影片
更多
2023-03-15
219 瀏覽
有個移咗民嘅朋友，趁新年返香港同屋企人見面，仲約咗我哋一大班人飲茶。新年流流驚冇位，即刻睇吓OpenRice有邊間酒樓可以book枱，跟住就搵咗呢間喺旺角中心點嘅盈館。.見到咁多個好評心諗掂啦，的確點心係唔錯嘅，仲食到好耐冇食過嘅薄撐，同埋好特別嘅黑金流沙包。叫咗個燒鴨瀨，但係最後嚟咗燒鴨米粉，不過都唔緊要，因為見到佢嗰碗係Peppa Pig非常可愛🐷🤣.不過因為當日係年初三，實在太多人啦，啲點心等咗超級耐，加單等咗差唔多一個鐘，中途想搵侍應check check，但係都太忙一直搵唔到人。到搵到人就話原來漏咗單，之後再等咗一陣都未到就諗住取消走人，但係一話取消啲嘢食就陸續上台，有啲奇妙😏.結論係要搵日冇咁多人再上去試多次先可以作準～
.
見到咁多個好評心諗掂啦，的確點心係唔錯嘅，仲食到好耐冇食過嘅薄撐，同埋好特別嘅黑金流沙包
。叫咗個燒鴨瀨，但係最後嚟咗燒鴨米粉，不過都唔緊要，因為見到佢嗰碗係Peppa Pig非常可愛🐷🤣
.
不過因為當日係年初三，實在太多人啦，啲點心等咗超級耐，加單等咗差唔多一個鐘，中途想搵侍應check check，但係都太忙一直搵唔到人。到搵到人就話原來漏咗單，之後再等咗一陣都未到就諗住取消走人，但係一話取消啲嘢食就陸續上台，有啲奇妙😏
.
結論係要搵日冇咁多人再上去試多次先可以作準～
張貼
