣場盈館吃午餐，餐廳裝潢懷舊風格，大大個魚缸和酒櫃。我們點左蝦餃皇$41.8（精點）蝦餃皇頗大隻，蝦肉爽口，皮晶瑩剔透，真不錯👍陳皮牛肉球$30.8（中點）有大大粒馬蹄，夠爽口，陳皮味重牛肉味香，可惜喼汁味淡。四寶雞札$33.8（大點），魚肚夠腍又入味，雞肉嫩滑，味道不錯。點心拼盤$98：有蝦餃皇2隻、菜苗餃2隻、蒸粉果2隻、义燒飽2個，勁薑雞包仔2個，馬拉糕1大個，真超值抵食。😍勁薑雞包仔，薑味香，雞肉滑，很好吃。😊馬拉糕：鬆軟可口，不太甜。潮州粉果：算大隻，餡料都香。菜苗餃：菜很新鮮又翠綠，可惜有點苦味。义燒腸粉$33.8，皮薄晶瑩通透，頗多的瘦义燒夠健康至岩我，加左芫茜就更美味。

盈館的早茶特價時段由8:00-11:30,我們10:30到達，不用等位。室內光源不足，暗暗沉沉的。早茶有2個優惠孖寶餐，A餐$34.8, B餐$40.8。我們叫了B餐的陳皮牛肉腸及鮮蝦菜苗餃，還有香脆炸鮮奶$18.8,黑金流沙包$23.8,香噴噴臘味飯$18.8及金粟南瓜粥$19.8。所有點心都好夠熱，腸粉皮好滑，炸鮮奶外脆內軟，南瓜粥用料十足，粥底好杰，南瓜味濃，大大碗，好抵食。臘味飯有臘腸同埋膶腸，雖然飯及腸都好香，但用個非常細小的煲仔盛載，份量很少。

今日放早決定約爸爸媽媽去飲茶，見到OpenRice旺角咁多哈哈笑，我一直都好想試，就衝上去。我地叫左好多野食，重點推介如下：肉絲炒麵熱辣辣，啲麵又夠脆，好過火喉，好好味。蝦餃大大粒，好足料，味道一流。脆炸大良鮮奶唔太甜又唔油，餡料又軟又滑，甜甜一流。雞札好足料，大大隻，雞好滑。炸豆腐香脆唔多油鮑汁鳳爪味道夠，炆得夠淋黃金糕煙煙韌韌，唔會太甜，好重椰汁味，好香灌湯餃睇相都見到大大隻，好足料薄罉香脆唔油呢到位置方便，食物質素唔錯又唔貴，服務又好，一定有下次

週末放假去咗旺角創興廣場「盈館」，飲啖茶食個包✨店內燈光明亮，乾淨整潔，中午時段都有唔少客人，頗受歡迎餐廳點心選擇好多元化，除了傳統點心、腸粉、粥品、蒸飯等等，仲有特色推薦點心甫魚乾蒸燒賣燒賣大大粒，一客有四件。以鮮蝦、豬肉、冬菇、甫魚乾等等材料而製成，鮮嫩多汁，啖啖肉蠔皇金錢肚金錢肚口感軟腍，調味適中，好吸汁呢豐料瑤柱珍珠雞一客有兩件珍珠雞，糯米軟綿綿，包住瑤柱、豬肉、冬菇、鹹蛋黃等等，用料充足，味道同口感都好豐富呀潮州蒸粉果外皮煙韌，包住花生、粉葛、蝦米、香蔥、豬肉等等，口感層次分明，味道清爽，沾上辣椒醬或辣椒油後食用更加滋味鮮蝦菜苗餃餃皮晶瑩剔透，口感軟糯。菜苗新鮮翠綠，鮮蝦口感彈牙，幾好食鳳爪排骨煲仔飯一人份量剛剛好的。排骨幾入味，啖啖肉；鳳爪味道濃郁，佐飯一流脆炸大良鮮奶傳統脆炸大良鮮奶，金黃酥脆，鮮奶微甜不膩，大滿足哦

創興廣場食店林立應該無人不知，以往大多來吃火鍋，在一次偶然的機會下發現這家中菜餐館，便相約朋友下班後一起嚐嚐。1️⃣美國芝士汁慢煎大虎蝦 $168濃郁的芝士汁包裹着每一隻大虎蝦，虎蝦的殼煎得很脆，很容易掰開，夠牙力的人甚至可連蝦殼也吃掉，每隻虎蝦都非常新鮮彈牙。另外用來作配菜的炸薯角也炸得十分香脆，蘸上芝士汁來食，美味可口。2️⃣黑松露醬爆牛坑腩 $168牛坑腩烹調得剛剛好，不會過軟，反而有點咬勁。由於牛坑腩本身的牛味非常濃，所以黑松露醬能做到畫龍點睛的效果，不會喧賓奪主。舖在下面的波菜也為整道菜增添一份健康的味道，不會只是一味吃肉。

難得放假，約左朋友去盈館嘆返一盅兩件。餐廳係創興廣場，位置好方便，環境唔錯幾舒適，裝修新淨。我地分別叫左幾款點心加個泡飯。小心流沙豬嘜包 ：賣相可愛之餘，食落味道仲唔錯。鮮蝦菜苗餃 ：晶瑩通透的餃皮，透出翡翠的顏色，唔會蒸得太林。椒鹽豆腐 ：外皮香脆惹味，內裡的豆腐嫩滑可口。蝦面燒賣皇 ：入口蝦肉彈牙爽口，好有口感。脆炸大良鮮奶 ：皮脆內軟，而且鬆化的脆漿同牛奶的酥香好相配，特別推介。鮮茄牛肉泡飯 ：份量十足，帶點酸甜好開胃。

禮拜日同屋企人去位於創興廣場的盈館飲茶，酒樓座位都幾寬落。點心款式都幾多，鮮竹卷 - 腐皮彈滑皮充滿豆香, 餡料都好足。小心流沙豬嘜包 - 外型可愛，食落都有水準。 將包掐開，爆漿既流沙湧住出黎。鮮蝦菜苗餃 -餃子皮厚薄恰到好處，彈牙唔太厚，餡料包入鮮蝦及菜苗，蒸熟後晶瑩剔透蝦面燒賣皇 - 皮薄餡靚，肉質彈牙白灼田園蔬 - 份量都幾多，d菜唔會灼得太老。椒鹽豆腐 - 外脆內軟脆炸大良鮮奶 - 皮薄而脆，入面的鮮奶軟硬適中，整體充滿奶香唔會過甜鮮茄牛肉泡飯 - 茄味幾濃，牛肉唔會鞋口。